Дома Blog Страница 10734

Хет-трик за Азар, пет од пет за Челзи

Томас Ѓорѓиевски
-
0

Челзи го следи Ливерпул во чекор, ја забележа и петтата победа по пет меча во Премиер лигата, со триумфот над Кардиф од 4-1. Кардиф ја изненади публиката на „Стемфорд бриџ“ со погодок на Бамба во 16-тата минута, а „сините“ кон крајот на првиот дел го свртеа резулатот во своја корист. Азар прво погоди во 37-та минута, потоа и во 44-тата минута. Во вториот дел мрежите мируваа до 80-тата минута, кога Белгиецот реализираше хет-трик со гол од пенал, а само три минути подоцна Вилијан ги постави конелните 4-1.

Челзи по пет меча е на чело на табелата во англискиот шампионат, со пет победи исто колку и Ливерпул, но „сините“ имаат подобра гол разлика со денешната победа.

Манчестер сити рутинирано славеше против Фулам со 3-0, со головите на Сане, Силва и Стерлинг. Арсенал му нанесе нов пораз на Њукасл, славејќи гостинска победа од 1-2. Голеада имаше на мечот Бурнемаут – Лестер, кој заврши со резултат од 4-2 во корист на „црешите“. Кристал палас славеше со минимални 0-1 на гостувањето кај Хадерсфилд.

РЕЗУЛТАТИ ПРЕМИЕР ЛИГА 5. КОЛО:

Челзи – Кардиф 4-1

Бурнемаут – Лестер 4-2

Хадерсфилд – Кристал Палас 0-1

Манчестер сити – Фулам 3-0

Њукасл – Арсенал 1-2

Кит Го и Тиквеш одиграа без победник, Пелистер загуби дома

Трајан Маневски
-
0

Пелистер и понатаму е без победа во Втората лига, откако денеска на свој терен загуби од Струга Трим Лум со 1:2, во 4. коло на Западниот регион. Арбен Тафе погоди за водство на гостите од Струга во 33 минута, а Пелистер со гол од пенал во 83 минута преку Благоја Наумовски успеа да израмни. Сепак, гостите од Струга беа решени да си заминат со трите бода и само две минути подоцна со погодокот на Самет Шеји стигнаа до предност од 2:1, што се покажа и како конечен резултат.

На Истокот, во дербито на колото, Кит Го и Тиквеш одиграа 1:1. На мечот одигран во Пехчево, гостите први се израдуваа. Иван Ивановски погоди во 47 минута за водство од 1:0, но Мартин Стојанов со погодокот во 65 минута донесе реми и не дозволи пораз на Кит Го на свој терен.

Втора лига, Исток: Кит Го – Тиквеш 1:1, Плачковица – Саса 1:1, Кожуф – Партизан Обрешани 2:0, Вардар Неготино – Детонит Јуниор 3:2, Брегалница – Борец играат во 19 часот.

Втора лига, Запад: Пелистер – Струга ТЛ 1:2, Велазерими – Тетекс 2:0, Гостивар – Гоблен Јуниор2:3, Кораб – Скопје 1:0. Утре играат: Лабуништа – Генч Калемлер.

Баерн убедлив против „фармацевтите“

Томас Ѓорѓиевски
-
0

Баерн Минхен го совлада Леверкузен на „Алијанц арената“ со 3-1, германскиот првак и по три меча има максимален број на бодови (9) во шампионатот.  Стартот на дербито беше фуриозен, Вендел од белата точка донесе водство за „фармацевтите“ по само пет минути игра. „Баварците“ брзо се разбудија од шокот, па за само две минути стигнаа до водство, што беше доволно за нов триумф. Толисо израмни во 10-тата минута, во 12-тата Робен ги направи комплетен пресврт за 2-1, додека Родригез ги постави конечните 3-1 во финишот на средбата.

Лајпциг конечно забележи победа во германскиот шампионат, со триумф над Хановер од 3-2 на свое тло. Еден гол на Поулсен и два на Вернер беа доволни за прв триумф сезонава. Дизелдорф со 2-1 го победи Хофенхајм, Мајнц во самиот финиш на средбата оствари комплетен пресврт за 2-1 против Аузбург, а Херта и Волфзбург во судиското надополнување се изборија за реми при конечни 2-2

РЕЗУЛТАТИ БУНДЕСЛИГА 3. КОЛО:

Баерн Минхен – Баер Леверкузен 3-1

Фортуна Дизелдорф – Хофенхајм 2-1

Мајнц – Аузбург 2-1

Лајпциг – Хановер 3-2

Волфзбург – Херта 2-2

 

Хамилтон ќе стартува од првата позиција во Сингапур

Трајан Маневски
-
0

Луис Хамилтон имаше најдобро време на денешните квалификации на патеката „Марина Беј“, за големата награда на Сингапур. Британскиот возач со ова возење покажа дека не попушта во темпото и сака по оваа трка само да ја зголеми предноста во генералниот пласман пред Себастијан Фетел.

Веднаш до Хамилтон од втората позиција ќе стартува Макс Верстапен од „Ред Бул“, додека најголемиот ривал на Британецот во трката за титулата, Фетел е на третата позиција. Според квалификациите, рапоредот на возачи на стартно-целната рамнина потоа ќе биде: Ботас, Раиконен, Рикардо, Перес, Грожан, Окон и Хилкенберг.

Трката за големата награда на Сингапур ќе се вози утре, а стартот е закажан за во 14 часот.

За победите над Гибралтар и Ерменија – награда од 30.000 евра

Трајан Маневски
-
0

Македонската фудбалска репрезентација одлично ги започна натпреварите во Лигата на Нации и со максимални шест бода е лидер во својата група. „Црвено-жолтите“ на стартот победија со 2:0 на гости кај Гибралтар, а потоа на арената „Филип Втори“ со 2:0 беше победена и Ерменија.

За овие резултати на репрезентацијата, Управниот одбор на ФФМ, на денешната седница во Охрид, реши да ги награди фудбалерите и стручниот штаб со премија од 30.000 евра.

„За победите против Гибралтар и Ерменија во рамките на УЕФА Лига на Нации, фудбалерите на А националниот тим, како и стручниот штаб ќе добијат награда во висина од 30.000 евра“, стои во одлуката донесена од Управниот одбор на фудбалската федерација на Македонија.

Нов „ладен туш“ за Интер

Томас Ѓорѓиевски
-
0

Интер претрпе нов пораз во италијанскиот шампионат, откако денеска пред своја публика беше шокиран од Парма. Избраниците на Лучијано Спалети цели 80 минути се мачеа да ја затресат мрежата на гостите, а при првиот посериозен напад на Парма следуваше „ладен туш“ за „нероаѕурите“.

Младиот Федерико Димарко во 80-тата минута го замолкна „Џузепе Меаца“, и му го нанесе вториот пораз на Интер по само четири одиграни мечеви во Серија А.

Пасторе не се опорави навреме, назад во составот се враќа Флоренци

Томас Ѓорѓиевски
-
0

Предводникот на Рома, Еузебио Ди Франческо, утре против Киево ќе брка бодови без новото засилување Хавиер Пасторе, кој цела недела се мачи со грчеви. Сепак, добри вести за фановите на „волчицата“ се враќањето на тројца првотимци, Алесандро Флоренци сигурно ќе настапи од првата минута, додека Даниеле Де Роси и Диего Пероти ќе чекаат шанса од клупата.

„Флоренци ќе игра од првата минута, а што се однесува за Де Роси, дури утре ќе одлучам меѓу него и Нзонзи за место во почетниот состав“, истакна Ди Франческо на денешната прес-конференција.

Рома по три кола во Серија А има еден триумф, едно реми и еден пораз, а утре во 12:30 часот на „Олимпико“ против секогаш непријатните Киево ќе имаат шанса да го поправат впечатокот по турбулентниот почеток на сезоната.

Канте откри дека го одбил ПСЖ: Нема потреба да менувам средина

Томас Ѓорѓиевски
-
0

Фудбалерот за врска на Челзи, Н’голо Канте, за француските медиуми откри дека одбил понуда од ПСЖ, бидејќи не сакал да ја менува средината. Французинот вели дека е среќен во Лондон, има важна улога во редовите на тимот кој го води Маурисио Сари.

„Немаше потреба да ја менувам средината. Имаше неколку заинтересирани клубови, ПСЖ испрати конкретна понуда, но, по разговор со луѓето со претставниците на Челзи одлучив да останам, најважно е да бидам среќен. Клубот смета на моите услуги, убаво ми е тука, па логично за мене беше да ја продолжам кариерата со овој клуб“, истакна Канте.

Откако во 2015 година пристигна во редовите на Лестер, кариерата на Канте се движеше само во нагорна линија. По освоената титула во Англија со „лисиците“, следанта сезона стана шампион со Челзи, а летово со француската репрезентација стана владетел на светот.

„Петка“ за Ливерпул

Златко Јуруковски
-
0

Дербито на Премиерлигата помеѓу Тотенхем и Ливерпул, одиграно на „Вембли“, им припадна на гостите од градот на „Битлси“ со 2:1. Ливерпул има 15 бода од пет меча, што е најдобар старт за „црвените“ од 1990/1991 наваму.

Ливерпул поведе со голот на Џорџинио Вајналдум, негов прв погодок на гостински терен во кариерата. Холанѓанецот не ја затресе мрежата, но после неговиот шут со глава, топката ја мина воздушната гол-линија.

Во 54 минута, Роберто Фирмино зголеми на 2-0, откако целата работа ја заврши Садио Мане, па на среќниот Бразилец му остана само да ја спроведе топката во празниот гол и да го постигне најлесниот гол во кариерата. При вториот гол, се покажа дека Ворм не е соодветна замена за првиот голман на Тотенхем, Иго Лорис. Ламела намали на 1-2 во судиското продолжение.

Фирмино не го одигра мечот до крај, бидејќи доби посекотина околу окото, па некои англиски аналитичари се шегуваа дека можеби треба на играчите да им се проверува должината на ноктите пред меч.

Атлетико продолжи да губи бодови

Златко Јуруковски
-
0

Атлетико Мадрид одигра само 1:1 на свој терен против Еибар, и сега има само 5 бода после четири одиграни кола. Освојувањето на европскиот Суперкуп како да ги вивна во облаци „јорганџиите“, и тоа скапо ги чини во шпанската лига, нешто слично како што му се случи на Реал Мадрид во минатата сезона кога во октомври имаше заостанување од десетина бода.

Неверојатниот голман на Еибар, Марко Дмитровиќ, беше како „октопод“, имаше девет одбрани, од кои повеќето беа за да спречи сигурен гол. Атлетико никако не успеваше да го совлада Дмитровиќ, а во 87 минути, публиката на „Ванда метрополитано“ беше шокирана. Серџи Енрих даде гол за 1-0. Пред тоа Еибар имаше две пречки, но немаа среќа да погодат.

Еибар беше на прагот да дојде до прва победа во меѓусебните дуели со Атлетико, но во 94. минута, резервистот Борха Гарсес Морено изедначи, и на Диего Симеоне му се заблагодари за довербата. Сепак, некој да му понудеше на Атлетико пред мечпот само бод, немаше да прифатат и вака им се заканува опасност да се најдат во негатива од 7 бода после само четири кола.

 

1...10.73310.73410.735...10.758Страна 10.734 од 10.758