Дома Blog Страница 4

Администрацијата на Трамп предлага Италија да игра на СП наместо Иран

Златко Јуруковски
-
0
Администрацијата на Трамп предлага Италија да игра на СП наместо Иран

Остануваат уште 49 дена до почетокот на Светскто фудбалско првенство во САД, Мексико и Канада, а контроверзиите околу учеството на Иран продолжуваат поради воениот конфликт со САД.

Авторитетниот „Фајненшл тајмс“ објави дека висок претставник на претседателот Доналд Трамп побарал од ФИФА да го замени Иран со Италија.

Според информацијата, специјалниот претставник на САД, Паоло Замполи, го дал предлогот директно до претседателот на ФИФА, Џани Инфантино, како и до самиот Трамп, во својство на претседател на една од земјите домаќини на Светското првенство во 2026 година.

„Потврдувам дека им предложив на Трамп и на Инфантино, Италија да го замени Иран на Светското првенство. Јас сум Италијанец и би било сон да ја видам на турнир организиран во САД. Со четири светски титули, тие имаат историја за да го оправдаат таквото учество“, изјави Замполи за „Фајненшл тајмс“.

Главната цел на иницијативата е подобрување на односите меѓу Трамп и италијанската премиерка Џорџа Мелони, кои беа влошени поради конфликтот со Иран и критиките на американскиот претседател кон папата Лав XIV.

И покрај претходните извештаи дека Иран може да го бојкотира турнирот по воените напади од страна на САД и Израел, Федерацијата на земјата издаде официјално соопштение дека тимот ќе учествува. Претседателот на ФИФА, Џани Инфантино, исто така беше категоричен:

„Иран ќе учествува на Светското првенство. Тие се квалификуваа, сакаат да играат и мора да играат.“

За секого по нешто, супер зголемени квоти за фудбал, тенис и кошарка

Златко Јуруковски
-
0
За секого по нешто, супер зголемени квоти за фудбал, тенис и кошарка

Супер типот на Sport Life е составен од фудбалски, тениски и кошаркарски натпревари за кои има убави зголемени квоти кои може да се искористат како џокери за подобрување на потенцијалната добивка на тикетите.

Има микс од квоти, некои се помали и веројатно претставуваат „сигурици“ кај кои нема утка, а некои се поголеми и поатрактивни, и исто така реално добитни, па ваше е да процените што ќе одиграте.

Интересно е дека на сите мечеви од НБА-лигата, фаворити се гостите и набилданите квоти се за победи на гостинските екипи, а тоа важи и за кошаркарскиот меч во Германија, на кој Баерн би требало да го победи Вирцбург. Традиционално, кај фудбалите имате по пет зголемени квоти за секој меч, па може да одберете дали да одиграте на конечен тип или некоја друга игра во која се вклучни и голови.

Нерамноправен дуел, Македонија – Грузија 46-13

Златко Јуруковски
-
0
Нерамноправен дуел, Македонија – Грузија 46-13

Училишната репрезентација на Македонија ја прегази Грузија со 46-13, во второто коло на Светското училишно првенство во ракомет кое се игра во Скопје.

Серијата од 17-0 кога од 2-2 побегнавме на 19-2, беше клучна за победата. На полувреме беше 23-6 и апсолутно немаше дилеми дека ова ќе биде втора убедлива победа за тимот на селекторот Горан Кузманоски откако вчера беше декласирана и Бугарија.

Тома Симоновски даде дури 15 голови и беше најефикасен. Андреј Георгиев постигна 9 голови, Стефан Ѓорѓиевски 5, Ѓорѓи Лешниковски и Давор Крстески по 4, итн.

Во третото коло, утре од 10.30 часот, Македонија игра со тимот од Република Српска, а во последното коло противник ќе ни биде Саудиска Арабија.

Женската селекција денеска од 10.30 часот игра со Грузија откако вчера ја растури Белгија.

Уапсен поранешниот претседател на ФФМ за проневера и злоупотреба

Златко Јуруковски
-
0
Уапсен поранешниот претседател на ФФМ за проневера и злоупотреба

Денеска е уапсен поранешниот претседател на Фудбалската федерација на Македонија, Муамед Сејдини. Тој се сомничи за проневера на 700.000 евра, пари од УЕФА доделени на ФФМ за поддршка и изградба на трибина на стадионот во Охрид.

Акцијата ја спровело МВР во соработка со Обвинителството за гонење на организиран криминал и корупција.

„Полициски службеници од Одделот за сузбивање организиран и сериозен криминал и Одделот за криминалистичка полиција во координација со ОЈО Скопје го лишија од слобода М.С. поради сомнение за сторени кривични дела – проневера и злоупотреба“, потврдија од МВР.

Муамед Сејдини беше на чело на ФФМ во два мандати, од 2019 до 2025 година. Тој неодамна беше суспендиран на две години поради „измама и доведување во заблуда на Управниот одбор“.

„Утврдено е дека Одборот за итност на ФФМ во ноември 2024 година донел одлука за прифаќање на понуда од ДПТУ ‘Енергоинвест Трејд ДОО Скопје’ за изградба на трибина на стадионот ‘Билјанини Извори’ во Охрид во износ од 202.919.610,00 денари без ДДВ, без услов за авансно плаќање и го овластил тогашниот претседател Муамед Сејдини да потпише договор согласно прифатената понуда. Таа одлука подоцна е потврдена и од Управниот одбор на Фудбалската федерација на Македонија. И покрај тоа, само по една недела, Муамед Сејдини, злоупотребувајќи ја својата положба, потпишал договор со вметнат услов за авансно плаќање од 20 отсто, кој не бил дел од прифатената понуда, при што авансот бил исплатен без обезбедена банкарска гаранција и без соодветно овластување“, соопштија неодамна од ФФМ.

Квотите на денот богати, петте заедно прават речиси 50.0

Златко Јуруковски
-
0
Квотите на денот богати, петте заедно прават речиси 50.0

Вкупен коефициент од 48.7 ќе добиете ако на ист тикет ги уплатите петте квоти на денот во Sport Life.

Квота од 2.35 се нуди за комбинацијата дека ќе има победник и дека ќе има 2-4 гола на средбата Леванте – Севилја.

Ќе множите со 2.35 и ако уплатите дека на Бешикташ – Алањаспор, двата тима ќе постигнат гол, со тоа што домашните барем двапати ќе ја тресат противничката мрежа.

Рајо Ваљекано да не загуби од Еспањол и да има гол во прво полувреме е опцијата за која квотата е 2.10.

Ако верувате дека Штутгарт ќе постигне гол во прво полувреме и два или повеќе на целиот меч против Фрајбург во полуфиналето на Купот на Германија, уплатете во Sport Life, добивате квота од 2.10.

Ве чека и квота од 2.00 за играта 0-2 гола во прво и 0-1 гол во второ полувреме на мечот Овиедо – Виљареал.

Трката почнува од нула: Сити во психолошка предност, Арсенал сите пет меча ги игра во Лондон

Златко Јуруковски
-
0
Трката почнува од нула: Сити во психолошка предност, Арсенал сите пет меча ги игра во Лондон

Манчестер сити и Арсенал на пет кола до крајот на Премиер лигата имаат ист број бодови и иста гол-разлика од плус 37. Исто е, ама не е исто. Пред само 12 дена, Арсенал имаше големи девет бодови предност, додуша и со еден одигран натпревар повеќе од Граѓаните.

Сега се израмнети, а психолошката предност е на страна на Сити кој е во налет и последниве години има освојувано титули, за разлика од Арсенал кој 22 години не бил првак и го има загубено шампионскиот менталитет.

Ако и на крај после 38 кола имаат ист број бодови, тогаш ќе решава гол-разликата. Ако и во тој елемент се изедначени како во моментов, тимот што постигнал повеќе голови ќе биде првак. Во моментов, Сити има дадено три гола повеќе од Арсенал и би бил шампион. Ако имаат и ист број постигнати голови, шампион ќе биде подобриот во меѓусебните дуели, а тоа е екипата од Манчестер.

Сити до крајот треба да игра дома со Кристал Палас, Брентфорд и Астон вила, а има гостувања кај Евертон и Борнмут. Ако ги добие сите, веројатно ќе биде шампион.

Во Арсенал веќе се во паника, а треба да мислат и полуфиналињата во Лигата на шампионите. За Топчиите позитивно е што сите пет лигашки меча до крајот ги играат во Лондон, немаат патувања, но гостувањата се кај Вест хем кој со сите сили се бори за опстанок и непредвидливиот Кристал палас. Арсенал дома игра со Њукасл, Фулам и Барнли.

Детроит како некогаш, со цврста одбрана до прва плејоф-победа дома по 18 години

Златко Јуруковски
-
0
Детроит како некогаш, со цврста одбрана до прва плејоф-победа дома по 18 години

Оклахома Сити тандер поведе со 2-0 во плејоф-серијата во НБА-лигата против Феникс санс, по победата од 120-107, додека Детроит пистонс изедначи на 1-1 против Орландо меџик откако триумфира со 98-83.

Актуелниот првак беше предводен од Шеј Гилџус-Александер, кој имаше 37 поени и 9 асистенции, додека најефикасен кај поразените беше неговиот сонародник од Канада, Дилон Брукс, со 30 поени. Тандер ги доби двата меча дома, па во Феникс оди без преголем притисок.

Детроит прими само 83 поени од Орландо и оваа пеколна одбрана им ја донесе првата домашна плејоф-победа по 18 години. На полувреме беше нерешено, а потоа Детроит третата четвртина ја доби со 38-16 и тоа значеше триумф. Кејд Канингем со 27 поени и 11 асистенции беше прв стрелец кај Детроит, кој уште од 2008 немаше добиено плејоф-меч во својата сала и конечно тој малер е разбиен. Пред овој меч, Детроит дома имаше рекордна црна серија од 11 порази по ред на домашен терен.

Јамал веројатно ќе го пропушти Ел Класико, а најцрната варијанта е дека ќе остане и без СП!

Златко Јуруковски
-
0
Јамал веројатно ќе го пропушти Ел Класико, а најцрната варијанта е дека ќе остане и без СП!

Најдобриот шпански фудбалер, Ламин Јамал, синоќа при изведувањето на пеналот на натпреварот Барселона – Селта, се повреди и го напушти теренот.

Ова предизвика аларм во Шпанија бидејќи остануваат само уште 49 дена до почетокот на Светското првенство. Денеска на Јамал ќе му бидат направени тестови, по кои ќе се знае колку време ќе треба да паузира. Шпанија е главен фаворит за светската титула, но без Јамал, шансите ќе им се намалат и затоа е загриженоста во пресрет на тестовите чии резултати ќе се чекаат со нетрпение.

Најдобрата варијанта е истегнување на мускул и пауза од една до три недели, што би значело дека тој можеби би играл и на Ел Класико против Реал Мадрид на 10 мај, кога Барса можеби и ќе ја прослави својата титула во шпанската лига.

Ако е делумно пукање на мускулот, тогаш следува пауза од еден до два месеца и тоа значи крај на сезоната за него, но би играл на СП, со тоа што неизвесно е дали ќе игра во групната фаза. Првичните прогнози се дека повредата е од ваков степен и тој веќе нема да игра сезонава во Ла Лига, но ќе биде спремен за Мундијалот.

Доколку станува збор за целосно кинење на мускулот, тогаш Јамал ќе остане без настап на СП бидејќи рехабилитацијата од таква повреда трае минимум три месеца.

 

Барселона со гол од пенал ја победи Селта Виго во меч кој траеше речиси три часа (Видео)

Трајан Маневски
-
0
Барселона со гол од пенал ја победи Селта Виго во меч кој траеше речиси три часа (Видео)

Еден гол беше доволен за Барселона да ги освои трите бода во дуелот со Селта Виго во шпанското првенство. Ламин Јамал е херојот на каталонскиот гигант постигнувајќи го победничкиот погодок пред крајот на првото полувреме.

Јамал имаше продор во противничкиот шеснаесетник, кога беше фаулиран и беше покажано на белата точка. Тинејџерот реши да го изведе пеналот и погоди, но при изведувањето на тој шут, го повреди бутниот мускул на ногата. Погодокот на Јамал може да го видите ТУКА.

Веднаш потоа Јамал мораше да го напушти теренот, а паузата на мечот траеше дури 20 минути, но тоа беше откако на еден 60-годишен навивач му се слоши на трибините. По интервенција на лекарите, навивачот бил пренесен во болница.

Во второто полувреме Барселона имаше контрола на играта, но домашниот тим до последниот момент стравуваше за победата. На крајот, лидерот на табелата сепак ги освои планираните три бода и ја задржа комотната предност во однос на најголемиот ривал Реал Мадрид.

На шест кола до крајот, Барселона има 82 бода, а Реал е втор со 73 бода.

Голманот на Лацио направи чудо и одбрани четири пенали за пласман во финалето на Купот

Трајан Маневски
-
0
Голманот на Лацио направи чудо и одбрани четири пенали за пласман во финалето на Купот

Аталанта и Лацио вкупно одиграа 210 минути во двата меча од полуфиналето на Купот на Италија, но победник немаше, па патникот во финалето мораше да се решава по подобро изведување на пенали. Во пенал-рулетот, посреќни, посконцентрирани, подобри беа фудбалерите на Лацио, кои победија со 2:1. Во големото финале Лацио ќе игра против Интер.

Младиот голман на Лацио, Едуаро Мота, беше херој на оваа драма. Младиот 21-годишен голман на Лацио одбрани неверојатни четири пенали и го трасира патот на својот тим во финалето на Купот.

Во пресрет на денешниот меч во Бергамо, првата средба во Рим заврши 2:2. На реваншот немаше голови до самиот финиш, кога во 84-тата минута Ромањоли погоди за водство на Лацио со 1:0 и вкупен резултат 3:2 за тимот од Рим. Сепак, радоста на гостите траеше многу кратко.

Само што Аталанта тргна од центарот, даде гол, а стрелец беше Пашалиќ за 1:1, односно 3:3 во вкупниот резултат, па мораше да се играат дополнителни 30 минути. Откако резултатот не се смени, победникот мораше да се реши на пенали, а таму херој беше Мота.

КАКО СЕ ОДВИВАШЕ ДРАМАТА НА ПЕНАЛИ

1:0 Распадори погоди за 1:0 за Аталанта.

1:0 Нуњо Тавареш промаши за Лацио во првата серија

1:0 Скамака промаши за Аталанта во втората серија

1:0 Каталди погоди статива во втора серија за Лацио

1:0 Запакоста промаши за Аталанта во трета серија

1:1 Исаксон погоди за Лацио во третата серија

1:1 Пашалиќ промаши за Аталанта во четвртата серија

1:2 Тејлор погоди за Лацио во четвртата серија

1:2 Де Кетелате промаши за Аталанта

 

1...345...10.753Страна 4 од 10.753