Дома Blog Страница 3

Официјално: За Ламин Јамал сезоната е завршена!

Трајан Маневски
-
0
Официјално: За Ламин Јамал сезоната е завршена!

Фудбалскиот клуб на Барселона објави дека тестовите спроведени попладнево врз Ламин Јамал потврдија руптура на мускулот на тетивата на левата нога. Иако клубот официјално не објави време за закрепнување, се подразбира дека младиот напаѓач ќе биде надвор од терените помеѓу четири и пет недели, што значи дека неговата клупска сезона е завршена.

Добрата вест е дека тој ќе биде подготвен за Светското првенство, со оглед на тоа што првиот натпревар на Шпанија е речис за месец и половина.

„Тестовите потврдија дека играчот Ламин Јамал претрпел повреда на левата тетива. Играчот ќе добие конзервативен третман. Ламин Јамал ќе го пропушти остатокот од сезоната и се очекува да биде подготвен за Светското првенство“, се вели во соопштението.

Оваа повреда на Јамал доаѓа во најлош можен момент за Барселона. Каталонскиот гигант се бори да ја задржи челната позиција во шпанското првенство, а со тоа и да ја одбрани титулата пред Реал Мадрид. На шест кола до крајот, Барселона има девет бода повеќе од вечниот ривал.

До крајот на сезоната, Барселона ќе игра против Хетафе, Осасуна, Реал Мадрид, Алавес, Бетис и Валенсија. Највите се дека од Барселона воопшто нема да брзаат за Јамал да се врати на теренот за да не се направи иста грешка како со Рафиња. Бразилецот во првиот дел од сезоната имаше повреда, а во брзање да се врати за да игра на Ел Класико, само дополнително ја влоши повредата. Рафиња и во моментов е повреден, што значи дека Барселона во финишот на сезоната ќе биде без своите двајца најдобри фудбалери.

УЕФА подготвува големи промени: Квалификациите какви што ги знаеме заминуваат во историјата

Павле Симовски
-
0
УЕФА подготвува големи промени: Квалификациите какви што ги знаеме заминуваат во историјата

Квалификацискиот формат за Европско првенство во фудбал кај мажите може да претрпи сериозни промени, при што главната идеја е воведување систем инспириран од Лигата на нациите на УЕФА. Се очекува евентуалната реформа да стапи на сила по Европското првенство во 2028 година, со цел да се зголеми интересот.

Предлозите веќе се разгледани од Комисијата за национални селекции при УЕФА, а следно е тие да бидат дискутирани и од поединечните федерации. Конечната одлука ќе ја донесе Извршниот комитет на УЕФА на состанок во Истанбул, закажан пред финалето на Лигата на Европа.

Во последните години се засилуваат критиките кон сегашниот квалификациски модел, кој се смета за предвидлив и недоволно атрактивен и за навивачите и за телевизиските партнери. Зголемениот број учесници на завршните турнири на европските и на светските првенства дополнително ја намалува неизвесноста, особено за водечките репрезентации.

Работна група анализира различни опции за реформа. Меѓу нив е и т.н. „швајцарски модел“, кој веќе се користи во новиот формат од Лигата на шампионите, но не добива широка поддршка од телевизиските оператори поради ризикот од нерамноправни натпревари.

Попрепорачаниот модел од водечките фудбалски сили е систем базиран на принципите на Лигата на нациите. Тој предвидува распределба на репрезентациите во три дивизии според нивниот коефициент, при што секоја дивизија би била поделена во групи од по четири тима. На тој начин се обезбедуваат поизедначени дуели меѓу селекции со сличен квалитет.

Сличен модел веќе се применува во квалификациите за женските турнири, каде што победниците од најсилната дивизија се пласираат директно, а останатите места се пополнуваат преку проширени плејоф-натпревари.

И покрај потенцијалните предности, постојат и стравувања дека послабите репрезентации би можеле да бидат оштетени и изолирани од дуели со најсилните. Задржувањето на сегашниот формат останува опција, иако некои земји го сметаат за застарен.

Нема дилеми: Викендов два натпревари ќе завршат нерешено

Павле Симовски
-
0
Нема дилеми: Викендов два натпревари ќе завршат нерешено

Типувањето за најпопуларната бесплатна игра во Македонија, Спортската прогноза на Sport Life, веќе е во тек, а над 2.000 играчи веќе го имаат искористено своето „право“ и ги пополнија типовите за 13-те натпревари, плус двата резервни пара.

Од тоа што е досега типувано може да се заклучи дека два меча викендов сигурно ќе завршат нерешено, по еден во Серија А и во Ла Лига. Процентот и за двата меча е исто – по 42%, а реми се очекува на дуелите помеѓу Милан и Јувентус, односно помеѓу Рајо Ваљекано и Еспањол.

Прогнозерот кој ќе има 13 погодени натпревари на подарок ќе добие iPhone 16. За 12 погодени меча следува вредносен ваучер од 1.000 денари во Sport Life, додека 11-ката носи ваучер од 500 денари. Најдобриот во генералниот пласман ќе добие подарок смарт телевизор самсунг 55“.

Неуспехот во ЛШ ќе донесе големи промени на „Камп ноу“: Петмина фудбалери си заминуваат летово

Павле Симовски
-
0
Неуспехот во ЛШ ќе донесе големи промени на „Камп ноу“: Петмина фудбалери си заминуваат летово

Барселона подготвува голема реконструкција на тимот на крајот од сезоната, а според шпанските медиуми, дури петмина играчи би можеле да го напуштат клубот ова лето.

Каталонскиот гигант во моментов има девет бода предност на врвот на Ла Лига и е на добар пат да ја освои нова титула пред Реал Мадрид. Сепак, новото разочарување во Лигата на шампионите, каде што беа елиминирани од Атлетико Мадрид, ги натера управата и тренерот Ханси Флик на сериозни промени.

Според пишувањето на „Марка“, неколку фудбалери го „завршиле својот циклус“ на „Камп Ноу“ и се очекува нивно заминување.

Еден од нив е Маркус Рашфорд, кој е на позајмица од Манчестер јунајтед. Иако Барселона има опција за откуп од околу 30 милиони евра, клубот наводно не е подготвен да ја активира клаузулата. Рашфорд оваа сезона има солиден учинок (12 гола и 13 асистенции), но преговорите со Јунајтед не донеле посакуван резултат.

Поради тоа, англискиот напаѓач би можел да се врати во матичниот клуб по летото, особено бидејќи Јунајтед сака да го намали буџетот за плати и да се ослободи од високите договори, вклучувајќи го и неговиот.

На излезната врата е и Роберт Левандовски, кому договорот му истекува ова лето. Искусниот полски интернационалец, кој пристигна од Баерн Минхен во 2022 година, се соочува со неизвесна иднина поради годините и сè почестите физички проблеми.

Барселона размислува и за продажба на Френки де Јонг за да го намали финансискиот притисок, со оглед на неговата висока плата.

На листата за можни заминувања се и Андреас Кристенсен, поранешен играч на Челзи, кому договорот му истекува и нема најави за продолжување, како и младиот Марк Касадо.

Касадо, иако има важечки договор, не успеа да се избори за поголема минутажа покрај конкуренцијата во средниот ред, која ја сочинуваат Педри, Ерик Гарсија и Гави, па и тој би можело да побара нова средина.

Сè на сè, на „Камп ноу“ се подготвува бурно лето со значајни промени во соблекувалната.

Гвардиола по победата: „Ова е Премиер лигата – лошо се браневме, но добро игравме“

Павле Симовски
-
0
Гвардиола по победата: „Ова е Премиер лигата – лошо се браневме, но добро игравме“

Тренерот на Манчестер сити, Пеп Гвардиола, го изрази своето задоволство по минималната, но исклучително вредна победа од 1:0 над Барнли. Успехот се покажа како клучен во борбата за титулата во Премиер лигата, при што Граѓаните се израмнија по бодови со Арсенал и привремено избија на врвот на табелата поради подобра гол-разлика.

Шпанскиот стратег призна дека неговиот тим силно го започнал натпреварот, но потоа имал осцилации во одбраната по раниот гол.

„Постигнавме гол рано и по иницијативата што ја имавме 10–15 минути, кога создадовме две или три шанси, се браневме навистина лошо, но освен тоа, игравме добро“.

Тренерот призна дека и покрај контролата врз натпреварот, исходот можел да биде поинаков.

„Со начинот на којшто игравме можевме да одиграме нерешено. Но, натпреварот беше добро одигран. Главната цел е да победуваме“.

Тренерот зборуваше и за решавачката фаза од сезоната, во која секој натпревар има тежина на финале.

„Остануваат пет натпревари, тоа е Премиер лигата. Пет натпревари, а во сабота нè чека полуфинале од ФА купот. Потоа ќе се подготвуваме за следните средби. Имаме голема шанса да одиграме четири последователни финалиња. Можеби ќе мора да направиме промени. На крајот бевме малку уморни, но сме подготвени“, истакна Каталонецот.

Вардар со роденденска фан-зона ќе се загрева за победа над Алкалоид

Павле Симовски
-
0
Вардар со роденденска фан-зона ќе се загрева за победа над Алкалоид

Екипите на Вардар и Алкалоид ќе го отворат шестото коло од плејофот на ракометната Суперлига со меч во „Јане Сандански“, а забавата ќе започне во 16:30 часот пред салата, кога и официјално ќе започне роденденската прослава на Црвено-црните.

Најтрофејниот ракометен клуб во Македонија слави 65 години од формирањето, па раководството на клубот ги повикува навивачите на заедничко дружење исполнето со многу забава, подароци и награди од спонзорите.

Главниот настан започнува во 18 часот, а тоа ќе биде мечот против Алкалоид, а со победа Вардар ќе дојде чекор поблиску до освојување на титулата.

Македонија е во четвртфиналето: Кадетките немаа милост за Грузија

Павле Симовски
-
0
Македонија е во четвртфиналето: Кадетките немаа милост за Грузија

Женската кадетска репрезентација на Македонија забележа нова победа на Светското училишно првенство кое се одржува во Скопје.

Нашите ракометарки во второто коло славеа со убедливи 45-13 над Грузија. Рона Мифтари даде 8 гола, Мила Ристовска и Тара Аврамовска постигнаа по 5, Анастасија Тодоровска, Марија Димоска, Бојана Ѓорѓиевска и Ања Лашкоска имаа по четири погодоци, итн.

Со овој триумф Македонија обезбеди пласман во четвртфиналето, а во последното коло против Словачка ќе одлучува за првото место во групата и условно полесен противник во разигрувањето.

Јувентус ќе биде активен на трансфер-пазарот, планира да донесе тројца топ ветерани

Златко Јуруковски
-
0
Јувентус ќе биде активен на трансфер-пазарот, планира да донесе тројца топ ветерани

Голманот Алисон Бекер, играчот за врска и крило Бернардо Силва, како и напаѓачот Роберт Левандовски, се трите ветерански ѕвезди со кои Јувентус посакува да се засили во летниот преоден рок.

Португалецот и Полјакот ќе бидат слободни агенти, а за бразилскиот голман веројатно ќе треба да му се плати некоја мала отштета на Ливерпул бидејќи Алисон, кој бранеше во Серија А за Рома пред околу една деценија, има договор до јуни 2027.

Со Алисон, Бернардо и Левандовски, тимот би добил квалитетни искусни играчи со победнички менталитет, нешто што сега фали во составот на тренерот Лучано Спалети.

Еспањол и понатаму ќе остане без победа во 2026 година

Златко Јуруковски
-
0
Еспањол и понатаму ќе остане без победа во 2026 година

1308 Леванте – Севилја (19.00 часот)

Леванте и Севилја се борат за опстанок во шпанската лига, а во претходното коло двата тима победија, па во овој дуел влегуваат со многу мотиви. Леванте е претпоследен на табелата, но има само пет бода помалку од Севилја, која во моментов е на 16-тото место, кое носи опстанок. Ова се двата тима со најмнгу примени голови во Ла Лига. Леванте дома е опасен во последно време, освои 10 бода од можни 12 на последните четири меча на свој терен. Во јануари Леванте како гостин ја победи Севилја со 3-0, но послединот пат кога се сретнаа во предградието на Валенсија, славеа Андалузијците.

Предлог тип: 1Х & 0-3 (1.76)

 

1309 Рајо Ваљекано – Еспањол (20.00 часот)

На Рајо и Еспањол уште не им е гарантиран опстанокот, па им требаат бодовите. Рајо, кој има дадено само 29 гола на 31 меч, се наоѓа само на три бода над линијата за опстанок, а Еспањол има три бода повеќе од тимот на којшто му гостува вечерва. Еспањол нема победа уште од 22 декември. Рајо дома ретко губи, само двапати сезонава. Во декември, кога се сретнаа во Барселона, Еспањол победи со 1-0. Рајо дома уште од 2021 нема триумф над Еспањол.

Предлог тип: 1 & 0-3 (2.90)

 

2833 Штутгарт – Фрајбург (20.45 часот)

Ова е полуфинале на Купот на Германија, се игра еден меч. Победникот во финалето ќе биде аутсајдер, со оглед на тоа дека другиот финалист ќе биде Баерн Минхен. Играњето дома треба да биде предност за Штутгарт, тим кој дома повеќе од три месеци не играл нерешено. Фрајбург умее да биде опасен гостин, славеше на последните три гостувања, од кои две во Бундеслигата и едно во Лигата на Европа. Фрајбург не дал гол и редовно губел на последните три лигашки гостувања кај Штутгарт.

Предлог тип: 1 & 2-5 (2.13)

 

1632 ПСВ – Цволе (21.00 часот)

Тимот од Ајндховен веќе ја осигури титулата во холандската лига, па може опуштено да ги одигра последните четири меча и со своите фанови да ја прослави титулата. Цволе теоретски нема осигурано опстанок, но не е сериозно загрозен во моментов, има седум бода предност. ПСВ е тим кој редовно дава барем два гола на натпреварите во холандската лига, а Цволе пет кола по ред прима гол. Поминаа 13 години од последниот пат кога Цволе од Ајндховен се врати со помалку од три примени гола.

Предлог тип: 1-3 I & 1-3 II (1.69)

 

1310 Овиедо – Виљареал (21.30 часот)

Овиедо мора да продолжи да победува ако сака опстанок во шпанската елита. Последни се, но имаат три победи последните четири кола и не се отпишани. Виљареал е трет и не може да оди ни погоре ни подолу по овој меч. Овиедо на свој терен сезонава има постигнато само 7 гола на 15 средби, но и примил скромни 14 гола. Во првиот нивен дуел сезонава, Жолтата подморница триумфираше со 2-0, Овиедо никогаш не го победил Виљареал во прволигашки меч.

Предлог тип: НГ & 0-2 (2.22)

 

Никола Митревски го продолжи договорот, ќе брани за Еурофарм Пелистер и на 42 години

Златко Јуруковски
-
0
Никола Митревски го продолжи договорот, ќе брани за Еурофарм Пелистер и на 42 години

Еден од најдобрите голмани во историјата на македонскиот ракомет, Никола Митревски, останува во Еурофарм Пелистер и во следната сезона, со опција за продолжување и во сезоната 2027/28.

Македонскиот репрезентативен голман во октомври ќе наполни 41 година и ако остане до 2028, би го чувал голот на битолскиот тим и на 42-43 годишна возраст.

„Некои вредности се поважни од секоја победа и секоја титула. Затоа нашата одлука е недвосмислена – да ги задржиме тие вредности во клубот. Ни претставува задоволство што најдобриот македонски голман и во иднина ќе го носи дресот на Еурофарм Пелистер. Никола Митревски се обврза на нов договор за сезоната 2026/27 со својот матичен клуб, со опција за продолжување и за сезоната 2027/28.

Митревски е роден победник, дете на клубот, човек кој се изгради и како личност и како професионален со повеќе од две децении врвен ракомет. Освојуваше титули каде и да настапуваше, но задоволството е уште поголемо кога заеднички се радуваме на трофеи во Битола. Така ќе биде и во иднина.

Митревски е столб на репрезентацијата, а таа била и секогаш ќе биде составувана од најдоброто од Еурофарм Пелистер. Пред да се врати во нашиот клуб, Митревски настапуваше и за Вардар, Металург, Констанца, Бенфика и Порто“, велат од Е. Пелистер.

1234...10.753Страна 3 од 10.753