Дома Blog Страница 10688

Бенфика по четири години го победи Порто

Трајан Маневски
-
0

Бенфика минимално со 1-0 славеше во големото португалско дерби против Порто и на тој начин се искачи на врвот на табелата. Со овие три бода, Бенфика има 17, два повеќе од Брага и Порто, кои имаат по 15 бодови.

Дебито на стадионот „Луж“ беше решено во 62-рата минута, кога Харис Сеферовиќ донесе огромна радост за домашните навивачи. Во 82-рата минута Бенфика остана со играч помалку по исклучувањето на Лема, но Порто не успеа да ја искористи бројната предност, а домаќините ја сочуваа позитивата од еден гол.

За Бенфика ова е прва победа против Порто по паузата од речиси четири години. Последен пат се имаа радувано во декември 2014 година, а потоа поминаа седум средби во кои Бенфика немаше победа. Сега и таа лоша низа е прекината, а Бенфика покрај славењето за победата, може да се радува и за првото место на табелата.

Хабиб како дете се борел и против мечка (Видео)

Трајан Маневски
-
0

Хабиб Нурмагомедов на спектакуларен начин ја доби борбата против Конор Мекрегор, откако во четвртата рунда Ирецот мораше да се предаде. Фајтерот од Дагестан едноставо го задави противникот, па Мекрегор побара од судијата да ја прекине борбата. За Нурмагомедов ова беше 27 победа во 27 меча, додека Мекрегор го претрпе четвртиот пораз.

Сите се прашуваат дали ќе се најде противник кој ќе успее да го совлада Хабиб. А за тоа дека е роден шампион кој не се плаши од ништо, Дагестанецот покажувал уште од детските денови. Тој дури се борел и со мечкиза да се подготви за тоа што ќе го чека понатаму во кариерата.

Сето тоа се исплатело, Хабиб сега е шампион без пораз.

 

 

МЗТ „изгоре“ во Негорци

Златко Јуруковски
-
0

Блокотехна го совлада МЗТ Скопје Аеродром со 81:78 во последниот меч од првото коло во Првата македонска лига во кошарка. Гевгелискиот тим со борбеност и поголема снаодливост во тесната завршница, дојде до два големи бода на стартот на сезоната.

Блокотехна имаше 11 офанзивни скока, а МЗТ само еден, и тоа е доказ дека домашните беа многу поборбени.

Само неколку дена откако тренерот Ѓорѓи Кочов ги пофали кошаркарите на МЗТ дека играат со срце, тимот налета на помотивиран противник, кој потпомогнат од публиката, го најде патот до победата.

МЗТ почна ефикасно и во 12-тата минута водеше со 12 поени разлика, но домашните многу брзо ја стопија негативата и средбата ја насочија во правец кој беше посакуван за нив. Ниту еден тим до крајот не успеа да направи разлика поголема од пет поени.

Магдевски можеше да го донесе МЗТ во водство, но утна отворена тројка на 51 секунда до крајот, а на другата страна, Младеновиќ погоди две слободни за 81:78 и ја најави победата. Во пенал-завршница, гостите не го загрозија водството на Блокотехна.

Гаидус со 20 и Мијатовиќ со 17 поени беа најефикасни кај Блокотехна, а по 11 уфрлија Лефкоски, Глигоријевиќ и Николиќ. Кај МЗТ, Стојановски и Младеновски дадоа по 15, а Медфорд 14 поени.

Марез „се степа“ да го изведе пеналот за Сити и ја прати топката на трибините (Видео)

Трајан Маневски
-
0

Ливерпул ја продолжи низата од 15 години без пораз на „Енфилд роуд“ во дуелите против Манчестер сити. Двете екипи кои се бореа за врвот на табелата во Премиер лигата, на крајот освоија по еден бод, откако мечот заврши 0-0. Овој резултат многу му одговараше и на Челзи, кој со победата над Саутхемптон, сега направи да има водечко трио (сите три екипи имаат по 20 бодови).

Ливерпул и Сити делуваа како повеќе да гледаат да не загубат отколку да се обидат да го добијат дербито. Двете екипи упатија само по два прецизни удари што е премалку да се матираат најдобрите одбрани (двете екипи имаат примено само по три гола сезонава).

Најголемата шанса за погодок ја имаше Ријад Марез за Сити. Во 86-тата минута беше досуден пенал за „граѓаните“. Бернардо Силва се намести да го изведе ударот од белата точка, но Марез покажа дека тој треба да шутира, па Португалецот се повлече. Наместо да ја затресе мрежата на Ливерпул, Марез шутираше многу непрецизно, односно високо, па топката заврши на трибините. До крајот на средбата немаше возбудувања, па Манчестер сити остана и по една и пол деценија без победа на „Енфилд роуд“.

https://youtu.be/x_xbr5q3L2w

Фенербахче на три бода од „фенерот“, јубилеј на Топал

Златко Јуруковски
-
0

Фенербахче и Башакшехир одиграа 0-0 во дуелот од турската лига, по кој славниот истанбулски клуб е на 15-тото место, само со осум бода, три повеќе од последнопласираниот тим на табелата. Средбата траеше 97 минути, но мрежите останаа недопрени.

Башакшехир е втор на табелата, но со реми понезадоволни се „канаринците“, на кои трите бода им требаа многу повеќе. Елиф Елмас играше 81 минута, пред да биде заменет со Роберто Солдадо.

Во 65-тата минута во игра влезе Мехмет Топал, дефанзивецот на Фенер за кого ова беше 500-ти меч во кариерата. Топал од 2012 е во Фенербахче и повеќе од половина од овие 500 средби му се како член на овој тим.

Хамилтон: Остин е добра патека за нас

Златко Јуруковски
-
0

Луис Хамилтон има шест победи на трките во САД, а седмата може да му донесе титула, но Британецот не е еуфоричен иако петтата титула ја има на дофат. Сепак, традицијата е на негова страна.

Пилотот на Мерцедес има 67 бода предност на четири трки до крајот и само чудо може да му ја одземе титулата. Математиката вели дека уште за две недели, во Остин, Хамилтон може да дојде до титулата со која би им се придружил на Михаел Шумахер и Хуан Мануел Фанџо.

„Патеката во Остин обично е добра за нас, одвај чекам повторно да се тркаме таму“, изјави Хамилтон, кој смета дека клучна била трката во Монца, на која тој победи и ја презеде контролата врз генералниот пласман.

 

Стружани ја „меркаат“ првата лига

Златко Јуруковски
-
0

Екипите на Струга Трим Лум, Лабуништа и Гостивар победија во денешните мечеви од осмото коло во втората лига Запад. Струга до триумфот од 1-0 на гостувањето кај Скопје дојде со погодокот на Александар Василев во 13-тата минута и го задржа врвот со два бода предност во однос на Лабуништа и Гостивар. Гостиварците славеа на гостувањето против Велазерими, додека Лабуништа го совлада Пелистер.

На Истокот, конечно се најде тим кој нема да загуби од велешки Борец. Кит-Го во Пехчево одигра 1-1 против лидерот, кој во 86-тата минута се извлече од пораз. Сега Тиквеш е втор, со четири бода зад Борец.

РЕЗУЛТАТИ ЗАПАД:

Велазерими – Гостивар 0-2, Лабуништа – Пелистер 2-1, Кораби – Тетекс 2-1, Скопје – Струга 0-1, Генч Калемлер – Гоблен јуниор 1-1.

РЕЗУЛТАТИ ИСТОК: 

Кит-Го – Борец 1-1, Брегалница – Плачковица 2-0, Тиквеш – Партизан Обршани 3-1, Вардар Неготино – Кожуф 1-2, Детонит јуниор – Каменица Саса 2-2.

 

Хрват и Србин му донесоа победа на Ајнтрахт

Златко Јуруковски
-
0

Хрватот Анте Ребиќ и Србинот Лука Јовиќ постигнаа по еден гол и на Ајнтрахт Франкфурт му донесоа победа од 2-1 на гостувањето кај Хофенхајм.

Ребиќ на три меча по ред во Бундеслигата дава гол, денеска погоди со лоб од голема далечина, но доби и црвен картон, па нема да игра во следното коло. Хофенхајм, со играч повеќе на теренот, успеа само да го ублажи поразот со погодокот на Англичанецот Нелсон.

По оваа победа, тимот од Франкфурт се искачи на седма позиција на табелата. Денеска се одигра уште еден меч, на кој Фрајбург и Баер Леверкузен не постигнаа гол.

Рос Баркли по стапките на Френк Лампард

Златко Јуруковски
-
0

Челси го зазеде првото место на табелата во Премиерлигата, барем до завршувањето на дербито помеѓу Ливерпул и Манчестер сити, откако славеше со 3:0 на гостувањето кај Саутемптон.

Еден Азар на последните 11 меча во сите натпреварувања, има 9 гола и две асистенции. За неговиот денешен гол, голема заслуга има Рос Баркли со прекрасна асистенција, а Баркли и самиот се запиша во листата на стрелци во второто полувреме.

Баркли е првиот Англичанец по Франк Лампард, кој имал и гол и асистенција за Челси на еден меч од Премиерлигата. Гол даде и резервата Алваро Мората.

Во Англија, навивачите се шегуваа на сметка на опремата која ја носеа гостите од Лондон. Велат дека дресовите на Челси биле сиви како времето во Англија, но барем монотонијата ја разбиваат чорапите во портокалова боја.

За Саутемптон, ова е деветти домашен пораз од Челзи. Повеќе порази „светците“ на свој терен имаат само од Манчестер јунајтед, кој десет пати ги победувал на „Сент Мери“.

Милан фаќа ритам, Лацио пак пред Рома

Златко Јуруковски
-
0

Милан го победи Киево со 3:1 и потврди дека е во добра форма во последните неколку меча. „Росонерите“ со истиот резултат го победија и Олимпијакос во четвртокот во Лига Европа, а во минатото коло од Серија А, со 4:1 го надиграа Сасуоло.

Два гола на Игуаин и еден на Бонавентура, беа и повеќе од доволно Милан да му нанесе пораз на последнопласираниот тим на табелата. Сузо беше двоен асистент, а Бонавентура ја затресе противничката мрежа на својот 150-ти меч во дресот на Милан. Киево 13 години не знае за лигашка победа над Милан.

Лацио дома против Фиорентина и Сампдорија на гостувањето кај Аталанта, триумфираа со по 1:0, и сега лацијалите и тимот од Џенова се на трето односно четврто место на табелата. „Орлите“ после победата која им ја донесе Имобиле, имаат еден бод повеќе од градскиот ривал Рома.

1...10.68710.68810.689...10.786Страна 10.688 од 10.786