Дома Blog Страница 4

Супер квоти за многу сигурици, џокери кои не се пропуштаат

Златко Јуруковски
-
0
Супер квоти за многу сигурици, џокери кои не се пропуштаат

Фудбал, тенис, кошарка и хокеј се спортовите од коишто има натпревари со зголемени квоти во Супер тип понудата на Sport Life.

Понудата е развовидна и со спортови и со квоти, ги има секакви. Кај тениските и кошаркарски средби има супер квоти за победи на фаворитите, тоа се џокери кои речиси сигурно ќе ви донесат поголема потенцијална добивка ако ги погодите останатите парови на тикетот.

И фудбалите никако не се за потценување, напротив, понудата е богата и имате избор од пет различни игри. За пријателскиот меч Ирак – Венецуела, сите квоти се над 2.20, што ги прави привлечни за тие што сакаат малку поголем ризик.

Узбекистанските фудбалери детално претресувани за „добредојде“ во САД (Видео)

Златко Јуруковски
-
0
Узбекистанските фудбалери детално претресувани за „добредојде“ во САД (Видео)

Узбекистан синоќа во Њујорк играше пријателски меч со Холандија, а при пристигнувањето со автобус пред стадионот, фудбалерите и стручниот штаб на чело со селекторот Фабио Канаваро беа детално претресувани.

По пристигнувањето на репрезентацијата на Узбекистан, делегацијата беше пречекана со невообичаено строги безбедносни мерки, кои повеќе потсетуваа на процедурите на меѓународен аеродром отколку на вообичаениот пречек на спортски тим. Веднаш по излегувањето од автобусот, играчите беа запрени и упатени кон контролната зона, каде што беа поединечно проверени од страна на обезбедувањето.

Снимката предизвика бес на социјалните мрежи, а третманот што им беше нанесен на играчите беше опишан како „претерано и понижувачки“. Секој член на делегацијата поминал низ детектори за метал, бил подложен на телесни претреси и проверен за забранети предмети, додека багажот на тимот бил одвоен и подложен на детални проверки. Плус тоа, специјално обучени кучиња за откривање на забранети супстанции биле користени за проверка на спортската опрема, како и на личниот багаж на играчите и техничкиот персонал.

Узбекистанците не очекувале ваков прием, поради што атмосферата во одредени моменти стана напната, особено поради строгите упатства од безбедносните агенти, вклучително и барањата да се држат подалеку од багажот или просториите за пријавување.

Низ слично нешто помина репрезентацијата на Сенегал, која беше подложена на строги проверки и тоа веднаш по пристигнувањето во САД. Играчите беа прегледани на начин што вклучуваше индивидуални претреси и внимателна проверка на багажот пред да им се дозволи пристап до терминалот. Сето ова се случи директно на аеродромската писта.

Квотите над денот одат и до 2.50, примамлив е вкупниот коефициент

Златко Јуруковски
-
0
Квотите над денот одат и до 2.50, примамлив е вкупниот коефициент

Ако ги уплатите на ист тикет петте Квоти на денот кои ги нуди Sport Life, ќе добиете вкупен коефициент од 47.22, што предлозите ги прави атрактивни и примамливи.

Уплатата ја множите со 2.50 ако уплатите и погодите дека У-19 селекцијата на Србија ќа даде гол во првото полувреме против врсниците од Португалија.

Квота од 1.95 се нуди за комбинацијата 1-3 гола во прво и 1+ гол во второ полувреме на мечот Белорусија – Буркина Фасо.

Женската репрезентација на Србија да постигне еден или два гола против Данска е условот за да имате добитна квота од 2.05 за овој меч.

Ако верувате дека Алмерија – Кастељон нема да заврши нерешено и притоа дека ќе има 0-3 гола, искористете ја квотата од 2.10.

Двата тима да постигнат гол на Сенегал – Саудиска Арабија со додаток дека ќе има барем еден гол во второто полувреме е игра за која во Sport Life квотата е 2.25.

Судијата Артан не доби виза, нема да може да суди на Светското првенство

Златко Јуруковски
-
0
Судијата Артан не доби виза, нема да може да суди на Светското првенство

ФИФА со официјално соопштение потврди дека на сомалискиот судија Омар Абдулкадир Артан не му била дадена американска виза и нема да може да суди на претстојниот фудбалски Мундијал.

На еден од најдобрите африкански судии му беше одбиен влез во САД. Артан моментно е во Турција, каде што го чекаше расплетот.

Сомалија е меѓу земјите што подлежат на строги ограничувања за влез воведени од администрацијата на Доналд Трамп. Американските имиграциски власти не ја открија конкретната причина за репатријацијата на судијата.

Како и на претходните настани во организација на ФИФА, владата на земјата домаќин одлучува кој ќе добие виза и кој може да влезе во земјата.

„И покрај околностите, расположен сум и фокусиран на претстојните предизвици во мојата кариера. Би сакал да им се заблагодарам на ФИФА и КАФ за целата нивна поддршка и ветувам дека ќе се обидам да продолжам да се подобрувам. Им посакувам успех на моите колеги за време на Светското првенство и се надевам дека повторно ќе им се придружам на идните натпреварувања“, порача судијата Артан.  

Шпанците се загреаја за СП со лесна победа над Перу

Златко Јуруковски
-
0
Шпанците се загреаја за СП со лесна победа над Перу

Европскиот шампион Шпанија триумфираше со 3-1 над Перу во натпревар кој се одигра во Мексико и беше последна проверка на формата пред почетокот на Светското првенство.

Црвената фурија тргна фуриозно, поведе веќе во втората минута. Микел Ојарзабал доби додавање од Пау Кубарси, се ослободи и постигна гол со прецизен шут. Така Ојарзабал ја продолжи својата рекордна серија од шест меча по ред за Шпанија на кои дава гол, а 11 средби по ред има или гол или асистенција. Од 25-те гола кои играчот на Реал Сосиедад ги има за репрезентацијата, 19 има дадено откако селектор е Луис де ла Фуенте. 

Во 32-рата минута Феран Торес го пронајде Педри, а играчот од средниот ред не погреши и погоди за 2-0. Во 53-тата минута, Шпанија стигна до својот трет гол. Педро Галезе си постигна автогол откако се обиде да пресече центаршут. 

Перу постигна утешен гол во 66-тата минута. Хаиро Велез беше стрелец. 

Сан Антонио го замолкна „Медисон сквер гарден“, НБА-финалето станува интересно

Златко Јуруковски
-
0
Сан Антонио го замолкна „Медисон сквер гарден“, НБА-финалето станува интересно

Сан Антонио спарс не дозволи „метла“ во големото НБА-финале и со победата од 115-111 во Њујорк над Никс намали на 1-2, враќајќи ја неизвесноста околу освојувачот на шампионскиот прстен.

Ова значи дека во НБА-финалето ќе има барем уште еден меч во Сан Антонио. На Никс им заврши серијата од 13 победи по ред. Њујорк во втората четвртина даде дури 42 поена и водеше на полувреме, но во цело второ полувреме дадоа 47 и на крајот се радуваа Мамузите предводени од Виктор Вембањама, кој уфрли 32 поена, и Деарон Фокс со клучен кош за 113-108 на 12,2 секунди до крајот.

Џејлен Брансон со 32 поена беше прв стрелец кај Њујорк, кој го претрпе првиот пораз од средината на април наваму.

На трибините во „МСГ“ се појави и претседателот Доналд Трамп, кој пред мечот беше исвиркан од публиката, иако е роден во Њујорк и стана прв актуелен претседател на САД кој дошол во живо да гледа НБА-финале. Не го гледаше натпреварот до крај, си замина на почетокот на второто полувреме.

Актуелизирана идејата, Македонија може да биде еден од домаќините на ЕП 2036?

Златко Јуруковски
-
0
Актуелизирана идејата, Македонија може да биде еден од домаќините на ЕП 2036?

Иако е сè уште рано, во европските фудбалски кругови сè повеќе кружат приказни за можна заедничка кандидатура на балканските земји за организација на Европското првенство во 2036 година, меѓу кои и Македонија.

Според шпекулациите што се актуелизираа, домаќини би можеле да бидат Србија, Хрватска, Бугарија, Грција, Македонија и Албанија.

Таквиот модел би овозможил организирање на големо натпреварување дури во шест земји од регионот за првпат во историјата. Во случај УЕФА да прифати таква понуда, сите шест домаќини автоматски би обезбедиле место на тоа ЕП.

Во исто време, сè почесто се зборува за можното проширување на Европското првенство од сегашните 24 на 32 репрезентации.

Според едно од дискутираните сценарија, квалификациите би биле организирани преку 12 групи со по четири репрезентации. Двете најдобри селекции од секоја група би обезбедиле директно пласман на ЕВРО, што би донело вкупно 24 учесници преку квалификациите. Доколку на тоа се додадат шест домаќини, бројот на учесници би се зголемил на 30 национални тимови, додека преостанатите две места би се пополниле преку Лигата на нациите на УЕФА.

УЕФА сè уште не донела одлука за домаќинот на ЕВРО 2036, ниту за евентуалното проширување на турнирот на 32 репрезентации. ЕВРО 2028 ќе се одржи во Велика Британија и Република Ирска, а ЕВРО 2032 во Италија и Турција. 

Олисе блесна на генералната проба со хет-трик

Златко Јуруковски
-
0
Олисе блесна на генералната проба со хет-трик

Франција беше подобра од Северна Ирска со 3-1 во последниот контролен натпревар на Триколорите пред патувањето во Америка, каде штп ќе бидат во редот на кандидати за светската титула.

Сите три гола вечерва беа дело на крилото Мајкл Олисе. Ѕвездата на Баерн блесна, па немаше потреба со голови да се истакнуваат Мбапе, Дембеле, Дуе, Баркола, Шерки, Матета, Турам, што покажува каков моќен напад има Франција.

За Олисе тоа е прв хет-трик во кариерата, сега има 7 гола на 17 настапи во дресот на националниот тим.

Холандија со два пенали одвај го победи Узбекистан

Златко Јуруковски
-
0
Холандија со два пенали одвај го победи Узбекистан

Холандија го победи Узбекистан со 2-1 во пријателски меч во Њујорк, а сите три гола беа постигнати од пенал, од кои два во судиското продолжение.

Средбата се одигра без публика и на еден стадион за атлетика, што предизвика негодување кај фановите на Лалињата.

Узбекистан покажа дека не случајно ќе игра на Светско првенство. Беа на прагот на реми кога во 92-рата минута изедначија на 1-1, но пет минути подоцна Холандија сепак дојде до победа, со уште еден пенал на Гакпо.

Бил на свадба кога ненадејно добил повик да игра за Бразил на СП 2026

Златко Јуруковски
-
0
Бил на свадба кога ненадејно добил повик да игра за Бразил на СП 2026

Фудбалерот за врска на Аталанта, Едерсон, за кого се шпекулира дека ќе премине во Манчестер јунајтед, по повредата на бекот Весли ненадејно доби повик да биде дел од Селесао на Мундијалот.

Едерсон не бил спремен на ваков позитивен шок, а веста дека Карло Анчелоти го повикал на СП, ја добил додека бил на свадба во Сао Пауло кај некогашен соиграч.

Веднаш се спакувале со сопругата и заминале кон САД, а претходно морало набрзина да се организира и добивање на пасошот кој не го носел со себе, туку му бил во Рио де Жанеиро.

Бразилците за пет дена го играат својот прв меч на СП, противник им е Мароко.

1...345...10.932Страна 4 од 10.932