Дома Blog Страница 54

Фудбалер на Верона се степа со навивач на улица (Видео)

Никола Ѓуровски
-
0
Фудбалер на Верона се степа со навивач на улица (Видео)

Фудбалерот на Верона, Гифт Орбан, се степал со навивач по натпреварот од италијанското првенство кој се одигра во неделата во Верона. Тимот на Орбан загуби од Милан со 0-1, а единствениот гол на натпреварот го постигна францускиот играч од средниот ред, Адриен Рабио.

Италијанскиот „Кориере дело спорт“ пишува дека нигерискиот напаѓач бил испровоциран од еден навивач, со кој одбил да се фотографира по натпреварот. Навивачот бил упорен и дури го удрил автомобилот на Орбан. Тоа дополнително го разбеснило напаѓачот, по што дошло до пресметка на улица.

[Gazzetta] Gift Orban of Hellas Verona fights with a fan after the defeat against Milan.
by u/Sparky-moon in soccer


Некој од случајните минувачи ја снимил тепачката, а случајот веќе е под полициска истрага, пренесуваат италијанските медиуми.

Орбан оваа сезона пристигна во Верона од Хофенхајм на позајмица со опција за откуп. Во италијанската лига постигна седум гола и забележа три асистенции на 28 натпревари. На пет кола пред крајот на првенството, Верона речиси сигурно се сели во втората лига.

Петте Квоти на денот сочинуваат топ тикет (Фото)

Никола Ѓуровски
-
0
Петте Квоти на денот сочинуваат топ тикет (Фото)

Денешните Квоти на денот нудат од сѐ по нешто, и меч од Премиер лигата, но и дуели од пониските лиги на Шпанија и на Франција. Вкупниот коефициент на петте предлози изнесува 43,70.

Митјиланд го пречекува Архус и квотата на денот е 2.20, ако има гол-гол во првото или во второто полувреме.

Ла Коруња се среќава со Мирандес и квотата на денот е 2.00 ако во првото полувреме има најмногу два гола, а во второто најмногу еден гол.

Данкерк игра против Лавал и доколку на мечот бидат постигнати три гола, од кои барем еден во првото полувреме, квотата на денот е 2.20.

Лече ќе ја пречека Фиорентина и квотата на денот е 2.10 ако двете екипи постигнат гол и има барем еден погодок во второто полувреме.

Кристал палас игра против Вест хем и ако домаќинот не загуби, а во првото полувреме има барем еден гол, квотата на денот е 2.15.

Леандро Паредес од пенал го реши Суперкласико (Видео)

Никола Ѓуровски
-
0
Леандро Паредес од пенал го реши Суперкласико (Видео)

Фудбалерите на Бока јуниорс го совладаа тимот на Ривер плејт на „Монументал“ со 0-1 во натпревар од 14-тото коло на аргентинската Апертура.

Суперкласико број 266 донесе сè што може да се очекува од најинтензивното фудбалско ривалство во светот, неверојатна атмосфера на трибините исполнети со повеќе од 85.000 навивачи на Ривер и голема борба на теренот на најголемиот стадион во Јужна Америка.

Освен јаловата теренска иницијатива на Милионерите во поголемиот дел од првото полувреме, не видовме многу до клучниот момент во завршницата на тој дел од играта.

Одлична топка испрати Леандро Паредес кон Мерентиел, кој при обидот да шутира кон голот на Белтран погоди со топката во рака фудбалер на Ривер, по што судијата доби сигнал од ВАР-собата и досуди пенал.

Одговорноста ја презеде капитенот Леандро Паредес, кој сигурно го реализира ударот од белата точка, а со својата препознатлива прослава се обиде да ги „замолкне“ навивачите на најголемиот ривал, кои не штедеа навреди.

Тоа донекаде го отвори натпреварот бидејќи тимот на Едуардо Куде мораше да заигра многу поофанзивно, но без успех. Видовме и еден убав „тунел“ кога Мерентиел му ја протна топката низ нозете на еден играч на Ривер, што дополнително ги налути домашните навивачи.

Ривер тргна на сè или ништо, се обидуваше преку Дриуси и Морено, но промена на резултатот немаше, а натпреварот заврши дури со 11 жолти картони.

Овој пораз нема значително да ги наруши плановите на Ривер, кој ја задржа втората позиција во групата Б со 26 бода, додека Бока се искачи на третото место во групата А со 24 бода.

Оклахома сити тандер фуриозно ја започна одбраната на титулата (Видео)

Никола Ѓуровски
-
0
Оклахома сити тандер фуриозно ја започна одбраната на титулата (Видео)

Кошаркарите на Оклахома сити тандер фуриозно ја започнаа одбраната на титулата. Со феноменална одбрана го скротија Феникс, а погодуваа некои тешки шутеви и на крајот славеа со 119-84.

Се чини дека на Феникс му се заканува вистинска катастрофа во оваа серија.

Импресивно е како функционираше одбраната на актуелниот НБА шампион, а од другата страна Холмгрен успеваше да погодува и постигна дури 13 поени во првата четвртина.

Во нападот му се придружи Гилџес-Александер во втората четвртина, а кога Феникс ќе направеше неколку добри акции преку Брукс или Букер, веднаш следеше конкретен одговор на спротивната страна.

Принудени на тешки шутеви, кошаркарите на Санси многу промашуваа, а предноста требаше да биде уште поголема за Оклахома според прикажаното до почетокот на последната четвртина, кога на семафорот стоеше 97-66.

Шеј Гилџес-Александер имаше 25 поени, седум асистенции и четири скока, Вилијамс 22 поени, седум скока и шест асистенции, а Холмгрен застана на 16 поени, сите постигнати во првото полувреме.

Бостон селтикс беше убедлив на домашен терен против Филаделфија и славеше со 123-91. Џејлен Браун постигна 26 поени, а Џејсон Тејтум уфрли 25 поени за победничкиот тим.

Сан Антонио спарс го совлада Портланд трејлблејзерс со 111-98, а прв играч на средбата беше Виктор Вембањама со 35 поени, пет скока и една асистенција.

Орландо меџик славеше на гости против Детроит пистонс со 101-112. Иако Кејд Канингем уфрли 39 поени за домашниот состав, сепак, Детроит со тимска игра стигна до триумф. Паоло Банкеро беше стрелец на 23 поени, а Фриц Вагнер постигна 19.

Шок за Дончиќ, најдобриот стрелец на НБА-лигата не е меѓу кандидатите за МВП

Никола Ѓуровски
-
0
Шок за Дончиќ, најдобриот стрелец на НБА-лигата не е меѓу кандидатите за МВП

НБА-лигата ги објави кандидатите кои останаа во најтесниот избор за наградите што им се доделуваат на кошаркарите во најквалитетната лига во светот за постигнувањата во текот на регуларниот дел од сезоната. Најголемо внимание привлече одлуката кои се тројцата играчи меѓу кои ќе се избере освојувачот на најпрестижната индивидуална награда – МВП, односно најкорисен играч во лигата.

Тоа се Шеј Гилџес-Александер, актуелниот освојувач на МВП-наградата, како и шампионската титула во НБА со Оклахома сити тандер. Втор кандидат е Никола Јокиќ од Денвер нагетс, а трет е Виктор Вембањама од Сан Антонио спарс.

Шеј Гилџес-Александер го заврши регуларниот дел од сезоната со просек од 31,1 поен по натпревар, со што е втор најдобар стрелец во лигата. Дополнително има 4,3 скока и 6,6 асистенции по меч, додека процентот на шут му изнесува 55%.

Никола Јокиќ, освојувач на МВП наградата во 2021, 2022 и 2024 година, регуларниот дел го заврши со трипл-дабл просек од 27,7 поени, 12,9 скокови и 10,7 асистенции по натпревар. Тој е најдобар во лигата по скокови и асистенции, а шутираше со успешност од 56,9%.

Виктор Вембањама, дебитант на годината за 2024, бележеше 25 поени, 11,5 скокови и 3,1 асистенција по натпревар, со 51,2% успешност на шутот.

Шокантна е веста за Лука Дончиќ дека не се најде меѓу кандидатите за МВП, иако одигра брилијантна прва целосна регуларна сезона за Лос Анџелес лејкерс. Тој е најдобар стрелец во лигата со 33,5 поени по натпревар, има и 7,7 скокови, додека со 8,3 асистенции е трет најдобар асистент. Дополнително е и меѓу водечките по украдени топки со 1,6 по натпревар. Сепак, сето тоа не беше доволно за да влезе меѓу трите финални кандидати за МВП.

Малус ги собра индивидуалните признанија: „Трофеите се освојуваат со срце!“

Павле Симовски
-
0
Малус ги собра индивидуалните признанија: „Трофеите се освојуваат со срце!“

Ракометарот на Вардар, Јака Малус, освои две индивидуални признанија во финалето од Купот на Македонија против Охрид. Словенечниот интернационалец ги освои наградите за најдобар стрелец на завршниот турнир, како и за најкорисен играч на завршницата во Струмица.

„Финале како финале. Финале е секогаш многу тешко да се игра, има тактика, има се, но на вакви натпревари одлучува срцето. Честитки и за Охрид за одличниот натпревар. Овие награди што ги освоив не се само мои, ова е признание за целата екипа. Без соиграчите немаше да ги освојам признанијата. Работиме цела година, но нема да застанеме тука. Имаме уште месец и пол до крајот на сезоната. Имаме уште две цели. Најголемата секако е трофејот од првенството да се врати во Скопје и фајнлфорот во Лигата на Европа“, рече Јака Малус.

Чупиќ по првиот трофеј како тренер: „Ние сме Вардар, сакаме двојна круна“

Павле Симовски
-
0
Чупиќ по првиот трофеј како тренер: „Ние сме Вардар, сакаме двојна круна“

Вардар со победата од 24-23 над Охрид дојде до 18-тиот трофеј од Купот на Македонија. Иван Чупиќ го освои првиот трофеј како тренер на „црвено-црните“, но најавува дека целта е двојна круна, а Вардар е многу блиску до такво нешто, бидејќи има осум бода предност на пет кола пред крајот на Супер лигата.

„Честитки за Охрид за фер и коректниот меч. Знаевме дека играме против добра екипа, против екипа која игра добра одбрана и машки ракомет. Бевме подготвени на се, но мора да кажам дека Охрид одигра супер турнир. И пред два дена и денеска. Малку среќа, малку индивидуален квалитет, но најмногу карактер и победнички менталитет на Вардар беше пресуден за денешната победа. Нема разлика помеѓу освојување трофеј како играч и како тренер. Сакаме оваа сезона да ја завршиме со двоја круна. Тоа бара многу труд и откажување од многу нешта. Бескрајно сум среќен за моите играчи. Треба да тренираш, да работиш до април, за да донесеш еден трофеј. Мора да создадеме победнички менталитет, а тоа значи дека и кога се игра лошо дека мора да се победува. Горд сум на овој тим. Трката за титулата не е завршена, имаме осум бодови предност, а десет се во игра. Респект кон сите екипи, но сепак ние сме Вардар и мора да се бориме на секој меч. Утре е слободен ден, а од вторник повторно борба – маратонот уште не е готов.“ – рече тренерот на Вардар, Иван Чупиќ.

Ќе има драма и во Франција: ПСЖ загуби дома, но останува лидер (Видео)

Павле Симовски
-
0
Ќе има драма и во Франција: ПСЖ загуби дома, но останува лидер (Видео)

Фудбалерите на ПСЖ неочекувано се поразени на домашен терен од Лион со 1-2, па му дадоа надеж на Ленс дека може да стигне до титулата.

Ендрик го отвори резултатот уште во шесттата минута, а Мореира во 18-тата веќе зголеми на 0-2. Следуваше промашен пенал на Рамос, а конечните 1-2 ги постави Кварацкелија во 94-тата минута.

„Светците“ имаат еден бод предност во однос на Ленс, но и натпревар помалку, оној против Нант кој ќе се одигра во среда.

Трета победа по ред: Лигата на шампионите е реалност за Јувентус (Видео)

Павле Симовски
-
0
Трета победа по ред: Лигата на шампионите е реалност за Јувентус (Видео)

Пласманот во Лигата на шампионите станува реалност за Јувентус, откако пред својата публика славеа со 2-0 над Болоња и му побегнаа на Комо на +5.

Победата над Болоња ја донесоа Дејвид во втората и Турам во 57-мата минута, со што Јувентус сега има три победи по ред, но и седум меча во низа без пораз во Серија А.

Јувентус е четврти со 63 поени, пет повеќе од Комо и Рома, додека болоња останува на осмото место со 48 бода.

Ројевиќ по поразот од Вардар: „Повредите нѐ спречија да го освоиме Купот“

Павле Симовски
-
0
Ројевиќ по поразот од Вардар: „Повредите нѐ спречија да го освоиме Купот“

Ракометарите на Охрид не успеаја во своето прво финале да дојдат и до првиот трофеј од Купот на Македонија. На крајот на тирофејот се радуваа ракометарите на Варадр, кои славеа со минимални 24-23, а тренерот на охриѓани за поразот ги обвини повредите.

„Дојдовме без два клучни бека, Петриќ и Борозан, а на полувреме го загувиме и Стрмљан. Мислам дека тоа е главната причина зошто го загубивме овој натпревар. Буквално една топка, без толку играчи. Замислете да ги имавме тие играчи за во ротација ќе бевме многу поблиску до победата. Му честитам на Вардар. Имаа поширок ростер. Ако и ние имавме таков ростер, ќе бевме многу блиску до победата. Дадовме многу повеќе и од очекуваното оваа сезона. Останавме буквално со два бека. Жал ми е, мислам дека ова не го заслуживме. Работевме напорно, но мора да се занимаваме само со себе. Очекувавме дека ќе го освоиме Купот, иако Вардар беше апсолутен фаворит. Сепак, повредата на Стрмљан беше голем шок за нас.“ – рече тренерот на Охрид, Борис Ројевиќ.

1...535455...10.791Страна 54 од 10.791