Без наслов - Страница 9625

Чуден пропуст на дресот на Тотенхем

-

16.09.2018

Тотенхем загуби од Ливерпул со 1:2, што е втор пораз по ред за нив, а навивачите на лондонскиот клуб почнаа да наоѓаат секакви забелешки, па забележаа и голема грешка на дресот кој го носеше Тоби Алдевеирелд. Белгискиот дефанзивец кој мака мачеше со напаѓачите на Ливерпул, играше со дрес на кој го немаше логото на Тотенхем.

Уште додека траеше мечот вчера рано попладне, фановите почна да се бунат преку социјалните мрежи, и уште нема одговор зошто кај Белгиецот го немаше клупскиот амблем.

За разлика од кај Алдевеирелд, кај другите фудбалери немаше пропуст на дресот, и си стоеше логото.

На местото каде што треба да е логото на Тотенхем (на левата горна страна од предниот дел на дресот), на дресот на Алдевеирелд немаше ништо, само бела позадина. Останатите додатоци на дресот како името, бројот на грбот, името на спонзорот и логото на произведувачот на дресови, си стоеја на место, фалеше само логото на клубот.

Романците со потенцијален НБА играч во Скопје

Златко Јуруковски

-

16.09.2018

0

Со нов селектор, и само двајца кошаркари кои настапуваат во странство, романската репрезентација допатува во Скопје за вечерашниот меч против Македонија од 18.15 часот во „Борис Трајковски“. За Романците ова е прва средба во претквалификациите за Евробаскетот 2021, а тука се најдоа откако испаднаа од квалификациите за СП 2019.

Заре Марковски веќе не им е селектор, а негов наследник е Тудор Костеску, кој работи заедно со помошникот Ненад Марковиќ. Голем хендикеп им е неиграњето на плејот Андреј Мандаке и крилниот центар Влад Молдовеану. Но, учесникот на ЕП 2017, има двајца играчи на кои треба да се обрати внимание.

Џордан Вотсон кој ги покрива бековските позиции, е натурализираниот Романец, и играч со голема слобода, па нашите бекови ќе имаат тешка задача да го неутрализираат. Вотсон настапува за Орадеа и веќе доволно е воигран со останатите репрезентативци.

Другиот опасен играч е 21-годишниот Емануел Каце, член на шпанскиот прволигаш Мурсија. Тој пролетоска беше пријавен за НБА драфтот, станува збор за талент кој ја има минато кадетската кариера во Реал Мадрид, и во следните десетина години ќе биде главен романски играч.

Сепак, после победата во Косово, Македонија е во добро расположение, плус со публиката како поддршка, реално е да совладаме уште еден балкански ривал и да се доближиме до квалификациите за ЕП.

Борба Мејведер – Пакјао во декември?

Останати

Златко Јуруковски

-

16.09.2018

0

Еден од најдобрите и најбогати боксери на сите времиња, Флојд Мејведер, најави дека кон крајот на оваа година би можел да се врати во рингот. Мејведер кој моментно е во Јапонија и го промовира својот бренд ТМТ, налета на Мани Пакјао, си разменија по неколку провокативни зборови, а потоа Американецот на Инстаграм најави борба со Филипинецот.

Мејведер го победи Пакјао во мај 2015 година со едногласна одлука на судиите, а потоа се појави уште двапати и ги совлада Андре Берт и лани во август против легендарниот ММА борец, Конор Мекгрегор.

„Се враќам за да се борам против Мани Пакјао оваа година. Уште една деветоцифрена исплата за мене“ – напиша Мејведер кој во профи кариерата има 50 победи и никогаш не загубил.

Мејведер има 41, а „Пак-мен“ 39 години, двајцата се ветерани, па интересно би било да се види дали Пакјао може да му го нанесе првиот пораз на Американецот.

Ибрахимовиќ со кунг-фу потег до 500 гола во кариерата (Видео)

Златко Јуруковски

-

16.09.2018

0

Ѕвездата на Лос Анџелес галакси, Златан Ибрахимовиќ, на спектакуларен начин го постигна својот 500-ти гол во кариерата. За негова жал, тимот го загуби мечот против првакот Торонто, но никој не може да му го одземе правото на Швеѓанецот да се пофали дека е третиот активен фудбалер по Лионел Меси и Кристијано Роналдо, кој има барем 500 гола во клупската и репрезентативна кариера.

Ибрахимовиќ има 438 гола на 747 настапи за Малме, Ајакс, Јувентус, Интер, Барселона, Милан, ПСЖ, Манчестер јунатед и ЛА Галакси. За националниот тим на Шведска, има 114 настапи и 62 гола. Во американската МЛС лига, има 17 гола на 18 меча.

Погледнете го 500. гол во кариерата на феноменалниот Ибра:

Пред точно седум години Македонија играше полуфинале на ЕП

Златко Јуруковски

-

16.09.2018

0

На 16 август 2011, „малата“ Македонија жестоко се бореше со НБА и евролигашките ѕвезди од Шпанија во полуфиналето на Евробаскетот во Литванија, „црвено-жолтите“ дури и водеа минимално по првото полувреме, а на истиот датум седум години подоцна, играме претквалификации за влез меѓу 32-те најдобри во Европа.

Овој 16 септември, не го паметиме по добро. Напротив, на денешен датум во минатото доживеавме два многу болни порази, а актуелните репрезентативци имаат прилика со триумф над Романија да го прекинат малерот кој нè биеше во минатото.

На 16 септември 2006, Македонија загуби во Сараево од Босна и Херцеговина со 72:75, и поради тој пораз, не се пласиравме на ЕП 2007. На тој меч добро се сеќава Јорданчо Давитков, кој и тогаш беше селектор, а и сега е на истата функција. Тогаш загубивме од противник на кој ништо не му значеше победата. Набрзо потоа, Давитков беше сменет од селекторската функција.

Болеше поразот и од Шпанците во 2011, но на тој 16 септември, сите бевме горди што Македонија храбро и првпат се бори за медал на големо натпреварување во еден од најпопуларните спортови. Еуфоријата беше од огромни размери, но тоа сега е минато.

Денешната реалност е дека Македонија води битка за влез во квалификации за ЕП, и потребна е поддршка во „Борис Трајковски“ од 18.15 часот во дуелот со Романците за да ја оствариме целта и полека да се вратиме во друштво на европскиот крем.

Хантукова смета дека тандемот Ѓоковиќ-Вајда е непобедлив

Тенис

Златко Јуруковски

-

16.09.2018

0

Поранешната тенисерка Даниела Хантукова, тврди дека Новак Ѓоковиќ под палката на словачкиот тренер Марјан Вајда, може да го престигне Роџер Федерер по бројот на гренд-слем трофеи. Ѓоковиќ сега има 14 пехари од најголемите четири турнири на светот, а рекордерот Федерер има 20.

За да го стигне Федерер, Новак прво треба да се искачи на второто место на кое седи Рафаел Надал со 17 гренд-слема.

Хантукова го знае системот на работа на сонародникот Вајда, и ако тој седи во боксот на Ѓоковиќ уште подолго време, Србинот може да смета на титули и во иднина.

„Додека Новак е под надзор на Вајда, ќе биде добар. Го делам мислењето на Грег Руседски дека не гледам кој би го победил Ѓоковиќ оваа, и особено наредната година. Тој се врати на своето најдобро ниво, и можеби звучи претерано, но додека е Марјан покрај него, тој ќе доминира. Сигурна сум дека после САД опен, тој од утредента размислувал како да го подготви Ѓоковиќ за наредниот период, и нема да биде изненадување ако до крајот на 2018, се врати на првото место на АТП“ – порача Хантукова, која некогаш беше и петта тенисерка на ВТА листата.

Наредниот настап на популарниот Ноле е на Род Лејвер купот во Чикаго од 21 до 23 септември, а потоа ќе се појави во Шангај, Виена, Мастерсот во Париз и завршниот турнир во ноември.

Лопетеги почна да трпи критики

Златко Јуруковски

-

16.09.2018

0

Зошто кога Реал Мадрид брка резултат не влезе во игра новиот напаѓач Маријано Дијаз, и зошто од игра беа повлечени Модриќ и Бејл, а на тимот му требаа голови? Ова се прашањата кои беа упатени до тренерот Хулен Лопетеги после нерешените 1-1 на гостувањето кај Атлетик Билбао.

Можеби Лопетеги ја погоди замената на Модриќ со Иско, шпанскиот плејмејкер даде гол, и најави дека за него треба да има место во почетниот тим на средбата со Рома в среда. Но, од првото поголемо искушение, Реал со Лопетеги на клупата киксираше, и незадоволството е присутно.

„Сан Мамеш е тежок терен за играње, особено ако сте гостин. Мечот беше со висок интензитет, во второто полувреме бевме подобри, бевме посмирени и направивме повеќе шанси. Мислам дека Иско одигра добро, ги оправда очекувањата. За Реал Мадрид, нерешениот резултат не е добар, но и противникот беше добар. Маријано не влезе бидејќи мислев дека е подобро на местото на Бејл да влезе друго крило како Лукас Васкез, за да бидеме поопасни од страничните позиции“ – изјави Лопетеги по мечот.

Реал со првиот кикс, само реми на гости кај Атлетик Билбао (Видео)

Трајан Маневски

-

15.09.2018

0

Реал Мадрид ги загуби првите бодови во Примера дивисион сезонава, откако одигра 1:1 на гостувањето кај Атлетик Билбао, во 4. коло. По ова реми, „кралскиот клуб“ сега има два бода помалку од лидерот Барселона, која попладнево успеа да победи на тешкото гостување кај Реал Сосиедад со 2:1.

Реал може да биде и задоволен што не загуби во Билбао, бидејќи домаќините на полувремето имаа предност од 1:0. Муниаин погоди во 32 минута за радост на домашните фанови, но во 63 минута Иско израмни на 1:1. До крајот на средбата, двете екипи имаа шанси за втор погодок, но мрежите мируваа.

https://youtu.be/jlIjRGtBCX4

Парондо: Горд сум на моите играчи

Трајан Маневски

-

15.09.2018

0

Тренерот на Вардар, Роберто Гарсија Парондо покажа дека е вистински наследник на Раул Гонзалез на клупата на „црвено-црните“. Шпанскиот стратег успеа да постави одлична тактика против европскиот првак Монпелје, па Вардар победнички се врати од гостувањето во Франција, по првото коло во Лигата на шампионите.

„Многу сум горд на моите играчи. Многу е тешко да се игра на гости кај Монпелје, но ние успеавме да победиме. Ги сопревме противничките играчи, а тоа се играчи на актуелниот европски првак“, рече тренерот на Вардар, Парондо.

Вардар славеше со 27:24 во дуелот на двата последни европски прваци и покажа дека и оваа сезона ќе биде меѓу најдобрите екипи во Лигата на шампионите.

Металург во второто полувреме „падна“ против Спортинг

Трајан Маневски

-

15.09.2018

0

Металург неуспешно стартуваше во Лигата на шампиони, откако на гостувањето кај Спортинг загуби со 26:34, во послабиот дел од групите. Вториот македонски претставник имаше сили само за едно полувреме да парира на португалскиот ривал.

По 30 минути игра резултатот беше 13:13, со што тимот од Автокоманда покажа дека има квалитет. Сепак, вторите 30 минути беа во целосна доминација на Спортинг. Домаќините поведоа и потоа полека, но сигурно само ја зголемуваа предноста. Металург немаше одговор за нападот на домаќините, па во вториот дел прими дури 21 гол.

На крајот Спортинг стигна до посакуваната победа, а Металург шансата за прв триумф ќе ја бара на свој терен, на 23 септември, во дуел против Бешикташ.

Во останатите мечеви кои денеска се играа во ЛШ: Бешикташ – Прешов 22:28, Монпелје – Вардар 24:27, Веспрем – Киелце 29:27 и Кристијанштад – Мешков Брест 30:32.