Поранешниот францускиот репрезентативец Франк Рибери верува во своите и во квалитетите на соиграчите на Баерн, а целта да се освои европската круна по пауза од шест години е остварлива само под еден услов, вели одличното крило.
„Лани не сардисаа повреди и тоа беше клучниот фактор да не успееме да стасаме до врвот на Европа. Посакувам само да нема повреди, во другото сум убеден. Знам дека имаме квалитет за титулата во ЛШ“, изјави Рибери.
Рибери и Робен, или популарното дуо „Робери, се како старо вино и сè уште се неприкосновени на двете крилни позиции во Баерн. Рибери има 35 години, една повеќе од Робен, а искуството на дуото е непроценливо во вакво натпреварување.
Баерн и пред почетокот на премиерниот меч во ЛШ, вечерва во Лисабон против Бенфика има сериозни кадровски проблеми, па оттаму јасно е зошто Рибери посакува што помалку повреди. Надвор од редовите се Коман, Рафиња, Хумелс и Толисо, а неизвесен е и настапот на Горецка. Мечот ќе се игра од 21 часот.
