Без наслов - Страница 10048

Баерн стигна до 13-та, ќе биде ли баксузна за Баварците?

Зоран Поповски

-

02.10.2018

Германскиот гигант Баерн Минхен стигна до тринаесетката, а денеска Ајакс треба да им ја направи баксузна на Баварците во мечот што ќе се игра на „Алијанц арената“ од 21 часот.

Баерн има импресивна серија од 12 победи на домашен терен во мечевите од групната фаза во Лигата на шампионите и е неприкосновен на свој терен во луксузното клупско натпреварување.

И денеска Баварците се големи фаворити, но Ајакс со победата од 3-0 против АЕК во првото коло, покажа дека е калибар за Лигата на шампионите.

Проблем за гостите од Амстердам во обидот да ја направат тринаесетката баксузна за Баерн се повредите на клучните играчи. Хаким Зијех, кој е прогласен за најдобар играч во холандската лига, е повреден и неговиот настап е неизвесен, исто како и на најдобриот напаѓач на тимот, Френки де Јонг.

Ако овие двајца фудбалери не играат, шансите на Ајакс за подвиг во Минхен ќе бидат драстично намалени, па Баерн би бил многу блиску до продолжување на блескавата серија победи на домашен терен во ЛШ.

Луис Суарес е три години без постигнат гол на гости во ЛШ

Трајан Маневски

-

02.10.2018

0

Барселона дефинитивно е во резултатска криза, откако на последните три меча во домашното првенство освои само два бода. И покрај оваа негативна серија, Каталонците се први во Примера дивисион, а имаат и три бода од еден меч во Лигата на шампионите.

Каталонскиот гигант утревечер ќе гостува кај Тотенхем, во еден од најинтересните дуели од второто коло во елитната лига на УЕФА. Во Барселона се надеваат дека на ова гостување ќе биде прекината една неверојатна црна серија на Луис Суарес.

Уругвајскиот напаѓач повеќе од три години нема постигнато ниту еден гол во Лигата на шампионите на гостински терен. Последен пат тоа се случи на 16-ти септември 2015 година, кога Суарес со глава даде гол во ремито (1-1) против Рома на „Олимпико“.

Од тој меч против Рома, Суарес за Барселона на гостински терен играше против БАТЕ Борисов, Арсенал, Атлетико Мадрид, Борусија Менхенгладбах, Манчестер сити, Селтик, ПСЖ, Јувентус, Спортинг Лисабон, Олимпијакос, Јувентус, Челзи и Рома. Тоа се вкупно 13 меча на гости на кои Суарес не се израдувал. Уругваецот е во очајна форма, а дека полека се враќа, ќе докаже само доколку даде гол против Тотенхем.

Официјално: Роналдо се сомничи дека силувал, може да добие доживотен затвор!

Главна вест

Трајан Маневски

-

02.10.2018

0

Кристијано Роналдо се соочува со сериозни предизвици. Ќе мора да докаже дека не е виновен по сомнежите дека извршил силување во 2009 година, додека бил во Лас Вегас. Полицијата во овој град во САД потврди дека отворила истрага по обвиненијата дека фудбалерот во 2009 година извршил силување. Засега од полицијата најавија дека не планираат да откриваат нови детали.

Германскиот весник „Шпигел“ разговараше со манекенката Кетрин Мајорга која сега има 34 години, а тврди дека во летото 2009 година била силувања од Роналдо. Според исказите, Португалецот ја повикал девојката во својата соба, а потоа брутално ја силувал.

Мајорга работела како хостеса во хотелот, а со Роналдо се запознала во ВИП-делот од диското кое било во рамките на хотелот. По забавата, заедно заминале во неговата хотелска соба, каде што и се случил целиот настан.

„Откако ме силуваше, ми се извини. Клекна и ми рече дека 99 отсто е добро момче, но не знае што е тоа еден отсто во него“, изјави Мајорга за германскиот весник „Шпигел“. Адвокатите на Роналдо веднаш испратија тужба до весникот за објавената статија.

Една година по настанот, Мајорга на сметка добила 375.000 долари како надомест, но и да молчи и да не зборува ништо за целиот случај. Девојката вели дека тогаш решила да молчи и да не кажува никому затоа што не сакала нејзиното име да се спомнува во медиумите, но и поради стравот од популарноста на Роналдо.

Сепак, сега девет години подоцна, полицијата во Лас Вегас отвори случај за силување. Според законите во американската федерална држава Невада, нема застарување на случај за силување ако жртвата го пријавила случајот за четири години. За вакво дело може да се добие и доживотна казна затвор, а најбрзо може да се излезе за 10 години.

Мхитарјан од политички причини нема да игра против Карабах

Златко Јуруковски

-

02.10.2018

0

Ерменскиот фудбалер Хенрих Мхитарјан нема да биде дел од тимот на Арсенал при патувањето во Азербејџан, каде што треба да се сретне со Карабах во групите од Лигата на Европа. Причините се од безбедносна природа.

Тој реши да остане во Лондон и да не патува со остатокот од екипата во државата која има воени тензии со соседната Ерменија, каде што е роден фудбалерот на „топчиите“. Конфликтот помеѓу земјите е поради војната во кавкаската област Нагорно Карабах. Таму мнозинството се Ерменци, но територијата му припаѓа на Азербејџан.

Дипломатските односи помеѓу двете земји се раскинати, па од средината на 90-тите наваму, ниту еден жител на едната не смее да премине во другата земја. УЕФА гарантираше дека фудбалерот може да влезе во Азербејџан со специјална виза, но од Арсенал рекоа дека безбедноста на нивните играчи е на прво место и според анализите кои ги направиле, донеле одлука Мхитарјан да не патува.

На Мхитарјан не му е првпат да има ваков проблем. Во 2015 година, кога играше за Борусија Дортмунд, не можеше да патува во Баку, на дуелот со Кабала.

На 29-ти мај 2019, финалето на Лигата на Европа се игра во Баку, главниот град на Азербејџан, и интересно ќе биде да се види ако Арсенал стигне до битката за трофејот, дали тогаш Мхитарјан ќе се реши да патува на непријателска територија.

Селта го потврди лошото коло за домаќините во Шпанија

Златко Јуруковски

-

01.10.2018

0

Леванте и Бетис останаа единствените два тима кои победија на домашен терен на десетте натпревари во седмото коло од шпанската Примера. Вечерва во Виго, Селта и Хетафе одиграа 1-1.

Макси Гомес беше човекот кој ја доведе Селта во водство, откако одлично ги измами голманот и одбраната на мадридскиот тим. Гомес со 4 гола и три асистенции е најкорисниот играч на Селта сезонава. Селта веќе цел месец (од први септември) нема победа.

Во 78-мата минута Хетафе изедначи со погодокот на Хаиме Мата. За него ова е прв гол во Ла Лига, и доста вреден, бидејќи му донесе бод на својот тим на „Балаидос“. Хетафе четири меча не знае за победа, но секој бод на гости му е важен.

Борнмут со победата исправи судиска грешка

Златко Јуруковски

-

01.10.2018

0

Борнмут го совлада Кристал палас со 2-1 во единствениот премиерлигашки меч вечерва. За Борнмут ова е четврта победа, а за Палас ова е четврти пораз сезонава.

Дејвид Брукс, кој го донесе домашниот тим во водство од 1-0, стана најмлад стрелец во историјата на Борнмут со 21 година и 84 дена.

Во второто полувреме, единствениот шут кој беше упатен во рамките на голот, заврши во мрежата на Борнмут. Стрелец на израмнувачкиот гол за Кристал палас беше Патрик ван Анхолт. Но, според снимките, а и на оваа фотографија се гледа дека Холанѓанецот кога ја прими топката, беше во недозволена позиција. Судиите не го поништија голот, иако се гледа дека е офсајд.

Во 84-тата минута, во игра кај домашните влезе Џуниор Станислас. Овој фудбалер паузираше пет месеци, се врати во минатото коло, а сега ја доби довербата во 87-мата минута да го изведе пеналот, по глупавиот фаул на Мамаду Сако над Џеферсон Лерма. Станислас беше прецизен и на својот тим му донесе голема радост.

Квалјарела испиша лична историја, Сампдорија славеше

Златко Јуруковски

-

01.10.2018

0

Сампдорија ја прекина серијата од три меча без победа и со 2-1 го совлада СПАЛ во последниот меч од седмото коло во италијанската лига. За гостите ова е трети пораз едноподруго. Клубот од градот Ферара сега има низа од 12 натпревари по ред во Серија А без нерешен исход. Последниот нерешен резултат на СПАЛ беше во април.

СПАЛ беше на добар пат, поведе со голот на Алберто Палоски, негов лигашки првенец сезонава. Но, Полјакот Карол Линети со убав гол изедначи на 1-1, и тоа беше резултат со кој се замина на пауза. И за Линети ова беше сефте во оваа сезона. Погодокот вреден три бода за Сампдорија беше дело на Французинот Грегоар Дефрел во 60-тата минута. Гостите се обидуваа во финишот да изедначат, но не успеаја.

Ветеранот Фабио Квалјарела првпат во својата кариера во Серија А, а има одиграно 409 натпревари, имаше две асистенции на еден меч. На ветеранот во 12-тата минута му беше поништен гол, а од игра 15 минути по водечкиот гол на „блучеркатите“ од Џенова и на 15 минути пред крајот на средбата.

Шабанаџовиќ: Ѕвезда од 1991 беше поскапа од денешниот ПСЖ

Златко Јуруковски

-

01.10.2018

0

Членот на златната генерација на Црвена ѕвезда која во 1991 година стана европски првак, Босанецот Рефик Шабанаџовиќ, смета дека тогашниот тим на белградскиот клуб бил поскап и посилен од актуелниот состав на Пари Сен Жермен. Ѕвезда му гостува на ПСЖ во Лигата на шампионите и парижаните се апсолутни фаворити

„Вистина е дека сопствениците на ПСЖ трошат стотици милиони евра, па и милијарди, но денешните вредности на фудбалерите отидоа над сите граници. Ги имаат Мбапе, Кавани, Нејмар, кои се меѓу најдобрите на светот, но не се комплетен тим каков што беше Ѕвезда од 1991 година. Тогаш на тренинг имавме по 18-19 играчи, не знаеш кој од кого е поквалитетен. Тврдам дека тој тим беше и фудбалски и финансиски посилен и со поголема вредност од сегашниот ПСЖ. Речиси сите од таа генерација и по заминувањето, освојуваа трофеи во најсилните европски лиги“, изјави Шабанаџовиќ, чиј син Анел игра за Железничар, и тоа на истата позиција во средниот ред на која играше и Рефик.

Според Шабанаџовиќ, веќе не е можно на овие простори да се состави екипа во која на едно место би имало фудбалери како Савичевиќ, Просинечки, Михајловиќ, Југовиќ, Панчев итн. Тој мисли дека Ѕвезда требало да биде европски првак и во 1989 година, но маглата во Белград и преиграниот меч со Милан ги спречила.

„Седумката“ на Јунајтед го губи својот сјај

Златко Јуруковски

-

01.10.2018

0

Дресот со бројот 7 на Манчестер јунајтед има посебно значење за фановите на овој клуб, обично „седумката“ е резервирана за најголемите ѕвезди, но во последно време играчите кои го носат тој број на грбот не го даваат придонесот како своите претходници.

Ерик Кантона и Дејвид Бекам се фудбалерите кои ја почнаа приказната околу посебноста на дресот со бројот 7, ја продолжи, и тоа повеќе од успешно, и Кристијано Роналдо, кој постигна 84 гола. Но, откако си замина Португалецот, фудбалерите на Манчестер јунајтед со број 7 за девет години постигнале само 15 гола.

Малерот почна со првиот наследник на „седумката“ по заминувањето на Роналдо. Тоа е Мајкл Овен. Некогашниот англиски репрезентативец даде пет гола за Манчестер. Потоа две сезони тој дрес го носеше Антонио Валенсија, кој има постигнато три гола. Ист резултат, три гола, даде и Анхел ди Марија, кој една сезона остана кај „црвените ѓаволи“. Мемфис Депај разочара само со два премиерлигашки гола за две сезони, а засега и Алексис Санчес, кој го носи бројот 7, има само два погодока.

Јувентус ќе биде казнет за расизам

Златко Јуруковски

-

01.10.2018

0

Дел од навивачите на Јувентус, почнувајќи од 51-вата минута на натпреварот со Наполи, се однесувале крајно непристојно и поради тоа, клубот од Торино можеби ќе биде канзет со затворање на еден сектор на јужната трибина, позади едниот гол.

Играчите, фановите и тренерот на Наполи биле нарекувани свињи, а имало и расистички извици кон гостинскиот фудбалер Кулибали.

Тројцата федерални инспектори кои биле присутни на стадионот ги документирале расистичките и другите дискриминаторски скандирања и материјалот му е предаден на спортскиот судија Џерардо Мастрандеа, кој утре ќе го разгледа случајот и ќе пресуди дали има основа за затворање на дел од трибината или Јуве ќе добие само парична казна.

Отежнувачка околност за Јувентус е што немало несогласување од останатите гледачи на трибините и, уште поважно, немањето никаква реакција од страна на спикерот на стадионот, кој требало на разгласот да побара да престанат расистичките и навредливите скандирања.