31.8 C
Skopje
сабота, 12 јули 2025
Дома Blog Страница 39

Тебас кон Барселона: „Нико Вилијамс, Халанд или Меси, правилата мора да ги почитувате!“

Павле Симовски
-
0
Тебас кон Барселона: „Нико Вилијамс, Халанд или Меси, правилата мора да ги почитувате!“

Претседателот на Ла Лига, Хавиер Тебас, се чини дека не може да се помири со „поразот“ од Барселона во случајот на Дани Олмо, кога неговата регистрација беше одбиена, но „каталонците“ го добија случајот на суд и успеаја да издејствуваат тој да игра.

Сега следуваат нови закани, а се однесуваат на регистрацијата на Нико Вилијамс, секако, доколу фудбалерот и воопшто потпише за Барселона.

„Од Атлетик се жалат бидејќи од Барселона јавно зборуваат, односно тоа го прави Деко, дека сакаат да го потпишат овој фудбалер. Според правилата на ФИФА, ова е заштитен период и немаме право да го кршиме. Ние како и секогаш, ќе почекаме да видиме дали Барселона ќе ги исполни сите законски обврски за да може да потпише со фудбалерот. Нам не ни е важно дали тоа е Нико Вилијамс, Халанд, Меси или било кој друг. Тоа немаме намера да го промениме. Не треба да се огласат од Атлетик, бидејќи ние мора да објасниме се во врска со финансискиот фер-плеј. Транспарентни сме. Нема да откриеме каква е финансиската состојба на клубовите, но сите знаат каква е ситуацијата во Барселона и веќе се е објаснето, а причината е случајот Олмо.“ – вели Тебас.

Пресврт: Маркус Рашфорд потпишува за европски гигант?!

Павле Симовски
-
0
Пресврт: Маркус Рашфорд потпишува за европски гигант?!

Доаѓањето на Рубен Аморим на клупата на Манчестер јунајтед значеше дека за Маркус Рашфорд веќе нема место во таборот на „црвените ѓаволи“. Офанзивецот се пресели во Астон вила, каде ја мина последната полусезона, но сега повторно е дел од Манчестер јунајтед, иако се чини не за долго.

Фудбалерот е на продажба, а Рашфорд како сам да се нудеше на Барселона со изјавите дека сака да игра во иста екипа со Ламине Јамал. Сепак, од трансфер во редовите на „каталонците“ нема да има ништо, а Рашфорд сепак ќе ја напушти Англија.

Се чини дека следна дестинација за одличниот офанзивец ќе биде Баерн Минхен, екипа кој веќе се распрашува за условите под кои може да го купи Рашфорд, а очекувањата на раководството на „црвените ѓаволи“ се дека ќе добијат околу 40 милиони евра.

Модриќ и на 40 години е неуморлив, Хрватот со потег кој воодушевува

Трајан Маневски
-
0
Модриќ и на 40 години е неуморлив, Хрватот со потег кој воодушевува

Лука Модриќ ги игра последните денови како фудбалер на Реал Мадрид. По повеќе од 12 години, Хрватот ќе си замине од Кралскиот клуб и тоа веднаш по завршување на Светското клупско првенство. Модриќ верува дека може блескавата кариера во шпанскиот гигант да ја заврши со трофеј и тоа планетарен првак.

Потоа, Модриќ ќе се префрли во Милано, каде ќе го обече дресот на Росонерите. Иако во септември ќе наполни 40 години, Лука изненади со потегот кој планира да го направи. Хрватот најавил дека ќе го скрати одморот, за да може побрзо да се приклучи на својот нов клуб.

Овој потег е неверојатен ако се знае дека Модриќ во сезонава која за него уште трае, веќе има одиграно преку 60 меча, а воопшто не размислува за одмор, туку за тоа како побрзо да се адаптира во тимот на Милан.

„Тоа е потег кој многу зборува за неговата професионалност. Сака да се стави на располагање на тренерот Алегри, кој планира да го вметне како играч пред одбраната на тимот. Лука треба да биде срцето во играта на Росонерите“, пишува италијанскиот весник Газета дело спорт.

Освен што уште го сметаат за играч кој прави разлика на теренот на клупски план, Модриќ уште е незаменлив капитен и во хрватската репрезентација. Едноставно тој е фудбалер кој ретко се наоѓа.

Заработува милиони евра, а вози автомобил од 1.000 фунти

Трајан Маневски
-
0
Заработува милиони евра, а вози автомобил од 1.000 фунти

Џек Дрејпер го има приматот на најдобар британски тенисер кој во кариерата има заработено повеќе милиони евра. Драјпер моментално е фокусиран на мечевите кои ги игра пред домашната публика на Вимблдон.

Тој се пласираше во второто коло и за противник го има Марин Чилиќ од Хрватска. Британецот ја има фаворитската улога во оваа пресметка.

Интересен податок за Дрејпер, а не е поврзан со тенисот е дека тој е еден од најскромните спортисти во земјата. Неодамна, 23-годишниот тенисер беше фотографиран како полни гориво на бензиска пумпа и тоа на автомобил Поло кој е стар 12 години, кој е вреден само 1.000 фунти.

Дрејпер моментално е на четвртото место на АТП листата и сигурно е главен адут на домашната публика на Вимблдон. Во кариерата досега од играње тенис има заработено над шест милиони евра, но уште е скромен и вози автомобил од само 1.000 фунти.

Шпанците имаат непишано правило, Ел Класико никогаш да не се игра во првите десет кола

Трајан Маневски
-
0
Шпанците имаат непишано правило, Ел Класико никогаш да не се игра во првите десет кола

Новата сезона во шпанското пренство ќе започне на 16 август, а Барселона ќе го има приматот на бранител на тронот. Каталонскиот гигант во првото коло ќе гостува кај Мајорка, а се знае и кога ќе биде првото Ел Класико.

На 25 или 26 октомври Барселона ќе гостува во Мадрид кај Реал на „Сантијаго Бернабеу“. Речиси сите и пред да биде ждрепката, очекуваа Ел Класико да биде на крајот од октомври или евентуално почетокот на ноември.

Ова ќе биде шеста сезона по ред во која Ел Класико ќе се игра во октомври, а генерално во 21 век, првите дуели во првенството меѓу Барселона и Реал Мадрид се играат октомври или ноември.

Последен пат Ел класико се играло во септември или порано дури во далечната 1998 година, додека уште не важеше ова непишано правило. Тогаш, Барселона и Реал Мадрид играа во третото коло од првенството. Тешко дека во блиска иднина нешто слично може да се повтори, а има неколку причини зошто е тоа така.

Иако од Ла Лига официјално не даваат одговор зошто Ел Класико веќе речиси никогаш не се игра пред 10-тото коло, фактите се следни. Се верува дека се потребни да одиграат барем 10-тина меча во новата сезона па Барселона и Реал Мадрид да влезат во посакуваниот ритам, а двата тима да бидат во топ форма токму за Ел Класико дуелот.

Во овој период додека дојде време за Ел Класико, најтрофејните шпански екипи треба да ги вклопат играчите во новиот состав, засилувањата полека да влезат во посакуваниот ритам, па навивачите да може да гледаат вистинско фудбалско шоу.

Истотака, Ел калсико не се игра во август или септември затоа што тоа уште се месеци во кои Шпанците ги користат годишните одмори, па добар дел од навивачите да не мора да го планираат годишниот одмор и тој да не се поклопи со одигрување на Ел Класико.

Второто Ел Класико во првенството ќе се игра во мај 2026 година, кога може и да се решава прашањето околу шампионот.

За победата над Манчестер сити, секој играч на Ал-Хилал ќе добие вистинско богатство како премија

Трајан Маневски
-
0
За победата над Манчестер сити, секој играч на Ал-Хилал ќе добие вистинско богатство како премија

Фудбалерите на Ал Хилал го направија најголемото изненадување на Светското клупско првенство, откако во осминафиналето со 4:3 го елиминираа Манчестер сити и тоа во меч кој траеше 120 минути.

Со оваа победа Ал Хилал покажа дека квалитетот во Саудиска Арабија сепак не е толку далеку од врвниот фудбал во Англија. По завршување на мечот, во соблекувалната на Ал Хилал беше еуфорично, а посебно радосно беше кога се појавил еден од саудиските шеици. Тој им најавил на играчите дека за победата над Манчестер сити, секој фудбалер на Ал Хилал ќе заработи паричен бонус од неверојатни пет милиони евра.

Со овој даден бонус само се потврдува колку клупскиот, но и државниот врв во Саудиска Арабија вложуваат во развојот и промоцијата на фудбалот во светски рамки.

Во четвртфиналето, Ал Хилал ќе игра против бразилскиот Флуминесе кој е актуелен првак на Јужна Америка.

Пелистер доби италијански ривал како прва препрека на патот до групната фаза во Лига на шампиони

Трајан Маневски
-
0
Пелистер доби италијански ривал како прва препрека на патот до групната фаза во Лига на шампиони

Екипата на Пелистер ќе ира против италијанскиот тим Реџо Емилија на квалификацискиот турнир за пласман во групната фаза во Лигата на шампиони. Доколку битолчани победат против Реџо Емилија ќе го чека подобриот од дуелот меѓу Орадеа – Антверпен. Пласман во финалето ќе значи дека ќе игра против најдобриот од пресметките меѓу ПАОК – Дерби и Бурсаспор – Ловен.

Патот до место во ЛШ е исклучително тежок, затоа што ќе се играат три квалификациски турнири со по осум екипи, на кои само трите победници ќе обезбедат пласман во групната фаза од Лигата на шампионите.

Сепак, дури и во случај на елиминација во овие квалификации, тоа нема да биде крај на европскиот настап на Пелистер бидејќи е речиси сигурно дека битолчани автоматски ќе ги продолжи настапите во групната фаза од ФИБА Европскиот куп.

Квалификациските мечеви треба да се играат од 23-28 септември.

Ѓоковиќ: Се напив од магичните апчиња и успеав да победам

Трајан Маневски
-
0
Ѓоковиќ: Се напив од магичните апчиња и успеав да победам

Новак Ѓоковиќ се пласираше во второто коло на Вимблдон откако со 3:1 во сетови го победи Французинот Александре Милер. Фаворитот беше убедлив во првиот сет и го доби со 6:1, за потоа да го загуби вториот сет со 7:6. Во тие моменти Србинот се пожали и на здравствени проблеми, па регираше и медицинскиот тим.

Потоа Ѓоковиќ продолжи и тоа во јак ритам, па ги доби следните два сета со 6:2 и 6:2 за пласман во второто коло.

„Од најдобро чувство и игра во првиот сет, до најлошото чувство кое го имав потоа во последно време. Имав проблеми со желудникот. Енергијата целосно ми падна и се обидов да преживеам на теренот. Имав проблеми во вториот сет. Еден и пол сет се чувствував одлично, а потоа 45 минути ми беше ужасно“, открива Ѓоковиќ.

Србинот вели дека не планирал да го предаде мечот затоа што верувал дека има сили да се врати во ритам. Тоа што многумина ги интересира е какви апчиња се напил Ѓоковиќ, затоа што потоа заигра многу подобро.

„Се напив од магичните апчиња и успеав да го завршам мечот. Тоа е најважно. Не размислував да го предадам дуелот затоа што знаев дека енергијата ќе ми се врати“, додава Ѓоковиќ.

Ливерпул и Баер Леверкузен како да се „збратимија“, трет трансфер меѓу овие два тима

Трајан Маневски
-
0
Ливерпул и Баер Леверкузен како да се „збратимија“, трет трансфер меѓу овие два тима

Германскиот бундеслигаш Баер Леверкузен го промовираше Жарел Куанса во нивни нов играч. Централниот дефанзивец кој има 22 години, дојде меѓу Фармацевтите од тимот на Ливерпул и тоа за трансфер од 30 милиони евра, плус дополнителни пет милиони евра.

Ливерпул ќе може во иднина да го откупи договорот на Куанса, но за тоа ќе треба да плати 60 милиони евра. Оваа клаузула ќе биде активна до јуни 2027 година. Договорот на Куанса со Баер е до јуни 2030 година.

Ова е трет трансфер помеѓу Баер Леверкузен и Ливерпул ова лето. Претходно, ѕвездите на Леверкузен, Флоријан Вирц и Џереми Фримпонг, потпишаа со англискиот првак, а сега и еден фудбалер на Ливерпул заминува во редовите на екипата од Леверкузен.

Куанса во Ливерпул одигра вкупно 58 меча во кои постигна три гола и имаше три асистенции. Тој играше и за репрезентацијата на Англија до 21 година, која стигна до златото на неодамна завршеното Европско пренство.

 

Ѓокереш се договори со Арсенал за петгодишна соработка

Трајан Маневски
-
0
Ѓокереш се договори со Арсенал за петгодишна соработка

Виктор Ѓокереш е сѐ поблиску до трансфер во Арсенал, пишува италијанскиот новинар Николо Шрила. Голгетерот на Спортинг од Лисабон ги договорил личните услови со англискиот премиерлигаш Арсенал и сега се чека само да се договорат клубовите за  сумата на трансферот. Проценките се дека трансферот треба да изнесува околу 75 милиони евра.

Шведскиот репрезентативец ќе потпише петгодишен договор со Арсенал и треба да биде најголеми засилување за Топчиите кои минатата сезона ја завршија без освојување на ниту еден трофеј.

Ѓокореш има импресивен скор за две сезони поминати во тимот на Спортинг. Во 102 натпревари постигна дури 97 голови, а гигантот од Лисабон во двете сезони ја освојуваше шампионската титула. Тој има и 26 настапи за шведската репрезентација, каде билансот му е 15 погодоци.

Во кариерата, Ѓокереш има настапувано ии за екипите на Бромапојкарна, Сент Паули, Свонси и Ковентри.

1...383940...9.666Страна 39 од 9.666

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023