Лидс и Манчестер јунајтед ремизираа 1-1 во пресметка на два историски традиционално лути ривали од Премиер лигата.
Сезонава на двата тима не им цутат розите, особено Лидс е во непријатна ситуација, па иако постоеше голема желба за триумф, сепак и бодот може да им биде утеха.
Откако еден час беше мирно, во рок од три минути прво Лидс поведе, па Јунајтед израмни. Но, од голови толку беше. За Лидс ова беше трето, а за Црвените ѓаволи второ реми по ред.
Барселона го доби кошаркарското Ел Класико против Реал Мадрид, Каталонците победија со 105-100 во лигашки меч, на кој прекинаа црна серија во дуелите со лутиот ривал.
Барса погоди 14 тројки од 25 обиди што беше решавачко за нивната прва победа против Реал по пауза од 637 дена. Претходниот триумф над Реал им беше во април 2024, а од тогаш девет пати по ред (во сите натпреварувања) славеа Кралевите.
За Реал заврши рекордната серија од 37 лигашки победи на домашен терен, цели 644 дена не знаеја за пораз дома во дуел од шпанската лига.
Наполи го совлада Лацио со 2-0 и тоа беше прв триумф на тренерот Антонио Конте во пресметките со колегата Маурицио Сари.
Кариерите на Конте и Сари се испреплетени, двајцата ги воделе Арецо, Јувентус, Наполи и Челзи, а меѓусебни дуели во Серија А имаа само кога Сари го водеше Јуве, а Конте беше во Интер и Сари победи двапати. До денеска, Сари беше единствениот тренер против кој Конте немаше победа ни реми, а да имале барем два дуели.
Наполитанците доминираа, головите ги дадоа Спинацола и Рахмани, а нашиот репрезентативец Елиф Елмас кој одигра 86 минути, имаше две шанси да постигне гол со глава. Еднаш ја погоди пречката, еднаш топката за малку мина покрај стативата.
Нервозните лацијали средбата ја завршија со двајца играчи помалку, а кај Наполи имаше еден црвен картон.
Фудбалска Франција конечно го дочека првото париско градско дерби во Лига 1, екипите на Пари Сен Жермен и Париз ФК вечерва првпат во историјата ќе одиграат официјален меч една против друга.
Она што го прави посебно ривалството на ПСЖ и ФК Париз е близината на нивните стадиони.
„Паркот на принцовите“ и „Жан-Буен“ ги дели само една улица. Тоа е градското дерби во топ лигите каде што стадионите се најблиску еден до друг. Растојанието меѓу нив е само 22 метри.
Двата клуба имаат и длабока историска врска, порано беа ист клуб. Фудбалскиот клуб Париз е основан во 1969 година со амбиција да создаде вистински „голем клуб на главниот град“. За да го забрзаат проектот, тие се споија со клубот од втората лига Стад Сен Жермен. Така се роди нов клуб – Париз Сен Жермен. Сепак, овој брак беше краткотраен. Во 1972 година, поради несогласувања со градските власти на кои не им се допаѓаше фактот што клубот се наоѓаше во предградие, се случи распад.
Разликата меѓу двата клуба е огромна во моментов. Целта на Париз ФК оваа сезона е опстанок, од друга страна, актуелниот шампион брка нова титула.
Новак Ѓоковиќ кој се смета за најдобар враќач во светот на тенисот, има скриено оружје и во својот сервис, три од неговите шест најдобри сезони на сервис се од 2022 година наваму.
Промената на сервисот на 24-кратниот гренслем шампион се покажа како клучна. Тој го фрла топчето малку нанапред така што кога ќе го удри, обезбедува контрола врз ударот, со цел да го минимизира вртењето на топката колку што е можно повеќе. Ова овозможува поконтролиран удар, клучен елемент на неговата техника.
Токму тоа сега почнува да го прави светскиот рекет број 1, Карлос Алкарас, кој посакува поквалитетен сервис во 2026 година. Шпанецот на тренинзите става посебен акцент на исфрлање на топката при сервис.
Заедно со Самуел Лопез, неговиот нов тренер кој го замени Хуан Карлос Фереро, тој продолжи да работи на сервисот, користејќи стап и мал кошаркарски обрач.
serving practice 🍀🍀 pic.twitter.com/aLydPJgvJt
— f (@fvaeey) December 28, 2025
Квотите во Sport Life за конечен тип најавуваат дека дуелот на Камерун и Јужна Африка треба да биде многу интересен и неизвесен. Победникот во четвртфиналето би се сретнал веројатно со домаќинот Мароко, па желбата за пласман меѓу осумте најдобри на Црниот континент е голема кај двата тима.
Според она што досега се случуваше, Јужноафриканците се нешто поефикасен тим од Камерун, а имаат и двајца фудбалери, тоа се Фостер и Аполис, кои веќе постигнаа по два гола на Африканскиот куп на нации. Кај Камерун ниеден играч нема повеќе од еден гол, а првата ѕвезда Брајан Мбеумо, уште се нема запишано во листата на стрелци.
Играчот на Манчестер јунајтед и денеска е прв фаворит за прв стрелец. Камерун е благ фаворит, па затоа и голови се чекаат покрај од Мбеумом и од Кофане и Ета Ејонг. Но, ако погодите дека некој од Јужна Африка ќе даде гол, ќе имате поголема добитна квота.
Во Специјалот има многу игри, супер квота има и за автогол. На претходните два меча, противниците на Камерун си даваа автогол.
Тажни вести доаѓаат од Нови Сад, по кратко боледување почина српскиот тренер Милорад Косановиќ и тоа денеска, кога наполни 75 години.
Косановиќ беше роден на 4-ти јануари 1951 година, играше фудбал, но многу поуспешен беше како тренер.
Започна во Војводина во која беше и играч, подоцна и директор, тренираше повеќе српски екипи, беше селектор на Малта и на младата репрезентација на СР Југославија, беше и на клупата на Црвена ѕвезда, а најголеми успеси имаше во Шведска каде како играч со Малме освои три трофеи, и во Кина каде како тренер на Далијан три пати ја освојуваше титулата, па имаше и прекар „кинески цар“.
Беше познат како човек кој не се срамеше да го каже тоа што го мисли и директно кажуваше в лице. Судбината сакаше битката со болеста да ја загуби баш на неговиот роденден.
Македонската машка ракометна репрезентација ќе одигра контролен тест-меч и на три дена пред стартот на Европското првенство, тимот на селекторот Кирил Лазаров во Хернинг ќе игра против клубот Митјиланд.
Митјиланд е тим од Хернинг, градот во кој Македонија ќе ги игра своите натпревари на ЕП, и е еден од подобрите тимови во првата данска дивизија која е втора лига според квалитетот во таа земја.
Црвено-жолтите уште денеска и утре ќе тренираат во Скопје, во вторник имаат слободен ден, а в среда заминуваат за Швајцарија каде од 8-ми до 10-ти јануари треба да одиграат три пријателски средби, против Бахреин, Украина и Швајцарија. Потоа се селат во Данска, каде ќе се тестираат и против Митјиланд како последна проверка пред дуелот со моќната Данска на 16-ти јануари во првото коло на ЕП.
Во Специјалот на Sport Life за Манчестер сити – Челзи, мошне примамливи делуваат опциите во кои Ерлинг Халанд треба да биде стрелец, за да имате добивка.
Ова особено ако се знае дека Норвежанецот даде барем по еден гол на секој од последните три меѓусебни дуели помеѓу Граѓаните и Сините, а еднаш, на пријателски меч во летото 2024, направи и хет-трик.
Халанд да постигне три гола и денеска, во Специјалот ви носи квота од 10.0. Тука се опциите тој да биде и прв стрелец на мечот, како и да даде гол било кога во текот на средбата и комбинацијата гол на Халанд и победа на Сити.
Листата на потенцијални стрелци е импресивна, во двата тима има многу играчи кои знаат да дадат гол, а може да се обложите и на многу други игри, од почетен удатр до последната замена и игри на шутеви, картони, корнери, фаули, пенали.
Мамаду Кулибали со ѕверски фаул над Николас Таљафико му направи лоша услуга на својот Монако, оставајќи го со човек помалку на дербито од француската лига против Лион.
Кулибали ја крена ногата високо и со крампоните го удри противникот по главата и вратот, па за бруталноста доби директен црвен картон. Фаулот погледнете го ТУКА.
Вчера уште еден фудбалер со презиме Кулибали се истакна со грубост поради која беше казнет со заслужен црвен картон.
Тоа беше Војо Кулибали од Сасуоло, кој на мечот Мали – Тунис од Африканскиот куп на нации, со невнимателен старт за малку ќе му ја скршеше ногата на противничкиот играч Ханибал Меџбри.
За среќа, Тунижанецот мина без повреда и продолжи да игра. Погледнете го фаулот на Кулибали:
Спорт Манија е портал наменет за љубителите на спортот кој почна со работа на 14 септември 2018 година.
Контакт: contact@sportmanija.mk
Спорт Манија © 2018-2023
