Без наслов - Страница 9876

Трогателна е приказната за тоа како Вајлдер станал боксер

-

30.11.2018

Боксерскиот свет е во исчекување на спектаклот кој во недела рано наутро треба да се случи во Лос Анџелес. Донте Вајлдер и Тајсон Фјури ќе ги вкрстат ракавиците во борба за ВБЦ титулата. Вајлдер ја има улогата на фаворит. Тоа е боксер кој изгледа како вистински ѕвер. Немилосрден е кон противниците, а тоа го покажува и фактот дека има 39 нокаути од 40 борби. Сепак, неверојатна е причината поради која Вајлдер станал боксер, иако тоа првично не била негова цел.

Главна причина поради која Вајлдер станал боксер е неговата 13-годишна ќерка, Наеја. Токму таа е и главниот извор на сила за боксерот. Уште пред раѓањето на девојчето, било констатирано дека таа боледува од Spina bifida occulta, болест која предизвикува оштетување на рбетните пршлени и нивно нецелосно затворање. Ова пореметување го има кај едно дете во 2.000 случаи. Тогаш докторите прогнозирале дека бебето најверојатно никогаш нема да може да оди.

Вајлдер имал 19 години кога неговата девојка Џесика затруднела. Студирал на факултет и тренирал кошарка. Сепак, по веста дека ќе стане татко, морал да се откаже од факултетот и почнал да од три работни места, за да може да собере доволно пари. Откако видел дека така нема да може да го издржи семејството, решил да влезе во рингот.

„Бев студент и играв кошарка. Поради мојата ќерка станав боксер и повторно би го направил истото за нејзе. Подготвен бев да направам се за моето дете. Ѝ ветив дека еден ден ќе станам светски првак и ќе се обидам да го исполнам тоа ветување. Таа е мојата инспирација. Горд сум на нејзе.“, вели Вајлдер.

Неговата ќерка се покажала како вистински борец, иста како татко ѝ. И покрај црните прогнози на лекарите, девојчето почнало сама да се движи.

„Целата е како мене. Од мене ги има наследено силата, размислувањето и способноста никогаш да не се откажува. Докторите рекоа дека никогаш нема да може да оди, а таа сепак самата оди. Неверојатна е. Таа ми дава сила, поради нејзе сакам да продолжам да боксувам и да бидам посилен“, додава Вајлдер, кој во текот на својата кариера досега има заработено 12,3 милиони фунти.

Вајлдер е татко на пет деца, а неодамна за жена ја побара својата девојка Тел Свифт. Следниот голем предизвик за Вајлдер е да го победи Тајсон Фјури во мечот кој е закажан за в недела рано наутро во 3 часот.

Toни Надал: Рафа ќе игра уште неколку години, но сѐ си има рок на траење

Томас Ѓорѓиевски

-

30.11.2018

0

Чичкото на Рафаел Надал, Тони, посочи дека неговиот внук има желба да игра уште неколку години, поточно, сѐ додека неговото тело може да ги издржи напорите. Тони Надал минатата година го напушти тренерскиот тим на Рафа, а местото за прв тренер на вториот светски рекет го презеде Карлос Моја.

„Кога Рафа ќе почувствува дека му е време за пензија, ќе го стори тоа. Но, мислам дека ќе игра уште неколку години, тоа е негова желба, но сѐ си има рок на траење. Сѐ додека неговото тело ги издржува напорите, тој ќе игра“, истакна Тони.

Рафаел Надал го загуби првото место на АТП-листата од Новак Ѓоковиќ годинава. Шпанецот повторно се соочуваше со повреди, кои го спречија да се појави на неколку важни турнири кон крајот на годината.

Новата тениска сезона ќе започне на 31-ви декември во Доха, со турнирот Отворено првенство на Катар, кој минатата сезона го освои Гаел Монфис.

Кошаркарски класик во „Блауграна“

Томас Ѓорѓиевски

-

30.11.2018

0

Вториот ден од десеттото коло во Евролигата носи нов кошаркарски класик. Во „Палау Блауграна“, Барселона го пречекува европскиот првак од 2017 година, тимот на Фенербахче (21 часот), дерби од кое се очекува „пеколен“ натпревар.

Покрај очекуваните возбудувања на теренот, ќе има и тактичкото надмудрување меѓу двајцата српски стратези, Обрадовиќ против Пешиќ, што ќе ѝ даде посебен шарм на средбата. Барселона ја има предноста на домашен терен, но „фенерџиите“ доаѓаат самоуверени дека и по шест меѓусебни пресметки, ќе останат непоразени против каталонскиот гигант.

Се играше стариот формат на Евролигата кога Барса последен пат го совлада Фенер (октомври 2014; 80:78). Тоа беше во дебитантската сезона на Обрадовиќ на клупата на турскиот гигант, во сезоната 2013/14, токму во салата каде што и вечерва ќе се сретнат.

Избраниците на Светислав Пешиќ сезонава сѐ уште се непоразени пред своја публика. Сигурните победи над Реал Мадрид и Милано донесоа огромна самодовебра во редовите на Барса, па јасно е дека и на овој меч ќе дадат сѐ од себе да ја заштитат неосвоивата тврдина „Блауграна“.

Но, не треба да се заборави дека Фенербахче веќе еден месец не знае за пораз, со серијата од девет победи во низа во сите натпреварувања, ќе биде многу незгоден гостин.

Пред дербито на вечерта, се играат уште три средби во рамките од десеттото коло. Химки без најдобриот играч Алексеј Швед го пречекува тимот на Панатинаикос (18ч), Басконија гостува кај Анадолу Ефес (18:30ч), додека Олимпијакос ќе го вдоми јадранскиот првак Будуќност (20:30ч).

Ги нокаутираше и противникот и судијата (Видео)

Трајан Маневски

-

30.11.2018

0

Кинескиот борец Гу Дакуи успеа во една секунда да ги нокаутира и противникот, но и судијата кој беше во рингот. Дакуи доминираше во втората рунда, а во еден момент со десната рака му зададе удар со кој го разниша противникот.

Тогаш судијата сакаше да го заштити зашеметениот противник на Дакуи, но токму во тој момент Кинезот замавна со удар со нога и го погоди судијата директно во лицето.

Во ист момент на подот од рингот паднаа и противникот, но и судијата.

Боксерските легенди со различни прогнози за Фјури-Вајлдер

Златко Јуруковски

-

30.11.2018

0

Борбата за титулата во ВБЦ-верзијата во професионален бокс во тешка категорија помеѓу Донте Вајлдер и Тајсон Фјури предизвикува големо внимание и кај поранешните шампиони и легенди како Мајк Тајсон, Џорџ Формен, Ивандер Холифилд, Ленокс Луис, Ридик Боуви, а тие не се едногласни во прогнозата кој ќе победи.

„Стејплс центарот“ во Лос Анџелес е местото каде што в недела, рано наутро по македонско време, Фјури и Вајлдер ќе ја водат битката за шампионскиот појас во ВБЦ-верзијата.

Формен, кој беше најстар светски првак во тешка категорија, му дава предност на Вајлдер, за кого смета дека ќе победи на поени, со тесна судиска одлука.

„Јас навивам за Вајлдер, но импресиониран сум и од тоа како Фјури ги избегнуваше ударите на Владимир Кличко. Мислам дека Фјури може да издржи 12 рунди, но мислам дека Фјури ќе победи на поени“, смета Големиот Џорџ.

Тајсон, кој беше најмлад светски првак и еден од најексплозивните боксери кои се појавиле во рингот, смета дека Фјури има оружје кое ќе го искористи за да победи.

„Вајлдер има силен удар, но Фјури е психички многу стабилен и на рингот и надвор од него. Мислам дека ќе биде неизвесно, но поголеми шанси му давам на Фјури“, вели Челичниот Мајк.

Холифилд смета дека Фјури е поискусен и има трикови кои знае да ги употреби кога треба, за Луис станува збор за два боксера со различни стилови и тој што ќе наметне свој стил, ќе биде поблиску до триумф, додека Боуви е најсигурен во својата прогноза: „Ако го покаже својот потенцијал, Вајлдер лесно ќе победи и ќе го нокаутира Фјури“.

Синот го крстиле Гризман Мбапе, па се јави и обвинителството во Франција

Фудбал

Трајан Маневски

-

30.11.2018

0

Еден Французин очигледно фанатик за фудбал, решил својот новороден син да го крсти Гризман Мбапе. Тој се одлучил на ова име во чест на Антоан Гризман и Килијан Мбапе, кои беа едни од најзаслужните што Франција летоска стана светски првак на Мундијалот во Русија.

Детето кое е родено во јужна Франција сепак може и да не го добие ова име, откако реагираше обвинителството, кое бара властите да не дозволат да го заведат под ова име. Според обвинителството ова име нема да биде во интерес на детето во иднина.

Целиот случај ќе заврши на суд, а многу веројатно е дека родителите ќе мора да бараат друго име за детето. Овој случај во многу нешта потсети на случајот од 2015 година, кога едно девојче во Франција го крстија Нутела, но судот нареди да се прекрсти, па девојчето на крајот го доби името Ела.

Тошак: Разочаран сум што Бејл уште не знае да даде изјава на шпански

Златко Јуруковски

-

30.11.2018

0

Џон Тошак, кој по 40 години, во Иран ја заврши тренерската кариера, а во 2011 и 2012 беше селектор на Македонија, објави свои мемоари во книгата која ја има по британските книжарници и во неа пишува за најдобрите и најлошите моменти во кариерата.

„Да се биде тренер на Реал Мадрид, е фантастично, десет години во Баскија, исто така е фантастично, а Ливерпул? Тоа беа моите најдобри години во животот“, напиша Тошак, кој седум години играше за „црвените“ и постигна речиси 100 гола.

Тошак вели дека Икер Касилјас кога имал 18 години му е најдобриот млад играч кој го тренирал, иако му делувало дека е ситен за голман, а најубава атмосфера имало кога неговиот Бешикташ играл на гости кај Галатасарај.

Тошак мисли дека неговиот сонародник Герет Бејл можел повеќе да покаже во дресот на Реал Мадрид.

„Разочаран сум малку од него. Долго време е таму, а уште не може да даде интервју на шпански јазик. Не станува збор за тоа само дали ќе дава голови, туку таму каде што играш, треба да ја почитуваш средината“, изјави Тошак, кој и на 70 години продолжува со номадски живот и постојани преселби.

Санчес се повреди, Мурињо стравува дека закрепнувањето ќе потрае

Томас Ѓорѓиевски

-

30.11.2018

0

Офанзивецот на Манчестер јунајтед, Алексис Санчес, заработи повреда во текот на вчерашниот тренинг, што го онеспособува да конкурира за настап во утрешното гостување кај Саутхемптон. Иако засега не е утврдено колку ќе трае паузата на Чилеанецот, Мурињо посочи дека според негово искуство не очекува да го види на терените пред новата година, што значи дека се работи за посериозно оштетување на препоните.

„Според моето искуство, толку силниот врисок и начинот на кој се повреди го очекува долго закрепнување. Не станува збор за лесна повреда на мускул која може да се надмине за десетина дена, за тоа е свесен е и самиот Алексис. Очекувам да се врати на терените дури по шест недели“, истакна Мурињо.

Натпреварот помеѓу Саутхемптон и Манчестер јунајтед се игра утре, со почеток од 18:30 часот, во рамките од 14-тото коло во Премиер лигата.

Ачерби од Лацио брка рекорд на Занети

Томас Ѓорѓиевски

-

30.11.2018

0

Дефанзивецот на Лацио, Франческо Ачерби, во синоќешниот пораз од Аполон со 2-0 го запиша 140-тиот последователен настап. Ачерби без прекин игра од октомври 2015 година, а оваа низа ја почна во дресот на Сасуоло и ја продолжи во редовите на „лацијалите“.

Ачерби е единствениот активен фудбалер кој настапил на олкав број натпревари во низа, а рекордот го држи Хавиер Занети, легендата на Интер. Рекордот на Ил Тракторе застана на 162 меча.

Италијанскиот дефанзивец во недела против Киево ќе има шанса да ја продолжи низата, бидејќи тој е стандарден во составот на Симоне Инзаги. Доколку избегне каква било повреда, Ачерби до крајот на сезоната ќе може да го стигне Занети, потребни му се уште 22 натпревари да се израмни со легендарниот Аргентинец.

Повредата на Младеновски значи поголем простор за Крстевски

Златко Јуруковски

-

30.11.2018

0

Селекторот Јорданчо Давитков нема да смета на Љубомир Младеновски за неделниот дуел против Косово, па ротацијата на центарската позиција ќе биде сведена на Шејн Витингтон, Бојан Трајковски и Бојан Крстевски, а како крилни центри ќе бидат и Андреј Маслинко и Стојан Ѓуроски. Крстевски од Работнички е човекот кој ќе треба да го покрие неиграњето на Младеновски. Тој има искуство и знаење да помогне кога селекторот ќе процени дека има потреба од него.

Младеновски има скршеница на коска во дланката и нема да може да игра до нова година. Ова е хендикеп за репрезентацијата, но уште поголем за МЗТ Скопје Аеродром, каде што Бубе е единствен класичен центар. Особено во домашното првенство ќе биде проблем, Младеновски игра повеќе поради правилото за задолжителен настап, но и во АБА 2 на „металците“ им претстојат мечеви на кои присуството на Младеновски ќе беше од полза.

Националниот тим од денеска е во Гевгелија, „црвено-жолтите“ ќе тренираат во „26 Април“, каде што во недела, од 17.45 часот ќе си ги одмерат силите со Косово во меч од претквалификациите за Евробаскетот 2021.