Шест гостински и три домашни победи се очекуваат на деветте натпревари од ноќната програма во НБА-лигата. Според квотите во Sport Life, најголеми фаворити се Филаделфија (1.08), Хјустон (1.08), Торонто (1.15), Њујорк (1.13), Денвер (1.10) и Сан Антонио (1.13), додека малку поголема неизвесност се очекува на останатите три меча.
Во богатата понуда на Sport Life може да најдете и над 90-мина кошаркари за играта „плус-минус“ на поени, а комплетната понуда е достапна ТУКА.
Ѕвездата на Шпанија и Барселона, Ламин Јамал, се осврна на темата за ксенофобичните скандирања за време на контролниот натпревар против Египет. Мечот се одигра на стадионот на Еспањол во Барселона и заврши без голови – 0:0.
Јамал не одигра на своето највисоко ниво и беше заменет уште на полувреме, а според шпанските медиуми, бил вознемирен поради скандирањата од трибините.
„Јас сум муслиман, фала му на Бога! Вчера на стадионот се слушаше скандирањето: ‘Кој не скока е муслиман’. Знам дека тоа беше насочено кон противничкиот тим и не беше лично кон мене, но како муслиман го доживувам како непочитување и нешто неприфатливо“, напиша Јамал на социјалните мрежи.
„Разбирам дека не сите навивачи се такви, но до оние што ги пеат овие работи: користењето на религијата како навреда ве прави неуки и расисти. Фудбалот треба да биде уживање и да обединува, а не да поттикнува непочитување кон луѓе со различна вера.
Им благодарам на сите што дојдоа да нè поддржат – ќе се видиме на Светското првенство“, додаде ѕвездата на Барселона.
Спортскиот директорот на репрезентацијата на Италија, Џанлуиџи Буфон, објави дека заедно со селекторот Џенаро Гатузо ќе останат на своите позиции до јуни, со цел да ѝ дадат време на Федерацијата да избере нов селектор по неуспехот во квалификациите за Светско првенство. Претседателот на Федерацијата, Габриеле Гравина, веќе потврди дека побарал од двајцата да останат, но нивната иднина сè уште не е целосно јасна.
„Ова е деликатен момент и мора да одвоиме доволно време за да донесеме правилни одлуки“, изјави Буфон по баражот со Босна и Херцеговина.
„Јасно е дека сезоната завршува во јуни, па дотогаш е фер и исправно да ѝ бидеме на располагање на Федерацијата, на претседателот и на сите коишто имаа доверба во нас“, додаде тој.
„Ако мислите дека нешто се менува и оди на подобро, тогаш сум многу среќен бидејќи тоа беше една од нашите цели. Но, најважната цел беше да се пласираме на Светското првенство. Тоа навистина боли и може да нè натера да не размислуваме јасно, па тука ќе застанам. Ќе бидеме тука до јуни, а потоа ќе видиме како ќе продолжиме“, продолжи Буфон.
„Морам да бидам искрен – ова е срам за голема нација како Италија. Ние ја освоивме светската титула во 2006 година, а сега се мачиме да се пласираме на Светско првенство? Тоа е навистина срамно. Ако денес кажете дека Италија е навикната да игра на Мундијали, тешко дека некој ќе ви поверува. Ова е огромен пад за италијанската репрезентација“, заклучи легендарниот голман.
Италија ќе го пропушти и третото Светско првенство по ред, а на последните две на кои учествуваше, во 2010 и во 2014 година, беше елиминирана уште во групната фаза.
Договорот на Бернардо Силва со Манчестер сити истекува налето, а Португалецот има само една желба – да го облече дресот на Барселона.
Каталонците би добиле одлично офанзивно засилување доколку се одлучат бесплатно да го ангажираат 31-годишниот Португалец, но информациите кои кружат во Барселона се дека од клубот нема интерес за негов ангажман.
Сепак, клучна улога може да одигра агентот на Бернардо Силва, Жорж Мендеш, кој негува пријателски односи и со претседателот на Барселона, Жоан Лапорта, но и со спортскиот директор, Деко.
Вредноста на Бернардо Силва во моментов се проценува на 27 милиони евра, а Граѓаните во 2017 година го купија од Монако за 50 милиони евра.
Лондонски Челзи објави шокантна загуба од 262,4 милиони фунти (околу 349,5 милиони долари) за сезоната 2024/25. Ова е најголемата годишна загуба во историјата на англискиот фудбал, со што е надминат претходниот негативен рекорд на Манчестер сити од 194,9 милиони фунти, поставен во сезоната 2010/11.
И покрај огромниот минус, клубот забележа раст на приходите, кои достигнаа 490,9 милиони фунти за финансиската година што заврши во јуни 2025. Овој период беше успешен и на теренот – Сините завршија на четвртото место во Премиер лига, ја освоија Конференциска лига, а потоа триумфираа и на Светско клупско првенство.
За разлика од оваа ситуација, во сезоната 2023/24 Челзи пријави добивка од 128,4 милиони фунти. Сепак, тој резултат беше постигнат преку сметководствен потег – продажба на женскиот тим на матичната компанија „БлуКо“.
Од клубот објаснуваат дека зголемувањето на приходите се должи на повисоките приходи од ТВ-правата во Премиер лигата, како и на учеството на Светското клупско првенство. Сепак, расходите значително пораснале.
„Оперативните трошоци значително се зголемија, главно поради повисоките трошоци за организација на натпревари поради нашето враќање во европските клупски натпреварувања“, се наведува во официјалното соопштение на Челзи.
Ракометарите на Охрид се пред портите на полуфиналето во Европскиот куп откако со 26-31 победија на првиот меч против Олимпијакос на гостински терен. Во сабота ги очекува реваншот на домашен терен и се чини дека само чудо може да ги спречи да се најдат меѓу најдобрите четири екипи во третото по ранг ракометно натпреварување.
Спортскиот директор Славчо Ристески вели дека во Грција биле коректно пречекани и мечот минал без никакви проблеми, па апелира до навивачите така да биде и на реваншот во Охрид.
„ГРК Охрид за градот од коло во коло на Европската сцена пишува историја! Одигравме одличен натпревар во Атина и се вративме како победници. Но, имаме уште 60 минути на домашен терен.
Репрезентацијата на Босна и Херцеговина направи големо изненадување откако ја елиминира фаворизираната Италија и ќе биде дел од Светското првенство кое летово ќе се игра во САД, Канада и Мексико. Со успехот на БиХ се продолжува една интересна традиција, а тоа е откако се распадна Југославија, на Мундијалите кои потоа се играа да учествуваат по две земји од некогашната земја.
Земјите кои се одвоија од Југославија првпат учествуваа во квалификации за СП 1998 година, а на планетарниот собир во Франција тогаш се пласираа селекциите на Хрватска и на СР Југославија. Следниот мундијалски сон во 2002 година го исполнија Словенците, кои првпат беа дел од завршницата, а таму повторно беше и Хрватска.
На СП во 2006 година, од некогашна Југославија учествуваа Србија и Црна Гора и повторно Хрватска. Во 2010 година Хрватите првпат киксираа и ги нема на завршницата, но таму беа Србија и Словенија.
На Светското првенство во Бразил во 2014 година учествуваа Босна и Херцеговина за првпат, а Хрватска повторно се врати на големата сцена. Во 2018 и 2022 година учесниците од ексју беа истите, а тоа се Србија и Хрватска.
Сега на Мундијалот, кој ова лето ќе се игра во САД, Канада и Мексико, од некогашната држава ќе учествуваат Хрватска и Босна и Херцеговина.
Од земјите кои прозлегоа од некогашна Југославија, остануваат само уште Македонија и Црна Гора да мечтаат да бидат дел од завршица на еден планетарен собир.
Еден од најдобрите фудбалски тренери, Фабио Капело, жестоко распали по неуспехот на италијанската фудбалска репрезентација да се пласира на Светско првенство, и тоа третпат во низа. Според Капело, недозволиво е репрезентација со таква репутација да не може да биде дел од најдобрите на три планетарни собири во низа.
„Цела ноќ не спиев, око не склопив. Уште не можам да верувам тоа што се случи. Зборуваме за четирикратен светски првак, ова е спортска трагедија. Срамота. Ова е една од најлошите работи кои може да се случат за италијанскиот фудбал во поновата фудбалска историја“, жестоко критикуваше Капело.
Според Капело, главен виновник не е селекторот Џенаро Гатузо, туку претседателот на Федерацијата. „Најлошо е што тука никој не презема одговорност, никој не поднесува оставка. Прв кој треба да преземе одговорност е претседателот на Федерацијата, заедно со целиот управен одбор“, вели Капело, кој потенцираше дека е потребна голема реформа во италијанскиот фудбал. „Мора да започнеме реконструкција од темелот. Проблемот не е само во резултатите, тој е структурален.“
Само 24 часа беа доволни за да се издвојат фаворитите на некои од натпреварите кои се дел од 25-тото коло на Спортската прогноза. Возбудувањата ќе започнат во сабота од 13:45 часот, и тоа можеби со најголемото дерби за викендов, меѓу Манчестер сити и Ливерпул. Ова е меч од полуфиналето на ФА купот, а над 75 отсто од прогнозерите го фаворизираат Ливерпул дека ќе се радува уште во регуларните 90 минути игра.
В сабота ќе се игра и второто големо дерби. Барселона ќе гостува во Мадрид против Атлетико, а над 50 отсто чекаат „двојка“. Останатите прогнози се поделени речиси подеднакво за „кец“ и нерешено.
Во понудата за ова коло има вкупно 13 пара од најсилните пет европски фудбалски земји. Како најголем фаворит е Хамбургер, кој дома игра против Аугсбург, а за победа на домаќините одиграле над 86 отсто од прогнозерите. Речиси 80 отсто шанси за победа има и Вест хем во дуелот против Лидс, но тоа треба на теренот да се потврди.
За сите прогнозери главен предизвик ќе биде да се обидат да погодат Среќна 13-ка, односно да ги имаат точните фиксови на понудените средби. За перфектно прогнозирање следува одличен подарок, а тоа е iPhone 16. За 12 погодени мечеви следува вредносен ваучер од Sport Life во вредност од 1.000 денари, додека 11-ката се вреднува со ваучер од 500 денари.
Македонската фудбалска репрезентација е на 67-мата позиција на најновата ранг-листа на ФИФА, што е пад за едно место од претходното рангирање. Во март Македонија одигра два меча на гостински терен, во кои не успеа да постигне ниту еден гол. Загуби од Данска со 4:0, а потоа одигра без голови против Ирска во Даблин.
Пред Македонија скокна Босна и Херцеговина, која со пласманот на Светското првенство сега напредуваше за шест позиции и е на 65-тото место на ФИФА-листата. Пред Македонија се и селекции како Јордан, Буркина Фасо…
Промени има и на врвот на листата, каде што сега лидер е репрезентацијата на Франција со 1877,32 поени, пред Шпанија со 1876,40 поени и Аргентина, која е на третото место со 1874,81 поени. Во Топ 10 се и Англија, Португалија, Бразил, Холандија, Мароко, Белгија и Германија.
Спорт Манија е портал наменет за љубителите на спортот кој почна со работа на 14 септември 2018 година.
Контакт: contact@sportmanija.mk
Спорт Манија © 2018-2023
