Дома Blog Страница 13

Во Италија разоткриена мрежа на елитна проституција, а клиенти биле и фудбалери од Серија А

Никола Ѓуровски
-
0
Во Италија разоткриена мрежа на елитна проституција, а клиенти биле и фудбалери од Серија А

Во Италија е спроведена обемна полициска акција која разоткрила мрежа на луксузна проституција, поврзана и со фудбалери од највисок ранг.

Италијанската полиција, под надзор на обвинителката Бруна Албертини, разбила организирана група која, под маската на Агенција за организација на настани, нудела ексклузивни аранжмани со ескорт-дами за богати клиенти.

Како што пишува „Газета дело спорт“, во целиот систем биле вклучени посредници и ПР агенти.

Истрагата покажала дека станува збор за добро разработен бизнис-модел, во кој на клиентите им биле нудени излегувања во елитни клубови во Милано, а потоа и престој во луксузни хотели со дополнителни услуги. Особено се издвојувала „услугата по натпреварите“, наменета за спортисти, меѓу кои и фудбалери од Серија А.

Вкупниот промет на организацијата се проценува на над 1,2 милиони евра, а во судските документи се споменуваат најмалку 50 познати клиенти.

Во бизнисот, покрај професионални ескорт-дами, биле вклучени и помлади девојки кои добивале половина од заработката. Четворица главни осомничени се соочуваат со сериозни обвиненија, меѓу кои поттикнување и искористување на проституција, перење пари и здружување во криминална организација.

Одлуката е донесена, наскоро и официјално: Алушовски веќе не е тренер на Еурофарм Пелистер

Златко Јуруковски
-
0
Одлуката е донесена, наскоро и официјално: Алушовски веќе не е тренер на Еурофарм Пелистер

Стевче Алушовски го напушта кормилото во стручниот штаб на ракометниот клуб Еурофам Пелистер.

Алушовски и сè уште актуелниот шампион се разделија само по четири месеци соработка. Неофицијално, тој понудил оставка уште по поразот од ГРК Охрид во Битола, но не била прифатена, па тој остана на клупата и во победата над Алкалоид во Скопје и во полуфиналето на Купот, кое беше капак на кризата. Пелистерци претрпеа болен и убедлив пораз од Охрид, по што останувањето на Алушовски веќе не е можно.

Се чека само официјална потврда од клубот за заминувањето на Алушовски и информација кој ќе го води тимот до крајот на сезонава во која битолчани нема да освојат трофеј и може да завршат на третото место во Суперлигата, што би било огромен неуспех за нив.

 

Бостон, Лејкерс и Сан Антонио одат по потврда на одбрана на домашниот терен

Златко Јуруковски
-
0
Бостон, Лејкерс и Сан Антонио одат по потврда на одбрана на домашниот терен

Екипите на Бостон селтикс и Сан Антонио спарс се големи фаворити за победа во вечерашните дуели од првото коло на НБА-плејофот и сензација би било ако не поведат со 2-0 во сериите против Филаделфија, односно Портланд.

Но, на третиот меч кој се игра вечерва по полноќ, или подобро кажано утре рано наутро, се очекува да биде драматично. Лос Анџелес лејкерс е домаќин на Хјустон рокитс, а Лејкерс води со 1-0, но најверојатно повторно ќе бидат без првиот стрелец во лигата, Лука Дончиќ, и ќе треба да најдат начин како да го надоместат неговото отсуство. Затоа и гостите се фаворити на хартија, квотата за победа на Хјустон е многу помала од таа за победа на Езерџиите.

Ако Манчестер сити и Арсенал завршат со еднаков број бодови и иста гол-разлика, решаваат две работи

Златко Јуруковски
-
0
Ако Манчестер сити и Арсенал завршат со еднаков број бодови и иста гол-разлика, решаваат две работи

Трката за титулата во Премиер лигата максимално се вжештува по победата на Манчестер сити од 2-1 над Арсенал викендов, разликата меѓу двата тима е само три бода, а Граѓаните утре имаат можност да ги стигнат своите ривали со победа во заостанатиот натпревар со Барнли.

Доколку Сити победи како што се очекува, двата водечки тима ќе имаат еднаков број бодови на пет кола до крајот.

Според правилата на Премиер лигата, ако најдобрите два тима на крајот на сезоната имаат еднаков број бодови, првакот ќе се одлучува според гол-разликата. Тоа би бил само втор ваков случај во историјата откако легендарниот гол на Кун Агуеро во последен момент против КПР во 2012 година им ја донесе на Граѓаните од Манчестер првата титула во лигата по 44 години.

А, доколку Сити и Арсенал ја завршат сезоната изедначени и по бодови и по гол-разлика, што во моментов е реалност (лондонскиот клуб има гол разлика +37, наспроти Сити кој има +36), следниот критериум е вкупниот број на постигнати голови. И во таа статистика, клубовите се речиси изедначени, тимот на Пеп Гвардиола има дадено 65 гола, а тимот на Микел Артета 63 гола.

Ако биде нерешено и во овој елемент, тогаш титулата ќе му припадне на тимот со подобар скор во меѓусебните натпревари. Е, тука Сити има предност откако ремизира 1-1 на „Емирати“ и победи со 2-1 дома.

Квотите во Sport Life велат дека сега Сити е поблиску до трофејот. Моментот е на нивна страна, а и фокусурани се само на Премиер лигата, додека Арсенал има за играње и полуфиналиња и евентуално финале во Лигата на шампионите.

 

Шанса за Синер, Алкарас и Ѓоковиќ нема да бидат на 100 проценти на „Ролан Гарос“

Златко Јуруковски
-
0
Шанса за Синер, Алкарас и Ѓоковиќ нема да бидат на 100 проценти на „Ролан Гарос“

Откако Карлос Алкарас рече дека наскоро ќе се знае дали воопшто ќе игра на „Ролан Гарос“ бидејќи повредата на раката му е посериозна од тоа што првично се мислеше, и Новак Ѓоковиќ ги загрижи своите навивачи, па сега постои реалност тој да не игра на ниту еден турнир пред гранслемот „Ролан Гарос“.

На Србинот му остануваат Мастерсот во Рим и турнирот во Женева на кој лани ја освои 100-тата титула во кариерата, а синоќа најави дека не е сигурен дека ќе игра на овие два турнира кои се многу важни за прилагодување на бавната земјена подлога. На Новак досега никогаш во кариерата не му се случило да игра на „Ролан Гарос“ без претходно да настапи на некој друг турнир на земјена подлога и парискиот гранслем да му биде прв турнир на земја во годината.

Ѓоковиќ во 2026 играше само на Отвореното првенство на Австралијан и на Мастерсот во Индијан Велс.

„Имам повреда, се надевам дека ќе бидам подготвен барем за Ролан Гарос. Се обидувам да стигнам до Рим, но не можам да давам прогнози сега бидејќи зависи од темпото на рехабилитација од повредата. Барем да бидам подготвен за Ролан Гарос“, рече Новак во Мадрид за време на церемонијата на доделување на наградите „Лауреус“.

Семењо: Хаусен само што дојде во Борнмут, ни кажа дека наредната сезона ќе оди во Реал

Златко Јуруковски
-
0
Семењо: Хаусен само што дојде во Борнмут, ни кажа дека наредната сезона ќе оди во Реал

Фудбалерот на Манчестер сити, Антоан Семењо, раскажа една анегдота од времето кога играше во Борнмут. Во летото 2024 година, кога Шпанецот Дин Хаусен преминал од Јувентус во Борнмут, на своите соиграчи им рекол дека само една сезона ќе биде со нив, а потоа ќе оди во Реал Мадрид.

Тоа се обвистини, Хаусен во летото 2025 потпиша за Кралскиот клуб и Семењо му честитал, иако првиот пат кога Хаусен говорел дека ќе оди во Реал, не го сфатил сериозно.

„Кога Хаусен потпиша за Борнмут, тој ни рече: Следната година ќе потпишам за Реал Мадрид. И навистина, тој потпиша за Реал Мадрид следното лето и јас си помислив: „Вау, тоа е одлично!. А, првиот пат кога спомна, му реков: Што зборуваш, треба се изградиш во Премиер лигата, тоа не е за тебе. Но, тој повтори, ќе одам во Реал следното лето. Кога Дин навистина лани почна да преговара со Реал, си реков: Ова е лудо“, раскажува Семењо. 

Беровчанец погоди не еден, туку два пресвртa полувреме-крај на ист тикет

Златко Јуруковски
-
0
Беровчанец погоди не еден, туку два пресвртa полувреме-крај на ист тикет

Во објект на Sport Life во Берово вчера бил уплатен тикет на кој точно се типувани два пресвртa во играта „полувреме-крај“ и уплатата од 100 денари на овој обложувач му донесе бруто-добивка од 900 евра.

Најпрвин се чекаше ФЦСБ да губи на полувреме од Фарул во романската лига за опстанок, а да победи на крај. Тимот од Констанца водеше 1-0 на полувреме со гол во 43-таta минута, а на крајot гостите од Букурешт победија со 3-2.

Вториот меч на тикетот беше од втората шпанска лига и за добивка потребно беше на полувреме да води Мирандес, а на крај да победи Депортиво Ла Коруња. Мирандес имаше предност на одмор откако во 42-рата минута од пенал поведе со 1-0. Ла Коруња во вториот дел даде три гола и победи со 3-1 за радост во Галиција, но и во Берово.

Гулит: Италија треба да се врати на својата ДНК, тоа е одбраната, „тики-така“ не е за секого

Златко Јуруковски
-
0
Гулит: Италија треба да се врати на својата ДНК, тоа е одбраната, „тики-така“ не е за секого

Еден од најдобрите фудбалери во историјата на Милан и на италијанската Серија А воопшто, Руд Гулит, не се согласува со Леонардо Бонучи, кој рече дека сон му е селектор на Италија да стане Пеп Гвардиола.

Гулит смета дека ако Италијанците сакаат да си ја вратат националната гордост, треба да им се вратат на своите корени, она што им е во крвта, а тоа е одбраната. Одбраната и популарното „катеначо“ беа тие кои им носеа успех.

„Во вашата ДНК е да ги имате најдобрите дефанзивци, добри голмани, добри напаѓачи. Последната титула Италија ја освои благодарение на Кјелини и Бонучи. Тоа е вашата ДНК, одбраната. Не велам дека треба да се паркира автобусот пред голот, но одбраната е важна, едно време ги имавте Малдини и Канаваро. Тики-така фудбалот со многу додавања кои почнуваат од својот 16-ник не е за секого, иако сите сакаат да го играат“, вели Гулит, кој во Италија играше во „златното време“ и кога беше дозволено да играат најмногу тројца странци во екипа.

Венгер убеден дека Арсенал ќе ја освои Премиер лигата

Златко Јуруковски
-
0
Венгер убеден дека Арсенал ќе ја освои Премиер лигата

Арсен Венгер, човекот кој беше предводник на „Непобедливите“, шампионскиот тим на Арсенал од 2003/2004, кога Топчиите последен пат ја освоија Премиер лигата и тоа без пораз, верува дека лондонските Црвено-бели ќе ја освојат титулата во оваа сезона.

„Вечно вториот“ Арсенал и оваа сезона долго време води, но како и многупати во минатото, ја испушти предноста и сега има само три бода предност во однос на Манчестер сити, а Сити има одиграно и еден меч помалку, па за титулата може да одлучува и гол-разлика. Во моментов, Арсенал има за еден гол подобра гол-разлика, но тоа може да биде поништено утре ако Манчестер сити го победи Барнли.

„Мислам дека Арсенал ќе ја освои Премиер лигата. Навистина длабоко верувам во тоа, изгледа многу логично. Ми се допаѓа начинот на којшто Езе, Одегард, Хаверц и Мадуеке играат напред. Манчестер сити нема да ги добите сите мечеви до крајот“, рече Венгер, кој сега работи во ФИФА.

Арсенал во последните пет кола сите мечеви ги игра во Лондон, дома со Њукасл, Фулам и Барнли, а гостува кај Вест хем и Кристал палас.

Сити има шест меча за играње, и тоа дома со Брентфорд, Кристал палас и Астон вила, а гостува кај Барнли, Евертон и Борнмут.

Ламин Јамал нема дилеми: „Меси е најдобриот во историјата и мој идол“

Павле Симовски
-
0
Ламин Јамал нема дилеми: „Меси е најдобриот во историјата и мој идол“

Младата ѕвезда на Барселона, Ламин Јамал, го посочи напаѓачот на Интер Мајами, Лионел Меси, како свој спортски и фудбалски пример.

„Кога ќе сфатиш дека еден спортист е легенда не само во својот спорт, туку и во сите останати, тоа е затоа што е најдобар. Меси е пример за тоа. Тој е најдобриот фудбалер во историјата, а исто така и најдобриот спортист. Тој не е само уште еден идол. Сите го почитуваат за сè што има направено, за примерот што го дава, а јас се надевам дека ќе ги следам неговите чекори“, изјави Јамал.

Шпанскиот репрезентативец често е споредуван од навивачите на Барселона со Меси, кој ги освои сите можни трофеи со Каталонците и стана легенда на клубот, по што во 2021 година премина во ПСЖ.

Ламин Јамал ја освои наградата за млад спортист на годината на Светската спортска академија „Лауреус“.

1...121314...10.756Страна 13 од 10.756