Возбудувањата во првото коло од Лигата на шампионите и Лигата на Европа завршија и сега повторно фокусот е на дуелите од најсилните лиги во Европа. Оние екипи кои беа дел од европските натпреварувања имаат малку време за повторно да се подготват, овојпат во бробата за нови бодови во домашните шампионати.

Во топ 5 лигите речиси и да нема некое многу звучно дерби, но затоа има мечеви на кои речиси сигурно се знае победникот. Сепак, фудбалот многу пати се покажал како непредвидлив и затоа е интересно да се типува. Во пресрет на почеток на викендот ви нудиме неколку „подароци“ за типување.

Во топ 5 лигите има шест клубови кои се со максимален ефект. Челзи и Ливерпул блескаат во Премиер лигата. Ливерпул е во еуфорија по победата над ПСЖ во Лигата на шампионите, а утре од 16 часот игра против Саутхемптон.

„Енфилд роуд“ чека нова радост

Навивачите на „Енфилд роуд“ се подготвени да видат нов триумф на нивниот омилен тим. Победа на Ливерпул е со коефициент 1.22, а ремито е дури со коефициент 6.10. Речиси е неверојатно Саутхемптон да победи, па коефициентот е 12.

Лондонско дерби за неделно попладне

Челзи покажа дека е во одлична форма и со 14 голови е најефикасен тим во лигата. Вест хем очајно стартуваше и имаше четири порази во низа, но конечно „чеканите“ минатата недела се израдуваа, и тоа на гости кај Евертон, победувајќи со 3-1. Против Челзи треба да покажат дали таа победа беше случајна или ќе успеат да му ги откинат првите бодови на фаворитот. За победа на Челзи коефициентот е 1.62, ремито вреди 4.20, додека триумф на Вест хем е со коефициент 5.10.

Шампионите во Италија, Германија, Шпанија и Франција повторно се лидери

Дека нема многу работи да се сменат во најсилните првенства, покажуваат и моменталните табели. Јувентус е единствен со четири победи во 4 меча, а „старата дама“ така сака да остане и по неделното гостување кај Фрозиноне. Коефициентот за италијанскиот гигант е само 1.22, ремито е 6.20, а победа на домаќините е со коефициент 15.

Барселона, едноставно треба само да се појави за да ги освои трите бода против Жирона. Каталонците играат на „Камп ноу“, па имаат коефициент 1.10, што значи дека сè останато освен победа на шампионот, би било „лудило“. За реми коефициентот е 10, а „двојката“ е 24.

Баерн ќе има добар тест на гости кај Шалке во Гелзенкирхен. Баварскиот гигант нема ниту еден пораз на последните 17 средби против овој ривал (14 победи и три реми), па затоа иако е гостин, коефициентот за првакот е 1.45, ремито е 4.30, а за успех на Шалке се дава коефициент 7.10.

ПСЖ и сезонава може само да се „прошета“ до титулата во Франција. „Светците“, кои досега се без грешка, во недела ќе гостуваат кај Рен. Коефициентот за нова радост на фаворитот е 1.40, ремито е со коефициент 4.80, а победа на Рен е 7.50.