Без наслов - Страница 9475

Јапонците пак изненадија со реми против Швајцарија

-

04.01.2019

Јапонија игра одлично во подготвителниот период пред настапот на ракометниот Мундијал, а и денеска, трет меч по ред имаше впечатлив резултат.

Популарните самураи ремизираа со Швајцарија, 28:28, а можеа и да победат, бидејќи имаа предност од еден гол во самиот финиш на мечот.

Јапонците ќе ни бидат прв противник во Минхен, на 11. јануари, а резултатите што ги имаат во последно време повикуваат на внимание. Непосредно пред Нова година ремизираа со Полска 25:25 (загубија на пенали), а ја победија Чешка со 27:25 и против многу пореномирани селекции од нив покажаа дека ќе бидат тежок ривал за старт на Мундијалот.

Вечерва играше и Бахреин, уште еден наш противник во Минхен, а Австрија ги декласираше со 31:22.

НБА претстава на Милутинов, Олимпијакос го доби грчкото дерби

Зоран Поповски

-

04.01.2019

0

Никола Милутинов беше незадржлив, играше во НБА стил со 18 поени и 18 скокови, а го предводеше Олимпијакос до убедлива победа против Панатинаикос.

Грчкото дерби во Евролигата не понуди неизвесност, домаќините беа пресилни и го победија вечниот ривал со 79:65.

Веќе по првото полувреме беше јасно дека избраниците на Давид Блат ќе слават и тоа убедливо. Водеа со 41:25 по 20 минути игра, а така продолѓија и во третиот период.

И на крајот и ја постигнаа целта да го добијат мечот со повеќе од 13 поени разлика, колку што Панатинакос славеше на првиот меч. Подобрата кош-разлика може во одредена варијанта да биде решавачка за место во Топ-8 во Евролигата, но како играат во моментов, кошаркарите на Олимпијакос се многу поблиску до целта од ривалот.

Покрај Милутинов за Олимпијакос и Штрелниекс постигна 18 поени, а Папаниколау уфрли 12. Кај Панатинаикос само двајца кошаркари ја минаа двоцифрената граница. Ветеранот Калатес постигна 13, а Лекавичиус уфрли 10 поени.

Ристовски: Добро е, но може и подобро

Трајан Маневски

-

04.01.2019

0

Еден од најискусните наши репрезентативци, голманот Борко Ристовски беше задоволен од прикажаното во дуелот против Србија, но потенцираше дека има уште простор за подобрување на играта, како во одбраната, така и во нападот.

„Освен првите 10-тина минути, го држевме целиот натпревар под контрола и во ниту еден момент не беше доведена во прашање нашата победа. Иако победивме со убедлива разлика, имаше многу грешки, кои ќе мора да ги корегираме, ако сакаме да направиме добар резултат на Светското првенство. Со оглед на тоа дека е прв меч и дека остануваат уште денови од подготовките, мислам дека одигравме сосема солидно, но нормално е дека има простор и за подобрување и да ја стигнеме врвната форма пред Мундијалот.“, рече веднаш по мечот со Србија, Ристовски.

Голманот кој бил дел од многу големи натпреварувања, предупредува дека на Мундијалот во Германија и Данска, мора да се игра сериозно на секој меч и дека нема лесно противници.

„Имаме доста подмладена селекција. Мора сите да ги сфатиме сериозно и јапонија и Бахреин , да тргнеме со две победи. Мора секој меч да се игра максимално и сериозно. На големи натпревари први мечеви секогаш се многу неизвесни. Треба да се респектира секој противник, нема лесни противници“, додаде Борко од кого се очекува да биде вистински носител во одбраната на Мундијалот.

Рутински победуваат и главните ривали на Македонија

Зоран Поповски

-

04.01.2019

0

Двата главни фаворити во нашата група на ракометниот Мундијал, Хрватска и Шпанија лесно ги победија ривалите Црна Гора и Полска во пријателски мечеви и потврдија дека се подготвени за искушенијата на турнирот, што во првата фаза ќе се игра во Минхен.

Хрватите ја декласираа Црна Гора со 34:22, а Шпанците ја победија Полска со 34:28.

Избраниците на Лино Червар со ефектна игра во второто полувреме ја нокаутираа Црна Гора, а Штрлек ги предводеше со 6 погодоци. По првото полувреме на мечот на „Кроација куп“ домаќините водеа со 14:12. Потоа се разлетаа по теренот и второто полувреме го добија со 20:10 за убедливи 12 голови разлика на крајот.

Карачиќ постигна пет голови, а Хрватска во финалето на турнирот ќе игра со Италија.

Шпанците на сличен начин како и Хрватите со подобра игра во второто полувреме ја победија Полска.

Мечот почна славенички за Сармиенто, кој го прослави стотиот меч за „црвената фурија“. Гостите одлично се држеа во првите 30 минути и заостануваа за само еден гол зад Шпанците. Но, потоа се разигра „фуријата“ ги доби вторите 30 минути со 17:12 и најави дека во добра форма ќе патува за Минхен.

Против Хрватска ќе играме на 14. јануари, а против Шпанија ќе играме два дена подоцна.

Макeдонија со победа над Србија се загрева за СП

Трајан Маневски

-

04.01.2019

0

Македонската ракометна репрезентација без поголеми проблеми ја совлада селекцијата на Србија со 37-31, во контролен меч одигран во „Борис Трајковски“, во Скопје. За нашите најдобри ракометари, ова беше прв од двете пријателски средби против Србија, во пресрет на Светското првенство кое од 10 јануари ќе се игра во Германија и Данска.

Србија само во првите неколку минути даваше отпор, кога беше и нерешено 7:7, a потоа следуваше фуриозна игра на Македонија. Посебно добро функционираше нападот, па на полувремето нашите репрезентативци имаа предност од 19:13. Во овој дел посебно атрактивен беше погодокот на Дејан Манасков, кој даде магичен гол.

Во второто полувреме, Македонија продолжи со сигурна игра, а во еден момент имаше и 12 голови предност. Потоа шанса добија помладите кои покажаа дека се подготвени за големо натпреварување.

Дејан Манасков беше прв стрелец со 9 погодоци, а потоа следуваа Кузмановски со 6 гола, Кирил Лазаров и Пешевски погодија по пет пати, а Гоце Георгиевски даде 4 гола.

Утре, овие две селекции ќе одиграат уште еден пријателски меч.

Во останатите пријателски мечеви кои се играат денеска: Германија – Чешка 32:24, Португалија – Тунис 28:31, Саудиска Арабија – Белорусија 23:36, Хрватска – Црна Гора 34:22, Шпанија – Полска 34:28.

Нова драма против Жалгирис со хепиенд за ЦСКА Москва

Зоран Поповски

-

04.01.2019

0

ЦСКА Москва успешно мина уште едно големо искушение во дуелите со Жалгирис, а веќе станува традиција да биде исклучително драматично во дуелите на овие два тима во Евролигата.

Вечерва армејците славеа со 84:79 на гостински терен, со серија од четири поени во последните шест секунди, иако последната четвртина ја почнаа со негатива од четири поени.

Гостите одлично го почнаа мечот, водеа со 28:17 по првиот период од десет минути и потоа наеднаш паднаа во темпото. Жалгирис почна да ја топи негативата, на полувреме имаше минус десет, но со извонредна игра во третата четвртина мина во водство од 59:55.

И повторно се случи пресврт, па ЦСКА се разигра, Килбурн и Хакет ја предводеа руската офанзива која вроди со плод и победа од пет поени разлика. Американскиот тандем постигна по 19 поени, Нандо Де Коло уфрли 13, па аЦСКА пак го победи Жалгирис.

Во првиот меч во овој циклус од натпреварите во Евролигата, во Москва, ЦСКА се спаси од сигурен пораз во последните моменти. Тој меч се игра во ноември, а по дополнителни пет минути армејците славеа со 99:97, откако во регуларниот дел беше нерешено, 86:86.

И сега имаше драма и повторно Жалгирис потклекна во добитна ситуација и пак во финишот на мечот. Не им помогна нити одличната партија на Брендон Дејвис со 19 поени и 7 скока.

Супер кам-бек на Бердих, прв турнир по 6 месеци и веднаш меч за титула

Зоран Поповски

-

04.01.2019

0

Томаш Бердих се врати на тениските терени на прекрасен начин и ќе игра во финалето во Доха, откако претходно 6 месеци паузираше поради повреда на грбот.

Во полуфиналето чешкиот ветеран успеа да го победи четвртиот носител Марко Чекинато со 7:6(8) и 6:3 и утре ќе игра за титулата на турнирот во Катар против Роберто Баутиста Агут.

Бердих ќе игра за 14-та титула во кариерата, но поважно му е што успешно се врати на тениските терени на 33-годишна возраст. И има подобар биланс од Баутиста во меѓусебните дуели и води со 5:2, иако Шпанецот ќе биде фаворит, бидејќи е подоброрангиран во моментов и е седми носител на турнирот во Доха.

Жилав е Леванте, со играч помалку до бод против Жирона

Зоран Поповски

-

04.01.2019

0

Енис Барди го одигра првиот меч за Леванте во 2019 година и тоа го стори сосема солидно, а со соиграчите на двапати анулираа негатива против Жирона и освоија еден бод со реми 2:2.

Моралес и Коке со по еден погодок не дозволија победа на гостите од Каталонија, а Жирона водеше со 1:0 и 2:1 со головите на Порту и на Гарсија.

Домаќините не се предадоа ниту кога останаа со фудбалер помалку во 69. минута. Постиго беше исклучен, набрзо Жирона повторно поведе, но Леванте е жилав тим и со голот на Коке израмни и освои бод.

Двете екипи по 18 одиграни натпревари имаат ист број на бодови, по 23 и се на осмата и на деветтата позиција во Ла Лига.

Манасков со ол-стар потег, даде „магичен“ гол (Видео)

Трајан Маневски

-

04.01.2019

1

Македонија води со 19:13 по првото полувреме во контролниот меч против Србија, во салата „Борис Трајковски“. За нашите ракометари ова е прв од двата дуели против северниот сосед, а тоа воедно ќе бидат и единствени контролни дуели, пред стартот на Светското првенство во Германија и Данска.

Најатрактивниот потег во првиот дел му припадна на Дејан Манасков, кој даде „магичен“ гол.

Фенер продолжи да свети на врвот во Евролигата

Зоран Поповски

-

04.01.2019

0

Фенербахче со триумф против Басконија од 96:87 ја продолжи победничката серија во Евролигата во првиот меч за двете екипи во Новата година.

Лидерот и лански шампион имаше предност од самиот старт на мечот и ги доби првите три четвртини со што го реши мечот во своја корист.

Со десет поени разлика во корист на домаќинот почна последниот период, Басконија стаса до негатива од два поени, но не успеа да направи комплетен пресврт.

Николо Мели со 19 поени беше најефикасен кај Фенербахче, а имаше само една утка на мечот и тоа за тројка. Одличен со 15 поени беше и Јан Весели.

Кај поразениот тим и на мечот најефикасен беше Шевон Шилдс со 22 поени.

Фенербахче остана на првото место со 15 победи и само еден пораз, а Басконија е на 11. позиција со 7 победи и 9 порази.