Без наслов - Страница 10058

ФФМ доби награда за добро организираниот Суперкуп 2017

-

28.09.2018

Фудбалската федерација на Македонија доби специјално признание од Министерството за економија на Република Македонија по повод Светскиот ден на туризмот. Според Министерството, Суперкупот на УЕФА – Скопје 2017 е најуспешно организираниот настан во минатата година.

По повод Светскиот ден на туризмот, министерот за економија, Крешник Бектеши, покрај признанието за ФФМ, додели плакети за најуспешните туристички работници, здруженија и деловни субјекти од туристичкиот сектор.

„Во Европа позитивно се гледа на македонскиот спорт и на нашиот фудбал и се надеваме дека нашите резултати и успеси многу повеќе ќе се ценат и вреднуваат од страна на јавноста и општеството воопшто. Суперкупот – СКОПЈЕ 2017 е најголемиот настан кој нашата држава го организираше, за нас тој настан секогаш ќе буди посебни емоции и секогаш со гордост ќе се сеќаваме на моментите од осми август 2017. година. Благодарност до Министерството за економија за признанието, ние како Федерација секогаш ќе се трудиме да ја промовираме нашата држава во европски и светски рамки“, рекоа Дрилон Ганиу, заменик-генерален секретар во ФФМ, и Жарко Игњатовски, менаџер за фудбал во Федерацијата.

Лоша среќа за Реал: Марсело го пропушта градското дерби

Томас Ѓорѓиевски

-

28.09.2018

0

Реал Мадрид против Атлетико во сабота ќе игра со голем хендикеп, Марсело не закрепна навреме и ќе го пропушти градското дерби. Левиот бек се повреди во поразот од Севилја пред два дена, кога во последните десетина минути практично кривеше на тревата, болките не ги издржа, па мораше предвреме да го заврши мечот и да го остави својот тим со играч помалку на теренот, бидејќи Лопетеги претходно ги направи сите три измени.

Бразилецот, очигледно, не закрепна навреме, па дербито ќе го проследи од трибините, додека во составот, односно на десната бековска позиција, ќе се врати Карвахал, а Начо ќе ја покрива левата страна. Од неодамна, во тимот го нема и Иско, кому му беше изврпена операција на слепото црево, по што му следува неодреден период на закрепнување, а Лопетеги ќе има тешка задача да го подготви својот состав за големото дерби, знаејќи дека двајца клучни играчи не му се на располагање.

Враќањето на Марсело во тимот на Реал се очекува на 20 октомври против Леванте, на една недела пред класико против Барселона.

Во средата Реал го претрпе првиот пораз за сезонава во шпанскиот шампионат. Севилја пред преполниот „Санчез Писхуан“ го декласираше Кралскиот клуб со 3-0. Натпреварот Реал Мадрид – Атлетико Мадрид е закажан за утре, со почеток од 20.45 часот.

Враќањето на Левандовски е гаранција за голови

Златко Јуруковски

-

28.09.2018

0

За петочката програма, која е како предвесник на викендот со супер богата понуда, нудиме кратки анализи и предлози за пет натпревари од пет различни лиги, за кои сметаме дека треба да се обложите во уплатните места на SPORT LIFE.

Херта – Баерн (20.30 часот)

„Баварците“ со Полјакот на чело ќе го освојуваат Берлин

Аугсбург во минатото коло ја запре серијата на Баерн од 10 победи по ред во сите натпреварувања, па сега „баварците“ ќе треба да се вадат во главниот град, против Херта. Јасно е дека Баерн е фаворит и квотата за двојка е скромна, затоа предлогот ни е да играте дека во двете полувремиња ќе паднат од еден до три гола. Баерн има низа од 15, а Херта од 11 меча по ред на кои даваат барем еден гол.

Кај Баерн се враќа Роберт Левандовски, кој го пропушти дуелот со Аугсбург. Ќе ги нема Коман, Рафиња и Толисо, додека Горецка е неизвесен. Херта загуби од Волфсбург, па сега и тие се во негативно расположение, па средбата со најмоќниот германски тим им доаѓа во лош момент. Повредени се Грујиќ и Торунарига.

Херта девет години дома не го совладала Баерн, но последните два меча во Берлин завршија нерешено.

Предлог тип: 1-3I & 1-3 II (1.85)

Сент Етјен – Монако (20.45 часот)

Имаат иста гол-разлика, а едните се шести, другите 18-ти на табелата

Екипите на Сент Етјен и Монако се во една чудна ситуација. По седум рунди, двата тима имаат гол-разлика 8:9, но Сент Етјен е шести на табелата со 12 бода, а Монако освои само шест бода и моментно е дури на 18-тото место.

Монако има само една победа сезонава, а Сент Етјен во претходните два домашни меча победуваше во дуели на кои паѓаа повеќе од три гола. Се чини дека сега е шансата на Сент Етјен да направи нешто повеќе против ривалот кој не го совладал четири години.

Предлог тип: 1 (2.20)

Шефилд вензди – Лидс јунајтед (20.45 часот)

Лидс лани двапати губеше од Шефилд, Бјелса сака да сервира реванш

Последните пет меѓусебни средби на овие две екипи велат дека мора да има победник, а на нивните пресметки редовно се постигнувале по два гола. Шефилд во таа статистика води со 3-2, а минатата сезона на двапати ги совладуваше Лидс. Сепак, оваа сезона приказната е сосема различна, Лидс предводен од Марсело Бјелса игра одлично, се наоѓа на врвот на табелата, а треба да се земе предвид дека составот на аргентинскиот стратег загуби во минатото коло, па нема да дозволи да наниже два порази.

Предлог тип: X2 & 2-4 (2.04)

Галатасарај – Ерзурум (19 часот)

Гигантот мора да ја оправда фаворитската улога

Галатасарај во обид да закрепне од изненадувачкиот пораз во минатото коло, игра против најслабата екипа во турскиот шампионат. Јасно е кој е фаворит, а се очекува Галата да забележи и лесна победа, односно да постигне два или повеќе голови.

Предлог тип: 1 & 3-5 (2.10)

Рајо Валјекано – Еспањол (21 часот)

Време е Рајо да ја израдува домашната публика

Рајо Валкејано по пет кола во Ла Лига, има само една победа, и тоа на гости кај Уеска со минимални 1-0, додека пред своја публика на двапати претрпуваше тотален дебакл. Прво од Севилја со 4-1, потоа и од Алавес со 5-1. Иако денес за противник го има Еспањол, тимот кој добро ја започна сезонава и се наоѓа на шестото место, публиката ќе бара победа за да се поправи впечатокот. Рајо по добро го памети последното доаѓање на Еспањол на негов терен, со 3-0 славеа голема победа, а со сигурност ќе посакуваат можеби ако не идентичен, барем сличен триумф и денес.

Предлог тип: 1X & 2-5 (2.15)

Хас ги задржа Магнусен и Грожан за сезоната 2019

Томас Ѓорѓиевски

-

28.09.2018

0

Американскиот тим на Формула 1, Хас следната сезона ќе се натпреварува со досегашните возачи на своите болиди, Швајцарецот Роман Грожан и Данецот Кевин Магнусен. Oваа информација беше потврдена денес, во пресрет на трката за Големата награда на Русија.

„Уште од почетокот на нашата работа ни беа потребни двајца искусни возачи, со цел што побрзо да напредуваме како тим, но да напредуваат и нашите болиди, па така беше лесно да се донесе одлуката Магнусен и Грожан да останат во тимот. Во однос на минатата година, напреднавме многу, се надевам ќе продолжиме со иста работа и во иднина“, истакна шефот на Хас, Гунтер Стајнер.

Во својата трета сезона како дел од шампионатот во Формула 1, тимот на Хас користи мотор на Ферари, а се наоѓа на четвртата позиција на табелата на конструктори со 76 поени.

Аларм во Барса и Франција – Умтити ги скина лигаментите?

Златко Јуруковски

-

28.09.2018

0

Централниот дефанзивец на Барселона, Самуел Умтити, има скинати лигаменти во левото колено, и најверојатно му претстои пауза од неколку месеци. Се чека официјална потврда на веста, но речиси сигурно е точна оти има тешка повреда. Умтити не тренираше пред утрешниот меч со Атлетик Билбао и беше потврдено оти нема да игра.

Ова е сериозен проблем за Барса, ако се знае дека другиот нивен столб на одбраната, Жерард Пике, игра во лоша форма. Отсуството на Умтити ќе го покрие друг негов сонародник.

Додека го нема Умтити, во последната одбранбена линија ќе играат Пике, Клеман Лангле и Томас Вермален. Пике игра слабо и прави грешки речиси секое коло, Лангле доби црвен картон на своето деби со Жирона и ќе мора да игра со Билбао, а искусниот Вермален цела кариера се бори со повреди.

Дуелот со Атлетик ќе биде генерална проба за тандемот Пике-Лангле како ќе функционираат, бидејќи неколку дена подоцна им следува тежок меч со Тотенхем во Лигата на шампионите.

Огромна поделеност – Шестмина против Мурињо, петмина за

Златко Јуруковски

-

28.09.2018

0

Шест фудбалери на Манчестер јунајтед сакаат заминување на португалскиот тренер Жозе Мурињо, но според британските медиуми, петмина го поддржуваат Специјалниот.

Мурињо ја работи својата трета сезона во Јунајтед, а историјата вели дека ќе му биде и последна бидејќи во најголем дел од клубовите каде што работел, останувал по три сезони. Во прилог на оваа „теорија“ се и скромните резултати на тимот.

Објавено е и кој го поддржува Пол Погба во „војната“ против Мурињо. Тоа се Андреас Переира, Мартијал, Бејли, Шоу и Рашфорд. Ова се фудбалерите кои не се задоволни од работата на тренерот. Веројатно тука е и Фред, кој пуштил гласна музика во соблекувалната по нерешениот исход со Вулверхемптон.

Но, нивното незадоволство е и бидејќи повеќето се резерви. Лук Шоу игра најмногу од нив.

„Бранители“ на Мурињо се: Матиќ, Јанг, Валенсија, Фелаини и Алексис Санчес. Тие во последно време се оддалечуваат од Погба, и тоа е доволно да се зборува дека се на страната на тренерот.

Алиоски: Бjелса е тренер кој мрази да губи

Томас Ѓорѓиевски

-

28.09.2018

0

Крилото на Лидс јунајтед, нашиот Езѓан Алиоски, во пресрет на натпреварот против Шефилд вензди откри неколку детали од неговата досегашна соработка со Марсело Бjелса. Лидс во минатато коло првпат претрпе пораз сезонава, пред своја публика загуби со 2-1 од Бирмингaм, а Алиоски посочи дека дури по тој пораз го виделе вистинското лице на Бjелса, тренерот кој мрази да губи.

„Лошо е кога губиш, а за тренер го имаш Бjелса, човек кој едноставно мрази да губи. Поразот во фудбалот е неизбежен, кога-тогаш мора да изгубиш, но, добро е што имаме тренер кој мрази да губи. Бjелса постојано комуницира со нас, ни ги потенцира грешките, ни помага да се подобриме во сегменти кои ни се слаба точка. Постојат тренери кои само ти кажуваат што правиш добро, но не и Бjелса, тој настојува да ни каже во што грешиме, за да не се повтори. Најважно е што верува во нас, а јас и моите соиграчи научивме дека ќе нè чека тешка и напорна недела секој нареден пат кога ќе изгубиме“, истакна Алиоски во пресрет на мечот против Шефилд вензди, мечот закажан за денес во 20.45 часот.

„Невидливиот“ Медфорд од МЗТ е прв асистент во АБА 2

Златко Јуруковски

-

28.09.2018

0

Кога би ги прашале навивачите на МЗТ Скопје Аеродром кој од четворицата странци им остави најскромен учинок, веројатно би рекле плејмејкерот Лестер Медфорд, но Американецот со девет асистенции е најдобар додавач во првото коло на втората АБА-лига.

Џејмс Вудард и Андрија Бојиќ беа најкорисни и најефикасни, а Медфорд делуваше некако од сенка, но добро си ја заврши работата со 10 поени, 9 асистенци и 6 скока, а изнуди и пет фаули.

Српскиот центар Бојиќ, кој издржа машки и играше најмногу (на наредните средби минутажата ќе ја дели со Љубомир Младеновски), постигна 22 поени и со тоа беше трети стрелец во лигата по првата рунда. Доколку дадеше уште еден кош од игра, Бојиќ ќе беше прв поентер.

Дамјан Стојановски погоди три тројки од четири обиди, две двојки од три обиди, и со тие 71,4 отсто реализација на шут од поле, си заслужи место во топ-3 на табелата на најпрецизни играчи според процентот на реализација. Во оваа статистичка категорија, прв е Мајкл Кобинс од Сплит, кој на мечот со Вршац шутна пет пати и погоди во сите обиди.

Панче Ќумбев нема дилеми: Јувентус ќе го победи Наполи

Зоран Поповски

-

28.09.2018

0

Продолжуваме заедно со некогашниот фудбалер на Борец, Победа, Гроцлин Дискоболија, Легија и Работнички, а и за овој викенд Ќумбев е подготвен со својата анализа и предлог-типови да ви помогне полесно да стасате до добивка.

На „менито“ на некогашниот македонски репрезентативец се дерби-натпреварите Челзи – Ливерпул и Јувентус – Наполи, а типува уште и два ефикасни дуели во Полска и Англија и прв триумф на Шалке 04 во Бундеслигата.

„Време е за прва победа на Шалке 04 во германското првенство. Имаат квалитетен состав и мечот против Мајнц, едноставно, мора да го добијат. Мислам дека и Јувентус ќе го победи Наполи, а на дуелите меѓу Челзи и Ливерпул секогаш е ефикасно, па верувам дека ќе следиме возбудливо англиско дерби со многу погодоци“, вели Ќумбев.

Еве ја неговата анализа и предлог-типови за викендот што е пред нас:

Шалке 04 – Мајнц (Сабота, 15.30 часот)

Ова е натпревар од типот да се биде или не за домаќинот.Толку квалитетен состав, а толку неубедливи на стартот од сезоната. Мислам дека сега немаат поинаков избор освен атак со сите сили на победа. Едноставно, мора да добијат и да се тргнат од дното на табелата.Традицијата во меѓусебните дуели ми дава право овде да типувам победа на домаќинот.

Предлог тип: 1 (1.75)

Арсенал –Ватфорд (Сабота, 16.00 часот)

Интересен дуел на два тима чија форма оди во нагорна линија. И Арсенал и Ватфорд играат убав фудбал за око и верувам дека ќе има доста голови. Имам верба во голгетерските квалитети на Лаказет и на Обамејанг и мојот тип е Арсенал да постигне најмалку два гола на натпреварот.

Предлог тип: Т1 2 + (1.40)

Јувентус-Наполи (Сабота, 18.00 часот)

Дербито на врвот во Калчото мислам дека ќе му припадне на, според мене, поквалитетниот во моментов – Јувентус.
Според мене, домаќините немаат сериозен конкурент во домашното првенство и имаат премногу квалитетни играчи за да не бидат фаворити и на овој дуел. Наполи игра променливо и неубедливо и шансите да избегне пораз на дербито на седмото коло во Серија А му се мали.

Предлог тип: 1 (1.78)

Челзи –Ливерпул (Сабота, 18.30 часот)

Дефинитивно, дуел на две екипи кои се најсериозни кандидати за титулата во Премиер лигата. Последниот натпревар во Купот, во средата, покажа дека овие екипи имаат доволно муниција во своите редови за нов ефикасен дуел и верувам во многу голови, и тоа на двете страни.

Предлог тип: ГГ3+ (1.87)

Лех Познањ- Легница (Недела, 18.00 часот)

Очекувам висока победа на домаќинот. Лех на домашен терен игра доста напаѓачки и постигнува многу голови. Фаворит е во овој дуел и верувам во победа на составот од Познањ, комбинирано најмалку со 3 гола на натпреварот.

Предлог тип: 1&3 + (2.80)

Навивачи на Барселона сакаат Пике да се пензионира

Трајан Маневски

-

28.09.2018

0

Централниот дефанзивец Жерард Пике до пред два-три дена беше еден од омилените играчи на навивачите на Барселона. Речиси беше незамисливо да се види одбранбениот ред без Пике во него. Сепак, сега работите се менуваат. Пике беше еден од најслабите на теренот во дуелот против Леганес.

Иако Барселона беше голем фаворит на гостувањето кај тимот кој сезонава ќе се бори за опстанок, на крајот загуби. Каталонците водеа со 1-0 на полувремето, а во вториот дел Леганес само за 68 секунди, даде два гола. Најголем виновник за овој пораз е Пике, поради грешките кои ги направи по кои противникот даде гол.

За среќа на Барселона, овој пораз засега не значи премногу, бидејќи таа остана лидер во Примера дивисион. Сепак, дел од револтираните навивачи на Барселона преку социјалните мрежи побараа Пике да се пензионира, односно дека е доволно од него и треба да биде сменет од тимот.

Засега тренерот Ернесто Валверде не реагира на слабата игра на Пике и сигурно дека нема да ги послуша екстремните фанови. Пике има 31 година и сигурно не ни размислува да оди во пензија, туку да ја подобри формата и повторно да ги придобие симпатиите кај навивачите на каталонскиот гигант.