Без наслов - Страница 9612

Андерсон го совлада Ѓоковиќ на Лејвер купот

Тенис

-

23.09.2018

Јужноафриканецот Кевин Андерсон го надигра Новак Ѓоковиќ со 6-7, 7-5, 10-6 во Лејвер купот, натпреварување во кое европските тенисери играат против тенисерите од другите континенти низ светот. Ѓоковиќ загуби и во двојки кога играше во тандем со Роже Федерер, но ќе има прилика да се извади бидејќи на последниот, можеби, решавачки меч од Лејвер купот, ќе се сретне со Ник Кирјос.

Европа води против остатокот од светот со 7:5. Правилата се такви што на првите два дена, победа носи два поени, но во третиот ќе носи три. Во тој последен ден, Ѓоковиќ ќе го има последниот збор.

Најпрвин, Федерер и Зверев ќе играат со Иснер и Сок, па ќе има два сингл меча Федерер – Иснер и Зверев – Андерсон, а за крај, кога можеби и ќе се одлучува победникот, Србинот ќе ја брани честа на Европа против Австралиецот со грчко потекло.

Последно Суперкласико за Тевес?

Златко Јуруковски

-

23.09.2018

0

Најлутите аргентински ривали, Бока јуниорс и Ривер плате, вечерва од 22.45 часот ќе се сретнат во ново Суперкласико, а тоа може да биде и последно дерби во кариерата за Карлос Тевес. Популарниот Апачи откако се врати во роднага земја од Кина, има дадено само 7 гола на 24 меча и сега често е резерва во тимот на тренерот Мауро Зарате.

Тевес, кој некогаш беше во редот на елитни светски напаѓачи, има 34 години и можеби последен пат ќе игра на „Ла Бомбонера“ против градскиот ривал од Буенос Аирес. Наредниот првенствен меч на овие клубови ќе биде кон крајот на 2019 година.

Невообичаено, но вечерашната пресметка меѓу Бока и Ривер не е најважниот дуел за двата тима. Главниот тест им е во среда, во реваншите од четврт-финалето на Копа Либертадорес. Бока игра со бразилски Крузеиро и брани предност од 2-0, а Ривер го пречекува Индепендиенте, откако на гости одигра 0-0.

Џошуа го среди Поветкин, најавува обединување на титулите (Видео)

Златко Јуруковски

-

23.09.2018

0

Британецот ги искористи предностите што е помлад, доста повисок и со подолги раце од Поветкин. Ја чекаше својата шанса и ја дочека. Поветкин, кој има 39 години, потроши доста сила во првите рунди, кога беше поопасен од очекувањата, а потоа му падна концентрацијата и за првпат во кариерата беше нокаутиран.

„Поветкин беше тежок предизвикувач и го докажа тоа. Тој е силен во главата, но послаб во телото. Сакав да ги правам истите работи како во тренинг-салата. Имав голем притисок од големите очекувања на навивачите. Оваа борба да беше пред неколку години, веројатно немаше да победам. Сега би сакал борба со Вајлдер“, изјави Џошуа.

Џошуа кој сега има 22 победи, од кои 21 со нокаут,0020може мирно да го чека исходот од пресметката за титулата во ВБЦ верзијата, закажана за 1 декември, помеѓу Донте Вајлдер и Тајсон Фјури.

Ленокс Луис во 2000 година е последниот боксер кој ги имаше обединето сите титули во тешка категорија.

https://twitter.com/twitter/statuses/1043620483277701120

Реал повторно има словенечка ѕвезда

Златко Јуруковски

-

23.09.2018

0

Реал Мадрид ја совлада Басконија со 80:73 во финалето на шпанскиот Суперкуп и продолжи со освојување трофеи, откако во минатата сезона беше шампион во Евролигата и шпанското првенство.

И по заминувањето на Лука Дончиќ во НБА, во Реал повторно има словенечки бек кој се наметнува и може да биде новата ѕвезда во Кралскиот клуб. Станува збор за Клемен Препелич, шутерот кој од 27-мата до 33-тата минута даде 13 поени и заостанувањето на Реал од 50:56, го претвори во предност од 69:64.

Сепак, МВП на финалниот турнир е Серхио Љуљ, кој во финалето даде 15 поени и имаше најголем индекс на корисност. Љуљ го одигра јубилејниот 700-ти меч како играч на Реал и има 17 пехари. Тој е на второто место по бројот на одиграни натпревари во белиот дрес, зад Фелипе Рејес, кој има 922.

За Реал ова е прв Суперкуп по четири години. Со тренерот Пабло Ласо на клупата, од 2011 година наваму мадридскиот гигант има дури 16 трофеи.

Асенсио е чувар на серијата на Реал Мадрид, 22 години без домашен пораз од Еспањол

Зоран Поповски

-

22.09.2018

0

Шпанскиот репрезентативец Марко Асенсио со гол во 41. минута му донесе победа на Реал Мадрид против Еспањол и сочува една неверојатна традиција и серија.

Реал Мадрид нема пораз на „Сантијаго Бернабеу“ од Еспањол точно 22 години и тоа е една од најдолгите серии во светот на фудбалот.

По пет одиграни натпревари Реал Мадрид е лидер во Ла Лига со 13 бодови, но Барселона со победа утре против Жирона може да се врати на врвот со максимален учинок и 15 бодови

Има гол, нема гол – Третата среќа е за Брозовиќ и Интер

Зоран Поповски

-

22.09.2018

0

Марсело Брозовиќ беше побрз од судијата Марко Гвида и во неверојатно драматичен финиш со гол во 94. минута му донесе победа на Интер против Сампдорија.

До самиот финиш фудбалската приказна во Џенова беше приспивна, а темпераментните Италијанци се разбудија во последните моменти и приредија вистинска драма.

Најпрво во 89. минута Асамоа постигна гол, но по интеревенција на луѓето што раководат со ВАР системот, беше поништен водечкиот погодок на Интер.

Во следниот напад Сампдорија даде гол, прецизен беше Грегори Дефрел, но и тој погодок беше поништен, оправдано поради офсајд.

Трета среќа имаше Марсело Брозовиќ, кој конечно постигна регуларен гол, вреден три бода за Интер. Дилеми немаше во четвртата минута од судиското продолжение, па Интер во фото-финиш ги освои бодовите во Џенова.

Мурињо во свој стил: Едвај чекав да заврши мечот со Вулверхемптон

Зоран Поповски

-

22.09.2018

0

Жозе Мурињо не е задоволен од претставата на неговите избраници на дуелот со Вулверхемптон, а ремито дома, 1:1 секако е несупех за „црвените ѓаволи“.

„Не ми се допаѓаше тоа што го гледав денеска на теренот. Едвај чекав да заврши мечот“, изјави Мурињо во свој стил.

Манчестер јунајтед имаше предност од 1:0 по голот првенец на Фред, но Мутињо со прекрасен гол израмни на 1:1 и им донесе голем бод на популарните „волци“.

Ремито доаѓа во незгоден момент и за Мурињо и за Јунајтед, откако се чинеше дека се смирија страстите во клубот, по трите победи едноподруго.

Манчестер јунајтед по само шест кола го губи здивот во битката за врвот на табелата во Премиерлигата и има осум бодови помалку од лидерот и голем ривал Ливерпул.

Американците немаа милост кон домаќинот

Одбојка

Зоран Поповски

-

22.09.2018

0

Одбојкарите на САД немаа милост кон еден од двата домаќини на Мундијалот, Бугарија и ја декласираа со 3:0 во сетови.

На домаќините им беше потребна победа за да бидат блиску до следниот круг и пласман во завршницата, но Американците одиграа чесно и славеа убедливо.

Првиот сет го добија со 25:20, идентично беше и во вториот сет, а крајот беше уште поубедлив со 25:18 за лидерот во Г групата. САД има 7 победи и сигурно ќе игра во завршницата, а Бугарија, Иран и Канада имаат речиси еднакви шанси за второто место.

Претходно Канада го победи Иран со 3:2, Србија и Белгија беа убедливи со по 3:0 против Аргентина, односно Австралија, а Холандија ја победи Финска со 3:1.

Барсегјан славенички, Вардар победнички

Зоран Поповски

-

22.09.2018

0

Тигран Барсегјан кога погодува Вардар нема проблеми и победува. И вечерва беше така во малку поинаква, славеничка атмосфера за ерменскиот репрезентативец и победничка за Вардар.

Барсегјан денеска слави 25. роденден, а сам си подари најубав подарок, мајсторски гол во 29. минута, со што беше начнат отпорот на соседот Работнички. Сам, мајсторски ја измеша одбраната на „романтичарите“, го остави без компас Херера и погоди во долниот агол на домашниот гол. За предност од 1:0, која потоа во вториот дел со погодок ја удвои Брдаровски.

Вардар ја прекина мини-серијата од две победи на Работнички во меѓусебните дуели и со нови три бода е лидер со 14 бодови.

„Црвено-црните“ имаа два бода повеќе од Академија Пандев и три од Шкендија, но со меч повеќе. По вечерашниот пораз Работнички остана на четвртото место со 9 бодови.

Утре од 15,30 часот се играат преостанатите четири натпревари од шестото коло.

Фаворитите како по договор, два гола се доволни за победа

Зоран Поповски

-

22.09.2018

0

Трите големи фаворити, Тотенхем, Атлетико Мадрид и Баерн Минхен забележаа гостински победи во домашните првенства, а рецептот е ист, доволни им беа по два гола за три бода.

Само Тотенхем прими гол на дуелот со Брајтон, но и тоа не им ја загрози победата. Кејн од пенал и Ламела погодија за сигурни 2:0, па голот на Нокарт во 93. минута не беше доволен за успех на Брајтон.

Баерн Минхен по сличен рецепт со по еден гол во двете полувремиња го победи Шалке 04 во германското дерби. Дилемите околу победникот ги разрешија Родригез и Левандовски со по еден гол.

Во градското дерби на Мадрид јунак на мечот и победата на Атлетико Мадрид беше Томас Лемар. Најпрво во 14. минута со прекрасен удар го принуди голманот Сорија да си постигне ефектен автогол, а потоа и сам ја затресе мрежата во 60. минута.