Без наслов - Страница 10056

У-17 тимот доцна тргна со напади

Златко Јуруковски

-

29.09.2018

Два порази и една победа е билансот на македонската репрезентација за играчи до 17 години, на турнирот во Летонија. Денеска нашите таленти загубија од Финска со 1:3. Во првото коло, Македонија загуби од Русија со 0:1, потоа во второто ја надигра домашната Летонија со 2:0, а за крај, избраниците на селекторот Марио Вујовиќ беа совладани од Финска.

На мечот во Јелгава, Финците водеа со 3-0, а потоа „црвено-жолтите“ беа многу подобар тим, но постигнаа само еден гол во 63 минута, со кој го ублажија поразот. Финците во првите две кола беа поуспешни од домаќинот и од Русија, со по 2:0. Во Јармала, Русите одиграа 2:2 со Летонија, па тие се втори, а Македонија третопласирана на турнирот.

Оваа генерација на македонската репрезентација, во текот на октомври ја чекаат мечеви од квалификациите за Европското првенство, па трите средби во Летонија беа одлична подготовка и шанса за селекторот да ја види моментната форма на фудбалерите.

Ѓоковиќ и Федерер веќе никогаш нема да играат заедно

Тенис

-

29.09.2018

0

Заедничкиот настап во дубл на Новак Ѓоковиќ и Роџер Федерер на „Лејвер купот“ во Чикаго, беше прв и последен пат, тие двајца да играат во тандем. Двајцата славни тенисери не поминаа добро во игра на двојки, беа поразени од Кевин Андерсон и Џек Сок, а кога Ноле го погоди Роџер во грб во првиот сет, се виде дека не се воиграни, и публиката им се смееше.

Поранешниот тренер на Енди Мареј, Марк Печи, не беше воодушевен од тоа како двете суперѕвезди на светскиот тенис, изгледаа на терен кога беа во иста екипа.

„Федерер има златен медал на Олимписки игри во игра на двојки. Од друга страна, Ѓоковиќ има освоено една титула во дубл, бидејќи не игра често. Играше заедно со Андерсон во Канада, но неговата игра е многу поквалитетна во сингл. Сигурен сум дека за Новак и Федерер, ова беше нешто потполно поразлично од тоа на што се навикнати. Не верувам дека некогаш повторно ќе играат заедно во дубл, веројатно последен пат ги видовме на иста страна“ – рече Печи.

Победа се заканува да го сопре летечкиот старт на Вардар

Зоран Поповски

-

29.09.2018

0

Победа има мака со домашниот терен, прилепчани често се селат од стадион на стадион, поради реконструкцијата на „Гоце Делчев“ во Прилеп, но играат одличен фудбал без разлика на проблемите.

Денеска од 15 часот во Штип ќе му бидат домаќини на Вардар во еден од двата дерби дуели од осмото коло во Првата македонска фудбалска лига. Ја победија Шкендија во минатото коло и тоа во Тетово, а сега се подготвени да го сопрат летечкиот старт на Вардар.

„Не очекува уште еден тежок и неизвесен меч. Се знае кој е Вардар, а денешниот противник е во одлична форма и е лидер на табелата. Ако го повториме изданието од дуелот со Шкендија можеме повторно да победиме. Но, за тоа мора да дадеме максимум, да се бориме до последниот атом на силите, вели голманот на Победа, Дарко Тофиловски.

Тој брани извонредно од стартот на новата сезона и е еден од ретките чувари на мрежата со просек под еден примен гол на меч.

Вардар е единствената непоразена екипа во домашното првенство по седум кола, а летечкиот старт на најтрофејниот клуб изненади многумина. Клубот има проблеми со финансии, но играчите се надминаа и играат одлично. Денеска ќе се обидат да ја прекинат непријатната серија од три гостински порази по ред од Победа и со нови бодови да останат на врвот на табелата.

„Минав убави две години во Победа, меѓутоа во овој момент би дал сè за триумф на Вардар и за останување на првото место на табелата. Сега сум дел од Вардар и ќе се трудам мојот тим да ги освои трите бода на дербито. Тоа што ја победија Шкендија минатото коло и тоа на нејзин терен во Тетово, треба да ни биде сериозна опомена дека не треба никако да ги потцениме. Победа има сериозна екипа која може во секој момент да победи секого, меѓутоа за нас приоритет се трите бода и ќе дадеме максимум да ги освоиме“, изјави Филип Најдовски.

Дерби меч ќе се игра и на „Кукуш“ во Турново, каде Академија Пандев ќе ја пречека Шкендија. И двете екипи претрпеа неочекувани порази како домаќини во минатото коло, со по 0:2 од Ренова, односно Победа, па сега ќе бараат рехабилитација во битката за врвот на табелата.

Двојки, 8. коло, 15 часот:

Победа – Вардар, Академија Пандев – Шкендија, Работнички – Беласица, Ренова – Шкупи, Силекс – Македонија Ѓ.П.

Александар Васоски: Хановер нѝ беше омилен противник, Ајнтрахт и утре ќе победи

Зоран Поповски

-

29.09.2018

0

Се сеќавам дека секогаш игравме добро против Хановер, без разлика дали тоа беше на домашен терен, или на гости и често ги победувавме. Верувам во нова победа на мојот поранешен тим и утре против Хановер, вели Васоски.

Во првиот обид, сегашниот тренер на Вардар погоди три од петте типови, а успешно типуваше реми на мечот меѓу Мајнц и Волфсбург, нешто што е многу тешко да се предвиди во Бундеслигата. Ја погоди и победата на Вердер против Херта и поразот на Ајнтрахт на гостувањето во Менхегладбах кај Борусија.

Триумфот на Фрајбург против Шалке 04 беше едно од изненадувањата во петтото коло и тука „кецот“ изненади многумина, меѓу нив и Васоски. Популарниот „Тетовче“ немаше среќа со последниот предлог-тип, иако беше многу блиску. Типуваше од 0-2 гола на мечот меѓу Фортуна и Баер Леверкузен, а домаќините со гол од пенал во 94. минута намалија на 1:2 и го спречија Васоски да има 4 од 5 во деби типувањето за Спорт Манија.

Сега на ред е ново коло, шесто по ред во германското првенство, а Васоски повторно е наш гостин со нова анализа и пет предлог типови од Бундеслигата.

Шалке 04 – Мајнц (Сабота, 15.30 часот)

Шалке 04 веќе нема избор и мора да го победи Мајнц. Пет порази на екипа со квалитетот и калибарот на Шалке 04 е рамно на сензација и сигурен сум дека „Ауф Шалке“ арена е подготвена за првата победа во новата сезона и дека навивачите на тимот од Гелзенкирхен ќе им се радуваат на првите три бода во новата сезона. Мајнц и не е преголема закана кога гостува, па мислам дека е идеален противник за Шалке 04 да ја прекине црната серија од пет порази на стартните пет меча во Бундеслигата.

Предлог тип: 1 (1.75)

Хофенхајм – Лајпциг (Сабота, 15.30 часот)

Типувам победа на Хофенхајм против Лајпциг. Играат подобро во моментов од денешниот ривал, особено се добри на свој терен и тука немам дилеми дека бодовите ќе им припаднат на домаќините. Лајпциг има добра екипа, но е во нешто послаба форма од ланската, кога беше хит во Германија и мислам дека ќе загуби од Хофенхајм.

Предлог тип: 1 (2.10)

Нирнберг – Фортуна Дизелдорф (Сабота, 15.30 часот)

И повторно како и во претходното коло ќе се обидам со тип од 0-2 гола на меч на Фортуна Дизелдорф. Двете екипи се наоѓаат во опасната зона, ќе играат претпазливо и верувам со малку голови. Фортуна загуби од Баер на домашен терен во претходното коло, па не смее да си дозволи нов пораз, иако сега ќе игра на гостински терен. За нив секој бод е значаен, особено во дуелите со екипи со сличен квалитет, каков што поседува Нирберг. Тоа добро го знае мојот поранешен тренер Функел и речиси сум сигурен дека ќе се обиде со дефанзивна тактика да дојде до бод. Домаќините се „изгореа“ на гостувањето во Дортмунд, каде примија 7 погодоци и сега ќе бидат попретпазливи, за да не дозволат нов пораз, па верувам дека ќе проследиме меч со малку голови.

Предлог тип: 0-2 гола (1.95)

Баер Леверкузен – Борусија Дортмунд (Сабота, 18.30 часот)

Овојпат ќе ја ја почитувам и традицијата од меѓусебните натпревари на Баер и на Борусија Дортмунд, каде има доста погодоци. И двете екипи даваат и примаат голови, па овде сум сигурен дека ќе има најмалку 3+, а за похрабрите им препорачувам да се обидат и со четири и повеќе голови. Дерби е на колото и очекувам атрактивен, напаѓачки фудбал зачинет со многу голови во двете мрежи.

Предлог тип: 3+ (1.60)

Ајнтрахт Франкфурт – Хановер (Недела, 15.30 часот)

Ајнтрахт Франкфурт по традиција го победува Хановер на домашен терен, а сега мојот поранешен тим ќе има дополнителен мотив за рехабилитација по поразот од Борусија Менхегладбах во претходното коло.

Верувам дека победата на Ајнтрахт ќе биде гарнирана со најмалку два постигнати голови во мрежата на Хановер. Во минатото, кога јас го носев „црвено-црниот“ дрес речиси редовно ги победувавме, и утре верувам дека бодовите ќе останат во Франкфурт, но за посигурно ќе типувам дека Ајнтрахт најмалку двапати ќе ја затресе мрежата на Михаел Есер.

Предлог тип: Т1 2+ (1.90)

Барселона ќе го смени и името

Трајан Маневски

-

29.09.2018

0

Од пред неколку дена, челниците на Барселона потврдија дека направија промена на изгледот на логото. На логото повеќе нема да ги има буквите ФЦБ кои се скратеница од името на клубот. Промoцијата на новото лого се случи, а сега е потребно одборот на клубот да донесе потврда дека тоа ќе стои на дресовите.

Промената на логото најверојатно нема да биде единствeниот новитет во каталонскиот гигант. Според најавите од шпанските медиуми, во најскоро време може да се случи и промена на името. Доколку биде прифатено и изгласено од челниците на „Камп Ноу“, клубот повеќе нема да се вика Барселона, туку само скратено Барса.

Вардар сега треба да ја наполни мрежата на Штербик

Трајан Маневски

-

29.09.2018

0

Македодонскиот ракометен првак Вардар го продолжува походот во Лигата на шампионите. По стартните две победи на гости кај европскиот владетел Монпелје и дома во дуелот со Кристијанштад, денеска следи нов предизвик. „Црвено-црните“ гостуваат кај Веспрем, во дуелот кој ЕХФ го прогласи за дерби на колото.

Ова е меч на два ривали кои многу добро се познаваат. Освен од дуелите во елитната европска лига, тие имаа многу пресметки и во регионалната СЕХА лига. Овој меч сепак ќе биде малку посебен од претходните. На голот на Веспрем денеска ќе биде Арпак Штербик. Голманот кој во претходните четири години донесе толку многу радости на навивачите на Вардар, сега е во улога на противник. Искусниот Арпад ќе има мисија да ги сопре налетите на „црвено-црните“.

Освен Штербик, во унгарскиот тим игра и македонскиот репрезентативец Дејан Манасков, кој исто така во минатото го има носено дресот на најтрофејниот македонски тим. Според проценките, Веспрем е апсолутен фаворит за триумф, бидејќи тие веќе еднаш киксираа и загубија од Барселона, па не смее да си дозволат нов неуспех.

Иако на Вардар му се даваат малку шанси, досега се навикнавме да гледаме како македонскиот првак изненадува кога никој не очекува. Дури и традицијата е на страната на Вардар, бидејќи на три од последните четири гостувања кај Веспрем успеал да остане непоразен, односно средбите завршиле нерешено. Тоа само покажува колку се интересни и неизвесни овие мечеви, па се очекува да биде така и денеска.

Ова се „зицерите“ на денот

Трајан Маневски

-

29.09.2018

0

Многу дерби натпревари има денеска низ цела Европа. Мечеви кои се атрактивни за гледање и за типување, но и дуели кои носат дополнителен ризик ако се одиграат. Кога се играат дерби среедби, резултатот речиси секогаш е непредвидлив и ништо не може да се знае предвреме.

Доколку не сте од оние кои сакаат да ризикуваат во обид за да се стигне до добитно ливче, во понудата на SPORT LIFE секогаш може да се најдат и двојки кои се како „зицери“ за добивка. Има фаворити кои едноставно само треба да потврдат дека се многу подобри од ривалот и на тој начин да помогнат да се стигне до добитно ливче.

Затоа Ви одвоивме дури 15 натпревари на кои има изразит фаворит во дуел со послаб ривал, па вие одберете кои се најсигурните типови за денеска.

Арсенал – Вотфорд 1.50 – 4.65 – 5.80

Манчестер С. – Брајтон 1.10 – 10.00 – 27.00

Хадерсфилд – Тотенхем 5.90 – 4.05 – 1.55

Селтик – Абердин 1.46 – 4.25 – 7.10

Интер – Калјари 1.36 – 5.00, 8.75

Рапид Вина – Сент Полтен 1.67 – 3.80 – 5.00

Лион – Нант 1.35 – 4.85 – 8.50

Шалке – Мајнц 1.70 – 3.80 – 4.95

Барселона – Атлетик Билбао 1.17 – 8.00 – 16.00

Брентфорд – Ридинг 1.50 – 4.30 – 5.90

Бреда – ПСВ 11.00 – 6.30 – 1.25

Ситард – Ајакс 11.00 – 6.75 – 1.25,

Падерборн – Ауе 1.70 – 3.65 – 4.80

Спортинг – Маритимо 1.40 – 4.55 – 7.90

Гленавон – Дунганон 1.37 – 4.75 – 6.70

Гигс: Овој Манчестер ј. нема шанси за титула, Ливерпул е опасен

Трајан Маневски

-

29.09.2018

0

Легендата на Манчестер јунајтед Рајан Гигс е разочаран од сегашните игри на „црвените ѓаволи“. Велшанецот кој како играч на тимот од „Олд Трафорд“ освои 13 титули во Премиер лигата, не верува дека оваа сезона Манчестер може да се бори за трофејот. За разлика од Манчестер, најомразениот ривал Ливерпул е во одлична форма и „црвените“ сигурно ќе бидат главни конкуренти заедно со Манчестер сити и Челзи.

„Ливерпул не игра добро на некои од мечевите, а сепак ги остварува посакуваните резултати. Тоа ме плаши. Ако се случува тоа, значи дека се наоѓач во шампионска форма. Тие се способни не само да дадат три-четири гола на еден меч, туку едноставно да победат токму кога тоа е најпотребно. Битката за титулата ќе биде меѓу Сити и Ливерпул, но не треба да се заборави ни Челзи кој игра многу добро“, вели Гигс.

Токму Манчестер јунајтед на Гигс го отвора новото коло во Премиер лигата. Од 13:30 часот, „црвените ѓаволи“ гостуваат кај Вест Хем.

Маратонска сабота: Цел ден дерби мечеви низ Европа

Трајан Маневски

-

29.09.2018

0

Со почетокот на викендот започнуваат и главните фудбалски возбудувања ширум Европа. Сепак, како ретко кога се случува тоа што не очекува денеска. Речиси во текот на целиот ден ќе има натпревари кои се вистински дерби дуели и средби кои ќе предизвикаат големо внимание.

Вест Хем – Манчестер јунајтед (13:30 ч.)

Маратонската сабота како за загревање ќе започне со дуелот од Премиер лигата меѓу Вест хем и Манчестер јунајтед. „Црвените ѓаволи“ се надеваат дека на ова гостување во Лондон, ќе се вратат во вистински ритам, посебно по елиминацијата од Лига купот од второлигашот Дерби.

Ќе биде интересно да се види како ќе се однесуваат Жозе Мурињо и Пол Погба и дали тимот повторно може да настрада поради нивната нетрпеливост. Манчестер дава и прима голови, а „чеканите“ веќе се со двоцифрен број на примени погодоци.

Предлог тип: ГГ (1.74)

Рома – Лацио (15:00 ч.)

Поради сигурносни причини, веќе стандардно стана големото дерби на Рим, меѓу Рома и Лацио да се игра во денски термин. Набојот на трибините е намален, но затоа на теренот се игра со иста жар како порано.

Фактот дека Рома е домаќин, не дава некоја предност за „волчицата“. Лацио е една од петте екипи кои сезонава уште немаат реми, па можеби градското дерби ќе биде добро место за првиот „икс“.

Предлог тип: Х (3.40)

Барселона – Атлетик Билбао (16:15 ч.)

Барселона дефинитивно е во мини криза. Актуелниот првак на Шпанија на последните два меча освои само еден бод, но и покрај тоа е лидер во Примера дивисион. Каталонците имаат проблем со одбраната, па и екипа како Леганес успеа за помалку од 70 секунди да даде два гола.

Се очекува на овој дуел против ривалот од Билбао, Барселона да ја подобри играта во дефанзива, но фактот дека на последните неколку средби испаѓа дека има барем по еден гол во двете полувремиња, најсигурна е играта на погодоци.

Предлог тип: 1-3 ПП.& 1-3 ВП. (1.72)

Хајдук – Динамо (16:30 ч.)

Вечното хрватско дерби се игра на „Пољуд“. Далматинците секогаш знаеле да направат фантастична атмосфера кога им гостува најголемиот ривал. Поддршката од трибините дефинитивно нема да изостане, но прашање колку е квалитетот на домаќините за да парираат на „модрите“.

Динамо има шест победи и две реми во осум кола, а Хајдук се радуваше само два пати досега. Доброто за домаќините е што ги добија токму последните две средби и во дербито влегуваат со поправена самодоверба. Сепак, прашање е колку ќе може да му парираат на шампионот.

Предлог тип 2 (2.15)

Јувентус – Наполи (18:00 ч.)

Тренерот на Јувентус, Масимилијано Алегри неодамна изјави дека Наполи ќе биде најголемиот ривал на Јувентус во трката за титулата. Сепак, фактот дека „старата дама“ доминира во изминативе седум години во Серија А, покажува кој е главен фаворит.

Кошта, Хедира и Де Шиљо нема да играат за Јувентус, но тоа не треба да е голем проблем за тимот кој има многу квалитетни поединци. Кристијано Роналдо ќе го има првото дерби како предизвик да покаже дека може да биде главен на теренот.

Предлог тип: ГГ3+ (2.45)

Челзи – Ливерпул (18:30 ч.)

За само неколку дена повторна средба на овие ривали. Челзи ја доби првата битка. Победи на „Енфилд Роуд“ во дуел од Лига Купот. Да биде посладок триумфот на лондончани, тој дојде со пресврт. Ливерпул водеше, но потоа за Челзи во игра влезе Еден Азар и направи целосен пресврт.

На тој меч, двата тима не беа во најсилните состави, како што ќе биде денеска. Челси ако успеа да победи на гости, сега нема причина да не може да остане барем непоразен на свој терен.

Предлог тип: 1Х&0-3 (2.35)

Баер Леверкузен – Борусија Дортмунд (18:30 ч.)

По синоќешниот пораз на Баерн Минхен на гости кај Херта, екипата на Борусија има дополнителен мотив на гостувањето во Леверкузен. „Милионерите“ со евентуален триумф ќе се искачат на врвот на табелата пред Баерн.

Сепак, тоа ќе биде тешко остварливо, ако се знае дека Леверкузен секогаш е „жешко“ место за противниците. „Фармацевтите“ сезонава имаат проблем со реализацијата, но дерби меч е момент на инспирација, па затоа е најдобро да се типува на голови.

Предлог тип: 2-4 (1.52)

Реал Мадрид – Атлетико Мадрид (20:45 ч.)

Маратонската сабота со интересни дуели ќе заврши во Мадрид. Градот на европскиот првак е домаќин на месните ривали Реал и Атлетико. Двата клуба во сосема различно расположение го очекуваат мечот. Реал загуби со 3:0 на гости кај Севилја, а Атлетико со истиот резултат се радуваше во минатото коло.

Локалните дуели често знаат да бидат тврди и двата тима повеќе да мислат на својот, отколку на противничкиот гол.

Предлог тип: 0-2 (1.95)

Според статистиката Баерн требаше да победи 10:0, а сепак Херта се радуваше

Трајан Маневски

-

29.09.2018

0

Многу пати во фудбалот не победуваат екипите кои доминираат на теренот, а тоа се потврди и синоќа на средбата во Берлин меѓу Херта и Баерн Минхен. Домаќините победија со 2:0, иако, ако се погледне статистиката, тој резултат е за неверување.

Херта даде по еден гол во двете полувремиња, и со 50 осто успешност ги реализираше четирите шута кои ги упатија директно кон голот на Баерн. Гостите не ја искористија фаворитската улога, иако на теренот речиси во текот на целиот меч доминираа.

На крајот статистиката покажува дека Баерн има 70 отсто посед на топка, наспроти 30 на домаќините. Баварците упатиле неверојатни 25 шута кон домашниот гол. но не се израдуваа. Интересно е тоа што од тие 25 удари, само пет биле прецизни во рамките на голот на Херта, но и тие не го најдоа патот до мрежата.

И бројот на изведените корнери покажува доминација на Баерн. Гостите дури 14 пати изведуваа од аголот, а Херта само еднаш имаше можност да изведе корнер. На крајот, Баерн два пати повеќе ја шутираше и топката од центарот на игралиштето, што значи дека Херта била подобра за два гола.

Ова е само уште еден од низата натпревари кои потврдуваат дека статистиката знае многу пати да излаже.