Дома Blog Страница 30

Ташовски со тројка во последната секунда донесе победа на ТФТ против МЗТ Скопје Аеродром

Трајан Маневски
-
0
Ташовски со тројка во последната секунда донесе победа на ТФТ против МЗТ Скопје Аеродром

ТФТ Скопје продолжува до одличните игри и во домашното првенство, откако во драматичен меч го совлада МЗТ Скопје Аеродром со 93:91, во меч од второто коло во Суперлигата. Ова беше вистинско дерби. Двете екипи се менуваа во водство, имаше пресврти, а на крајот побединикот беше решен буквално во последната секунда, а се радуваа домаќините. Со овој триумф ТФТ се зацврсти на првото место на табелата, додека МЗТ останува втор.

На почетокот на средбата двете екипи се менуваа во водство, а откако ТФТ имаше 11:10, следуваше серија од 11:0 на гостите и МЗТ поведе со 21:11. Во втората четвртина домаќините се вратија во игра. Прво израмнија на 33:33, а до крајот на полувремето стигнаа и до водство од 43:41.

ТФТ одлично ја почна третата четвртина кога стигна и до предност од 48:41, гостите брзо возвратија, па го преземаа водството со 55:53. Домаќините водеа со 58:57, а МЗТ слично како во првата четвртина, со серија од 11:0 стигна до двоцифрено водство од 68:58, за да на почетокот на последните 10 минути аеродромци водеа со највисоки 16 разлика (77:61).

Тоа како да беше знак играчите на ТФТ да се „разбудат“ и со неверојатна низа од 22:2, поведоа со 83:79 на четири минути до крајот. Во финишот беше вистинска драма. ТФТ водеше со 90:87, кога Марин Петков погоди тројка за израмнуваше на осум секунди до крајот.

Сепак, тоа не беше крајот. ТФТ го имаше последниот напад, а договорноста ја презема репрезентативецот Виктор Ташевски кој погоди тројка во последната секунд за 93:90. До крајот, гостите дадоа само уште едно слободно фрлање по техничката грешка на клупата на ТФТ по радоста за тројката која им донесе победа.

Вардар повторно е лидер во Прва лига, Шкупи веќе има примено 101 гол сезонава

Трајан Маневски
-
0
Вардар повторно е лидер во Прва лига, Шкупи веќе има примено 101 гол сезонава

Вардар без никакви проблеми го победи Шкупи како гостин со 7:0, во меч од 28. коло на Прва фудбалска лига на Македонија. Со овој триумф Вардар се врати на лидерската позиција на табелата со 68 бодови, еден повеќе од второпласираната Шкендија. До крајот на првенството, овие два тима ќе видат голема борба за освојување на титулата. Шкупи го претрпе 27-миот пораз и остана на само еден бод, а чаирчани сега имаат примено точно 100 голови сезонава.

Серијата погодоци на отвори Закариќ кога погоди за 1:0. Шкупи имаше голема шанса да израмни, но Ферати кој излезе сам пред голманот на Вардар Ќосевски не успеа да погоди во 40 минута. Во финишот на првиот дел Вардар даде два гола. Најпрво Давид Бабунски зголеми на 2:0, а во 45 минута Рустеми си постигна автогол за 3:0 за Вардар на полувремето.

Во вториот дел вардарци продолжија во исто темпо и постигнаа уште четири погодоци. Тодоровски со погодок во 56 минута зголеми на 4:0, а потоа голови постигнуваа и Цветковиќ во 73 минута и Спахиу во 81 минута. Во последната минута точна на мечот стави Омерагиќ за 7:0.

Нејмар предложи револуционерна промена во фудбалот

Трајан Маневски
-
0
Нејмар предложи револуционерна промена во фудбалот

Нејмар уште се бори да влезе во форма која ќе го убеди селекторот на Бразил, Карло Анчелоти, дека е доволно добар да биде повикан во националниот тим за настап на Светското првенство кое ќе се игра за помалку од два месеци. Бразилската ѕвезда во дресот на Сантос, освен ој што е фокусиран да ја темпира формата, има и свои идеи за тоа што би требало да се промени за фудбалот во глобални рамки да биде поинтересен.

Една од најкоментираните теми е офсајдот, а легендарниот тренер Арсен Венгер даде конкретно решение за тоа како може да се промени ова правило.

Сега и Нејмар се јави со своја идеја околу промената на офсајд правилот. Бразилецот ја објасни својата идеја.

„Би го променил правилото за офсајд. Сметам дека офсајд треба да се суди само за подавања со високи топки. Која е ниско подавањето по земја, односно под градите, офсајд не треба да се суди“, вели Нејмар.

Некогашната ѕвезда на Барселона и ПСЖ, сезонава даде четири гола, а има и три асистенции во осумте меча што ги одигра во дресот на Сантос.

Барела даде гол и го посвети на Џенаро Гатузо

Трајан Маневски
-
0
Барела даде гол и го посвети на Џенаро Гатузо

Интер незадржливо граби кон освојување на титулата во Серија А откако убедливо со 3:0 го победи Калјари и направи да има двоцифрена предност во однос на најсерозните кандидати во трката за Скудетото. Меѓу стрелците за Интер се запиша и италијанскиот репрезентативец Николо Барела, кој веднаш по мечот испрати емотивна порака кон сега веќе поранешниот селектор на Италија, Џенаро Гатузо.

Гатузо доби отказ откако Италија не успеа да се пласира на Светското првенство.

„Овој гол му го посветувам на Гатузо. Тој е една од најдобрите личности што сум ги запознал во фудбалот. Не ја заслужи оваа ситуација и разочарувањето што ни се случи. Среќен сум што го имав за тренер во мојата кариера“, рече Барела.

По елиминацијата од БиХ, Гатузо воопшто не се вратил во Италија туку заминал во Шпанија, каде што моментно престојува, а неговото враќање на Апенините засега е неизвесно.

На помалку од два месеци до стартот на Мундијалот, селекторот доби отказ

Трајан Маневски
-
0
На помалку од два месеци до стартот на Мундијалот, селекторот доби отказ

Селекторот на Саудиска Арабија Ерв Ренар доби отказ и тоа на помалку од два месеци до стартот на Светското првенство кое летово ќе се игра во САД, Канада и Мексико. Францускиот стратег сам објави дека е сменет од позицијата.

„Таков е фудбалот. Саудиска Арабија се квалификуваше на Светското првенство вкупно седум пати, а два пати тоа го направи со мене“, рече Ренар, кој очигледно беше разочаран од одлуката на челниците на Федерацијата.

Ренар ја предводеше репрезентацијата на Саудиска Арабија во периодот од 2019 до 2023 година, а потоа се врати повторно да биде предводник во 2024 година, кога Роберто Манчини доби отказ.

Францускиот стратег може да се пофали дека тој е последниот стратег кој водел една репрезентација што успеала да ја победи Аргентина со Лионел Меси на СП. Тоа се случи пред четири години во Катар кога Саудиска Арабија во првото коло победи со 2:1. Сепак, на крајот на тој Мундијал, Аргентина стигна до светската титула.

Ренар имаше договор со Саудиска Арабија до крајот на СП 2026, но сега си заминува, а останува малку време да се најде неговиот наследник.

Алармот во Италија е активиран: само еден стадион е подготвен за ЕП 2032

Трајан Маневски
-
0
Алармот во Италија е активиран: само еден стадион е подготвен за ЕП 2032

По неуспехот да се пласира на Светското првенство 2026, фудбалска Италија се соочува со нов предизвик. Една од најфудбалските земји е под притисок да покаже дека добро работи во подготовките за домаќинство на Европското првенство кое во 2032 година треба да се одржи во оваа земја.

Директорот на УЕФА за Европското првенство во 2032 година, Микеле Ува, е уверен дека Италија нема да го изгуби статусот на еден од домаќините на континенталното натпреварување. Сепак, тој упати строго предупредување до Милано и Неапол, наведувајќи ја лошата инфраструктура, објавува „Фудбал Италија“.

Пред само неколку недели, претседателот на УЕФА, Александар Чеферин, се закани дека ќе ја лиши Италија од домаќинството на турнирот поради лоша инфраструктура.

„Се надевам дека инфраструктурата е подготвена. Во спротивно, турнирот нема да се игра во Италија“, изјави Чеферин за „Газета дело спорт“ на почетокот на овој месец.

„Тој е во право и испрати јасна порака. Работиме интензивно и сум убеден дека Италија ќе биде домаќин на Европското првенство со пет стадиони“, рече Ува, смирувајќи ја јавноста. „Не доцниме и сме совршено усогласени со планираната динамика. Нема причина за тревога“, рече Ува потенцирајќи дека заедничката работа на сите вклучени страни е клучна.

„Само треба да продолжиме да работиме заедно. По силното забрзување во последните шест месеци, осум локации имаат рокови што им дозволуваат да аплицираат. До средината на септември, Италијанската фудбалска асоцијација ќе избере пет градови што ќе ги претстави на УЕФА, а во првата недела од октомври ќе бидат потврдени градовите домаќини“, објасни тој.

Според неодамнешните извештаи на италијанските медиуми, во моментов само стадионот „Алијанц“ на Јувентус во Торино ги исполнува условите за домаќинство на европски натпревари без дополнителни градежни работи.

Кога играат Челзи и Манчестер пеналите се како редовна појава, Бруно Фернандеш често е меѓу стрелците, а 1:1 е најчест резултат

Трајан Маневски
-
0
Кога играат Челзи и Манчестер пеналите се како редовна појава, Бруно Фернандеш често е меѓу стрелците, а 1:1 е најчест резултат

Очајна е формата на двата тима. Челзи претрпе пет порази во последните шест меча што го одигра, а го победи само ттретолигашот Порт вејл во ФА Купот. Од друга страна, Манчестер јунајтед победи само еднаш во последните четири натпревари што ги играше.

За Челзи ова ќе биде една од последните шанси да се приклучи кон екипите кои се во Топ 5 и да брка излез во Лига на шампиони за следната сезона. Манечстер сака да го задржи третото место на кое е во моментов.

Челзи дома сезонава има само шест победи во 16 средби, што е само уште еден показател за несигурноста во играта на лондончани. Манчестер сезонава на гости загуби само четири пати во 16 пресметки.

Кога играат овие два тима, традицијата вели дека ремито е најреален резултат. Нерешено било дури шест пати во последните 11 дерби пресметки. Од последните девет дуели на овие ривали, четири пати резултатот бил 1:1.

Во последните шест пресметки имало дури четири пенали, а Бруно Фернандеш има постигнато четири погодоци, од кои два пати бил стрелец на првиот гол. Во специјаланта понуда може да се одигра за прв стрелец на гол, потоа стрелец во тек на меч, како и комбинација за тоа кој играч ќе даде гол и кој тим ќе победи.

Тука се и статистичките игри за бројот на шутеви во рамките на голот, бројот на изведени корнери, добиени жолти картони, направени фаули, „уловени“ офсајд позиции…

Конечно и Анчелоти проговори за дебаклот на Италија: Ја загубивме одбранбената цврстина

Трајан Маневски
-
0
Конечно и Анчелоти проговори за дебаклот на Италија: Ја загубивме одбранбената цврстина

Повеќе од 15 години Италија нема настап на Светско првенство, а Аѕурите ќе го пропуштат и Мундијалот кој ова лето ќе се игра во САД, Канада и Мексико. Некогашниот четирикратен светски првак остана без пласман на планетарниот собир по поразот од Босна и Херцеговина на пенали.

По овој неуспех настрада претседателот Габриеле Гравина кој поднесе оставка, а потоа си заминаа и селекторот Џенаро Гатузо и шефот на делегацијата на националниот тим Џанлуиџи Буфон. Многу играчи, тренери и аналитичари проговорија за недостатоците што ја мачат репрезентацијата и Серија А, а најновиот во долгата низа е познатиот Карло Анчелоти, кој изрази загриженост за насоката во која се движи италијанскиот фудбал.

Сегашниот селектор на Бразил тврди дека нацијата се оддалечила од дефанзивните принципи што некогаш ги поткрепуваа нејзините најголеми успеси, додека традиционалните силни страни на земјата бледнеат под влијание на современите тактички трендови.

Зборувајќи за моменталната состојба, Анчелоти тврди дека италијанските тимови се сè поранливи во одбраната. Додека европските натпреварувања редовно имаат натпревари со голем број голови, тој верува дека спектаклот честопати ги одразува дефанзивните грешки, а не напаѓачката брилијантност.

Анчелоти предупреди дека италијанскиот фудбал ја плаќа цената за напуштање на своите традиционални доблести.

„Серија А ја изгуби својата дефанзивна цврстина“, изјави тој за „Ил Џорнале“ и потоа додаде: „Веќе ни недостасува талент во другите делови од теренот, но прекумерната контрола на тактичкиот аспект ги наруши нашите карактеристики – оние врз кои отсекогаш сме ја граделе нашата историја“, поентираше Анчелоти.

Набилданите коефициенти најавуваат многу возбудувања на најинтересните мечеви

Трајан Маневски
-
0
Набилданите коефициенти најавуваат многу возбудувања на најинтересните мечеви

Четири супер интересни натпревари од најфудбалските земји во Европа се дел од Бет Билдер понудата каде коефициентите се движат од 15 до 20. За дуелот меѓу Наполи и Лацио се нуди квота од 17,а да биде добитно потребно е: Наполи да води на полувреме и да победи на крајот, двете екипи да постигнат гол, Лацио да добие повеќе жолти картони и Расмус Хојлунд да постигне гол или да асистира.

Со дури 20 коефициент се вреднува комбинацијата на дуелот меѓу Рома и Аталанта, а потребно е: да има 2+ погодоци во првото полувреме, 4+ корнери во првото полувреме, Дониел Мален да има 2+ шутеви во рамките на голот, Џанлука Скамака да има 2+ шутеви во рамките на голот.

ЗА англиското дерби меѓу Челзи и Манчестер јунајтед има две понуди и двете се со квота од 15. За едната од нив да е добитна, потребно е: Челзи да победи, Челзи да изведе 6+ корнери, Манчестер јунајтед да добие повеќе картони, Жоао Педро да постигне гол или да има асистенција.

Барселона подготвена да плати 40 милиони евра за косовски репрезентативец?

Трајан Маневски
-
0
Барселона подготвена да плати 40 милиони евра за косовски репрезентативец?

Барселона уште од сега знае дека во летниот преоден рок треба да се засили со квалитетен напаѓач. Уште е неизвесно дали ветеранот Роберт Левандовски ќе остане на „Камп Ноу“ и следната сезона, но јасно е дека каталонците се фокусирани да најдат врвен голгетер.

Ѕвездата на Атлетико Мадрид, Хулијан Алварес е главната желба на Барселона, но постојат и други опции, ако Јорганџиите не сакаат да се откажат од Аргентинецот. Како што пишува шпанскиот весник „Спорт“, една од опциите е доведување на ведат Муриќи од Мајорка.

Репрезентативецот на Косово има одлична сезона во Мајорка и моментално е втор стрелец во шпанското првество со 21 голови во 30 средби. Најавите се дека Барселона веќе ги воспоставила првите контакти за доведување на 31-годишниот напаѓач чија откупна клаузула е дури 40 милиони евра. Актуелниот договор на Муриќи со Мајорка е до јуни 2029 година.

Мајорка е тим кој моментално е на 15 место на табелата со само 34 освоени бодови, а Муриќи е најзаслужен што клубот не е во зоната за испаѓање.

1...293031...10.761Страна 30 од 10.761