Мауро Икарди е во топ-форма, лесно постигнува голови и е голем адут на Интер. Џенова тешко ќе го сопре, па верувам во победа на фаворитот, и тоа најмалку со два постигнати голови во мрежата на гостите од Џенова, вели нашиот редовен гостин, Панче Ќумбев.
Повторно подготви интересен микс од пет фудбалски натпревари од различни лиги во Европа и повторно еден меч е од шампионат во кој настапуваше како интернационалец.
Легија Варшава е неговата убава приказна, играше за полскиот гигант од 2008 до 2010 година, а од полското првенство овојпат типува победа на Краковија против Легница.
Еве ги предлог-типовите на Ќумбев за овој викенд:
Арсенал – Ливерпул (сабота, 18.30 часот)
Дербито на колото во Премиер лигата се игра во Лондон. Дуел на два тима кои се во одлична форма и два тима со шампионски амбиции. Играат ефикасно и за гол повеќе, па затоа овде типувам дека двете мрежи ќе се тресат, комбинирано најмалку со три гола на натпреварот.
Предлог тип: ГГ&3 + (1.71)
Интер – Џенова (сабота, 15 часот)
Интер полека, но сигурно најавува шампионски амбиции и во оваа сезона, иако Јувентус во Италија е прв фаворит. Предводен од одличниот Мауро Икарди, Интер игра сè посигурно и сè поубедливо. Аргентинецот е во топ-форма, лесно ги тресе мрежите и Џенова ќе има големи проблеми да го сопре. Гостите полека паѓаат со темпото, формата им е во надолна линија, иако почнаа доста добро оваа година. Интер е голем фаворит овде и верувам во единица со најмалку два гола во мрежата на гостинот.
Предлог тип: 1&Т1 2+ (1.64)
Волфсбург – Борусија Дортмунд (сабота, 15.30)
Не треба да се трошат многу зборови за Борусија Дортмунд сезонава. Продолжуваат со гол-шоуто на секој меч и нема причина и против Волфсбург да не биде ефикасно. Домаќините имаат одличен напад и ова се два тима што играат офанзивно и се во одлична форма, па головите се неизбежни. На последните 4 од петте меѓусебни дуели имаше најмалку три погодоци и верувам дека и сега ќе има три или повеќе голови.
Предлог тип: 3+ (1.65)
Краковија – Легница (сабота, 15.30 часот)
Иако има солиден состав екипата на Краковија, никако не успева да ја стабилизира формата. Во последните пет кола играат подобро, освоија десет бодови, што е знак дека се на вистинскиот пат. Имаат подобар биланс во меѓусебните дуели со Легница, екипа која е во криза. Гостите немаат победа на петте последни натпревари и не верувам дека лошата серија ќе можат да ја прекинат во Краков. Очекувам сигурна победа на Краковија.
Предлог тип: 1 (2.07)
Леганес – Атлетико (сабота, 13 часот)
Локалните дерби-натрпревари си имаат специфична тежина, но овде не верувам дека Атлетико ќе има сериозни проблеми. Ќе го добие мадридското дерби со Леганес, екипа која игра доста променливо. Атлетико е стабилна и цврста екипа и очекувам сигурно да ги освои бодовите.
Предлог тип: 2 (1.75)
Фенербахче го постави Ервин Куман за нов тренер на првиот тим, откако претходно Филип Коку беше отпуштен од обврските поради лошите резултати на стартот од сезоната. Ервин му беше помошник на Холанѓанецот, а сега се согласи да го предводи тимот во кој е и нашиот Елиф Елмас до крајот на сезоната.
Доколку и двете страни се задоволни од работата по крајот на сезоната, Куман може да остане во Фенер и на подолг период. Ервин е постар брат на Роналд Куман, селекторот на „лалињата“, а ова за него ќе биде петти ангажман. Претходно ги водеше екипите на Валвијк, Феенорд, Утрехт и ПСВ Ајндховен, а своевремено беше и селектор на Унгарија.
Назначувањето на Куман е одлична вест за нашиот Елмас, бидејќи стратегот веќе ги знае квалитетите на македонскиот репрезентативец, кој имаше голема доверба од сега веќе екстренерот Коку, па јасно е дека неговиот статус во тимот нема да се смени и ќе биде во прв план и кај новиот тренер.
Куман би требало да биде на клупата за вечерашното дерби против Галатасарај, меч кој се игра во 19 часот, во рамките од 11-тото коло во турскиот шампионат.
Тибо Куртуа ќе брани во Лигата на шампионите и шпанската лига, а Кејлор Навас само во Кралскиот куп на Шпанија. Третиот чувар на мрежата, Кико Касилја, само ќе тренира и во составот може да влезе ако некој од првите двајца е повреден или добие одмор. Ова е намерата на новиот привремен тренер на Реал Мадрид, Сантијаго Солари.
Кај претходниот тренер Хулен Лопетеги, двајцата одлични голмани добиваа шанса. Куртуа бранеше во лигата, а Навас во ЛШ, а Касилја требаше да брани во Купот. Сега, Навас ќе биде ставен во заднина и ќе брани само во Купот, барем според информациите кои ги објавија шпанските медиуми.
Дали ова ќе биде така, наскоро ќе се дознае, бидејќи во наредните неколку дена, Реал ќе игра и во Примера и во елитното континентално натпреварување.
Не само што извојува победа над Сплит од 104:87 во мечот од АБА 2 лигата, туку екипата на МЗТ Скопје Аеродром тоа го направи со стил, играјќи многу убаво за око во некои моменти од мечот.
МЗТ по четврти пат сезонава даде троцифрен број на поени (двапати во АБА 2 и двапати во домашното првенство), офанзивниот капацитет на тимот е неспорен, а тоа може да привлече и повеќе публика на наредните натпревари во регионалната лига.
На трибините во „Јане Сандански“ синоќа имаше околу 1.200 гледачи, a за тие што не беа присутни, еве дел од најатрактивните потези на „штрковите“:
Јусејн Болт е слободен фудбалски играч. Легендарниот атлетичар и светски рекордер на 100 и 200 метри одби да потпише професионален договор со австралискиот тим Сентрал Коуст маринерс. Во изминативе два месеци, Болт играше за оваа екипа, а успеа да даде и два гола.
Сепак, кога дојде време да се потпише и професионален договор, двете страни беа многу далеку од договор. Клубот му понудил 95.000 евра годишно, додека Болт побарал да има годишна плата од 1,8 милиони евра. По оваа огромна разлика во финансискиот дел, дојде до прекин на соработката. Австралискиот клуб се надеваше дека ќе добие спонзорство од локалните фирми, но тоа не се случи и затоа не можеше да му понуди на Болт подобра понуда.
„И покрај фактот дека не најдовме сериозен спонзор, воодушени сме што олимписки првак и светски рекорер беше дел од нашиот тим во изминативе два месеци“, стои во соопштението на клубот. И Болт на пријателски начин се раздели од клубот, посакувајќи му успех во иднина.
Еден од најдобрите атлетичари на сите времиња, откако реши да стави крај на таа кариера, се фокусираше на фудбалот. Во изминатава една година активно тренираше со Борусија Дортмунд, Манчестер јунајтед и уште неколку клубови, но не успеа да потпише професионален договор.
Рома добива значително засилување во пресрет на саботниот меч против Фиорентина. Вчера на тренинг се врати Хавиер Пасторе, кој поради повреда на тетивата од десната нога не играше за „волчицата“ цели два месеци.
Со тренинг започна и младиот Џастин Клајверт, па и тој би можело да биде во конкуренција за настап против „виолетовите“. Де Роси, Карсдорп, Манолас и Пероти тренираа посебно со цел да бидат кондициски подготвени за утрешната пресметка.
Рома по овој дуел патува за Москва, каде што во среда ќе го одигра мечот од четвртото коло во ЛШ против тимот на ЦСКА Москва.
Новиот привремен тренер на Реал Мадрид, Сантијаго Солари, со победа стартуваше на клупата на европскиот првак. Аргентинскиот стратег многу брзо падна во втор план, а овојпат поради неговата сестра. Лиз Солари е помала сестра на Сантијаго.
Лиз е глумица и голема ѕвезда во Аргентина, а посебно во центарот на вниманието беше во 2010 година, кога ѝ се случи една голема трагедија. Таа и нејзиното момче Леонардо Верхаген воделе љубов, а веднаш потоа на Леонардо му се слошило и починал во нејзините раце.
„Отворивме шише вино, слушавме музика, а потоа водевме љубов. Откако завршивме, Леонардо се пожали дека се чувствува лошо и наеднаш падна на подот. Ужасно беше да се гледа како ми умира на рацете“, се присетува Лиз.
Убавата Лиз сега има 35 години, а од неодамна се омажи.
Брахим Абделкадер Дијас може да биде новата ѕвезда на шпанската репрезентација, смета неговиот сонародник и клупски колега, Давид Силва. Брахим го привлече вниманието на светската јавност со синоќешните два гола за Манчестер сити во дуелот со Фулам од ФА купот. Тоа негови први голови на официјален меч како сениор.
„Секогаш сум си замислувал како би било да се скандира моето име од трибините после постигнат гол. Сега успеав и тоа двапати. Како да не е реално ова што се случува. Ви благодарам за честитките, одиме во следната рунда“ – напиша 19-годишниот Шпанец на Твитер.
„Тој е иднината на црвената фурија. Ти честитам момче“ – порача Силва.
Брахим е роден во Малага пред 19 години, а веќе три години е во Сити, откако мина три години во кадетските категории на Малага. Беше репрезентативец на Шпанија за играчи до 17, 19, сега и до 21 година.
Спорт Манија е портал наменет за љубителите на спортот кој почна со работа на 14 септември 2018 година.
Контакт: contact@sportmanija.mk
Спорт Манија © 2018-2023
