Селекторот на македонската кошаркарска репрезентација, Драган Бајиќ, даде интересна изјава пред вечерашниот меч на неговиот клуб Игокеа против белградски Партизан во АБА лигата.
На Бајиќ му е толку голема чест што за првпат ќе се надмудрува со големиот Жељко Обрадовиќ, што вели дека после мечот, со мирна душа би можел и да ја заврши тренерската кариера.
„Овој натпревар е посебен за мене, имам емоции. Сум имал привилегија да водам екипи против тренерски величини како Маљковиќ, Вујошевиќ, Пешиќ, па и против Скариоло пред една недела, но денот кога ќе водам тим против Обрадовиќ, е шлаг на тортата која е во прашање мојата тренерска кариера. Кога би престанал од утре да се занимавам со оваа работа, не би жалел“ – изјави Бајиќ.
Најтрофејниот европски тренер го пофали Бајиќ дека работи извонредно, и дека има концепт кој функционира во Игокеа.