Без наслов - Страница 9613

Ова е денот на Роберт Левандовски (Видео)

Трајан Маневски

-

22.09.2018

Баерн Минхен вечерва ќе гостува кај Шалке во Гелзенкирхен, во можеби еден од најинтересните мечеви во Бундеслигата за ова коло. Актуелниот првак е голем фаворит против тимот кој лошо стартуваше во Бундеслигата. Роберт Левандовски е играчот кој е задолжен за погодоци во тимот на Баерн.

Ако се гледа според минатото, ова е ден на кој Левандовски направи чудо. Пред точно три години на 22 септември, на „Алијанц Арена“ гостуваше Волфсбург. Левандовски беше на клупата за резерви, а гостите на полувремето водеа со 1:0. На почетокот на вториот дел влезе полскиот голгетер и нашрави вистинско шоу.

Во периодот од 51 до 60 минута на неверојатен начин даде дури пет гола. Попрецизно, на Левандовски му беа потребни 8 минути и 59 секунди за пет погодоци што е рекорд кој тешко дека некогаш ќе биде соборен.

Дончиќ буквално е наследник на Новицки

Томас Ѓорѓиевски

-

22.09.2018

0

Тренерот на Далас маверикс, Рик Карлајл, посочи дека планира да го игра Лука Дончиќ на позицијата четири, односно крилен центар, позицијата која во изминативе години ја покриваше Дирк Новицки. Како што се предвидуваше дека младиот Словенец ќе биде наследникот на германскиот ветеран во тимот на Далас, Дончиќ сега и буквално ќе го наследи шестиот најдобар стрелец во историјата на НБА, додека Новицки во главно ќе влегува од клупата да помогне на својот тим.

„Дирк знае каков е мојот план за претстојната сезона. Во прв план мора да биде тимот, со цел да остваруваме што повеќе позитивни резултати. Денис, Метјуз, Херисон, Дончиќ и Џордан се играчите кои ќе бидат во првата петорка, додека Новицки ќе ни биде „тајното оружје“ од клупа“, истакна Карлајл.

Четириесетгодишниот Новицки минатата сезона остваруваше просек од 12 поени и 5,7 скокови по натпревар, за 24 минути поминати на теренот. Со доаѓањето на овогодинешниот трети пик на драфтот, слободно може да се каже дека Новицки доби рамноправен наследник, кој допрва треба да докаже зошто беше избран за најдобар млад играч во Европа и во финалето од Евролигата за минатата сезона.

Лопетеги смета дека против Еспањол ќе биде потешко отколку со Рома

Трајан Маневски

-

22.09.2018

0

Го нема Кристијано Роналдо, но засега нема проблеми ни за Реал Мадрид. „Кралскиот клуб“ победи во Лига на шампиони против Рома со 3:0, а и во домашното првенство игра сигурно. Вечерва на „Сантијаго Бернабеу“ гостува Еспањол, а домашните навивачи очекуваат сигурна победа.

Поради повреда кај Реал ќе го нема Даниел Карвахал, a тренерот Хулен Лопетеги ќе го одмори и Тони Крос. На голот наместо Кејлор Навас ќе биде Тибо Куртоа. Иако Реал е голем фаворит, Лопетеги вели дека дуелот ќе биде тежок.

„Мечот против Еспањол ќе биде најтешкиот за нас на домашен терен во досегашниот дел од сезоната. Треба да правиме повеќе ротации во екипата“, рече стратегот на Реал.

Со оваа изјава Лопетеги сака да потенцира дека очекува мечот против Еспањол да му биде потежок од тој во Лигата на шампиони против Рома. Интересно е што на последниот меч меѓу овие ривали Еспањол победи со 1:0.

Ако се игра на голови, традицијата покажува дека дури шест меча во низа добитен бил типот НГ, односно барем едниот тим да не даде гол. Во оваа ситуација тоа сигурно би требало да биде Еспањол.

Карим Бензема на овој меч ќе треба да покаже дека е во форма, бидејќи му се заканува преселба на клупата за резерви, каде својата шанса ја чека Маријано Дијаз. Тој одлично ги искористи своите минути на мечот против Рома и даде прекрасен гол.

Се очекува „дожд“ од голови на Хофенхајм – Борусија Дортмунд

Трајан Маневски

-

22.09.2018

0

Борусија Дортмунд и Хофенхајм немаат многу време за одмор по тешките гостувања во Лигата на шампиони. „Милионерите“ успешно поминаа на гости кај Бриж, а Хофенхајм испушти победа во Украина кај Шахтер. Сега во меѓусебна пресметка ќе се борат за бодови во Бундеслигата.

Двете екипи се докажани како омилени ако сакате да типувате на голови. Офанзивна е филозофијата за игра на терен и кај Борусија и кај Хофенхајм. Тоа го покажуваа и традицијата на меѓусебните дуели.

Дури 13 од последните 14 средби на овие противници завршиле со типот „гол-гол“, односно да се тресат мрежите на двата тима. Не само дека ќе има голови на двете страни, туку средбите најчесто завршувае со по три погодоци. На 11 од тие 14 натпревари е добитен типот ГГ 3+.

Ако се знае дека и сега не е ништо сменето, јасно е дека треба да има голови и попладнево на стадионот во Хофенхајм. Гостите ќе бидат без Топрак, додека домаќините немаат некои посериозни проблеми со повредени или суспендирани играчи.

Според коефициентите шансите за победа се речиси израмнети, па затоа како најсигурна опција е да се типува на проверената комбинација со голови.

Вардарци го пречекуваат омилениот противник

Златко Јуруковски

-

22.09.2018

0

Првиот домашен натпревар на Вардар сезонава во Лигата на шампионите во ракомет, е денеска од 17.30 часот против шведски Кристијаштад, ривал од кој македонскиот првак не знае за пораз.

Досега овие два тима се среќавале шест пати, и Вардар има шест победи, од кои најубедлива беше онаа од минатата сезона, на 2 декември 2017 година, кога во „Јане Сандански“, конечниот резултат беше 31:15.

Реновираниот состав на Вардар, предводен од новиот тренер Роберто Гарсија Парондо, одлично стартуваше сезонава во ЛШ, со победа од 27:24 на гостувањето кај европскиот првак Монпелје, па дуелот со Кристијанштад треба да биде потврда на големата победа од првото коло.

„Овој меч е многу важен за нас. Првпат сезонава ќе играме пред нашата публика, фокусирани сме, и очекувам во сите 60 минути да одиграме константно добро. Ако успееме во тоа, ќе може да дојдеме до нови бодови. Борозан го чувавме на мечот од СЕХА лигата, и тој денеска ќе биде во составот“ – изјави Парондо.

Швеѓаните во првото коло беа поразени со 30:32 против Мешков Брест. Вардар има уште една убава традиција против Кристијанштад. Дома секогаш дава повеќе од 30 гола.

Поединечните билети се продаваат по цена од 350 денари за местата на трибините, и 400 денари за А блоковите.

Кејхил најави заминување од Челзи во јануари

Томас Ѓорѓиевски

-

22.09.2018

0

Дефанзивецот на Челзи, Гери Кејхил, најави заминување од редовите на „сините“ во јануарскиот преоден рок. По доаѓањето на Маурисио Сари на клупата, англискиот дефанзивец не успева да се наметне во неговите планови, а константното изоставување од почетниот состав го натера да размислува за иднина надвор од Лондон.

„Морам да донесам одлука која ќе биде добра за мојата фудбалска кариера. Не можам да седам на клупа цела сезона и да гледам како моите колеги играат. Кратка е кариерата на фудбалерите, јас сѐ уште имам желба да се натпреварувам, да се борам за моето место, но, ако не добивам шанса тука, ќе ја барам на некое друго место“, истакна Кејхил.

Триесет и двегодишниот дефанзивец сезонава сѐ ги чека првите минути под водство на Сари, иако во сезоната 2016/17 беше именуван за капитен на тимот од страна на Антонио Конте, во сезоната која Челзи ја освои титулата во Премиер лигата. Неговиот договор истекува кон крајот на јуни 2019 година, но Кејхил може да заигра за друг клуб веќе во јануари.

Како најзаинтересирани за неговите услуги се споменуваат Њукасл, Евертон и Вотфорд.

Мурињо се фали дека Манчестер има добра одбрана

Трајан Маневски

-

22.09.2018

0

Манчестер јунајтед е во серија од три победи по ред (две во првенството и една во ЛШ), а оптимизмот кај тренерот Жозе Мурињо нагло се зголеми. „Црвените ѓаволи“ попладнево на својот „Олд Трафорд“ се домаќини на Вулверхемптон. Противникот може да се нарече и „португалска колонија“, бидејќи во стартниот состав има дури петмина играчи од Португалија. Токму тие играчи се научени да играат офанзивен фудбал и треба да покажат дали се подготвени да се справат со фаворит како што е Манчестер јунајтед.

Мурињо е расположен, а пред мечот и не штедеше пофални зборови посебно за дефанзивниот ред на неговиот тим.

„Сега играме многу подобро. Конечно почнавме да се справуваме и со проблемите кои ги имавме во одбраната. Не сакам да кажам дека причина за лошата одбрана беа Бејли или Џонс, но сега играат Смолинг и Линделоф. Мислам дека тимот игра солидно на сите позиции. Се е подобро кога се има добри резултати“, рече Мурињо.

Традицијата дека Манчестер нема да прими гол против Вулверхемптон и не е многу уверлива. Точно е дека „црвените ѓаволи“ победиле на четири од овие пет средби, но на дури четири од нив „волците“ успеале да дадат гол. Дали Мурињо ќе успее да ја сопре „португалската“ офанзива на гостите треба да видиме попладнево со почеток од 16 часот.

Трабзон се откажа од турската Суперлига

Томас Ѓорѓиевски

-

22.09.2018

0

Трабзонспор го откажа своето учество од Суперлигата во Турција, поради финансиски проблеми. Трабзон е вториот тим кој го откажа своето учество во Суперлигата, откако поради исти причини претходно се откажа и Ескишехир.

Иако сѐ уште нема официјална потврда, турските медиуми велат дека ова наскоро ќе се случи, бидејќи клубот нема ниту еден ангажман, додека против низ се отворени 12 случаи од страна на ФИБА. Дополнителен проблем создава и забраната од ФИБА за нови ангажмани, но и без неа клубот не може да финансира играчи.

Погба цела сезона ќе биде под „лупата“ на Барселона

Томас Ѓорѓиевски

-

22.09.2018

0

Барселона крои планови како да го купи Пол Погба следното лето. Скаути на клубот веќе го следат секој негов натпревар во дресот на Манчестер јунајтед, а тоа ќе го прават до крајот на сезоната.

Oд таборот на Барселона веруваат дека Французинот и покрај тоа што сезонава остана на „Олд трафорд“, негов план е да си замине од Манчестер следното лето, а „каталонците“ сметаат дека со понуда од 100 милиони евра ќе успеат да го придобијат. Голема помош ќе добијат и од агентот на Погба, Мино Раилоа, кој не е во добри односи со раководството на Јунајтед и се верува дека на лето ќе притиска за продажба на својот клиент.

Скаутите на клубот го следеа и натпреварот против Јанг бојс во Лигата на шампионите, во кој Погба реализираше два, а асиситраше на еден погодок и беше избран за играч на мечот во победата од 3-0. Планот ќе се спроведе и денес на средбата Манчестер јунајтед – Вулверхемптон, скаутите на Барса ќе го проследат настапот на Погба против „волците“ од трибините на „Олд трафорд“.

Тандемот Ѓоковиќ – Федерер загуби во Лејвер купот

Томас Ѓорѓиевски

-

22.09.2018

0

Новак Ѓоковиќ и Роџер Федерер загубија во првиот настап како тандем, во Лејвер купот со 2-1 во сетови од парот Кевин Андерсон и Џон Сок. Новак и Роџер важеа за фаворити на овој дуел, мечот го загубија иако стигнаа до водство од 1-0 во првиот сет по тајбрејк.

Јужноафриканецот и Американецот со 6-3 изедначија во вториот сет, додека победниците се одлучија по 15 минути игра во третиот сет, во кој Андерсон и Сок беа подобри со 10-6.

Европскиот состав претходно ги доби мечевите во сингл пресметките, Димитров, Едмунд и Гофан остварија победи. Во следниот меч Ѓоковиќ ќе се пресмета со Кевин Андерсон во сингл средба, додека Федерер ќе игра против Кирјос.