Македонскиот кошаркарски репрезентативец Џејкоб Вајли доби суспензија од својот клуб Будуќност.
Вајли, кој настапуваше во квалификациите за СП за нашата селекција, не се приклучил кон тимот, а според неговиот агент, тоа го сторил поради лични?фамилијарни проблеми.
„Агентот на играчот соопшти дека причина за недоаѓањето е личен/фамилијарен проблем.
Ние како клуб одлучивме да го суспендираме играчот, а јавноста ќе биде известена доколку има и понатамошни санкции“, стои во соопштението на Будуќност.
Овој тим во понеделник ќе игра против Дерби СЦ во рамките на наредното коло од АБА-лигата, а интересно е што ова ќе биде прв дуел на две црногорски екипи во најсилното кошаркарско натпреварување.