Дома Blog Страница 52

Реал Мадрид вечерва има шанса да стане европски фудбалски првак по пауза од 2.069 дена

Трајан Маневски
-
0
Реал Мадрид вечерва има шанса да стане европски фудбалски првак по пауза од 2.069 дена

Реал Мадрид има лоша сезона и многу веројатно е да заврши без ниту еден освоен трофеј. Сепак, радост може да донесе У19 тимот на Кралевите, и тоа во Лигата на шампионите. Вечерва од 18:45 часот се игра финалето на младинската Лига на шампиони, а младинците на шпанскиот гигант ќе се соочат со врсниците од Бриж.

Во Нион се игра финалето, а според квотите, У19 тимот на Реал Мадрид ја има фаворитската улога. Во полуфиналето, Реал Мадрид по големата драма и подоброто изведување на пеналите го елиминираа ПСЖ, додека Бриж со 3:1 беше подобар од Бенфика.

Дури 2.069 дена се поминати од последниот трофеј на Реал Мадрид во младинската Лига на шампиони.

Министерот Ристовски со честитки за успехот на Дарио Ивановски во Белград

Трајан Маневски
-
0
Министерот Ристовски со честитки за успехот на Дарио Ивановски во Белград
Министерот за спорт, Борко Ристовски, денеска во својот кабитен го прими нашиот најуспешен атлетичар, Дарио Ивановски. На приемот Ристовски му честиташе на Ивановски за одличниот успех што го направи на маратонот во Белград кој се трчаше изминатиов викенд.
Министерот Ристовски во соопштението упатено по повод средбата со нашиот атлетичар кој цели на остварување пласман на Летните олимписки игри во Лос Анџелес во 2028 година, вели:
ЧЕСТИТКИ ЗА ДАРИО ИВАНОВСКИ ЗА ИЗВОНРЕДНИОТ НАСТАП НА БЕЛГРАДСКИОТ МАРАТОН!
Со голема чест и задоволство денеска во Министерството за спорт се сретнав со нашиот најдобар атлетичар Дарио Ивановски и му упатив искрени честитки за извонредниот успех што го оствари викендов на престижниот Белградски маратон. Освоеното второ место во конкуренција од 2.350 маратонци од 79 земји е резултат за почит. Со време од 2:09:35, Дарио беше само на 24 секунди од првото место – уште една потврда дека се наоѓа во одлична форма. Овој резултат е речиси идентичен со неговиот национален рекорд, што зборува за континуитет, посветеност и врвна подготвеност. Како Министерство за спорт, ќе продолжиме силно да ги поддржуваме спортистите кои остваруваат врвни резултати и достоинствено ја претставуваат Македонија на меѓународната сцена. Дарио е еден од нашите најсилни адути за претстојните големи натпреварувања и уверен сум дека најдоброто допрва доаѓа!

Суспендиран стадионот „Башкими“ во Куманово, покрената дисциплинска постапка за инцидентот на мечот со Струга Трим Лум

Трајан Маневски
-
0
Суспендиран стадионот „Башкими“ во Куманово, покрената дисциплинска постапка за инцидентот на мечот со Струга Трим Лум

Врз основа на доставениот записник и делегатски извештај од натпреварот помеѓу ФК Башкими 1947 Куманово и ФК Струга Трим Лум Струга, одигран во рамките на 28-то коло од Прва МФЛ, на 19.04.2026 година на стадионот „Башкими“ во Куманово, Комисијата за натпревари при ФФМ констатира сериозни нарушувања на редот и безбедноста по завршувањето на натпреварот.

Имено, по завршувањето на средбата, додека делегатот и судиската екипа сè уште се наоѓале на теренот, настанал инцидент во кој биле нападнати играчи и претставници на гостинската екипа од страна на лица поврзани со домашниот клуб и редарската служба. Во инцидентот се вклучило и лицето Бурак Хида, кое не било заведено во записникот, а кое физички го нападнало претставникот на гостинската екипа, Шаќири Мифтар, нанесувајќи удар во пределот на градите, по што следувале и вербални навреди и недолично однесување кон повеќе членови на гостинскиот тим.

Инцидентот траел околу 10 до 15 минути, по што со интервенција на полициските службеници, делегатот и судиската четворка биле безбедно спроведени во службените простории. Дополнително, делегатот побарал засилено полициско присуство со цел да се овозможи безбедно напуштање на стадионот од страна на гостинската екипа.

Исто така, на почетокот на натпреварот, делегатот го информирал претставникот на Министерството за внатрешни работи дека во случај на појава на навредливи содржини кон државата и ФФМ, натпреварот ќе биде прекинат. Оваа информација била пренесена до претставник на домашниот клуб, кој потоа влегол во вербална расправија со делегатот, оспорувајќи ја неговата надлежност.

Согласно член 75-в и член 77-г од Правилникот за натпревари на ФФМ, Комисијата за натпревари донесе одлука за суспензија на теренот на стадионот „Башкими“ во Куманово до донесување конечна одлука. Воедно, против ФК Башкими 1947 Куманово и лицето Бурак Хида се покренува дисциплинска постапка, а предметот се доставува на понатамошно постапување пред Дисциплинската комисија на ФФМ.

Фудбалската федерација на Македонија најостро ги осудува сите форми на насилство и недолично однесување и ќе продолжи доследно да ги применува прописите со цел заштита на интегритетот на натпреварувањето и безбедноста на сите учесници.

Компани: Баерн Минхен го чекаат уште многу трофеи

Трајан Маневски
-
0
Компани: Баерн Минхен го чекаат уште многу трофеи

Баерн Минхен уште еднаш ја покажа доминацијата во германскиот фудбал откако на четири кола пред крајот на сезоната во Бундеслигата ја освои титулата. Германскиот гигант имаше фанатстична сезона, па не е ни чудно што на четири кола до крајот има дури 15 бода повеќе од второпласираната Борусија Дортмунд.

По победата над Штутгарт од 4:2, на фудбалерите на Баерн прославија на „Алијанц арената“, но главната „фешта“ треба да биде во последното коло од првенството. Дотогаш Баерн нема многу да се радува, туку ќе се фокусира на освојување уште на пехари сезонава.

„Фантастично е тоа што сме шампиони. Тоа е плод на многу работа и затоа треба да се радуваме. Сепак, тука не завршува сезоната за нас. Уште сме во битка за уште трофеи. Во Лигата на шампионите имаме голем предизвик бидејќи ќе играме против актуелниот европски првак ПСЖ, а се надеваме на освојување и на пехарот во Купот на Германија“, рече тренерот на Баерн, Венсан Компани.

Веќе в среда Баерн ќе гостува во Леверкузен кај Баер во меч од полуфиналето на Купот на Германија.

Ѓоковиќ не игра, а пак руши рекорди, на ред е да падне уште едно постигнување на Федерер

Трајан Маневски
-
0
Ѓоковиќ не игра, а пак руши рекорди, на ред е да падне уште едно постигнување на Федерер

Најновата АТП-листа која излезе денеска е само потврда дека има промена на генерациите во светскиот тенис. На врвот останува Јаник Синер со импресивни 13.350 поени. Италијанецот покажува константност каква што ретко се гледа, посебно за тенисер кој има само 24 години.

Зад Синер, на второто место е Карлос Алкарас со 12.960 бодови и тој е единствениот сериозен ривал кој може да го загрози Италијанецот на оваа листа. Третото место е резервирано за Александер Зверев, кој има 5.255 поени и е далеку од водечките двајца.

Најдобриот тенисер на сите времиња, Новак Ѓоковиќ, моментално е на четвртото место со 4.710 поени. Ѓоковиќ веќе нема шанси да се врати на врвот на АТП-листата, но Србинот сепак има мотив да биде меѓу најдобрите. Ретко кога може да се види тенисер кој има 38 години, а да е во Топ 5 на листата, што, секако, му успева на Ѓоковиќ.

Србинот минатата недела го сруши рекордот на Роџер Федерер како тенисер со најмногу недели поминати во Топ 5 и сега има 862 недели меѓу најдобирте петмина тенисери. Сега Ноле е во мисија да го надмине рекордот на Федерер и за бројот на недели поминати во Топ 10 на листата. Потребно е Ѓоковиќ уште 29 недели да биде во Топ 10 за да го надмине рекордот на Швајцарецот.

За потсетување, Ѓоковиќ ги држи рекордите за број 1 на АТП-листата со 428 недели, потоа да е во Топ 2 (599), Топ 3 (764), Топ 4 (824) и Топ 5 (862 недели).

Неверојатно: Навивачите на Ривер исекле 52 тони хартија за да се направи таква атмосфера на Суперкласико (Видео)

Трајан Маневски
-
0
Неверојатно: Навивачите на Ривер исекле 52 тони хартија за да се направи таква атмосфера на Суперкласико (Видео)

Вечните аргентински ривали Ривер плејт и Бока јуниорс го одиграа 266-тото дерби. На легендарниот стадион „Монументал“ Ривер беше домаќин, но на крајот Бока се радуваше на победа. Гостите славеа минимално со 1:0 благодарение на голот на Паредес, и тоа постигнат од пенал.

И покрај разочарувањето на крајот од мечот, останува да се памети фантатстичната атмосфера која ја создадоа домашните навивачи. На најголемиот стадион во Аргентина имаше повеќе од 85.000 навивачи , а посебно ќе се памети „фештата“ која беше направена пред почетокот на мечот.

Кога на теренот се појавија играчите на двата тима, од сите делови на трибините беа фрлени бели хартиени конфети. Аргентинските медиуми откриваат дека навивачите на Ривер во деновите пред дербито успеале да рачно да исецкаат дури 52 тони хартија и да ја распределат на целиот стадион за да може да се направи фантастичната кореографија која дефинитивно може да се види само во Аргентина.

Нејмар во кариерата нема доживеано вакво понижување, си замина со прстите ставени во уши (Видео)

Трајан Маневски
-
0
Нејмар во кариерата нема доживеано вакво понижување, си замина со прстите ставени во уши (Видео)

Екипата на Сантос на домашен терен загуби со 2:3 од Флуминесе во меч од 12-тото коло на бразилската Серија А. Како еден од главните виновници за поразот, домашните навивачи го посочија Нејмар.

Само пред неколку месеци, навивачите на Сантос го молеа Нејмар да остане во клубот, но очигледно дека сега работите се сменија. Фановите како веќе да немаат трпение кон фудбалската ѕвезда, па по поразот од Флуминесе, Нејмар од теренот го испратија со свирежи и негодувања.

Ни Нејмар не им остана должен, па кога заминуваше од теренот, со рацете само ги затвори ушите да не ги слуша.

Искусниот 34-годишен Нејмар со сите сили се обидува да се наметне кај новиот селектор Карло Анчелоти и да му докаже дека тој има квалитет за да биде дел од репрезентацијата на Бразил, која за помалку од два месеца ќе биде дел од Светското првенство. Сепак, малку е веројатно дека Анчелоти ќе отстапи од својата замисла бидејќи досега сметаше дека Нејмар не е за во националниот дрес.

Во новата сезона, Нејмар на 10 меча кои ги одигра има учинок од четири гола и три асистенции. Сепак, тој на теренот повторно прави потези кои се несфатливи за профи фудбалот, па така и синоќа, во моментите кога неговиот тим губеше со 2:3, во судиското продолжување Нејмар се обиде да биде атрактивен, но ја загуби топката од противникот, што дополнително наиде на лоши реакции од публиката.

Ракометните титули се селат во Скопје, имаме „заложници“ во фудбалот

Никола Ѓуровски
-
0
Ракометните титули се селат во Скопје, имаме „заложници“ во фудбалот

Викендот помина во знакот на ракометот и завршницата од куп-натпреварувањето. Во драматичен финиш, ракометарите на Вардар го освоија трофејот и порачаа дека титулите се селат во Скопје. Вардарци се на прагот да освојат двојна круна, што секако е голем удар за ривалите од Битола, Еурофарм Пелистер.

Мора да се истакне дека со метеорска брзина во Охрид се развива нов квалитетен ракометен тим, кој сигурно дека во идните години ќе претставува вистински конкурент за Вардар, Пелистер и Алкалоид.

Фудбалот ни носи нови проблеми. Во последниот меч од 28-мото коло во Првата лига, по еден навидум „обичен“ натпревар и триумф на Струга Трим Лум во Куманово против Башкими, се случи неверојатен инцидент.

Гостите од Струга беа заклучени во соблекувалната и беа вистински „заложници“ само затоа што успеаја повторно убедливо да го победат домаќинот Башкими со 0-4. Мораа да интервенираат и специјални полициски сили за стружани да го напуштат стадионот, за жал, и каменувани од кумановски хулигани.

За разлика од кај нас, во светот фудбалот е шоу и вистинска забава за навивачите. Во Германија, Баерн Минхен доминантно ја освои и ја прослави 35-тата шампионска титула, а во Премиер лигата се одигра спектакуларен дуел меѓу Манчестер сити и Арсенал. Граѓаните славеа со 2-1, па сега се вратија комплетно во игра за освојување на шампионскиот пехар. Се разбира, фудбалерите на Арсенал не беа заклучени во соблекувалната на „Етихад“…

Луис Енрике по поразот од Лион: „Го добивте тоа што го сакавте!“

Никола Ѓуровски
-
0
Луис Енрике по поразот од Лион: „Го добивте тоа што го сакавте!“

Тренерот на ПСЖ, Луис Енрике, сериозно го истакна фактот дека Ленс, по поразот на неговиот тим на „Паркот на принцовите“ од Лион (1-2), се доближи само на еден бод во Лига 1.

ПСЖ го пречека Лион во дербито на колото и важеше за голем фаворит, но неочекувано загуби со 1-2. Сепак, Луис Енрике одмори повеќе клучни играчи од самиот почеток, Витиња во 38-мата минута излезе поради повреда, а дури подоцна во игра ги внесе Дембеле и Кварацхелија.

Но, веќе беше доцна, Лион имаше предност од 0-2, па Грузиецот во последните секунди само го ублажи поразот на Светците, кои сега имаат само бод предност пред Ленс, но и два натпревари помалку.

„Многу е лесно да се анализира. Кога така ќе го започнете натпреварот, се обидувате да доминирате и да ја контролирате играта, но примате два гола од првите две шанси… Во тој момент сфативме дека ќе биде тешко. Имавме 23 удари, но погодивме само од последниот, промашивме и пенал и тоа ја прави разликата. Се обидовме да ја смениме динамиката, но не успеавме.

Лион одигра на високо ниво, имаат квалитетни играчи и квалитетен тренер. Мораме да го прифатиме тоа. Ќе ја чекаме следната средба, сега играме на секои три дена. Мораме да им дадеме минутажа на повеќе играчи бидејќи нè чека густ распоред“, изјави Енрике.

На прашањето дали е лоша вест што Ленс се доближи на бод-разлика, тој одговори:

„Не знам, така е! Сакавте поконкурентна лига? Еве ја. Го добивте тоа што го баравте. Ленс има одлична сезона и ќе биде тешко до последното коло.“

„Променивме шестмина играчи и така ќе продолжиме во наредните натпревари бидејќи нè очекуваат уште многу средби“, додаде Шпанецот, свесен за згуснатиот распоред, со оглед на тоа што ПСЖ го очекуваат и два многу тешки дуела во полуфиналето од Лигата на шампионите против Баерн.

Во врска со повредата на Витиња во првото полувреме, Енрике кратко изјави:

„Нема ништо позитивно, тоа е сигурно. Кога мораш да направиш таква промена пред полувремето… Ќе направиме тестови и ќе видиме.“

И покрај киксот, ПСЖ останува лидер на табелата, а ќе биде потребно вистинско чудо Ленс да заврши пред актуелниот европски шампион на крајот од сезоната.

Ла Коруња е тип на денот, ќе има голови на пресметката од Премиер лигата

Никола Ѓуровски
-
0
Ла Коруња е тип на денот, ќе има голови на пресметката од Премиер лигата

1959 Газијантеп – Кајзериспор (19 часот)
Газијантепспор е поквалитетен тим, но Кајзериспор се бори за опстанок и потребни му се бодови. Се очекува отворен натпревар со најмалку три гола.
Предлог тип: 3+ (1.72)

 

1321 Ла Коруња – Мирандес (20.30 часот)
Ла Коруња се бори за директен влез во елитата и оттаму е голем фаворит против Мирандес. Наш тип е дека ќе победи и ќе постигне најмалку два гола.
Предлог тип: 1 & T1 2+ (1.89)

 

3010 Лече – Фиорентина (20.45 часот)
Фиорентина има поквалитетен состав, но Лече е во загрозената зона, па ќе биде неизвесен дуел. Ние предлагаме дека гостите нема да загубат и на мечот ќе има најмалку два гола.
Предлог тип: X2 & 2+ (1.84)

 

1719 Данкерк – Лавал (20.45 часот)
Ова е дуел од второлигашкото друштво на Франција. Типот е дека двете екипи нема да постигнат гол и би имало најмногу два гола на мечот.
Предлог тип: НГ & 0-2 (2.15)

 

1118 Кристал Палас – Вест хем (21 часот)
Вест хем се бори за опстанок, а Кристал палас секогаш игра добро пред домашните гледачи. Типуваме дека ќе има најмалку три гола на оваа пресметка од Премиер лигата.
Предлог тип: 3+ (1.87)

1...515253...10.790Страна 52 од 10.790