Ракометарите на Вардар 1961 го совладаа Алкалоид со 30-27 и на најдобар можен начин ја одбележаа прославата на 65-тиот роденден на клубот. Избраниците на Иван Чупиќ имаа контрола над резултатот во најголемиот тек од натпреварот и заслужено стигнаа до победа.
Првиот дел Црвено-црните го заокружија со предност од три гола (17-14) која ја одржуваа и во второто полувреме, сѐ до крајот на дуелот.
Во пресрет на натпреварот, имаше и организирана забава за навивачите пред СЦ „Јане Сандански“.
Три меча на кои, интересно, гостите се во фаворитска улога, барем ако се гледаат коефициентите, се дел од ноќната понуда во НБА-плејофот. Минесота направи едно изненадување и го победи Денвер на гости за 1:1 во победи, па сега игра пред своите навивачи. Тоа значи дека Денвер предводен од Никола Јокиќ ќе брка враќање на брејкот, а со тоа и предноста на домашниот терен.
Со 1:1 во победи продолжува и пресметката меѓу Атланта и Њујорк. Кога играат овие ривали, многу често победникот се решава во завршните моменти, па така беше и пред неколку дек,а кога Атланта на гости славеше минимално со 107:106. Дури коефициент 16 е да биде нерешено по 48 минути игра.
Кливленд води со 2:0 против Торонто и сега игра на теренот на ривалот, но повторно е фаворит за победа.
Во понудата за плус-минус поени на играчите има над 30-мина кошаркари. Никола Јокиќ треба да даде 30+ поени за да биде во „плус“, а Мареј е на граница од 25,5 поени.
Останува точно еден месец до почетокот на вториот гранслем-турнир за оваа сезона, Ролан Гарос во Париз. Челниците на овој турнир решија да сопрат со контоверзната практика поради која имаше големи рекации на почетокот на оваа сезона во Австралија.
Од Ролан Гарос и официјално потврдија дека на следниот турнир во Париз нема да бидат инсталирани дополнителни камери во „бекстејџ зоната“, со што го послушаа барањето на светските тениски ѕвезди дека на тој начин им се нарушува приватноста.
Сè започна кога на Отвореното првенство на Австралија во јануари оваа година, младата американска ѕвезда Коко Гоф по поразот од Елина Свитолина во лутина дури седумпати го удри рекетот од подот. Тоа се случи во посебна просторија наменета за тенисерите и тенисерките. Гоф верувајќи дека има приватност и дека е далеку од очите на јавноста, реши да ја искаже својата лутина врз рекетот.
Сепак, многу брзо тоа видео стана вирално на социјалните мрежи и го виде целата светска јавност. Тогаш тенисерите и тенисерките реагираа и застанаа во одбрана на Гоф барајќи да имаат повеќе приватност и да нема камери на секој чекор каде што ќе бидат.
„Изненадени сме зошто нема камери и во туш кабините додека се тушираме“, тогаш иронично реагираше Ѓоковиќ.
Оваа одлука да се тргнат камерите од тие зони ја поддржаа и организаторите на Вимблдон и Отвореното првенство на САД.
Предлогот италијанската фудбалска репрезентација административно да обезбеди место на Светското првенство уште е активен. Оваа опција е во игра доколку Иран биде суспендиран од настапот на планетарниот собир, а Аѕурите добијат покана за учество.
Сепак, Иранците најавија дека целосно се фокусирани и се подготвуваат за настап на Мундијалот. Од друга страна, и Италијанците не се за да добијат на подарок настап на СП. Министерот за спорт на Италија, Андреа Абоди, порача дека неговата земја воопшто не сака да добие службена покана за настап на СП 2026 и дека „на Светското првенство се доаѓа исклучиво преку квалификациите“.
Министерот за економија Џанкарло Џоргети целата таа идеја за Италија да оди на СП 2026 ја нарече „срамна“. Тренерот Џани де Бијаси додаде дека „на Италија не ѝ е потребна политичка помош за настап на Мундијалот“.
Доколку се случи сценариото Иран да биде исфрлен од СП 2026, ФИФА е единствената легитимна организација која треба да ја назначи селекцијата која би била на завршницата.
Фудбалскиот сојуз на Босна и Херцеговина се огласи со соопштение за јавноста во која се вели дека импресивен е интересот за билетите за пријателскиот меч против Македонија кој ќе се игра на 29 мај во Сараево. Најголемиот стадион во БиХ, „Асим Ферхатовиќ Хасе“, или популарно познатиот „Кошево“, ќе биде местото на кое ќе гостува Македонија кај селекцијата која обезбеди место на СП 2026.
„Ги известуваме навивачите дека во тек е продажба на билети за пријателскиот меч меѓу Босна и Херцеговина и Македонија кој ќе се игра на 29 мај, на стадионот ‘Асим Ферхатовиќ Хасе’ во Сараево. Досега има продадено околу 22.000 билети“, брифираат од фудбалскиот сојуз на БиХ.
Стадионот „Асим Ферхатовиќ Хасе“ е најголем во БиХ и собира малку повеќе од 34.000 гледачи. Се очекува да биде исполнет до последно место за мечот против Македонија. Тоа нема да биде затоа што нашата селекција гостува, туку затоа што навивачите на БиХ ќе сакаат да ги поздрават своите фудбалски херои кои обезбедија место на Светското првенство во САД, Канада и Мексико.
Фудбалската федерација на Македонија, поточно Дисциплинската комисија, денеска донесе официјална одлука по повод инцидентите коишто се случија на дуелот од ПМФЛ шампионатот помеѓу екипите на Башкими и Струга ТЛ одигран во Куманово, на 19.04.2026, во рамките од 28-мото коло.
На тој натпревар по последниот свиреж гостите беа нападнати, а ФФМ носи одлука која што соодветсвува со настаните. Башкими поради слаба организација на мечот, следните четири натпревари како домаќин ќе мора да ги игра надвор од Куманово.
„Дисциплинската комисија при ФФМ донесе одлука ФК Башкими 1947 Куманово да се казни со забрана за играње на домашен терен во траење од четири натпревари и парична казна од 5.000 евра поради слабат организација на натпреварот против ФК Струга Трим Лум, одигран во рамките на 28-мото коло од Првата МФЛ на 19.04.2026 година на стадионот „Башкими“ во Куманово, како и поради присуството на неслужбени лица на теренот и во службените простории и физичкиот напад врз претставници и фудбалери на гостинската екипа.
На денешната седница беа изречени санкции и за Иван Варадиновски, шеф на стручниот штаб на ФК Кожуф, со забрана за вршење на функцијата во траење од два натпревара, како и за Трајче Ников, тренер на голмани на ФК Кожуф, исто така со забрана за вршење на функцијата во траење од два натпревари“, се вели во официјалното соопштение на ФФМ.
Најтрофејниот фудбалски клуб Вардар неодамна поднесе иницијатива Јужната трибина на арената „Тодор Проески“ да го носи името на легендарниот фудбалер Васил Рингов, кој неодамна почина. Рингов е вардарова, но и македонска легенда, играч кој со своите игри на теренот и дела сигурно допринел многу за развојот на фудбалот во Македонија.
Сепак, очигледно не се согласуваат сите со оваа идеја на ФК Вардар. На една од највлијателните битолски фејсбук-страници, „И моето дете ќе навива за Пелистер“, се појави статус за иницијатива која гласи: „Не – за Јужната трибина да се вика Васил Рингов.“ Во реакцијата се вели дека тие биле и против тоа името на Арената да го носи името на Тодор Проески.
Во продолжение целата реакција:
Фудбалскиот клуб Вардар, на чело со нивниот извршен директор, поднеле иницијатива јужната трибина од арената ,„Тодор Проески” да се вика по неодамна починатиот фудбалер ,,Васил Рингов”.
Со цела почит кон името „Васил Рингов” и неговата кариера, но овај стадион е НАЦИОНАЛНА АРЕНА. Националната арена не е објект на еден клуб, таму кој сака да игра си плаќа за тоа. Извршниот директор (не сакаме име да му споменеме) може вакви барања да поднесува за она што е имотнина на клубот којшто го води (ако воопшто имаат имотнина), некаков тренинг-центар или слично, а за тоа што е ДРЖАВНО И НАЦИОНАЛНО, нема што еден клуб да бара вакво или такво име.
● Точно е дека не се согласуваме арената да се вика ни ,,Тодор Проески”, затоа што сметаме дека тоа повеќе им прилега на универзална сала, дом за култура итн., но името на стадион или трибина да се преименува на секои 10-15 години, и тоа по желба на некакви клубови и извршни директори е надвор од здрав разум.
ИЗГРАДЕТЕ СИ СОПСТВЕН И НЕКА СЕ ВИКА АКО САКАТЕ И МИЛЕНКО НЕДЕЛКОВСКИ !
Претседателот на Реал Мадрид ги пречека најголемите ѕвезди на клубот, но очигледно е дека со некои од нив нема многу добра соработка. На видеото кое се појави на социјалните мрежи, Перес стои додека покрај него поминува Винисиус јуниор. Бразилецот многу „ладно“ и без некоја поголема почит помина покрај Перес, дури и го оттурна со рамото, на што Перес збунувачки реагираше гледајќи го Бразилецот.
За разлика од Винисиус, кога пред Перес се појави Килијан Мбапе, францускиот голгетер срдечно се поздрави со претседателот на клубот, а потоа и го прегрна. Целата ситуација со Винисиус, но и со Мбапе може да ја видите ТУКА.
Од порано е познато дека Мбапе е еден од омилените играчи на Перес, додека Винисиус остана во сенка на Французинот. Винисиус сезонава одигра 48 меча за Реал, во кои постигна 18 гола, а има и 14 асистенции, додека Мбапе е во многу подобра форма. Французинот во 40 средби постигна дури 41 гол, а има и шест асистенции.
Дали оваа реакција на Винисиус кон Перес може да значи и заминување на Бразилецот, останува да видиме летово. Вини е дел од Реал Мадрид од 2018 година, кога за сума од 45 милиони евра пристигна од тимот на Фламенго.
Баерн Минхен има многу причини за славење во изминативе десетина дена. Најпрво тимот се пласира во полуфиналето од Лигата на шампионите, потоа ја обезбеди титулата во Бундеслигата, а синоќа се пласира и во финалето на Купот на Германија. Баерн Минхен имаше голем предизвик на гости кај Баер Леверкузен, но баварскиот гигант покажа квалитет и сила, па на крајот славеше со 2:0 за пласман во финалето на Купот, каде што ќе се обиде да го освои пехарот, и тоа по пауза од шест години.
„Кога работите одат добро, се обидувам да бидам најскромната личност во просторијата. Денес ништо не е освоено. Ние едноставно си ја завршивме работата и го заработивме правото да одиме во Берлин. Но, финалињата не се за учество, туку за победа. Поминав низ доволно бури во мојата кариера за да знам како да останам смирен. Не читам што е напишано кога губиме и не читам кога победуваме. Единственото нешто што е важно е следниот тренинг и како да станеме уште подобри“, рече Компани.
Тој го пофали својот тим за тактичката дисциплина што ја покажа за време на натпреварот.
„Знаевме дека Леверкузен е тим кој може да ве казни за секоја секунда невнимание. Моите играчи покажаа неверојатна зрелост. Не им дозволивме да дишат на средината од теренот и тоа беше клучот. Тоа е лицето на Баерн што сакам да го видам“, додаде Белгиецот.
Во финалето на Купот на Германија, Баерн го чека подобриот од денешното второ полуфинале меѓу Штутгарт и Фрајбург.
Спорт Манија е портал наменет за љубителите на спортот кој почна со работа на 14 септември 2018 година.
Контакт: contact@sportmanija.mk
Спорт Манија © 2018-2023
