15.8 C
Skopje
петок, 29 август 2025
Дома Blog Страница 9504

Џон Хигинс со скршено ребро направи максимум (Видео)

Џон Хигинс во дуелот со Џералд Грин ја „исчисти“ масата за снукер правејќи го деветтиот максимален брејк од 147 поени во својата богата кариера. Она што е шокантно е дека Хигинс подвигот го направи играјќи со скршено ребро.

„Формата е минлива, класата е вечна“, беше еден од коментарите кои најубаво го опишаа тоа што се случи попладнево на Отвореното првенство на Шкотска. „Волшебникот од Вишоу“ размислува за крај на кариерата, скршеницата на реброто здобиена откако се опил по победата на Селтикс против Абердин во Купот многу му ја отежнува работата на овој турнир во неговата земја, но Хигинс покажа дека му е рано за пензија.

Да беше турнирот на друго место, Хигинс сигурно немаше да настапи, но во Шкотска не сакаше да се повлече. За среќа на сите љубители на снукерот, тој играше и приреди шоу. Правењето брејк од 147 поени, на четирикратниот светски првак му донесе парична награда од 22.000 фунти.

Погледнете ги последните уфрлени шарени кугли и радоста во салата:

https://twitter.com/i/status/1072895498011451398

Вардар се намачи, но победи против Татран

Вардар не дозволи изненадување и славеше против Татран Прешов со 23:21 во претпоследното коло за 2018 година во регионалната СЕХА-лига. Со овој триумф, „црвено-црните“ ќе останат на челната позиција на табелата со 12 победи и само два порази во досегашниот тек од натпреварувањето.

Македонскиот првак беше голем фаворит на овој дуел, но гостите дадоа солиден отпор и речиси до самиот финиш беа во ситуација да направат изненадување. Сепак, „црвено-црните“ не дозволија тоа да се случи и победнички ги поздравија навивачите во „Јане Сандански“.

Игор Карачиќ со шест гола беше најефикасен кај Вардар, а по трипати во листата на стрелците се запишаа Стоилов, Дисингер и Чупиќ.

Фуриозна Црвена ѕвезда – Го урна рекордот на Еврокупот

Црвена ѕвезда ја декласираше Бреша со 103:67 и е на чекор од пласман во топ 16 фазата во Еврокупот на ФИБА, а со предноста од неверојатни 43 поени на полувремето го урна и рекордот во ова натпреварување.

По првите 20 минути беа неверојатни 65:22 за домаќините, и тоа е најголема разлика во историјата на ова натпреварување во едно полувреме.

Гостите од Италија барем малку се созедоа во вториот дел, ги добија двете последни четвртини со 45:38 и намалија, но сепак, поразот е катастрофален.

 

Реал Мадрид го претрпе најтешкиот пораз на свој терен во Европа

Реал Мадрид се посрамоти на свој терен и загуби со убедливи 3-0 од ЦСКА Москва, во меч од последното коло на групната фаза од Лигата на шампионите. И пред почетокот на овој меч, Кралскиот клуб беше сигурно прв во групата, но поразителен е фактот дека загуби со толкава разлика на „Сантијаго Бернабеу“.

За Реал ова е најтежок пораз во клупската историја кога се работи за меч на домашен терен во европските натпреварувања, а само 11-ти пат дури во 254 средби да прими барем три гола на „Сантијаго Бернабеу“ во мечеви во организација на УЕФА.

Чалов во 37-мата минута ја донесе ЦСКА во водство, а до крајот на првото полувреме погоди и Шеников за гостите. Сигурдсон во 73-тата минута го натера Тибо Куртуа по трет пат да ја вади топката од својата мрежа, за историски пораз на Кралскиот клуб на свој терен.

Во групната фаза од ЛШ, Реал на свој терен немаше пораз на претходните 27 меча (24 победи и три ремија). Сезонава ЦСКА славеше над мадридскиот гигант на двата меча, факт со кој ретко кој во Европа може да се пофали.

Интересно е што ЦСКА Москва и со оваа победа не успеа да обезбеди место ниту во Лигата на Европа, бидејќи Викторија П’лзењ со 2:0 ја победи Рома и на тој начин ја задржи третата позиција во групата.

На крајот на табелата Реал е прв со 12 бодови, пред Рома со 9, П’лзењ 7 и ЦСКА со 7 бодови.

 

 

Сити и Хофенхајм го играат јубилејниот 100-ти меч меѓу англиски и германски екипи во ЛШ

Манчестер сити во дуелот против Хофенхајм на свој терен вечерва ќе го прослави пласманот во осминафиналето од Лигата на шампионите. За разлика од „граѓаните“, гостите многу веројатно дека ќе се простат од европските настапи за оваа сезона бидејќи се последни во групата.

Иако овој меч нема некое поголемо резултатско значење, сепак има симболика. Тоа е јубилејна 100-та пресметка на англиски и германски тим во Лигата на шампионите. Клубовите кои се од Англија биле многу подобри досега и се радувале 48 пати. Нерешено завршил 21 дуел, а бундеслигашите победиле на 30 средби.

Вкупната гол-разлика е 166:123 во корист на англиските екипи.

 

Лига на шампиони во живо: Блиц-криг на Баерн во Амстердам за прво место (Видео)

90-та минута – Гооооооол, Кингсли Коман му обезбеди прво место на Баерн, а гостите набрзина направија пресврт и водат со 3-2.

86-та минута – Гооооооол, Роберт Левандовски израмни на 2-2 во Амстердам и сега Баерн е повторно прв во групата.

82-ра минута – Гооооооол, Душан Тадиќ е прецизен од белата точка, Ајакс води со 2-1 против Баерн Минхен и ако ја задржи предноста, ќе го освои првото место во групата пред Баварците.

80-та минута – Гооооооол, Паоло Дибала е прецизен и намали на 2-1 против Јанг бојс.

68-ма минута – Гооооооол, Жијом Оро беше прецизен по вторпат и му донесе на Јангбојс одлична предност од 2-0 против Јувентус.

65-та минута – Гооооооол, Набил Фекир постигна златен гол за Лион за 1-1 против Шахтар, резултат што им носи пласман понатаму на „лавовите од ’Жерлан’“

61-ва минута – Гооооооол, Лерој Сане за предност на Манчестер сити од 2-1 против Хофенхајм. Втор гол за германскиот репрезентативец.

47-ма минута – Автогол на Фил Џонс за водство на Валенсија со 2-0 против Манчестер јунајтед. Дури сега се гледа колку бил вреден погодокот на „црвените ѓаволи“ во 92-рата минута против Базел во претходното коло.

45-та минута – Гооооооол, Лерој Сане постигна еврогол од слободен удар во послендите моменти на „Етихад“ и израмни на 1-1. Бауман беше немоќен, иако се обиде да реагира.

30-та минута – Гооооооол, Жијом Оро беше прецизен од белата точка за предност на Јанг бојс против Јувентус.

22-ра минута – Гооооооол, Жуниор Мораеш го носи Шахтар многу блиску до настап во нокаут-фазата во Лигата на шампионите. Повторно проработе врската Исмаили – Мораеш, а Украинците имаат 1-0 против Лион.

17-та минута – Гооооооол, Карлос Солер е во одлична форма, тој е стрелец на првиот гол на мечот меѓу Валенсија и Манчестер јунајтед, а „лилјаците“ водат со 1-0.

16-та минута – Гооооооол, Андреј Крамариќ погоди од пенал за предност од 1-0 на Хофенхајм против Манчестер сити. Гостите се надеваат на подвиг и пласман во Лигата на Европа.

13-та минута – Гооооооол, Роберт Левандовски го доведе Баерн Минхен во водство на гостувањето кај Ајакс.

Од 21 часот започнаа и преостанатите шест средби со кои ќе се комплетира групната фаза во Лигата на шампиони.

73-та минута – Гооооооол, Арнор Сигурдсон ја затресе мрежата на Тибо Куртуа, ЦСКА води во Мадрид со 3-0 и на Реал му се заканува бродолом на „Сантијаго Бернабеу“.

72-ра минута – Гооооооол, Томас Чори постигна водечки гол за П’лзењ, а Чесите повторно се блиску до пласман во Лигата на Европа и водат против Рома со 2-1.

68-ма минута – Гооооооол, Ундер брзо одговори на предизвикот на чешкиот состав и само шест минути подоцна израмни на 1-1 против П’лзењ.

https://www.dailymotion.com/video/x6yuqt4

62-ра минута – Гооооооол, Јан Коварик беше прецизен за П’лзењ и чешкиот тим води со 1-0 против Рома и е блиску до посакуваниот настап во Лигата на Европа.

Талентираниот напаѓач на ЦСКА Москва, Федор Чалов, постигна гол што ќе го памети на „Сантијаго Бернабеу“ против Реал Мадрид, а потоа во листата на стрелците се запиша и Георги Шеников за шокантен резултат од 2-0 за рускиот тим против актуелниот европски првак.

Реал Мадрид е пласиран во нокаут-фазата, а ЦСКСА бие битка за продолжување на евронастапот, но во Лигата на Европа.

https://www.dailymotion.com/video/x6yup0r

На вториот меч од 18.55 часот меѓу П’лзењ и Рома нема голови по првото полувреме.

Адамс смени спорт, од ѕвезда на Арсенал, стана претседател на рагби федерација

Тони Адамс беше познат фудбалер во ерата на ѕвездениот тим на Арсенал, а сега изненадувачки стана претседател на Рагби федерацијата на Англија.

Поранешниот фудбалски стопер на Гордиот Албион сега ќе се грижи за развој и успеси на англиското рагби, спорт кој е популарен во Англија.

„Чест ми е да бидам прв човек на рагбито во Англија. Би сакал да останам запаметен како човек кој имал успеси на оваа функција и ќе се трудам максимално да успееме“, изјави Адамс.

Тој е 29-тиот претседател на Рагби федерацијата на Англија.

Снимка која го обиколи светот: Слепиот навивач на Ливерпул се радува на голот на Салах (Видео)

Ливерпул синоќа успеа во мисијата да се пласира во осминафиналето од Лигата на шампионите. Англискиот гигант на „Енфилд роуд“ со 1-0 го победи Наполи и тоа беше доволно да обезбеди место меѓу најдобрите 16 екипи во Европа. Мохамед Салах го даде голот вреден за останување во елитната лига на УЕФА.

Навивачите на Ливерпул уште еднаш покажаа дека се едни од најдобрите во Европа и буквално беа 12-ти играч за домаќините на „Енфилд роуд“. Посебно ерупција од воодушевување имаше при постигнувањето на голот на Салах, а една снимка го обиколи целиот свет.

Се работи за слеп навивач на Ливерпул, кој не пропушта ниту еден меч на својот омилен клуб. Иако не може да види што се случува на теренот, тој ужива во атмосферата која се создава и подеднакво навива со сите фанови на англискиот гигант. При постигнувањето на голот на Салах, пријателот му објаснува на својот слеп пријател за каков гол се работи и заедно се радуваат на погодокот кој го однесе Ливерпул во осминафиналето во Лигата на шампионите.

https://twitter.com/twitter/statuses/1072832655648047108

Срушени сите рекорди: Дете од 14 години заигра за младинците на Манчестер

Младинскиот тим на Манчестер јунајтед како првопласиран се пласираше во осминафиналето од Лигата на шампионите откако во последното коло славеше на гостувањето кај Валенсија сo 2-1. Дуелот во Шпанија ќе остане запаметен во историјата на младинската Лига на шампиони откако за Манчестер јунајтед дебитираше Шола Шоретире.

Ултраталентираното дете кое има само 14 години 10 месеци и 10 дена стана најмладиот играч кој некогаш дебитирал во европските натпреварувања. Шоретире влезе во игра во 75-тата минута и во последните 15-тина минути покажа дека има иднина за „црвените ѓаволи“.

 

Нејмар е како машина за маркетинг: Стигна до 35-тиот спонзор во кариерата

Нејмар на максимален начин ја наплатува својата популарност. Голгетерот на Пари Сен Жермен блеска на теренот, но исто така е многу успешен и надвор од него. Неодамна Нејмар стана светски амбасадор на Националната банка на Катар и со тоа стигна до бројката од 35 компании кои биле дел од неговата маркетинг-агенда. Ниту еден фудбалер во светот нема повеќе спонзорски договори од Бразилецот.

Најскапоплатениот фудбалер во светот моментно соработува со светски познати компании, како што се: „Најки“, „Риплеј“, „Мекдоналдс“, „Жилет“, „Ред Бул“…

„Без дилема, Нејмар е најдобриот амбасадор на нашиот бренд“, стои во дел од соопштението на Националната банка на Катар.

Нејмар има повеќе од 209 милиони следбеници на друвштвените мрежи, а моментно заработува околу 15 милиони евра од 20 активни спонзори. Бразилецот синоќа блесна на стадионот „Рајко Митиќ“ во Белград и беше еден од најдобрите во победата на ПСЖ против Црвена ѕвезда од 4-1.