Без наслов - Страница 9503

Новицки за првпат сезонава ќе истрча на паркетот

-

13.12.2018

Крилниот центар на Далас маверикс, Дирк Новицки, ноќта меѓу четврток и петок за првпат сезонава ќе истрча на НБА-паркетите. Во пресрет на гостувањето кај „сонцињата“ од Феникс, Новицки ќе добие шанса да заигра во својата 21-ва сезона во НБА-лигата.

Четириесетгодишниот германски кошаркар во април ја санираше повредата на глуждот, па цело лето и цела есен вложуваше труд за да се врати на терените пред Новата година, а, очигледно, целосно е подготвен за настап. Новицки никогаш во кариерата не отсуствувал повеќе од 29 натпревари, а тоа нема да се случи и оваа сезона бидејќи Далас досега одигра 28 меча, на кои бележи скор од 15-11, односно 8-2 во последните 10 средби.

За првпат сезонава Дончиќ ќе игра покрај својот ментор, па ќе биде интересно да се види како ќе функционира искуството со „свежата крв“.

Дуелот Феникс санс – Далас маверикс е закажан во раните утрински часови во петок, со почеток од 4:30 часот.

Лацио и Ајнтрахт ќе погодат во двете полувремиња, Милан не губи во Пиреја

Томас Ѓорѓиевски

-

13.12.2018

0

Лацио и Ајнтрахт Франкфурт веќе ги обезбедија своите места во нокаут-рундата од Лигата на Европа, но тоа не значи дека овој дуел не е примамлив за типување. Напротив, се очекува интересна пресметка на која Лацио, пред сè, ќе си ја брани честа на „Олимпико“, а воедно ќе сака да се реваншира за дебаклот кој го претрпе во Франкфурт со 4-1.

Понудата од денешните мечеви во Лигата на Европа е идеална прилика за посета на уплатните места на SPORT LIFE, а ние ви даваме пет предлози што да играте за денеска, со квотите на денот и мини-анализи на пет фудбалски меча кои предизвикуваат најголемо внимание.

Лацио – Анјтрахт Франкфурт (18:55 часот)

Натпревар за кој нема калкулации во пресрет на шестото коло во ЛЕ. Ајнтрахт како прв патник од групата Х сигурно ќе игра во нокаут-фазата, Лацио од втората позиција ќе го чека противникот. Сепак, „лацијалите“ имаат една цел, да се реваншираат за убедливиот пораз од 4-1 во првиот нивен двобој, но и германскиот состав ќе сака без пораз да го заврши есенскиот дел од ова европско натпреварување.

Голови ќе има сигурно, како и во претходната меѓусебна пресметка, се очекува мрежите да се тресат и во двете полувремиња.

Предлог тип: 1-3I & 1-3II (1.90 коеф.)

Aрсенал – Карабах (21 часот)

„Топчиите“ си ја завршија работата уште во претходното коло, па Унаи Емери ќе може да ги одмори ѕвездите за овој дуел, како што го правеше тоа и во изминатите неколку натпревари. Речиси е сигурно дека Карабах само со еден триумф ќе се прости од Лигата на Европа, освен ако вечерва не се случи некое чудо.

Иако на Арсенал му е доволен и бод за да го осигури првото место во групата Е, јасно е дека ќе играат за да победат и со 16 бода да го чекаат противникот во шеснаесетфиналната рунда.

Предлог тип: 1 2-4 (2 коеф.)

Олимпијакос – Милан (21 часот)

Директен дуел во борбата за пласман во следната рунда. Олимпијакос со сите сили ќе се обиде да му ги помати плановите на Гатузо и неговиот Милан. Во претходната меѓусебна пресметка, која се одигра на „Сан Сиро“, Кутроне и Игуаин ги спасуваа „росонерите“ од посрамотување, откако по првите 45 минути губеа со 1-0 од грчкиот гигант.

За Олимпијакос да се пласира, потребен му е триумф со разлика од три гола или да победи со еден од точните резултати 2-0, 3-1, а Милан ќе се бори за трите бода кои евентуално можат да го обезбедат првото место во групата Ф, се разбира, само ако Бетис не го совлада Дуделанж.

Предлог тип: X2 & ГГ (2.55 коеф.)

Вилјареал – Спартак Москва (18:55 часот)

Да се биде или не за Вилјареал и Спартак. Победа на „жолтата подморница“ значи и презимување во Европа, додека славење на рускиот состав, исто така, може да им обезбеди учество во следната рунда, се разбира, во зависност од исходот на мечот меѓу Рапид Виена и Глазгов ренџерс.

Во пресрет на последното коло, групата Г е најнеизвесна од сите, тука сѐ уште никој не осигурил пласман. Вилјареал и Рапид имаат по седум бода, Ренџерс шест, Спартак пет, па јасно е што значат последните средби за сите четири екипи.

Луис Гарсија само пред неколку дена го презеде кормилото на шпанскиот тим, па веќе во првиот меч може да тргне со победа и да ја спаси сезоната на Вилјареал.

Предлог тип: 1X & ГГ (2.07 коеф.)

Селтик – Салцбург (21 часот)

Целта на шкотскиот првак е јасна, да им го нанесе првиот пораз на „биковите“ од Салцбург, кои веќе размислуваат за евентуалните противници во нокаут-фазата. Австрискиот шампион има 15 бода, убедливо е прв во групата Б, а на Селтик му е потребен и бод за второто место, но „келтите“ нема да остават ништо на случајот.

Вечерашниот дуел ќе им биде четврт меѓусебен на овие две екипи. На претходните три пресметки, без исклучот, постигнувале по четири гола, Салцбург брои две победи од 3-1, додека една средба заврши со конечни 2-2.

Предлог тип: 1X & 2-4 (2.20 коеф.)

Кому што му треба вечерва во Лигата на Европа?

Златко Јуруковски

-

13.12.2018

0

Вечерашните натпревари од Лигата на Европа за 19 тима ќе значат обезбедување место во следната фаза. Сигурни патници понатаму се: Арсенал, Баер Леверкузен, Челзи, Динамо Загреб, Динамо Киев, Ајнтрахт, Фенербахче, Лацио, Бетис, Салцбург, Спортинг Лисабон, Зенит и Цирих. Меѓу елиминираните е АЕК Ларнака на Тричковски и Мојсов.

Напролет во Лигата на Европа ќе играат и осум тима кои испаднаа од ЛШ како трети во своите групи, а тоа се: Бриж, Интер, Наполи, Галатасарај, Бенфика, Шахтар, Викторија П“лзењ и Валенсија.

Во групата А, Цирих и Баер гостуваат на Балканот, а Германците имаат еден бод предност и тоа им е голем плус. Ако завршат со еднаков број бодови, Леверкузен е прв. Во група Б, Салцбург е прв, а на Селтик за второ место му треба барем бод или Лајпциг да не победи. Во групата Ц, Зенит чека да види кој ќе му прави друштво понатаму. Славија Прага е на „пол-позиција“, а ако Чесите загубат, тогаш втор ќе биде победникот од дуелот Копенхаген – Бордо.

Во групата Д нема неизвесност, тимовите на Аријан Адеми (Динамо Загреб) и Елиф Елмас (Фенербахче) одат понатаму, како и во групата Е, каде што Арсенал на голманот Дени Илиев и Спортинг на Стефан Ристовски се најдобри.

Во групата Ф, Бетис оди понатаму, но дали како прв или втор? Олимпијакос има шанса да го елиминира Милан ако го победи со 2-0, 3-1 или барем со разлика од три гола. На Милан му треба бод или пораз со разлика од еден гол, но ако „росонерите“ победат во Атина, може да бидат и први доколку Бетис не победи против Дуделанж.

Неизвесно е во групата Г, каде што сите имаат шанса. Спартак Москва и Ренџерс мора да победат, а на Вилјареал и Рапид им врши работа и реми. Во групата Х, Ајнтрахт и Лацио се убедливо најдобри, а во групата И, Малме и Сарпсборг немаат друг избор освен победа. Генк и Бешикташ ќе се борат за првата позиција, но може и да испаднат доколку загубат.

Во група Ј, Севилја дома против Краснодар си ја решава судбината, а најмногу со математика се занимава Стандард, кој мора да победи на гости кај Акхисар и да чека кикс на Севилја или победа на Севилја над Краснодар од 4-0 или поубедливо. Во група К, Рен ја пречекува Астана во директна борба за втората позиција. На Французите им треба победа, на Казахстанците доволно им е реми.

Во групата Л, дојде денот Д за Бобан Николов и МОЛ Види. Унгарците играат дома со Челзи и треба да остварат подобар резултат од тој на БАТЕ Борисов на гостувањето кај ПАОК. И солунските „црно-бели“ имаат теорија, а тоа е да го победат БАТЕ и да чекаат пораз на МОЛ Види.

Спортска прогноза: Виенското дерби со изгубен сјај во недела по 329-ти пат

Томас Ѓорѓиевски

-

13.12.2018

0

Градското дерби во Виена помеѓу Австрија и Рапид во недела ќе се одигра по 329-ти пат. „Ернст Хапел арената“ ќе биде сведок на дуелот помеѓу двата некогашни австриски шампиони, кои ќе се обидат да го вратат стариот сјај на ова ривалство кој со текот на времето е изгубен во доминацијата на Салцбург.

Средбата е закажана во недела, во 17 часот, што значи дека е меѓу последните мечеви од понудата на новото коло во Спортска прогноза, па исходот може многу да влијае во трката за мобилниот телефон „самсунг галакси А6“.

Иако овој меч нема да биде борба за првите позиции во австрискиот шампионат, и на двете екипи им е потребна победа. Австрија е петта на табелата со 24 бода, само еден бод ја дели од црвената зона, која значи плејаут, додека Рапид веќе е во тој дел со 20 освоени бода по 17 одиграни натпревари. Според последните пет меѓусебни средби, Рапид брои две победи против лутиот ривал, две средби завршиле без победник, додека Австрија триумфираше во последниот нивен дуел со минимални 1-0.

Домаќините ќе треба да го искористат и уморот на фудбалерите на Рапид, бидејќи тие денес ќе играат против Глазгов ренџерс во последното коло од групната фаза во Лигата на Европа, додека Австрија ќе има повеќе време да се подготви за неделното дерби.

Освен дербито во австриската Бундеслига, ви нудиме уште 11 интересни средби на кои може да типувате и да стигнете до мобилниот телефон „самсунг А6“. Секако, ќе има и вредносни ваучери за сите кои до крајот на викендот ќе погодат 11, 10 или 9 парови на СПОРТСКА ПРОГНОЗА.

По успешната прогноза ќе ви се прикажат вашите типувања. Сите прогнози за тековното коло, вклучувајќи ја и вашата, можете да ги погледнете тука.

Навивачи на Бока јуниорс убија фан на Ривер (Вознемирувачко фото)

Трајан Маневски

-

13.12.2018

0

Победата на Ривер плејт против Бока јуниорс во финалето од Либертадорес купот еден навивач ја платил со својот живот. Во провинцијата Мисионес, фан на Ривер плејт ја славел титулата на својот омилен тим кога пред него се појавиле двајца симпатизери на Бока и го убиле.

Несреќниот Арон Нерис, кој имал само 21 година, бил избоден со нож до смрт и оставен на улица. „Ме нападнаа само затоа што славам за победата на Ривер“, биле последните зборови на сега веќе починатото момче. Тој бил со дрес на Ривер, но шетал во кварт каде што најголем број од навивачите се поддржувачи на Бока.

Мајката на убиеното момче рече дека Арон отежнато одел, бидејќи имал три прсти на едната нога, па напаѓачите го нападнале како „животно“ кое не може да се брани.

Алегри: Жал ми е што испаднаа Интер и Наполи

Златко Јуруковски

-

13.12.2018

0

Масимилијано Алегри по поразот на неговиот Јувентус од Јанг бојс, не беше премногу загрижен, изјави дека целта да бидат први во групата им е исполнета и дека жали што две италијански екипи испаднаа од Лигата на шампионите.

„Имавме две цели: да влеземе во осминафиналето и да влеземе како први во групата. Успеавме во двете работи, и тоа заслужено. Никогаш не е убаво кога ќе се загуби натпревар, но, за среќа, одбравме да загубиме на меч кога поразот не боли толку многу“, рече Алегри.

Јуве не се снајде најдобро на минусната температура во Берн и многу лизгавата вештачка трева, но Алегри не сака да бара алиби.

„Добро почнавме, создадовме шанси, но не ги искористивме. Дури по негативата од 0-2, почнавме да реагираме како што треба и заигравме добро. Во осминафиналето, може да ни паднат Атлетико, Тотенхем или Ливерпул, не знам кого би сакал да избегнеме. Ќе беше добро ако Интер и Наполи се пласираа понатаму, но таков е фудбалот. Позитивно е што ќе имаме два тима кои може да ја освојат Лигата на Европа“, изјави Алегри.

Сите се против Иско

Златко Јуруковски

-

13.12.2018

0

Заминувањето на Хулен Лопетеги и наименувањето на Сантијаго Солари за тренер на Реал Мадрид го означи стартот на маките на Иско во Кралскиот клуб. Од неспорен стартер и играч околу кој се врти играта на тимот, Иско сега е обичен резервист кој или влегува при крај, или игра 90 минути на неважни натпревари.

Не е тајна дека Иско не се вклопува во концепцијата на Солари, но поголем проблем е што тој не е омилен ниту кај Рамос и Марсело, а и фановите почнаа да го исвиркуваат. Случајно или не, Иско беше во составот кога Реал беше понижуван од Барселона и ЦСКА.

Синоќа, кога Марсело излезе од игра, му ја понуди капитенската лента на Иско, но тој ја одби наводно затоа што сметал дека нововлезениот Карвахал треба да ја земе.

Претходно, Иско почна да се кара со еден навивач кој му дофрли нешто, пропушти една убава шанса и беше премногу пасивен при примениот трет гол кога не го чуваше играчот до него.

Марсело и Солари по мечот изјавија дека публиката е секогаш во право и смее да негодува кон некого ако мисли дека некој заслужува да биде исвиркан. Во Реал има уште еден незадоволен член, а тоа е голманот Кејлор Навас. Човекот со кого Реал освои три европски титули по ред, сега брани само во шпанскиот куп.

Кутињо снимен на прослава во Ливерпул (Видео)

Златко Јуруковски

-

13.12.2018

0

„Ми недостасуваш брат!“ Ова е пораката до сонародникот Филипе Кутињо која ја напишаa Роберто Фирмино и Алберто Морено проследена со клипови од забавата, по повод роденденот на сопругата на напаѓачот на Ливерпул, Лариса Переира.

Судејќи според снимките, Кутињо и Фирмино се доста блиски, но тоа што од јануари веќе не се клупски колеги, не значи дека не се дружат во слободно време. На забавата на која гостите беа облечени во бело и доминираше бразилска музика од бендот кој свиреше во живо, присутни беа и Алберто Морено и Фабињо.

Кутињо уште игра со Фабињо и Фирмино во бразилската репрезентација, а со Морено во Ливерпул играа заедно три и пол години.

Погледнете мал дел од атмосферата на роденденот:

Парондо: Лошо прво и добро второ полувреме, важно победивме

Златко Јуруковски

-

13.12.2018

0

Вардар ја задржа лидерската позиција во СЕХА-лигата откако ја прослави десеттата победа во Лигата оваа сезона против Татран со 23:21. Тренерот Роберто Парондо по мечот изјави дека не е многу задоволен од покажаното во првите 30 минути, но во второто полувреме се поправиле.

„Татран одигра добро и покажа дека е квалитетен тим. Ние не одигравме најдобро во текот на првото полувреме. Во овој период од средбата ни недостигаше интензитет и фокус во мечот. Потоа беше поинаку. Вториот дел донесе подобра игра, а морам да им се заблагодарам на моите ракометари за покажаното во тој дел од мечот. Имавме проблеми со играта во одбрана и тоа ни се одрази врз резултатот. Се соочивме и со проблеми, бидејќи двајца од ракометарите кои играат во центарот на одбраната се повредија за време на натпреварот. Сепак, во вториот дел ракометарите дадоа сѐ од себе и најважно е дека се изборивме за победа”, рече Парондо.

Тренерот на Татран, Славко Голужа, рече дека неговиот тим играл добро, но само 55 минути, не и 60, колку што требало за да се совлада противник од типот на Вардар.

„Ракометот се игра 60, а не 55 минути. Во клучните напади имавме грешки. Жал ми е што не ја искористивме слабата форма на Вардар“, изјави Голужа.

Само Бразилците приредуваат ваква драма: Атлетико Паранаенсе е шампион во Судамерикана купот (Видео)

Трајан Маневски

-

13.12.2018

0

Атлетико Паранаенсе е новиот освојувач на Судамерикана купот во Јужна Америка, натпреварување кое е на нивото на Лигата на Европа во Европа. Бразилскиот тим се радуваше на трофејот откако дури по подоброто изведување на пеналите, го победи Жуниор од Колумбија.

Бразилците утрово беа домаќини во реванш-мечот откако првата средба во Колумбија заврши 1-1. Мечот започна одлично за домаќините и во 27-мата минута поведоа со голот на Пабло. Сепак, Жуниор не се предаде и со погодокот на Гутиерез израмни на 1-1 во 58 минута. Тоа беше резултатот со кој заврши и првата средба, па откако до 90 минута немаше погодоци, мораше да се играат дополнителни 30 минути продолженија.

Во екстра времето, гостите имаа топка за титула. Во 111-тата минута беше досуден пенал за Жуниор, но Бареира шутираше високо над голот, па драмата продолжи и мораше да се изведува „пенал-рулет“.

https://twitter.com/sulamericana/status/1073038326322601986

Во серијата од по пет пенали, Атлетико Паранаенсе беше поуспешен со 4-3 и на крајот стигна до титулата во Судамерикана купот.

https://youtu.be/GmIJPcOQzV8

НАРЕДНАТА ГОДИНА КОПА ЛИБЕРТАДОРЕС ЌЕ ОСВОИ БРАЗИЛСКИ КЛУБ?

Има една традиција според која уште отсега на Бразил може да му се честита титулата во Копа Либертадорес за 2019 година. Само прашање е дали првак на јужноамериканскиот континент ќе биде Атлетико Паранаенсе, Крузеиро, Палмеирас, Фламенго, Интернасионал, Гремио, Сао Пауло или Атлетико Минеиро.

Од 2013 година наваму, секогаш Копа Либертадорес му припаѓа на тим од земја чиј клуб освоила Судамерикана во претходната година. Така, во 2012 Судамерикана освои Сап Пауло, а во 2013 Копа Либертадорес освои Атлетико Минеиро. Потоа традицијата ја продолжија аргентинските Ланус и Сан Лоренцо, па Ривер плејт по Судамерикана во 2014, стана првак на Либертадорес во 2015, па се вмешаа колумбиските Сантa Фе и Атлетико Насионал. Во 2016, Шапекоенсе освои Судамерикана, а во 2017 сонародникот Гремио стана првак на Јужна Америка и сега по лансата прослава на Индипедиенте во Судамерикана, Ривер плејт освои Копа Либертадорес.