Дома Blog Страница 51

Реал Мадрид сака искусен тренер, прв кандидат е Жозе Мурињо!

Павле Симовски
-
0
Реал Мадрид сака искусен тренер, прв кандидат е Жозе Мурињо!

Веќе на сите им е јасно дека Алваро Арбелоа нема да биде тренер на Реал Мадрид следната сезона. Поранешниот фудбалер на Кралевите седна на кормилото откако беше отпуштен Чаби Алонсо, кој дојде во Мадрид минатото лето пред Светското клупско првенство, но соработката беше прекината поради лошите резултати.

Флорентино Перес веќе ги разгледува опциите, а според шпанските медиуми, една работа е јасна – Реал Мадрид ќе добие искусен тренер, а не млад. Прв избор бил Зинедин Зидан, но Французинот веднаш ја одбил понудата.

Така сега во прв план е Жозе Мурињо, a сè ќе биде јасно до крајот на мај, кога треба да биде назначен новиот тренер.

Португалецот беше предводник на Кралевите од 2010 до 2013 година, период во кој освои по еден трофеј од Ла Лига, Купот и Суперкупот на Шпанија.

Екипите кои имаат водство повторно се фавирити да победат (Фото)

Павле Симовски
-
0
Екипите кои имаат водство повторно се фавирити да победат (Фото)

Плејофот во НБА-лигата продолжува со три натпревари, на кои домашните екипи веќе имаат водство од по 1-0. Сите три домаќини вечерва се фаворити според квотите и се очекува да дојдат до предност и од 2-0 во конференциските четвртфинални натпревари.

Победи се очекуваат од Кливленд (1.35), Њујорк (1.52) и од Денвер (1.42).

И за овие натпревари има специјална понуда за кошаркарите и најпопуларната игра меѓу типувачите – „плус-минус“ на поени, која може да се одигра на поени, скокови, асистенции и вкупно тројки, но и збир од поените, скоковите и асистенциите. Комплетната понуда може да ја најдете ТУКА.

Познат е терминот за последното Ел Класико оваа сезона

Павле Симовски
-
0
Познат е терминот за последното Ел Класико оваа сезона

Раководството на Ла Лига го одреди терминот за последното Ел Класико оваа сезона, кое ќе се одигра во рамките на 35-тото првенствено коло. Мечот помеѓу Барселона и Реал Мадрид ќе се одигра на 10 мај во 21 часот на „Камп ноу“.

По 31 коло, Барселона има предност од девет бода во однос на Реал Мадрид, па може да се случи Кралевите да дојдат на честитање во Каталонија кај старо-новиот шампион или пак актуелниот шампион со победа токму на овој меч и теоретски да дојде до нов трофеј.

Веќе се појави информација дека Реал Мадрид нема да направи „шпалир“ доколку Барселона ја освои титулата пред овој натпревар.

Нова порака од САД до Иран: „Добредојдени сте да играте на СП 2026“

Павле Симовски
-
0
Нова порака од САД до Иран: „Добредојдени сте да играте на СП 2026“

Позицијата на администрацијата на Доналд Трамп во врска со учеството на Иран на Светско првенство 2026 останува јасна – иранската репрезентација се очекува да настапи и натпреварите да се играат според планираното, вклучително и на територијата на САД.

По ескалацијата на тензиите меѓу САД, Израел и Иран, се појавија сомнежи дали Иран воопшто ќе учествува на турнирот, иако беше меѓу првите селекции што обезбедија пласман. Дополнителен проблем претставува фактот што нивните натпревари од групната фаза се закажани да се играат во американски градови.

Фудбалската федерација на Иран побара од ФИФА преместување на натпреварите во Мексико, но тоа барање беше одбиено.

„Нема да зборувам во име на играчите, но заедно со претседателот Трамп разговаравме со нивните претставници. Испративме нова покана иранскиот тим да пристигне во САД“, изјави Ендрју Џулијани, извршен директор на комисијата за Светското првенство 2026 при Белата куќа.

Тој додаде дека претседателот на ФИФА, Џани Инфантино, веќе потврдил дека иранската репрезентација ќе пристигне.

Според планот, Иран треба да го одржи подготвителниот камп во Тусон (Аризона) на почетокот на јуни, по што ќе ги игра своите натпревари во Лос Анџелес и Сиетл.

Арбелоа: „Реал полесно може да освои Лига на шампиони отколку Ла Лига“

Павле Симовски
-
0
Арбелоа: „Реал полесно може да освои Лига на шампиони отколку Ла Лига“

Тренерот на Реал Мадрид, Алваро Арбелоа, ја одржа редовната прес-конференција пред мечот против Алавес. Кралевите имаат девет бода заостанување во однос на вечниот ривал Барселона и тешко дека ќе може да дојдат до трофејот од Ла Лига.

На прес-конференцијата се зборуваше на многу теми, а тренерот на Реал Мадрид направи споредба со трофеите кои ги освои клубот во Лигата на шампионите и оние во Ла Лигата.

„Во последните 20 години Реал има седум титули во Шпанија, колкупати ја освоил Лигата на шампионите? Секогаш може да се најде објаснување. Очигледно е дека имаме простор за напредок во првенството. Во последните месеци игравме подобро против силни противници отколку против послабите. Имаме многу што да подобриме. Понекогаш изгледа дека за Реал е полесно да ја освои Лигата на шампионите отколку Ла Лигата“, рече тој, алудирајќи и на судиските одлуки.

Лукаку налето и дефинитивно ќе го напушти Наполи

Павле Симовски
-
0
Лукаку налето и дефинитивно ќе го напушти Наполи

Напаѓачот Ромелу Лукаку ова лето ќе го напушти Наполи, пренесува „Калчомеркато“. Односите меѓу клубот и Белгиецот веќе се целосно нарушени.

Лукаку пропуштил тренинзи на тимот и заминал за Белгија, иако немал дозвола од клупското раководство.

Поради тоа, Наполи ќе го отстрани од тимот и тој повеќе нема да настапува за клубот. Напаѓачот дури ризикува да го пропушти и Светско првенство 2026, со оглед на тоа што оваа сезона има одиграно само 74 минути.

Лукаку се пресели во Наполи во летото 2024 година од Челзи за малку повеќе од 30 милиони евра.

Неверојатни добивки во Тетово и во Кочани: Само со шест меча си доби 15.000 евра! (Фото)

Павле Симовски
-
0
Неверојатни добивки во Тетово и во Кочани: Само со шест меча си доби 15.000 евра! (Фото)

Неделата беше среќна за играчите од Тетово и од Кочани бидејќи тикетите само со по шест меча излегоа како добитни, а добивките се бројат во илјадници евра.

Во Тетово на тикет со шест меча беа вложени 500 денари, а добивката е неверојатна – 844.054 денари нето или малку повеќе од 14.000 евра. Шесте меча беа одиграни на иста игра – домашните екипи да постигнат најмалку по два гола во првото полувреме, а квотите се движеа помеѓу 2.90 и 5.50.

И во Кочани беа одиграни само шест меча, а добивката со влог од 200 денари изнесуваше 200.891 денари нето. Три меча беа одиграни исто како и во Тетово, домашните екипи да постигнат најмалку по два гола во првото полувреме, а на еден натпревар се бараа најмалку два гола за гостите во првиот дел. На останатите два меча се чекаше најмалку по пет гола на натпревари од ниските лиги во Турција.

Погодените квоти во Кочани беа помеѓу 2.55 и 3.85.

Кејн „гази“ оваа сезона, сега го напаѓа и рекордот на Меси од пред 14 години

Павле Симовски
-
0
Кејн „гази“ оваа сезона, сега го напаѓа и рекордот на Меси од пред 14 години

Англискиот напаѓач Хари Кејн игра фантастично во редовите на Баерн Минхен, а постои можност до крајот на сезоната да урне и неверојатен рекорд што го држи Аргентинецот Лионел Меси.

Аргентинецот во сезоната 2011/12 блескаше – на 60 одиграни натпревари постигна дури 73 голови.

Во таа сезона Меси запиша и 30 асистенции, па многумина сметаат дека тогаш бил на врвот од својата кариера.

Слично може да се каже и за Кејн, кој оваа сезона игра на исклучително ниво. Во Бундеслигата постигна 32 гола и има пет асистенции на 27 натпревари, а одличен е и во Лигата на шампионите, каде што има 12 гола.

Кога ќе се додадат и настапите во Суперкупот на Германија и Купот на Германија, Кејн во 43 натпревари во сите натпреварувања постигнал 51 гол и додал шест асистенции.

До крајот на сезоната го очекуваат најмалку седум натпревари, а може да одигра и до девет ако Баерн се пласира во финалето на Лигата на шампионите и Купот на Германија.

За да го достигне рекордот на Меси, ќе треба да постигне уште 22 гола.

Јаник Синер во Мадрид може да дојде до подвиг кој не им успеа на Ѓоковиќ, Федерер и Надал

Павле Симовски
-
0
Јаник Синер во Мадрид може да дојде до подвиг кој не им успеа на Ѓоковиќ, Федерер и Надал

Фантастичниот Јаник Синер, моментално прв тенисер во светот, може да стане и единствен во историјата кој врзал пет освоени Мастерс 1000 турнири.

Доколку се смета и завршниот Мастерс во Торино, тогаш бројката може да достигне шест освоени Мастерс турнири ако триумфира и на претстојниот турнир во Мадрид.

Синер минатата година го освои Мастерсот во Париз, а оваа година триумфираше на сите досегашни Мастерс турнири – Индијан Велс, Мајами и Монте Карло.

Со тоа се израмни со Новак Ѓоковиќ, кој досега беше единствениот тенисер во историјата со четири врзани Мастерс титули. Сега Синер го достигна и има шанса да постави рекорд што не им успеал ниту на Ѓоковиќ, ниту на Федерер, ниту на Надал.

Синер ќе има и полесна задача од кога било. На Мастерсот во Мадрид нема да настапи неговиот најголем ривал Карлос Алкарас, а ќе отсуствува и повредениот Ѓоковиќ.

Јасно е дека малкумина можат да му парираат на Синер кога е во форма, па вистинска сензација би било доколку не го освои петтиот Мастерс по ред, односно шестиот ако се смета и завршниот турнир во Торино од минатата година.

Квалификациите започнуваат утре, а Мастерсот во Мадрид ќе се игра до 3 мај, кога е закажано финалето.

Кралскиот клуб му нуди нов договор на „столбот“ во одбраната

Трајан Маневски
-
0
Кралскиот клуб му нуди нов договор на „столбот“ во одбраната

Реал Мадрид му понуди на Антонио Ридигер продолжување на договорот за уште една година. Тековниот договор на искусниот дефанзивец истекува на крајот од сезонава, но европските шампиони се заинтересирани да го задржат уште една сезона. Раководството на мадридскиот клуб е исклучително задоволно од настапот на германскиот репрезентативец и нема намера да го пушти бесплатно.

Според весникот „АС“, Реал Мадрид му понудил на Ридигер продолжување на договорот за една година, со што Кралскиот клуб ја задржува својата политика на продолжување на договорите на играчите над 32 години само за една година. Така претходно беше и во случаите на Лука Модриќ, Тони Крос и Начо Фернандес.

Ридигер сè уште не одговорил на понудата, а според извештаите, тој првично инсистирал на двегодишен договор. Германскиот централен бек е еден од лидерите во одбраната на Реал Мадрид. Се очекува во најскоро време договорот и официјално да биде потврден за Реал да се осигури дека нема да го загуби „столбот“ во одбраната.

За Ридигер интерес покажаа неколку европски екипи, како Јувентус, Челзи, но и екипи од Саудиска Арабија. Ридигер е во Реал Мадрид од 2022 година.

1...505152...10.790Страна 51 од 10.790