Без наслов - Страница 10308

„Орлите“ ја прегазија Естонија, петти пораз за БиХ во низа

-

16.09.2018

Србија забележа голем триумф над Естонија со конечен резулатат од 91:65, во квалификациите за Мундобаскетот 2019. Избраниците за Александар Ѓорѓевиќ направија значаен чекор кон местото кое води до пласман на завршницата на светскиот кошаркарски собир.

Република Чешка им нанесе нов пораз на Босна и Херцеговина, петти во низа, откако Босанците загубија пред своја публика со 85:80. Во квалификациската група К, БиХ има девет освоени бода по осум меча, и се наоѓа на последното место, додека Чешка е втора и е сѐ поблиску до настап на СП кое ќе се одржи во Кина следната година.

Пролет стартуваше со триумф над Охрид во Суперлигата

Томас Ѓорѓиевски

-

16.09.2018

0

Пролет со победа ја отворија новата сезона во Суперлигата, пред своја публика го совладаа тимот на Охрид со 28-24. Во неизвесниот меч ракометарите на Охрид не успеаја да направат изненадување, иако по првото полувреме имаа еден гол предност (12-13).

Пролет фуризоно го отвори вториот дел со 6-1 серија, со пресвртот го најави и првиот триумф. Охриѓани во неколку наврати се обидуваа да се вратат во мечот, но во решавачките моменти домаќините се изборија за премиерна победа на стартот од македонското ракометно првенство.

Елмас е херојот на Фенербахче

Томас Ѓорѓиевски

-

16.09.2018

0

Фенербахче по низата од три порази, конечно забележа триумф во турскиот шампионат, а херојот за избраниците на Филип Коку е Елиф Елмас. Во дуелот против Коњаспор, Елмас беше стрелец на единствениот погодок на мечот, a заби сам по шест минути откако влезе во игра.

Елмас на крајот излезе како победник против Адис Јаховиќ во македонското „дерби“ во Турција.

Лазаров со Нант почна со пораз во Лигата на шампионите

Томас Ѓорѓиевски

-

16.09.2018

0

Нант стартуваше со пораз од Флензбург во новото издание од ракометната Лига на шампиони, пред својата публика европскиот вицепрвак загуби со 34-31. Нашиот капитен Кирил Лазаров одигра скромен меч, реализираше само два гола, па во редовите на Нант се почувствува неговиот недостаток на голови.

Во останатите мечеви од денешната програма, Целје загуби дома од Скјерн со 26-27, додека Висла Плок оствари голем триумф над Тун со 34-24.

Елмас стрелец за Фенер во „македонското“ дерби во Турција (видео)

Томас Ѓорѓиевски

-

16.09.2018

0

Македонскиот репрезентативец Ељиф Елмас за прв пат сезонава се запиша во листата на стрелци за својот Фенербахче. Нашиот „дијамант“ го пронајде патот до мрежата само шест минути по неговото влегување на терен, и донесе водство за екипата која ја предводи Филип Коку, против Коњаспор каде настапува македонскиот интернационалец Едис Јаховиќ.

По 78 минути игра резултат е во корист на Фенербахче, 0-1.

Хрватска е противникот на Франција во финалето на Дејвис Купот

Трајан Маневски

-

16.09.2018

0

Борна Чориќ е новиот хрватски тениски херој, откако успеа да го победи Францис Тифо со 3:2 во сетови и тоа во решавачкиот петти меч од полуфиналето на Дејвис Купот. Во финалето на репрезентативниот Куп, Хрватска во финалето че игра против Франција, која ќе ја има и улогата на домаќин.

За Хрватска ова ќе биде трето финале во Дејвис Купот, откако во 2005 година се искачија на тронот по победата над Словачка, додека пред две години беа поразени од Аргентина со 3:2 во победи.

Навивачите на трибините во Задар можеа да видат неверојатно возбудлив решавачки меч од полуфиналето меѓу Хрватска и САД. Тигфо го доби првиот сет откако во тај-брејкот беше убедлив со 7:0. Потоа Чориќ брзо возврати и го доби вториот сет со 6:1, за да во третиот повторно се игра тај-брејк. Американецот повторно имаше повеќе нерви и донесе водство од 2:1, но Борна не се предаде. Во четвртиот сет повторно со 6:1 израмни на 2:2, додека решавачкиот петти сет заврши со 6:3 во корист на Хрватот, што беше причина за голема радост како на трибините, така и на теренот, во таборот на „коцкестите“.

Давитков: Конечните плус 14 се реални

Златко Јуруковски

-

16.09.2018

0

Селекторот Јорданчо Давитков и плејот Александар Костоски, беа задоволни од победата и на прес-конференцијата ја истакнаа важноста на вечерашниот триумф над Романија.

„Почнавме бавно, но сакавме да победиме. Романците дадоа силен отпор, но во вториот дел ја наметнавме нашата игра и предноста ја задржавме. Важно е што победивме со двоцифрена разлика. Овие 14 разлика се солидни, мислам дека сме доволно добри за да не загубиме повеќе во Романија. Се надевам дека дома со Косово ќе ја оправдаме фаворитската улога“ – рече Костоски.

„Тежок меч. Најтешко се добиваат вакви однапред добиени мечеви. Се создаде атмосфера дека треба само да се појавиме на терен и ќе победиме. Почнавме млако, но потоа се разбудивме и заигравме подобро. Имавме проблем со нивниот офанзивен скок во првото полувреме, не затворавме како што треба. Во вториот дел им го затворивме тој елемент, но погодија некои шутеви. Цело време имавме контрола, беше 10 до 16 разлика, реални се овие конечни 14 разлика. Играчите не се целосно подготвени, мораше да се калкулира со силите. Задоволен сум од постигнатото во септември, извадивме максимум, ни помогна и Хендрикс колку што можеше. На добар пат сме да се вратиме во тие 32 што ќе играат квалификации, после ќе ни биде многу полесно“ – изјави Давитков.

„Свесни сме дека е далеку од готово. Косово воопшто не е слаб, треба да ги победиме тука, бидејќи во последно коло играат Косово и Романија, и може на Косово да не му значи ништо. Ние сакаме сами да си ја завршиме работата и да не чекаме. Сакаме да завршиме со 4 победи“ – додаде Давитков.

Кошаркарски драми: Германија подобра од Израел по продолженија, триумф за Грција во последна секунда

Томас Ѓорѓиевски

-

16.09.2018

0

Репрезентацијата на Германија по Грција е втората селекција од Европа која обезбеди пласман на Мундобаскетот 2019, откако го совладаа Израел на продолженија со конечни 112-98. Гостите имаа иницијатива во текот на целиот меч, во еден момент имаа +23, сепак, домаќините со дополнителни сили се изборија за пресврт, но не и победа во регуларниот дел. Во дополнителните пет минути Германија беше подобра со 20-6 и заслуѓено ја прослави осмата победа и пласманот на СП 2019.

Грција со кошот на Папаниколау со звукот на сирената победи со резултат од 86:85, во драматичната пресметка против Грузија. Грците се првата европска селекција која го обезбеди својот настап на следниот Мундобаскет, додека во квалификациската група Л имаат максимални осум победи од исто толку натпревари.

Русија на свое тло беше подобра од бугарската репрезентација со 77:73, па со оваа победа ја прекина серијата од два порази во низа, со што направи чекор кон третата позиција во квалификациската група К, со 12 бода, исто толку има и Финска, но Русите имаат подобра кош разлика.

„Црвено-жолтите“ не им дадоа шанса на Романците

Златко Јуруковски

-

16.09.2018

0

Македонија ја победи Романија со 90:76 и направи уште еден чекор напред кон пласман во квалификациите за машкиот Евробаскет 2021. Триумфот го заокружи успешниот септемвриски циклус за македонскиот национален тим, кој чекор по чекор оди кон враќање меѓу најдобрите на Стариот континент.

Творци на победата беа повеќе играчи, петмина имаа двоцифрен број на поени, но отскокнуваше капитенот Војдан Стојановски со 21 поен, 13 скока и пет асистенции.

Првата четвртина донесе изедначеност, ниту еден од тимовите не успеа да се одлепи, доста се грешеше на двете страни, и ништо не навестуваше дека средбата ќе заврши со голема разлика, туку делуваше дека ќе биде неизвесно.

Во вториот квартал, Македонија малку се одлепи, и тоа им овозможи на избраниците на Јорданчо Давитков да играат послободно, а и во игра влегоа повеќе резервисти.

Второто полувреме почна според желбите на „жолто-црвените“ и во 24 минута, семафорот покажуваше 53-38. Тие плус 15, Македонија ги имаше и на крајот на третата четвртина.

Американецот со романски пасош, Вотсон, со серија поени придонесе разликата да падне на едноцифрена. Сепак, Македонија ја задржа предноста и најде начин како да дојде до победа која најавува подобри денови за нашата репрезентативна кошарка.

Наредниот меч за Македонија во овие претквалификации е на 2 декември во Скопје против Косово, и ако го добиеме тој дуел, шансите за освојување на првото место ќе бидат огромни, бидејќи ќе остане само уште еден натпревар, гостувањето во Романија на 21 февруари.

ПРИЗНАНИЕ ЗА СОЊА

На паузата меѓу двете полувремиња, раководството на МКФ и даде подарок (дрес на репрезентацијата со нејзиното име и цвеќе) на Соња Спасовска, жената која 25 години е незаменлива во канцелариите на федерацијата. Соња цели две ипол децении успешно ја врши функцијата технички секретар и заслужи да добие внимание.

Голеадата им донесе по еден бод на Фрајбург и Штутгарт

Томас Ѓорѓиевски

-

16.09.2018

0

Штутгарт и Фрајбург ги поделија бодовите по голеадата во која видовме шест гола (3-3). Иако домаќините уште од првата минута се најдоа во водство, Инсуа израмни за 1-1 во 44-тата минута.

Во вториот дел, на стена стапи Марио Гомез, па со два погодоци го реши победникот на мечот. Прво во 49-тата минута подоги за 2-1, три минути подоцна Фрајбург израмни преку Гондорф, но искусниот германски голгетер во 56-тата минута одново ја донесе својата екипа во водство. Сепак, на помалку од 10 минути пред крајот Валдшмидт израмни за 3-3, што на крајот беше и конечниот резултат од овој меч.

По три меча во Бундеслигата и двете екипи се уште не знаат за победа, со ова реми ги остварија првите бодови за сезонава.