Освојувачот на двојната круна во Македонија од минатата сезона, тимот на Шкендија денес ќе гостува кај Кожуф во Гевгелија, од каде што го започнува походот кон одбрана на пехарот.

По репрезентативната пауза, тетовци се враќаат на терените, а прва нивна задача е да ги оправдаат очекувањата против второлигашката екипа. Фаворитите во секој сегмент, избраниците на Ќатип Османи, не би требало да имаат проблеми во обидот да остварат позитивен резулатат на оваа средба и да им се приклучат на останатите екипи кои се пласираа во осминафиналната фаза од Купот. Тетовци по елиминацијата од Розенборг во плејофот во Лигата на Европа, забележаа првенствена победа против Шкупи, а со овој меч и евентуален триумф, ќе започнат победничка серија која ќе им биде од големо значење во остатокот од сезоната.

Тимот на Кожуф, иако се наоѓа пред голем предизвик, на свое тло ќе сака да направи големо изненадување, да го елиминира бранителот на трофејот уште во раната фаза на натпреварувањето. По три кола во втората Лига – Исток, гевгеличани имаат еден триумф и две реми, позитивен скор кој ќе сакаат да го продолжат, иако мисијата се чини невозможна.

Натпреварот започнува во 15.30 часот, а како еден од најиграните типови за денес во нашшите обложувалници ви нудиме квота од 1.04 за „двојка“ на Шкендија, коефициентот за победа на Кожуф е 20, додека за реми е 10. За љубителите на типовите кои носат голови, квотата за 3+ е 1.23, додека за 4+ е 1.62.