-3.2 C
Skopje
вторник, 13 јануари 2026
Дома Blog Страница 31

Ѓоковиќ постави нов рекорд, стигна до магичната 1.000-ка

Златко Јуруковски
-
0
Ѓоковиќ постави нов рекорд, стигна до магичната 1.000-ка

Со објавувањето на најновата АТП листа, од денеска и официјално најдобриот тенисер во историјата, Новак Ѓоковиќ, постави еден неверојатен рекорд, дури 1.000 недели по ред е меѓу првите 50 на рангирањето.

Поминаа речиси 20 години, поточно во јуни 2006 година беше последен пат кога српскиот ас не беше меѓу првите 50. Откако влезе, веќе не излегува две веќе две децении. 

Во 2026 година Новак може да се изедначи со Роџер Федерер по број на освоени турнири, му требаат две титули за тоа. Федерер е втор на вечната листа со 103 трофеи, а прв е Џими Конорс со 109.

Ако го освои Отвореното првенство на Австралија, Новак ќе го изедначи рекордот на Маргарет Корт која има 11 титули во Мелбурн, а тој би имал 25 гренслема што би било апсолутен рекорд во машка или женска конкуренција. Доколку успее да освои некој гренслем, ќе стане најстариот во историјата што го сторил тоа.

Официјално: Нено Димитријевиќ во Баерн Минхен, чест е да се игра за Пешиќ!

Златко Јуруковски
-
0
Официјално: Нено Димитријевиќ во Баерн Минхен, чест е да се игра за Пешиќ!

Баерн Минхен се пофали дека го обезбедиле потпишувањето на македонскиот бек Ненад „Нено“ Димитријевиќ.

Нашиот 27-годишен кошаркар се враќа во Евролигата. Договорот со Баварците му е до крајот на сезоната, со опција за уште една година.

Димитријевиќ, кој ќе го носи дресот со бројот 0, ги заврши сите медицински прегледи и веќе тренираше со својот нов тим.

„Минхен е одличен и многу почитуван клуб, а кога тренерот Пешиќ ве повикува, тоа е чест“, ја објасни својата одлука да му се приклучи на Баерн.

„Навистина сакав да се вратам во Евролигата и сакам да помогнам да се добијат што е можно повеќе натпревари. Тимот сака да ја освои лигата во Германија, купот и да се бори за место во плејофот во Евролигата до последниот натпревар. Ќе ја вложам целата моја енергија и борбен дух за да имаме шанса да победиме на секој натпревар“, рече Нено кој има искуство од играње и во шпански, италијански и руски клубови. 

Од Зенит му посакаа среќа на Димитријевиќ, а рускиот клуб информира дека тој е на позајмица во Баерн до крајот на сезоната 2025/26. Договорот на Нено со Зенит е до крајот на сезоната 2026/27, па налето ќе треба пак да преговара.

 

Флечер кратко ќе го води Манчестер јунајтед, а клубот дури налето ќе бара долготраен менаџер

Златко Јуруковски
-
0
Флечер кратко ќе го води Манчестер јунајтед, а клубот дури налето ќе бара долготраен менаџер

Манчестер јунајтед откако се раздели со Рубен Аморим, ново трајно решение на менаџерската позиција ќе бара дури налето, по завршувањето на сезонава.

Јасно е дека задутре на средбата со Барнли, на клупата во улога на в.д. менаџер ќе биде Дарен Флечер. Но, може да се случи Флечер да го води тимот само на тој меч.

Во меѓувреме, бараат соодветен тренер кој би ја водел екипата до крајот на сезоната, но само дотогаш, а потоа би се разделиле со него и би барале стручњак со кој би потпишале договор на подолг рок.

За секоја победа на ЕП, ракометарите ќе добијат премија од 2 милиони денари

Златко Јуруковски
-
0
За секоја победа на ЕП, ракометарите ќе добијат премија од 2 милиони денари

Владата преку Министерството за спорт и во соработка со Ракометната федерација на Македонија обезбеди финансиска премија за македонската машка ракометна репрезентација од 2 милиони денари за секоја победа, и уште 2 милиони денари за пласман во втората фаза на ЕП 2026.

Ова им беше пренесено на играчите од министерот Борко Ристовски и раководството на РФМ на чело со претседателот Александар Стефанов.

„Ракометната Федерација на Македонија е со нашите ракометари пред новиот европски предизвик – со тим кој не го поврзува само дресот, туку и заедничката љубов кон ракометот и Македонија.

Играњето за репрезентацијата е чест, но и огромна одговорност. Убедени сме дека нашите ракометари ќе настапат со мирна глава, силна мотивација и максимална посветеност на Европското првенство што од 15 јануари до 2 февруари ќе се одржи во Данска, Шведска и Норвешка.

Континуитетот на настапи на големите натпреварувања е доказ за сериозна работа, истрајност и македонско срце.

Во соработка со Министерството за спорт, ќе биде обезбедена премија од 2 милиони денари за секоја победа, како и дополнителни 2 милиони денари за пласман во втората фаза на ЕП 2026.

Играјте храбро и со срце – Македонија е со вас“, порачаа од РФМ.

Бет билдери и Специјал за елитен африкански фудбал (Фото)

Златко Јуруковски
-
0
Бет билдери и Специјал за елитен африкански фудбал (Фото)

Бет билдерите на Sport Life за денеска се посветени на две осминафинални битки од Африканскиот куп на нации, а и за двата меча квотата е иста, 15.0.

За да бидете добитни, потребно е Египет или Нигерија, зависи кој е вашиот фаворит, а можеби и двата тима, да даваат голови, и да имаат одреден број на корнери, како и директен придонес со гол или асистенција да имаат ѕвездите Салах и Мармуш од Египет, и Осимен и Лукман од Нигерија.

Што се однесува до Специјалот, тој е за дуелот на Египет и Бенин. Фараоните се големи фаворити за победа, затоа и квотите за прв стрелец се најмали кај Салах, Мармуш и Трезеге, а на Бенин му се даваат поголеми шанси да има повеќе картони, да направи пенал, итн.

Тука се и игрите на корнери, шутеви кон гол, фаули, офсајди, картони, замени, итн.

 

Ракометната федерација потпиша договор за партнерство со моќна компанија (Фото)

Златко Јуруковски
-
0
Ракометната федерација потпиша договор за партнерство со моќна компанија (Фото)

Ракометната Федерација на Македонија со задоволство ја информира јавноста за новото партнерство со Триглав Осигурување Живот АД Скопје, како официјален партнер на македонскиот ракомет.

Оваа соработка претставува значаен чекор во насока на унапредување и поддршка на ракометот во Македонија, со посебен фокус на стабилноста, сигурноста и долгорочниот развој на спортот и спортистите.

Ракометна Федерација на Македонија преку ова партнерство добива силна и доверлива поддршка од компанија која ја препознава важноста на вложувањето во спортот, младите генерации и националните вредности. Триглав Осигурување Живот АД Скопје, како дел од реномирана осигурителна група, со своето искуство и визија придонесува кон создавање посигурна иднина – како во животот, така и во спортот.

Ракометната Федерација на Македонија упатува благодарност за укажаната доверба и верува дека ова партнерство ќе донесе позитивни резултати и успешни заеднички приказни во периодот што следува.

Договорот го потпишаа претседателот на РФМ, Александар Стефанов, и генералниот директор на Триглав осигурување Живот, Христина Џамбазовска Анастасов.

Анализа на „Газета“: Елмас е балансерот на Конте

Златко Јуруковски
-
0
Анализа на „Газета“: Елмас е балансерот на Конте

Наполи рутински го победи Лацио, благодарение на маестралната игра на целиот состав, а и Елиф Елмас исто така одигра одлично за што доби пофалби од новинарите на најпознатиот спортски весник во Италија, „Газета дело спорт“.

Денешното издание на „Газета дело Спорт“ известува:

„Има еден клучен играч во тимот на Конте, Елмас. Тој е новиот тактички балансер, оној кој игра во левиот напаѓачки полупростор, но потоа станува човекот кој најмногу се жртвува во одбраната. Тој двапати беше блиску да даде гол со удари со глава (вториот пат ја погоди пречката), и практично го засени Каталди, ефикасно оттргнувајќи го вниманието од средниот ред на тимот на Сари“. 

Вардар го награди Тодоровски со договор до 2028

Златко Јуруковски
-
0
Вардар го награди Тодоровски со договор до 2028

Димитар Тодоровски останува во Вардар барем до крајот на сезоната 2027/2028, откако денеска го продолжи договорот со лидерот во фудбалското првенство и најтрофеен клуб во Македонија.

„Задоволни од прикажаното во досегашните настапи, начинот на работа, дисциплината, упорноста, желбата за успех на овој млад играч, ФК Вардар АД гледа блескава иднина на Димитар Тодоровски во црвено-црното семејство. На заедничко задоволство, извршниот директор на ФК Вардар АД, Миленко Неделковски, и играчот за врска Димитар Тодоровски, потпишаа договор до јуни 2028 година“, информираа од Вардар.

Министерот Ристовски им посака среќа и успех на ракометарите

Златко Јуруковски
-
0
Министерот Ристовски им посака среќа и успех на ракометарите

На последниот тренинг на македонската ракометна репрезентација во Скопје во рамки на подготовките за Европското првенство, тимот беше посетен од министерот за спорт, Борко Ристовски.

Ристовски и раководството на Ракометната федерација на Македонија им посакаа здравје, успех и среќа на играчите кои в среда заминуваат во Швајцарија на пријателски турнир, а потоа одат во Данска каде на 16-ти јануари го имаат првиот меч на ЕП.

Ристовски добро знае како е да се биде од „другата страна“, долги години беше голман на репрезентацијата и тоа во време кога ги имавме некои од најголемите успеси на големите натпреварувања, па секако им даде искрена поддршка на момците кои месецов ќе ја претставуваат Македонија на Европско првенство.

Легендата на Манчестер јунајтед е поставен за привремен менаџер

Златко Јуруковски
-
0
Легендата на Манчестер јунајтед е поставен за привремен менаџер

Дарен Флечер е наименуван за привремен менаџер на Манчестер јунајтед, откако клубот претпладнево му врачи отказ на Рубен Аморим.

Шкотланѓанецот како играч, имаше повеќе од 340 настапи за Јунајтед како младинец и сениор. Со клубот освои пет титули во Премиер лигата, а еднаш ја освои и Лигата на шампионите.

Во 2015 се пресели во Вест Бромвич Албион, пред да се пензионира во Стоук сити на 34-годишна возраст. Во 2020 година се врати во Манчестер, како тренер на тимот за играчи до 16 години. Подоцна стана дел од стручниот штаб на првиот тим, а три години работеше и како технички директор. Од јули наваму, го водеше У-18 тимот.

1...303132...10.362Страна 31 од 10.362

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023