27.8 C
Skopje
вторник, 8 јули 2025
Дома Blog Страница 9623

САД и Италија сè уште несовладливи

Томас Ѓорѓиевски
-
0

САД и Италија по четирите одиграни меча на Светското одбојкарко првенство, се двете репрезентации со максимален број победи. Американците доминираа против Камерун со 3-0 во сетови, Италија со идентичен резулатат ја совлада Доминиканската Република.

Епска битка се водеше меѓу Холандија и Франција, „лалињата“ се вратија по заостанувањето од два сета и со целосен пресврт ги совладаа Французите (3-2).

Канада е третата репрезентација, по САД и Италија, која сè уште не знае за пораз, а денес ја очекува тешка пресметка против Бразил во обидот да остане на врвот во групата Б.

РЕЗУЛТАТИ:

Кина  – Египет 1-3

Порторико – Финска 2-3

Jaпонија – Белгија 1-3

Камерун – САД 0-3

Холандија  – Франција 3-2

Куба  – Бугарија 0-3

Србија – Австралија 3-1

Доминиканска Република – Италија 0-3

Одбројани деновите на Инзаги како тренер на Болоња

Златко Јуруковски
-
0

Филипо Инзаги наскоро може да добие отказ и неговата авантура како тренер на калчолигашот Болоња да биде завршена. Вчера Болоња загуби од Џенова со 0-1, ѝ остана со само еден освоен бод и гол-разлика 0-5.

Овие слаби резултати може негативно да се рефлектираат врз поранешниот тренер на Милан и Венеција. Популарниот Пипо може да добие отказ, а веќе се шпекулира и со имиња како негови потенцијални наследници.

Фаворит за преземање на клупата на Болоња, во случај да биде сменет Инзаги, ќе биде Роберто Стелоне, но кандидати се и Масимо Одо или тренер со поголемо искуство од типот на Гвидолин (за него би било враќање во клубот) или Де Бјази.

Костеску: Македонија е поискусна, знае да казнува

Златко Јуруковски
-
0

Селекторот на романската кошаркарска репрезентација, Тудор Костеску, смета дека клуч на поразот на неговите избраници во синоќешната пресметка со Македонија билe лошиот шут за три поени и подобриот скок и искуството на противникот.

„Македонија заслужено победи, тие се тим кој знае како да ги казнува грешките. Ние во некои моменти покажавме недостаток на искуство. Друга важна работа е скокот. Бевме комплетно натскокани, и тука Македонија направи предност. Веројатно и лошиот шут за три поени беше клучен за поразот. Разликата од 14 поени ќе биде тешко да ја надоместиме на домашен терен“, рече Костеску.

Романците играа на Евробаскетот 2017, но поради тоа што беа домаќини и не играа квалификации. По неуспехот во квалификациите за Светското првенство, ако не ја минат оваа група, веројатно ќе паднат во Дивизија Б.

За Македонија многу е важно да биде прва и да влезе во квалификациите за ЕП 2021, бидејќи така обезбедуваме место и во квалификациите за СП 2023 година. Доколку Романија и Македонија дома го совладаат Косово, тогаш за нас клучно ќе биде гостувањето во Романија и ќе ни треба победа или пораз со разлика до 13.

Марсеј го декласираше Генгамп

Томас Ѓорѓиевски
-
0

Марсеј без проблеми го совлада Генгамп со 4-0 на „Велодром“. Домаќините дури во второто полувреме успеаја да го „скршат мразот“, па голеадата ја отвори Тован во 57-мата минута. Паје во 73-тата минута зголеми на 2-0, пред Тован по втор пат да се запише меѓу стрелците седум минути подоцна. Митроглу во 83-тата минута ги постави конечните 4-0.

Трајковски стрелец и асистент за прва победа на Палермо

Томас Ѓорѓиевски
-
0

Палермо славеше гостинска победа поритв Фоџа од 2-1, благодарение на македонскиот репрезентативец Александар Трајковски. Домаќините стигнаа до водство во 37-та минута преку Крагл, додека второто полувреме беше во знакот на Трајковски.

Прво во 54-тата минута му асистираше на Салви за израмнувачкиот погодок, а во 62-та минута го најави пресвртот во корист на својата екипа, како и првиот триумф за Палермо во Серија Б сезонава.

Нашиот втор репрезентативец во редовите на Палермо, Илија Несторовски не настапи од првата минута, а на теренот зачекори дури во 88-та минута.

Анхел ја нокаутираше Севилја

Томас Ѓорѓиевски
-
0

Севилја претрпе изненадувачки пораз од Хетафе со резултат од 2-0. Гостите рано го отворија мечот, по само три минути Анхел ја замолка публиката на „Рамон Санчез Писхуан“, додека во 38-та минута го постигна својот втор гол на мечот, воедно го постави и конечниот исход од оваа средба. Севилја успеа да ја затресе мрежата на Хетафе, преку Бен Једер, но, по проценката на ВАР, голот беше поништен поради офсајд ситуација.

На стартот од сезоната во Ла Лига, Хетафе се наоѓа во горниот дел од табелата забележувајќи го седмиот бод по четири меча, додека Севилја веќе три меча не знае за триумф.

Во првиот меч кој се одигра денес во шпанското првенство, Алавеш го совлада Валјадолид на гости со гол на Ибаи во последната минута од средбата.

Првенец за Игуаин, Милан ремизираше против Калјари

Томас Ѓорѓиевски
-
0

Милан извлече само бод против Калјари по конечните 1-1 во четвртото коло од Серија А. „Росонерите“ се најдоа во незавидна ситуација уште при самиот старт на средбата, откако во четвртата минута Жоао Педро донесе предност да домаќините.

Поранешниот најдобар стрелец во Серија А, Гонзало Игуаин, во 56-тата минута го постигна својот првенец во дресот на Милан, со што го спаси тимот на Гатузо од пораз, односно донесе бод.

„Орлите“ ја прегазија Естонија, петти пораз за БиХ во низа

Томас Ѓорѓиевски
-
0

Србија забележа голем триумф над Естонија со конечен резулатат од 91:65, во квалификациите за Мундобаскетот 2019. Избраниците за Александар Ѓорѓевиќ направија значаен чекор кон местото кое води до пласман на завршницата на светскиот кошаркарски собир.

Република Чешка им нанесе нов пораз на Босна и Херцеговина, петти во низа, откако Босанците загубија пред своја публика со 85:80. Во квалификациската група К, БиХ има девет освоени бода по осум меча, и се наоѓа на последното место, додека Чешка е втора и е сѐ поблиску до настап на СП кое ќе се одржи во Кина следната година.

Пролет стартуваше со триумф над Охрид во Суперлигата

Томас Ѓорѓиевски
-
0

Пролет со победа ја отворија новата сезона во Суперлигата, пред своја публика го совладаа тимот на Охрид со 28-24. Во неизвесниот меч ракометарите на Охрид не успеаја да направат изненадување, иако по првото полувреме имаа еден гол предност (12-13).

Пролет фуризоно го отвори вториот дел со 6-1 серија, со пресвртот го најави и првиот триумф. Охриѓани во неколку наврати се обидуваа да се вратат во мечот, но во решавачките моменти домаќините се изборија за премиерна победа на стартот од македонското ракометно првенство.

Елмас е херојот на Фенербахче

Томас Ѓорѓиевски
-
0

Фенербахче по низата од три порази, конечно забележа триумф во турскиот шампионат, а херојот за избраниците на Филип Коку е Елиф Елмас. Во дуелот против Коњаспор, Елмас беше стрелец на единствениот погодок на мечот, a заби сам по шест минути откако влезе во игра.

Елмас на крајот излезе како победник против Адис Јаховиќ во македонското „дерби“ во Турција.

 

1...9.6229.6239.624...9.653Страна 9.623 од 9.653

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023