-0.2 C
Skopje
вторник, 13 јануари 2026
Дома Blog Страница 35

Ѓоковиќ ги шокираше сите и рече дека е доста, се повлекува!

Трајан Маневски
-
0
Ѓоковиќ ги шокираше сите и рече дека е доста, се повлекува!

Најдобриот тенисер на сите времиња, Новак Ѓоковиќ го напушти Здружението на тениски професионалци (ПТПА), кој самиот го основа во 2019 година, заедно со Васек Поспишил.

Ова е неочекувана одлука на Ѓоковиќ, а Србинот преку соопштение ја образложи својата одлука.

„Внимателно размислив и одлучив во целост да се повлечам од Здружението на тениски професионалци (ПТПА). Оваа одлука ја донесов по долготрајната загриженост во врска со транспарентноста, управувањето и начинот на кој мојот глас и мојот имиџ се претставени. Горд сум на визијата која Васек и јас ја имавме кога го создававме ова здружение, со цел на играчите да им овозможиме посилен и понезависен глас, но сега е целосно јасно дека моите вредности и пристап не се вклопуваат со моменталниот правец во кој се движи организацијата“, беше пораката од Ѓоковиќ.

Рекордерот по бројот на освоени Гренд слем титули се подготвува за првиот од четирите најважни турнири во годината, Отвореното првенство на Австралија.

„Ќе продолжам да се фокусирам на тенисот, на своето семејство и на придонесот во спортот на начин на кој се водам по моите принципи и интегритет. На играчите и сите оние кои се вклучени им посакувам многу успех во понатамошната работа, но за мене ова поглавје е затворено“, додаде Ѓоковиќ.

Гренд слемот во Мелбурн ќе започне на 12 јануари, а Ѓоковиќ ќе атакува на 25-тата Гренд слем титѕула.

Атлетико освои бод на „Аноета“, а можеше и повеќе ако Гризман беше на своето ниво

Никола Ѓуровски
-
0
Атлетико освои бод на „Аноета“, а можеше и повеќе ако Гризман беше на своето ниво

Реал Сосиедад го пречека Атлетико Мадрид на „Аноета“ и пресметката заврши со реми 1-1.

Атлетико веднаш на стартот го притисна противникот, ударот на Хулијан Алварез заврши покрај голот, а потоа следеше мирен период пред бурните моменти во финишот на првото полувреме.

Сосиедад првично постигна погодок преку Серлот, но ВАР го поништи голот поради офсајд.

Норвешкиот напаѓач не се предаде и на стартот од второто полувреме ја затресе противничката мрежа овојпат без потреба за ВАР-интервенција.


Сорлот одлично реагираше на прецизниот центаршут од десната страна на Симеоне и со глава погоди во 50-тата минута за водство од 0-1.

Радоста на гостите траеше само пет минути. Гонсало Гуедеш немилосрдно ја смести топката над Облак за израмнување, 1-1.

Во продолжението Атлетико се обиде да стигне до ново водство. Антоан Гризман имаше голема шанса, излезе сам пред Ремиро, но искусниот голман го прочита неговиот потег и го одбрани ударот.

Со ова реми, Реал Сосиедад се наоѓа на 15-тата позиција со 18 бодови, додека Атлетико останува на четвртото место со 38 поени.

Интер ја победи Болоња и се врати на врвот во Серија А (Видео)

Никола Ѓуровски
-
0
Интер ја победи Болоња и се врати на врвот во Серија А (Видео)

Фудбалерите на Интер ја продолжија доминацијата во Серија А со победа од 3-1 против Болоња на „Џузепе Меаца“ во 18. коло. Тимот на Кристијан Киву се реваншираше за поразот во Суперкупот и се врати на првата позиција на табелата со 39 бодови.

Од првиот судиски свиреж, на теренот владееше само еден тим. Нападите на Турам, Мартинес, Чалханоглу и Бастони создаваа континуирана опасност по голот на Болоња, додека гостите во првите моменти единствено се заканија преку Одгард, но тоа беше краткотраен момент на светлина.

Првото водство за Интер дојде во 39-та минута. Пјотр Зјелински ја круниса одличната акција на Турам и Лаутаро Мартинес и погоди за 1-0, отворајќи го патот кон новата победа.

Две минути по почетокот на второто полувреме, Лаутаро Мартинес со глава зголеми на 2-0 по корнер од Чалханоглу, оставајќи го голманот Раваља без шанса. Аргентинецот можеше да ја заокружи вечерта со уште еден гол, но прво ја погоди пречката, а потоа неговиот шут беше одбранет.

Сепак, во 74-тата минута, после одличен центаршут на Димарко од корнер, Маркус Турам со прецизен удар со рамо ги отстрани сите дилеми и ја потврди победата на Интер.


Болоња успеа да постигне само почесен погодок преку Сантјаго Кастро во 83-тата минута, но тоа не беше доволно да ја загрози доминацијата на домаќинот.

Со оваа победа, Интер се врати на врвот на табелата со 39 бодови, додека Болоња останува на седмата позиција со 26 поени.

ПСЖ ја доби битката со соседот Париз

Никола Ѓуровски
-
0
ПСЖ ја доби битката со соседот Париз

Францускиот и европски првак Пари Сен Жермен успеа да оствари триумф од 2-1 против соседот и нов член на елитата, тимот на Париз. По овој триумф Светците одат на пауза од втората позиција, со еден бод заостанување зад лидерот Ленс, но секако остануваат главни фаворити за шампионската титула.

Дезире Дуе во 45-тата минута го доведе ПСЖ во водство, а Париз израмни од пенал, преку Губелс, во 51-та минута.

Сепак, само две минути подоцна Осман Дембеле повторно донесе предност за ПСЖ, која тимот на Луис Енрике ја задржа до крајот на мечот.

Хари Кејн е отворен за нов договор со Баерн Минхен

Никола Ѓуровски
-
0
Хари Кејн е отворен за нов договор со Баерн Минхен

Англискиот голгетер Хари Кејн јасно стави до знаење дека неговата иднина е цврсто поврзана со Баерн Минхен. Во изјава за „Скај Спорт“, капитенот на англиската репрезентација не ја исклучи можноста за продолжување на соработката со баварскиот гигант и нагласи дека се чувствува одлично во Минхен.

„Да, тоа е апсолутно можно. Убеден сум дека ќе дојде до продолжување на договорот, но во моментов мојот целосен фокус е насочен кон оваа сезона. Искрено, не постои место на кое би сакал повеќе да бидам во овој момент“, изјави Хари Кејн.

Искусниот напаѓач веднаш по пристигнувањето во Баерн се наметна како лидер на теренот и еден од најважните играчи во тимот. Со своите голови и константни одлични настапи, Кејн брзо стана миленик на навивачите на „Алијанц арена“, а неговиот придонес е клучен во борбата за титулата во Бундеслигата и за трофејот во Лигата на шампионите.

Во редовите на Баерн владее задоволство од неговите игри, па раководството на клубот веќе размислува за долгорочна иднина со англискиот ас во нападот. Продолжувањето на договорот би било јасен сигнал за амбициите на клубот и за желбата Кејн да ја продолжи својата кариера на највисоко ниво токму во Минхен.

Иако преговорите засега не се официјално потврдени, изјавите на Кејн дополнително ги засилија шпекулациите дека договорот ќе биде продолжен и дека англискиот напаѓач уште долго ќе го носи дресот на Баерн.

Камерунците закажаа четвртфинале со Мароко на АКН

Никола Ѓуровски
-
0
Камерунците закажаа четвртфинале со Мароко на АКН

Селекцијата на Камерун обезбеди пласман во четвртфиналето на Африканскиот куп нации, откако вечерва во Рабат ја совлада репрезентацијата на Јужна Африка со 2-1 во натпревар од осминафиналето.

„Лавовите“ од Централна Африка ја оправдаа фаворитската улога и покажаа дека имаат потенцијал за продолжување на натпреварувањето, иако дуелот со „Бафана Бафана“ не беше без предизвици.


Следен ривал на Камерун ќе биде домаќинот Мароко, што значи дека тимот ќе мора да покаже уште подобра игра отколку против ривалот од Јужна Африка.

Јужна Африка започна малку поактивно, а нивниот напад го најави погодокот со обидот на Фостер, кој, сепак, беше поништен поради офсајд. Во 34-та минута, Камерунецот Џуниор Чамаду искористи одбиена топка за да го отвори резултатот и да донесе водство за Камерун, во период кога Јужноафриканците мораа да направат и принудна замена поради повредата на Јонгва.

Веднаш по стартот на второто полувреме, Камерун ја потврди предноста. Во 47-та минута, Нагида испрати прецизен центаршут од левата страна, а Кристијан Кофане со глава ја смести топката во мрежата на немоќниот голман Вилијамс за 2-0.

Јужна Африка не се предаде и започна да напаѓа многу поконкретно.

Во 88. минута, Јужна Африка успеа да го намали резултатот преку Евиденс Макгопа, но тоа беше сѐ што можеше да направи на овој дуел. Камерун ја задржа предноста и заслужено славеше, обезбедувајќи пласман меѓу осумте најдобри екипи на континентот.

Ван Дајк преговарал со Реал пред да го продолжи договорот со Ливерпул

Никола Ѓуровски
-
0
Ван Дајк преговарал со Реал пред да го продолжи договорот со Ливерпул

Холандскиот репрезентативец Вирџил ван Дајк бил во преговори за трансфер во Реал Мадрид, објави шпанското издание „Марка“. Според информациите, неговите претставници биле во контакт со Реал и се надевале на позитивен исход за трансфер во Кралскиот клуб.

Сепак, Реал Мадрид го избра поранешниот дефанзивец на Борнмут, Дин Хаусен, по што Ван Дајк одлучил да го продолжи договорот со Ливерпул.

Хаусен се приклучи на Реал Мадрид во јуни 2025 година, а трансферната сума изнесуваше 62,5 милиони евра.


Вирџил ван Дајк го продолжи договорот со Ливерпул до крајот на сезоната 2026/27 во април минатата година.

Селекторот Кире Лазаров го направи и финалниот избор за ЕП, отпаднаа двајца ракометари

Никола Ѓуровски
-
0
Селекторот Кире Лазаров го направи и финалниот избор за ЕП, отпаднаа двајца ракометари

Селекторот на машката ракометна репрезентација на Македонија, Кирил Лазаров, го дефинираше конечниот список пред настапот на Европското првенство што ќе се одржи во Данска, Шведска и Норвешка.

По последната селекција, од првичните 21 ракометар, надвор од составот за континенталниот собир останаа десниот бек Томислав Јагуриновски, поради повреда, и средниот бек Мартин Ивановски.

Преостанатите 19 ракометари ќе ги продолжат подготовките преку настап на подготвителниот турнир во Швајцарија, каде ќе ги одмерат силите со репрезентациите на Бахреин, Украина и со домаќинот.

По ова, македонската репрезентација ќе се пресели во Хернинг, каде на 13 јануари е закажан уште еден контролен натпревар против данскиот прволигаш Митјиланд, како финална проверка пред стартот на Европското првенство.

Енцо Фернандес во 93-та минута му ја одзеде победата на Манчестер сити (Видео)

Никола Ѓуровски
-
0
Енцо Фернандес во 93-та минута му ја одзеде победата на Манчестер сити (Видео)

Манчестер сити и Челзи одиграа нерешено 1-1 на „Етихад“ во 20-тото коло од Премиер лигата.

Во отсуство на прв тренер, шансите на Челзи против Манчестер Сити реално беа минимални. Калум Мекфарлан имаше исклучително тешка задача – да остане непоразен на „Етихад“. Иако немаше голем притисок, бидејќи одговорноста допрва ќе падне на новиот тренер, јасно беше дека сака да остави што подобар впечаток во Манчестер.

Манчестер сити имаше поголема контрола и повеќе простор во првото полувреме, особено во транзицијата, но во завршницата недостасуваше конкретност. Фоден, Бернардо Силва и Рајндерс имаа солидни обиди, а најопасна беше шансата на Ерлинг Халанд кој ја префрли топката кон спротивната статива.

Тоа како да го најави голот во 42-та минута. Бадијашил направи катастрофална грешка со лошо додавање на средината, Сити ја презеде топката, а по обидот за додавање кон Халанд, топката стигна до Тијани Рајндерс кој прецизно погоди во поблискиот агол од голот на Роберт Санчес за водство од 1-0.

Челзи се обиде да реагира во продолжението. Мекфарлан веднаш го внесе Андреј Сантос наместо Естевaо, додека Манчестер сити доживеа пех со повредата на Јошко Гвардиол, која не изгледаше наивно.

Во второто полувреме, Сити не успеа да создаде посериозни шанси, додека Челзи беше блиску до израмнување преку Педро Нето, кој од неколку метри очајно шутираше.

Со влегувањето на Лијам Делап по еден час игра, нападот на Челси доби на физичка моќ. Напаѓачот се движеше одлично, задржуваше топка и создаваше простор за соиграчите.

Кога изгледаше дека трите бода ќе останат во Манчестер, следуваше шок во третата минута од судиското продолжение.
Мало Густо нафрли од десната страна, топката помина низ целиот петерец и стигна до Енцо Фернандес, кој од непосредна близина ја смести во мрежата на Џиџи Донарума за конечни 1-1.

Овој исход најмногу ги израдува навивачите на Арсенал, кој во следното коло ќе влезе со шест бодови предност во однос на Граѓаните.

Аморим избувна на прес: Јас сум менаџер, а не тренер на Манчестер јунајтед

Никола Ѓуровски
-
0
Аморим избувна на прес: Јас сум менаџер, а не тренер на Манчестер јунајтед

Менаџерот на Манчестер jунајтед, Рубен Аморим, ја напушти прес-конференцијата по ремито на неговиот тим против Лидс на гостински терен.

Пред да замине, Аморим упати остри пораки до раководството на клубот во врска со својата иднина на клупата на Црвените ѓаволи. Тимот што го води Аморим испушти бодови по вторпат за само четири дена, откако Лидс поведе со голот на Аронсон, а израмнувачкиот погодок го постигна Матеус Куња во 65-та минута. Сепак, Манчестер јунајтед не успеа да стигне до победа.

Аморим на прес-конференцијата јасно стави до знаење дека не е само тренер, туку менаџер кој сака целосна контрола. Тој најави дека ќе се откаже од својата формација 3-4-3, но претходно ќе треба време и значителни инвестиции за да го реализира својот план.

„Дојдов овде за да бидам менаџер на Манчестер јунајтед, а не тренер. Секој оддел, скаути, спортски директор, треба да ја работи својата работа. Јас ќе ја работам мојата 18 месеци, а потоа ќе видиме што ќе следува“, истакна Аморим.

На прашањето дали има доверба од клубот, тој додаде:


„Забележувам дека се даваат селективни информации за сè. Јас сум тука за да бидам менаџер, не тренер. Тоа е јасно. Не сум Тухел, Конте или Мурињо, јас сум менаџер на Манчестер јунајтед. Ова ќе трае 18 месеци или додека управата не одлучи да донесе друг. Јас нема да се откажам.“

Аморим потоа повтори: „Јас сум менаџер, не тренер. Тоа е мојата улога. Ако некој не може да се справи со критики од Гери Невил или некој друг, тогаш мораме да го менуваме клубот.“


По овие зборови, тој ја напушти салата, иако новинарите се подготвуваа за дополнителни прашања.

1...343536...10.363Страна 35 од 10.363

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023