Бохум игра за свој мерак во финишот на германското првенство и чесно ја победи Арминија со 2:1, што може да биде пресудно за тимот од Билефелд да се врати во популарната Цвајта.
Џорџ Бело е трагичарот на Арминија, откако си ја погоди својата мрежа во 89. минута и тој автогол може да биде пресуден за испаѓање.
Арминија остана на претпоследното место со 27 бода, само пред веќе испаднатиот Гројтер фурт и има само уште еден меч за играње, против Лајпциг на домашен терен.
Шанса им е да ги победат Биковите и да се надеваат на два порази на Штутгарт со Баерн на гости и со Келн на домашен терен. Штутгарт има 29 бода и веројатно ќе игра бараж со третопласираната екипа од Втората лига.
