Излегувањето на Велика Британија од Европската Унија го загрозува и останувањето на Велшанецот Герет Бејл во Реал Мадрид. Бејл е еден од 800-те илјади граѓани на Обединетото Кралство кои живеат и работат низ земјите на ЕУ. Сите тие може да останат без работа по 29-ти март бидејќи ќе немаат работна дозвола, документ кој досега не им беше потребен.
Официјалните лица на британската амбасада во Мадрид тврдат дека законите сепак ги штитат нивните граѓани, но и агентот на Бејл, Џонатан Барнет, вели дека не е сигурен што ќе се случува во иднина и се надева дека политичарите ќе постигнат договор со кој ќе ги снема проблемите.
Освен Бејл, од Британците во Шпанија игра и Патрик Робертс, кој е позајмен од Манчестер сити во Жирона.
Голден стејт вориорс го најде победничкиот ритам, ноќеска шампионот ја запиша шестата последователна победа совладувајќи ги Њу Орлеанс пеликанс со 147:140. Избраниците на Стив Кер го израмнија својот рекорд во постигнати кошеви од линијата за три поени, погодија вкупно 24, а девет од нив реазлизираше Стеф Кари, кој заврши со неверојатни 41 поен.
Расположен беше и Кевин Дурант, кој оствари двоен учинок од 30 поени и 15 скока. Кошаркарите на Њу Орлеанс се обидоа на секаков начин да го спречат налетот на „воините“, најефикасен беше Ентони Дејвис со 30 поени и 18 скока, Миротиќ постигна еден помалку.
Хјустон рокитс го претрпе 19-тиот овосезонски пораз откако на домашен терен загуби од Бруклин нетс со конечни 145:142 по продолжение. Ниту монструозните 58 поени на Џејмс Харден не беа доволни за „ракетите“ да избегат разочарување пред својата публика. Импресивен натпревар одигра Спенсер Динвиди, кој постигна 33 поени и додаде 10 асистенции за дабл-дабл учинок, а блескаше и младиот центар на Нетси, Џерет Ален со 20 поени и 24 скока.
Брадата воедно го запиша и 18-тиот последователен натпревар во кој постигнува 30 или повеќе поени, штета што не го круниса со позитивен резултат.
Бостон селтикс вторпат сезонава го совлада тимот на Торонто репторс откако средбата во „ТД гарден“ заврши со конечни 117:108 во корист на „келтите“. Кајри Ирвинг по подолго време блесна во дресот на Бостон, па го предовдеше својот тим до 26-тата победа со двоен учинок од 27 поени и 18 асистенции.
Ленард на другата страна беше најрасположен, застана на 33 поени.
Резултати НБА:
Голден стејт вориорс – Њу Орлеанс пеликанс 147:140
Хјустон рокитс – Бруклин нетс 142:145 (по продолжение)
Бостон селтикс – Торонто репрторс 117:108
Детроит пистонс – Орландо меџик 120:115 (по продолжение)
Македонија веќе нема што да калкулира. Утре попладне на дуелот против Исланд, избраниците на селекторот Раул Гонзалес мора да победат ако сакаат да завршат на третото место во групата, кое води во главната групна фаза.
По досегашните четири одиграни меча, Хрватска и Шпанија се со максимални четири победи, додека Македонија и Исланд имаат по два триумфа и два порази. Сепак, Исланд е пред Македонија, и тоа поради подобрата гол-разлика. „Рибарите“ имаат позитива од 11 голови, додека нашите ракометари се со негативна гол-разлика од шест погодоци, а тоа значи само едно.
Македонија утре мора да брка победа против Исланд. Нерешено не одговара бидејќи на тој начин двете селекции ќе имаат по пет бода, но Исланд ќе остане на третото место, а Македонија ќе заврши четвртопласирана и ќе извиси за место во групната фаза.
Леганес го совлада Реал Мадрид со 1-0 во реваншот од осминафиналето во Купот на Шпанија, но во следната фаза оди Кралскиот клуб бидејќи првата средба заврши со триумф на Реал од 3-0.
Погодокот за Леганес го даде Данецот Мартин Браитвајте во 30-тата минута, откако добро се снајде во една мешаница во петерецот пред голот на Кејлор Навас. За него, ова е прв погодок во дресот на малиот клуб од Мадрид.
Од 32 меча сезнава, Реал само на 12 не прими гол. Од шпанските прволигаши, само Уеска има примено повеќе голови сезонава од Реал. Ако ништо друго, фаворитот барем му се реваншираше на Леганес за ланската елиминација во ова исто натпреварување.
Интересно е што Иско по подолго време беше стартер, а кога тој игра, Реал има 7 победи на 12 меча. Кога не игра Иско, Реал ги доби сите натпревари.
Сент Етјен со третата лигашка победа по ред, а десетта во сезоната, овојпат над Олимпик Марсеј со 2-1, изби на третото место на табелата во француската лига само со бод помалку од вториот Лил, а два повеќе од четвртиот Лион.
Тунижанецот Вахби Казри беше јунакот на „светците“ во зелени дресови. По водството на Марсеј преку Стротман во 16-тата минута, Казри во 59-тата изедначи од пенал, а во 88-мата со прекрасен шут ја затресе мрежата на гостите и на својот тим му донесе големи три бода.
Некогашниот европски првак Марсеј не знае за победа уште од 25-ти ноември и сега е само деветти на табелата, но има и еден меч помалку и бодовно не заостанува многу зад екипите кои се борат за излез на европска сцена.
По победата на Јувентус над Милан во Суперкупот на Италија, во соблекувалната на славениците се појави и боксерот Флојд Мејведер. Американецот кој е познат по тоа што нема пораз во својата категорија и се расфрла со пари, овојпат сакаше да се фотографира со пехарот кој го освои Јуве и позираше со некои од ѕвездите во тимот, како Роналдо, Пјаниќ и Кјелини.
Кристијано Роналдо откако го освои својот прв трофеј како член на Јувентус, кажа дека условите за игра биле тешки поради топлото време во Џеда во Саудиска Арабија, каде што се одигра средбата.
„Условите беа многу тешки поради топлото време. Игравме добро, креиравме шанси, се разбира дека сум среќен што го дадов победничкиот гол и што оваа 2019 година ја почнав со трофеј. Ова ми е прва титула со Јувентис и драго ми е поради тоа. Ова е само почеток, одиме чекор по чекор. Серија А секогаш е примарна цел за Јувентус, на врвот сме, но сезоната е долга, мора да бидеме внимателни“, изјави Роналдо.
Кирил Лазаров, kапитенот на македонската машка ракометна репрезентација, по поразот од Шпанија бараше позитивни работи и кажа дека тимот останал свеж пред клучниот натпревар со Исланд, кој е закажан за утре во 18 часот.
„Мислам дека одигравме квалитетно прво полувреме, се однесувавме без калкулирање, мислам дека заслуживме да водиме со разлика од 3-4 гола. Едноставно, на стартот на второто полувреме се случи тоа што се случи, ќе видиме како ќе биде утре. Утре е финалето за нас. Денеска можевме да бидеме во егал до 59-тата минута и да загубиме, а вака ја зачувавме свежината. Бевме расположени, но се случи падот, Шпанците го искористија тоа. Треба да го заборавиме мечов, зачувавме сили и се фокусираме на утре. На секој меч одевме на победа, не правевме калкулации дека има однапред добиени и загубени мечеви. Исланд покажа квалитет, подмладени се, но Палмарсон им е предводник. Незгодни се, ќе биде тешко, но ќе дадеме сè од себе“, рече Лазаров.
Голманот Никола Митревски потврди дека на утрешниот дуел гледаат како на финале.
„Одигравме одлично прво полувреме и во нападот и во одбраната. Од 20-тата минута почнаа проблемите во нападот. По катастрофалниот почеток на вториот дел, лесно се предадовме. Младите влегоа незаинтересирано, како да е загубен мечот иако имаше уште 25 минути. Почнав одлично, но потоа добив удар во слабината и во второто полувреме не продолжив во ист ритам. Знаевме дека дуелот со Исланд ќе биде клучен и мора да играме паметно, трпеливо. Ретко кој може да игра 60 минути без осцилации, но битно е грешките да не се одразат на резултатот. Исланд е опасен на сите позиции, треба добро да се подготвиме. Мечот против Исланд е како финале за нас“, рече Митревски.
Поразот од Шпанија од 21:32 не е толку болен, бидејќи калкулациите кажуваат дека утре, од 18 часот мора да се совлада Исланд за пласман во следната фаза на Светското првенство, но можеби начинот на којшто се предадовме во второто полувреме по одличното прво, дава причина за незадоволство кај фановите. И по седмиот меѓусебен дуел против Шпанија, имаме седум порази.
Откако Македонија беше одлична и губеше само со 12:13 по првите 30 минути, серијата од 5-0 на Шпанија на стартот на второ полувреме покажа „колку е часот“, одеднаш „црвената фурија“ во 33-тата минута се одлепи на плус шест и сè беше готово.
Пешевски со 6 гола беше најефикасен во македонскиот тим, капитенот Лазаров даде пет, сите во првото полувреме, а Кузмановски заврши со 4.
Резервистите добија шанса да играат меч против актуелниот европски првак и да собираат искуство. Беше јасно дека Македонија ќе биде поразена од Шпанците и прашање беше само со колкава разлика ќе заврши мечот, но добро е што одморија главните играчи пред утрешниот најважен меч со селекцијата од островската земја на северот на Европа.
Жирона приреди големо изненадување во осминафиналето на Шпанскиот куп елиминирајќи го Атлетико Мадрид. Вечерва на „Ванда Метрополитано“ Жирона даде три гола против најдобрата одбрана во Шпанија и со резултат 3-3 оди во четврт-финалето, откако првиот меч заврши 1-1.
Атлтико водеше со 1-0, па Жирона со 2-1, следуваше нов пресврт и водство на „јорганџиите“ од 3-2 со гол на Антоан Гриезман во 85-тата минута. Но, само три минути подоцна, Атлетико капитулираше и по трети пат, а стрелец на голот за Жирона беше Сејду Думбија, по шутот на Борха Гарсија. Имаше шест минути судиско продолжување по истекот на регуларните 90 минути, но Атлетико не успеа да постигне уште еден погодок, па гостите од Каталонија се радуваа.
Жирона првпат е во четврт-финалето, а Атлетико првпат со Чоло Симеоне на клупата не успеа да влезе во четврт-финалната фаза.
Погледнете го голот со кој Жирона се планираше меѓу осумте најдобри во кралскиот куп Копа дел Реј:
Монако и Ница ремизираа при конечни 1-1 во рамките од презакажаното 17-то коло во Лига 1. Средбата го одбележа првиот судир меѓу поранешните соиграчи од Арсенал, Тјери Анри и Патрик Виера, кои како тренери на Монако, односно Ница другарски си ги поделија бодовите.
Сент-Максимин донесе предност за гостите во 30-тата минута од мечот, но Монако брзо се врати во вториот дел, и тоа со помош на технологијата на гол-линијата. Дефанзивецот Бадијашиле беше највисок во скокот при еден корнер на домашниот состав, а по ударот, противничкикот голман не стигна навреме да ја извади топката која ја помина линијата од голот.
Стрелецот на единствениот гол за Ница имаше шанса да им донесе цели три бода на гостите од овој меч, но во 77-maта минута Сент-Максимин не погоди од белата точка.
Монако и по четири средби не може да оствари позитивен резултат, и натаму е во црвената зона со 15 бода, Ница го запиша третото реми во последните пет првенствени средби, па со 30 бода останува на шестото место.
Ние користиме колачиња за да се погрижиме да ви го дадеме најдоброто искуство на нашата интернет-страница. Ако продолжите да ја користите оваа страница, ќе претпоставиме дека сте задоволни со неа.
