Македонската машка ракометна репрезентација во комплетен состав синоќа тренираше во Терме Лашко, а вечерв од 19 часот во Словењ Градец ќе игра пријателски меч со Словенија во рамките на подготовките за Европското првенство.
Селекторот Данило Брестовац со себе поведе 20 ракометари и за разлика од турнирот во Романија, сега во тимот се и искусните Лазаров, Стоилов, Манасков, Ристовски, како и помладите Талески и Кузмановски.
Мечот Словенија – Македонија ќе се пренесува на фејсбук-страницата на Ракометната федерација на Словенија. И Словенците со нетрпение го чекаат овој дуел бидејќи е прв со Љубомир Врањеш откако стана селектор.
По дуелот со Словенците, ќе следува пресметка и со Црна Гора на 6 јануари во Терме Лашко. Тоа ќе биде и последна контрола пред заминувањето за Виена, каде што Македонија ќе ги игра своите натпревари од првата фаза на ЕП.
Според квотите во обложувалниците Sport Life, фаворит е Словенија, коефициентот за победа на Македонија е дури 6.50. Ако верувате дека нашите може да победат, уплатете и чекајте добри вести од Словењ Градец.
