13.8 C
Skopje
сабота, 22 ноември 2025
Дома Blog Страница 9897

Суперкласико одложено за еден час, тројца играчи на Бока завршија во болница (Фото+Видео)

Зоран Поповски
-
0

Тројца играчи на Бока јуниорс побарале лекарска интервенција, откако навивачи на Ривер Плата им го нападнаа автобусот и потоа ги испрскаа со спреј, а Суперкласико е одложено за еден час.

Наместо во предвиденото време, 21 часот, големото аргентинско дерби меѓу Ривер Плата и Бока јуниорс би требало да почне во 22 часот, но има вистински хаос во Буенос Аирес.

„Ел Монументал“ е полн, капацитетот од 70 илјади гледачи е максимално пополнет, но имаше немили сцени пред почетокот на реванш финалниот меч во Копа Либертадорес.

Навивачи на Ривер го нападнаа автобусот на гостите и потоа ги прскаа со спреј фудбалерите на Бока јуниорс, а тројца од нив побарале лекарска помош и биле пренесени во болница.

Седмица на „Ауф Шалке“ арена – Шалке го потопи Нирнберг

Зоран Поповски
-
0

Шалке 04 имаше одлично загревање за гостувањето кај Порто, во среда во меч од Лигата на шампионите, а премиерата мина со пет гола во мрежата на Нирнберг.

Домаќините ја кренаа атмосферата на „Ауф Шалке“ арената на максимум со ефикасна игра и пет гола во мрежата на Матенија и на Бредлоу.

По головите на Скржибски и на Харит беше заменет голманот на Нирнберг, но и тоа не помогна. Бредлоу прими уште три гола, стрелци за Шалке беа и Бургшталер, повторно Скржибски и Оципка, за убедлив триумф.

Нирнберг од 67. минута играше со десет играчи по исклучувањето на Бауер, а головите за гостите ги постигнаа Паласиос- Мартинес и Жрелак.

 

Тач-даун на Сон на Вембли – Тотенхем му зема мерка на Челзи (Видео)

Зоран Поповски
-
0

Хјеонг Мин Сон постигна прекрасен гол за Тотенхем, момент што го одбележа дербито со Челзи, што го добија домаќините на Вембли со 3:1.

Националната арена во Англија е дом и на дел од НФЛ натпреварите, а Син во американски стил постигна тач-даун во 55. минута и ја зацементира победата на Тотенхем.

Син ја прими топката на половината од теренот, ги претрча одбранбените играчи на Челзи, со дриблинзи се ослободи од противниците и лесно погоди за 3:0. Претходно Али и Кејн беа прецизни и по неполн час дербито беше решено.

Во финишот Оливие Жиру успеа само да постигне почесен гол за Челзи.

https://www.youtube.com/watch?v=8msSn0RvXGU

Автобусот на Бока погоден со солзавец, играчите бараат помош (Видео)

Трајан Маневски
-
3

Уште еден час до почеток на мечот кој треба да го реши континенталниот првак во Јужна Америка. Ривер плата е домаќин на Бока јуниорс, во реванш мечот на двата најголеми ривали во Аргентина.

Навивачите на двата тима во текот на целиот ден се подготвуваа за спектакл, но пред самата средба се случи првиот инцидент. Автобусот кој ги пренесуваше играчите на Бока јуниорс, непосредно пред да пристигне на стадионот „Монументал“, беше нападнат со солзавец.

Солзавецот успеал да пробие и настрадаа гостинските играчи. Меѓу оние на кои им требаше и лекарска помош беше Карлос Тевес.

https://youtu.be/qRDnfkKZh40

 

Роналдо погодува во серија, рутинска победа на Јувентус со Спал

Зоран Поповски
-
0

Јувентус имаше рутинска задача и лесно ја заврши, го победи Спал со 2:0 и со девет бодови предност пред Наполи се зацврсти на врвот на табелата.

Старата дама ги има ше двајцата расположени напаѓачи, Роналдо и Манџукиќ, кои по еднаш ја погодија мрежата на Гомис за триумф од 2:0.

Роналдо во 26. минута го отвори резултатот и со деветтиот гол за Јувентус му се приклучи на Пјонтек на врвот на листата на стрелците.

Јувентус комплетно ја имаше иницијативата, а Манџукиќ од близина погоди за 2:0 во 60. минута и за 12-та победа во 13 натпревари. Шампионот на Италија има меч повеќе од останатите конкуренти за титулата, а остана единствениот тим без пораз во Серија А.

Барселона го декласира Кјелце во битка за врвот

Зоран Поповски
-
0

Барселона продолжува да гази, што е најважно за најтрофејниот ракометен клуб на светот ги победува конкурентите за првото место во А групата и тоа на гости.

По успехот во Скопје против Вардар, вечерва шпанскиот првак го декласираше и Виве Кјелце со 42:36 во Полска.

Тандемот Жилберто Дуарте и Каспер Мортенсен беа незадржливи во нападот и со по 9 голови ја предводеа Барселона до осма победа во девет натпревари.

Владислав Кулеш беше стрелец број 1 кај домаќините со 6 погодоци, а Кјелце го соживеа третиот пораз, но остана на второто место во А групата пред Вардар.

 

Два непоразени лидери денеска паднаа во Гевгелија

Златко Јуруковски
-
0

Блокотехна го совлада Работнички со 76:61 во кошаркарското прволигашко дерби, и на првакот му го нанесе првиот пораз сезонава. Во салата „НБ Ноел“ во Негорски бањи, домашните во третата четвртина ја презедоа контролата врз резултатот и со добра одбрана не му дозволија тимот на Марин Докузовски да направи пресврт.

Овие 61 поени се убедливо најнеефикасното издание на Работнички. Досега секогаш даваа 80 или повеќе поени, но со 7 тројки од 32 обиди и 12 двојки од 30 обиди, како и 17 скока помалку од домаќинот, не можеа да се надеваат на успех.

Блокотехна има 7-1, а Работнички 6-1. Наредното коло е на 8 декември, кога Блокотехна ќе игра локално дерби против Кожув.

И ВО ВТОРАТА ФУДБАЛСКА ЛИГА, БЛАГОДАРЕНИЕ НА ГЕВГЕЛИЧАНИ ВЕЌЕ НЕМА НЕПОРАЗЕНИ

Во второлигашката конкуренција во фудбал, Кожуф со головите на Марјан Ристов во 63 и 71 минута, со 2:1 го совлада велешки Борец. Велешани до денеска не знаеја за пораз, но ете таков беше денот, во Гевгелија и околината во ист ден паднаа два непоразени тима. И покрај поразот, Борец 1919 остана прв во втората лига, со пет бода предност во однос на Тиквеш и шест пред Кожуф.

Металург немаше шанси со Силкеборг, прв пораз на Раул со ПСЖ

Трајан Маневски
-
0

Металург очекувано загуби во дуелот против Силкеборг во Скопје со 29:33, во меч од осмото коло во Лигата на шампиони. За македонскиот вицепрвак ова е осми пораз во деветото коло, додека данскиот тим се зацврсти на врвот од табелата со 14 бодови.

Гостите уште од самиот почеток покажаа дека нема да дозволат кикс. Данците поведоа со 4:0 и во ниту еден момент не му дозволија на Металург да се понадева дека може да направи сензација. На крајот, Силкеборг рутински го одработе овој меч, а Металург сигурно ќе заврши на последното место на табелата во оваа група.

Прв пораз во Лигата на шампионите претрпе најголемиот фаворит за титулата, француски Пари Сен Жермен. „Светците“ на чија клупа седи македонскиот селектор Раул Гонзалез загуби на гостувањето кај Сегед со 33:32. ПСЖ ниту еднаш во текот на мечот немаше водство. Сегед во еден момент водеше со 25:20 и 29:25, но во последната минута гостите дојдоа со 32:31. Сепак, во нападот за победа Сегед погоди за 33:31 и стигна до 15 бодови и сега е само на еден бод од лидерот во Б групата, ПСЖ.

„Црна сабота“ за најтрофејните во Шпанија, Англија и Германија

Трајан Маневски
-
0

Најтрофејните клубови во Шпанија, Англија и Германија приредија разочарување на своите фанови. Актуелниот европски првак Реал Мадрид најави дека ова нема да биде ден на оние кои низ историјата може да се пофалат со најмногу трофеи. „Кралскиот клуб“ гостуваше кај Еибар и доживеа дебакл. Ѕвездите на Реал беа немоќни против мотивираните домашни играчи. Еибар на полувремето водеше со 1:0, а во вторите 45 минути со уште два гола, домаќините стигнаа до 3:0, што е една од највредните победи во Примера дивисион за нив.

Баерн Минхен остана со само шест победи по 12 одиграни меча во Бундес лигата, што е неверојатно за најтрофејниот клуб во Германија. На „Алијанц Арена“ гостуваше Фортуна Дизелдорф, тим кој се бори за опстанок. Баерн водеше со 2:0 и 3:1, но на крајот мораше да се задоволи со само еден освоен бод, откако гостите стигнаа до 3:3.

На Манчестер јунајтед веќе му стана навика да ги разочарува гледачите на „Олд Трафорд“. Кристал Палас кој досега кога и да гостувал кај „црвените ѓаволи“ секогаш губел, овојпат успеа да освои бод, откако одигра без голови.

Најтрофејните клубови во три од Топ 5 лигите во Европа не само што не победија, туку сега се и се подалеку од трката за титулата. Манчестер јунајтед има само теоретски шанси во такво силно друштво во Премиер лигата, додека Баерн заостанува девет бодови зад Борусија Дортмунд.  Реал Мадрид може да отиде на минус седум, ако Барселона победи во дербито кај Атлетико Мадрид.

 

Манчестер не може да му даде гол ни на Кристал Палас

Трајан Маневски
-
1

Кристал Палас за прв пат во клупската историја остана непоразен на „Олд Трафорд“, откако одигра без голови против фаворизираниот Манчестер јунајтед. „Црвените ѓаволи“ беа апсолутни фаворити пред мечот, но на теренот можеше да се случи гостите дури и да победат. И по овој меч, само се потврди дека Манчестер јунајтед е далеку од тим кој може да се бори за висок пласман во Премиер лигата оваа сезона.

За разлика од гигантот од „Олд Трафорд“, екипите на Ливерпул и Манчестер сити ја продолжуваат трката за титулата. „Граѓаните“ со убедливи 4:0 победија против Вест хем на гости, а без проблеми помина и Ливерпул против Ватфорд и се радуваше на триумф од 3:0.

И по 13 одиграни меча, Сити и Ливерпул се без пораз. Актуелниот првак е лидер со 35 бодови, додека „црвените“ од „Енфилд Роуд“ имаат 33 бодови досега.

Резултати: Брајтон – Лестер 1:1, Евертон – Кардиф 1:0, Фулам – Саутемптон 3:2, Манчестер јунајтед – Кристал Палас 0:0, Ватфорд – Ливерпул 0:3, Вест хем – Манчестер сити 0:4.

 

1...9.8969.8979.898...10.167Страна 9.897 од 10.167

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023