Без наслов - Страница 9593

Неверојатна драма со среќен крај за Манчестер на „Театарот на соништата“

-

06.10.2018

Манчестер јунајтед и Жозе Мурињо повторно се „живи“. Во неверојатен меч одигран на „Олд Трафорд“, најтрофејниот англиски клуб победи со 3:2, иако на 20-тина минути пред крајот имаше негатива од два гола. Оваа победа на Манчестер може да значи и спас за тренерот Мурињо, кој беше посочен како еден од главните виновници за досегашните лоши резултати.

Дуелот на „Олд Трафорд“ започна шокантно за Манчестер. По само 10 минути, Њукасл имаше предност од 2:0. Кенери и Муто погодија за водство на гостите и молк кај домашните фанови. Играчите на Манчестер делуваа изгубено и немоќно. Така беше до крајот на првиот дел.

Во второто полувреме, како да се појави некој друг Манчестер јунајтед. Домаќините беа полни со енергија и желба за победа. Постојано напаѓаа, а тоа им се исплати во 70 минута. Хуан Мата од слободен удар намали на 1:2 и го најави пресвртот. Шест минути подоцна Марсијал израмни на 2:2, вистинска драма се случи во 90 минута, кога Алексис Санчез со глава донесе победа за Манчестер и голема радост на „Олд Трафорд“.

Чупиќ до Јакобсен: Треба да се биде голем и во победи, но и во порази

Трајан Маневски

-

06.10.2018

0

Иван Чупиќ и останатите вардарови играчи на теренот му оддржаа лекција по ракомет на Рајн Некар, а Хрватот мораше да продолжи во ист стил и на прес конференцијата. Чупиќ не можеше а да не му објасни на тренерот на Рајн Некар, Николај Јакобсен за тоа дека не треба да се „плаче“ по неуспех.

„Јакобсен втор меч по ред зборува за Вардар и за судиите, а тоа не е потребно. Долго сум во ракометот и сум бил сведок на многу судиско неправди, но мислам дека треба да се остане голем како во победите, така и во поразите. Покажавме карактер, а покажавме и дека овој нов Вардар ќе се фрли и на глава ако треба за да се дојде до победата. Во мое име, но и во име на соиграчите ветувам дека ќе дадеме се од себе да биде така до крајот на сезоната“, рече Чупиќ по победата на Вардар против Рајн Некар.

Гостиварци ја отфрлија гевгелиската закана

Златко Јуруковски

-

06.10.2018

0

Гостивар со минимална победа над Кожув, пред своите навивачи во салата „Младост“ ја отвори својата сезона во Првата машка лига во кошарка. Гостиварци до последните секунди стравуваа за бодовите. Џозеф Фурстингер со 32 поени и 14 скока, се покажа како огромно засилување за Гостивар, но изостана придонесот на резервите. Кај Кожув, прв стрелец беше Никола Караколев со 19 поени.

Фени погоди 15 тројки и благодарение на тој добар шут од далечина, го надигра Пелистер, додека два бода на гости освои Куманово кој го надигра повратникот во елитата, Вардар.

Резултати: АВ Охрид – Работнички 44:94, Вардар – Куманово 77:85, Фени индустри – Пелистер 86:68, Гостивар – Кожув 70:69.

Утре (17.45 часот): Блокотехна – МЗТ Скопје Аеродром.

И Удинезе поразен од „старата дама“

Златко Јуруковски

-

06.10.2018

0

Десетта победа во десеттиот настап за Јувентус сезонава, а во италијанската лига имаат 24 бода од осум меча. Жртва на „старата дама“ беше Удинезе, кој беше надигран со 2:0.

Уругваецот Родриго Бентанкур, го даде двојот прв гол во дресот на Јувентус. Тој се најде во почетниот состав на местото на Емре Џан и му се оддолжи на тренерот Mасимилијано Алегри за довербата. Водството на гостите го зголеми Кристијано Роналдо, со својот четврти погодок сезонава во Серија А.

Јувентус од април 2010 нема загубено на „Фриули“, или по ново, „Дачиа арена“. Гостите не успеаја да го дадат својот седми гол сезонава во првите половина час од мечевите, но брзо после таа 30-та минута, веќе во 37. минута, водеа со 2-0.

Бедемот од Ѓорче Петров – Нема кој да и даде гол на Македонија

Зоран Поповски

-

06.10.2018

0

Бедемот од Ѓорче Петров не попушта и по првата четвртина од домашното првенство се уште е недопрен, а Македонија и по четири натпревари на свој терен нема примено гол.

И денеска Победа си замина без бодови, но и без да ја затресе мрежата на Марко Јовановски. Голманот на ѓорчепетровци остана несовладан, па голот на Боби Божиновски беше доволен за победа на домаќините од 1:0.

Претходно од Ѓорче Петров без постигнат гол си заминаа и шампионот Шкендија, потоа и Беласица и четирикратниот првак Работнички. Чудно, но вистинито новиот прволигаш љубоморно ја чува својата мрежа, а теренот во Ѓорче Петров станува непремостлива тврдина за ривалите.

Одбараната на Македонија си функционира беспрекорно, на другата страна на теренот ветераните Боби Божиновски и Христијан Кировски командуваат со средниот ред и офанзивата, па амбициите се пласман во горниот дел на табелата.

Македонија остана во игра и за трофејот во националниот куп и по Вардар ќе треба да го мине Работнички за пласман во полуфиналето.

„Штета што завршува првиот дел од шампионатот, па ќе има пауза. Некако во финишот од првиот круг влеговме во посакуваниот ритам и бележиме дoбри резултати. Верувам дека навреме ќе обезедиме опстанок, а зошто да не се обидеме да се бориме и за излез во Европа. Имаме добар тим , спој на младост и искуство и верувам дека ќе продолжиме со успеси“, вели капитенот на Македонија Ѓ. П. Боби Божиновски за СПОРТ МАНИЈА.

По девет одиграни натпревари тимот од Ѓорче Петров има 10 бодови.

ПО ПОРАЗОТ ОД ВАРДАР: Во Рајн Некар „плачат“ поради судењето

Трајан Маневски

-

06.10.2018

0

Германскиот вицепрвак Рајн Некар по шести пат во деветиот меч е поразен од Вардар. Германците едноставно стануваат редовни „пациенти“ на македонскиот првак, но и покрај таквиот факт, тренерот на Рајн Некар, Николај Јакобсен вината ја бара кај судиите.

„Разочарани сме дека не победивме. Честитки за Вардар и Парондо. Клучен момент на мечот беше почетокот на второто полувреме кога направивме премногу грешки. Потоа беше тешко да играме и против судиите. Тие не ни дадоа шанса да победиме во Скопје“, рече Јакобсен веднаш по поразот на Рајн Некар во Скопје од Вардар.

Никој не може да го сопре Вардар – „ауфидерзен“ за Рајн Некар

Трајан Маневски

-

06.10.2018

0

Вардар е во шампионски ритам. Македонскиот првак стигна до четвртата победа во четвртото коло од Лигата на шампиони. Во „пеколот“ во „Јане Сандански“ падна Рајн Некар Левен. Вардарци славеа со 29:27.

Со оваа триумф, Вардар по трет пат успеа во Лигата на шампионите да стартува со четири победи во низа. Тимур Дибиров со 8 гола беше најефикасен, Карачиќ и Борозан постигнаа по 4, а Скубе 3. Голманот Милосављев повторно блесна и имаше 10 одбрани. За Вардар ова е шеста победа во деветиот меч против Рајн Некар.

Од самиот почеток на мечот Рајн Некар поведе со 1:0 и го контролираше резултатот. Вардар во неколку наврати успеа да израмни, но не и да поведе. Во 20 минута гостите направија мини серија од 2:0 и за прв пат поведоа со 10:7, а потоа и 11:8. Вардар се доближи на 11:12, но потоа со серија од 3:0, Рајн Некар за прв пат стигна до четири гола предност во 28 минута (11:15). До крајот на полувремето Вардар со два гола сепак намали на два гола негатива (13:15).

Вардар фуриозно го започна вториот дел. Со серија од 4:1 за прв пат стигна до водство и тоа 17:16 во 34 минута. Потоа се играше гол за гол и беше нерешено 21:21 во 42 минута, а Вардар со мини серија за прв пат поведе со два гола 23:21. Во последните 10 минути вардарци влегоа со предност од 27:24, но Германците не се предадоа и стигнаа до 27:28. Тогаш Дибиров од пенал погоди за 29:27 во 58 минута и во последните две минути Вардар искусно ја задржа предноста за нова радост на навивачите во „Јане Сандански“.

Работнички го разби АВ Охрид

Златко Јуруковски

-

06.10.2018

0

Работнички беше подобар од АВ Охрид со 94:44 во првиот меч од новата сезона во првата кошаркарска лига на Македонија. Скопските „црвено-бели“ беа доминантни, особено во одбраната. Охриѓани имаа 21 загубена топка, тешко го наоѓаа патот до кошот на Работнички, и беа декласирани со 50 поени разлика.

Николовски со 16 поени беше најефикасен во победничкиот тим. По 12 поени уфрлија Костов и Ефремовски, а Крстевски имаше дабл-дабл од 11 поени и 10 скока. Во составот на тренерот Докузовски го немаше Чековски, но најавите се дека тој ќе се појави на наредниот меч.

Кевин Хил со по 10 поени и скокови, беше единствената посветла точка кај „галебите“. Ако денот се познава по утрото, тогаш за АВ Охрид оваа сезона ќе биде полоша од минатата, иако сега нема да играат на два фронта.

Васоски командува, Вардар беспрекорно маршира кон титула

Топ вести

Зоран Поповски

-

06.10.2018

0

Беспарицата и многуте проблеми во клубот, вардарци на импресивен начин ги потиснаа во заден план и играат извонредно во домашното првенство.

Со новата победа против Академија Пандев, најтрофејните стасаа до неверојатни 7 бодови предност, што е главна карактеристика на првата четвртина во нашата Прва Лига.

Денеска со дуелите од деветтото коло заврши првиот од четирите круга во ПМФЛ, а вардарци се се уште без пораз и со освоени 23 бодови.

„Задоволни сме и од денешниот настап со Академија Пандев и воопшто од игрите што ги прикажавме во првата фаза од домашното првенство. Дадовме голови на време, но и бевме подобри од противникот. Но, сега не смееме да се залажуваме дека титулата е наша. Има уште доста време, ќе се играат уште многу натптревари на кои треба да одиграме како досега. Останува жал за купот, но мораме да гледаме напред и да продолжиме со ова темпо во првенството. Морам да ги пофалам играчите, кои одговорија на сите предизвици и покрај проблемите. Тие се најзаслужни за предноста од 7 бода. Ни годи, но не се опуштаме“, вели Васоски за СПОРТ МАНИЈА.

Популарниот Тетовче дебитира како тренер во Првата лига и засега извонредно одговори на предизвикот. Неговата специјалност од играчките денови, дефанзивата, беспрекорно фукнционира кај Вардар. Најтрофејниот клуб има примено само 4 голови на девет дуели, што е одличен просек, под 0,5 примени погодоци на меч.

„Одлично ни функционираше и одбраната, но без помош на сите играчи тоа е невозможно. Функциониравме како прецизен часовник во сите сегменти и само посакувам така да продолжиме. Следен ривал ни е Шкендија, мечот е многу важен, но не и клучен за титулата. Ние нема да си наметнуваме непотребни императиви и ќе играме како и досега, сигурно, смирено, ефикасно и прецизно. Имаме одлична предност, ќе се обидеме со добри игри да ја задржиме и ако можеме и да ја зголемиме“, додава Васоски.

Сега следи пауза со настапи на репрезентацијата во Лигата на Нации, а првенството продолжува на 21. октомври со ново дерби за Вардар против Шкендија.

Абутовиќ си замина од Вардар, но засекогаш останува „црвено-црн“ (Видео)

Трајан Маневски

-

06.10.2018

0

Илија Абутовиќ повторно е со „црвено-црниот“ дрес на Вардар. Србинот неколку сезони беше дел од тимот на Вардар, а летово направи трансфер во Рајн Некар, Поради повреда, еден од најдобрите дефанзивци не игра на денешниот меч против Вардар, но дојде во Скопје да се види со своите стари пријатели.

Пред мечот, Абутовиќ доби изненадување кое сигурно не го очекуваше. Капитенот на Вардар, Стојанче Стоилов му подари дрес со бројот 20 на кој пишуваше, „Илија фала ти за се“. Со овој потег Вардар уште еднаш ја покажа големината на клубот и не го заборави еден од најдобрите играчи кој „гинеше“ за македонскиот првак.

https://twitter.com/ehfcl/status/1048601979805687814