Атлетико Мадрид ја елиминира Барселона во четвртфиналето на Лигата на шампионите, а тимот на Диего Симеоне тоа го направи и во 2014 и во 2016, кога стигнуваше до финалето.

Атлетико е изненадувачки полуфиналист, пред ова четвртфинале Барса беше фаворит, но Симеоне уште еднаш покажа дека е мајстор за европски нокаут битки со Каталонците, од кои речиси редовно губи во Ла Лига. Фановите на мадридскиот тим велат дека односот е ваков затоа што во ЛШ не им судат шпански судии кои ги обвинуваат дека ја протежираат Барса. Симеоне е единствен тренер кој трипати ги елиминирал Каталонците во ЛШ.

Во 2014 и 2016 по Барса минуваа уште една пречка пред да ги загубат финалињата од Реал Мадрид (вакво финале е можно и годинава), и тоа треба да ги замисли нивните полуфинални ривали, без разлика дали ќе биде Арсенал или пак Спортинг Лисабон.

Атлетико Мадрид и ПСЖ се полуфиналисти во Лигата на шампионите.

ПСЖ со голови на Усман Дембеле пак го победи Ливерпул со 2-0, ова е втора година по ред во која Светците го исфрлаат клубот кој од англиските има најмногу титули во ЛШ.

Амбициозната Барса, која 11 години нема финале и титула во ЛШ, тргна фуриозно, рано даде два гола, но победи во Мадрид против Атлетико само со 2-1, па и понатаму одат Јорганџиите.

Барселона и овој меч како и првиот го заврши со играч помалку на теренот, исклучен беше Ерик Гарсија во 79-тата минута. Атлетико имаше помалку шутеви, се бранеше, но третпат по ред ја елиминира Барса во ЛШ кога овие два тима играат меѓу себе во елитното европско натпреварување.

Во полуфиналето, ПСЖ ќе игра со Баерн Минхен или со Реал Мадрид, додека Атлетико ќе игра со Арсенал или Спортинг Лисабон.