Реал Мадрид го декласира Бетис на „Бернабеу“ со 5-1 во 18-тото коло од шпанската Ла Лига.
Иако тимот на Чаби Алонсо настапи без повредениот Килијан Мбапе, сите сомнежи за напаѓачкиот потенцијал ги отстрани 21-годишниот Гонзало Гарсија, кој го потпиша својот совршен хет-трик. Младиот напаѓач погодуваше со левата и десната нога, како и со глава, оставајќи го Бетис без одговор.
Првиот гол Гарсија го постигна по само 20 минути игра, по одличен центаршут на Родриго, кога со удар со глава дојде до својот прв првенствен гол за Реал. Во 50-тата минута, тој погоди со фантастичен удар откако ја смири топката со гради и ја испрати зад голманот на Бетис.
Потоа, Раул Асенсио го зголеми водството, беше највисок во скокот по корнер, а со нова асистенција на Родриго. Бетис се обиде да се врати во мечот преку голот на Кучо Ернандес, но Гонзало Гарсија со атрактивен гол на асистенција на Гулер ја заокружи доминацијата на Реал.
Гарсија заслужено доби овaции од трибините при излегувањето од игра, а неговото место го зазеде Фран Гарсија, кој во третата минута од продолжението го постави конечниот резултат, 5-1.
Со оваа победа, Реал Мадрид е второпласиран на табелата со 45 бодови, додека Бетис е шести со 28 поени.
